من الكوشة دى الواحد ممكن يفتح دكان عديل(HD فيديو)

تم تصوير الفيديو قبل عدة ساعات خلف احدى المراكز التجارية..
الغرض من هذه الكوشة الالكترونية مساعدة الناس التخلص من اجهزتهم
القديمة وتجميع الاجهزة و معالجتها فى اماكن مخصصة لل
Recycling



(اذا لديك انترنت سريع غير الرقم الى 720 او 480 لمشاهده فيديو عالى الجودة)

كوشة السرور يا النصري يا أخوي دي كوشة عرس عدييييل! ناقصة بس شوية فلاش ميموريز ودولارات قديمة!

مبالغة شنو يا النصري ؟؟

دي كووشة رأسا عديل

الكنديين ديل شكلهم جلوووود يا النصري من كوشتهم دي

ياخي ما في أي حاجة نافعة ولا عليها القيمة هنا !!

ياخي كلم الناس ديل

أنا قررت أفتتح كوشة جنب البيت

كلمهم يجو يرمو فيها مجااااني

..

سلامات




هذه كوشة بالجد جد..
كل ما فيها عفا عليه الزمن..

اشياء زمانها فات وغنايا مات



تحياتي

ساعود للتعليق خاصة للاخوة الشنافين....
سامر على الكوشة فى طريقى من العمل ..واتفقدها..
واشوف الجديد فيها شنو ...


ولسكان كالقرى ...الداير تلفزيون رهيب ..شغال تش
يتبعنى خلف تلك الكوشة فى الضاحية الشمالية الشرقيه
خمس مربعات شرق محطة قطر وايتهورن ..

يفتح دكان واللا يقفل الدكان الشغال ياخ ما تقولى كل الحاجات البتبيع فيها
من الجترو داك وتقول من الwhole Sale


ياخ خم وصر ورمضانك كريم


منصور

سلام محمد الامين
قبل شهور كنت ابحث عن لابتوب مستعمل لاحد الطلبة فى السودان...
لقيت اعلان فى كيجيجى عن لابتوبات باسعار خرافية ..بس العنوان
فى منطقة صناعية ..
مشيت ....
لقيتو جملون ضخم جدا جدا ...
يديره قوم يبدو انهم من شرق اوربا او يهود....

المكان عبارة عن مركز لتجميع الاجهزة القديمة...

الجماعة الشفوت ديل مشغلين ليهم مجموعة من الطلبة عفاريت كمبيوتر..
يشيلو و يولفو فى الكمبيوترات ...
عندهم الالاف من قطع الغيار ...هارد ديسكت ..زاكرة..فيديو كارد ...U name it
النتجة مئات بل الاف من الاجهزة الجيدة جاهزة للاستخدام ...
كمثال لقيت
شاشة 19 بوصة LCD ب 40 او 50 دولار ..
لابتوب IBM Dual Core بحوالى 100 او 120 دولار ...
وشوف عينى شفت كميات من الكمبيوترات مربطات مع بعض جاهزة للشحن البحرى..
انا متاكد الجماعة ديل طارو السما من وراء متابعة الكوش ....
وبعدين ياخ وبصراحة كدة فى زمننا ده مافى حاجة كوشة ..
اى شئ ممكن الناس تعيد استخدامنا وتستفيد منها ..
ويمكن احكى فى البوست ده قصتى مع الشركة التى تعالج مراكز
الصرف الصحى للفضلات الانسانية ..
قصة ستجرى لها دموعك ....

النصري (دفعة كوش الباقير) رمضان كريم وكل سنة وأنت والوليدات وأم الوليدات بألف

كوشتكم دي يعرفوها كيف ياكافي البلاء لا كديسة لا جدادة حامية جنبها

سلام الهادى

Quote: دي كووشة رأسا عديل الكنديين ديل شكلهم جلوووود يا النصري من كوشتهم دي

عضم بس ..
ناشفين نشاف....
هم عكس الامريكان...
الامريكى عاده بيمارس عادة البقشيش فى حياته اليومية
جماعتنا ديل ..البقشيش عنده اماكن محددة ..
فى الاخر بقينا زيهم..
مافى بقشيش فى طلبة البنزين ..ولا فى البقالة .


سلام خالد فهمى ...
مريت على الكوشة قبل يومين
لقيتها فاضية ..
ما عارف الحصل شنو ...



سلام عبدالعزيز

Quote: هذه كوشة بالجد جد.. كل ما فيها عفا عليه الزمن..

يا خى معقولة!!
نسبة كبيرة من قراء البورد(فى نظرى) لسه بستخدمو شاشات CRT (شاشات ابوكرش)
والاقلية تستخدم LCD النحيفة ....
نفس الشى برضو فى التلفزيونات ..كثير من الاعضاء لسه بحتفظو بالتلفزيونات
القديمة ...ومنهم من لم يرى البلازما فى حياته ...



سلام يا منصور
الحاصل شنو؟
اخبارك مقطوعة تماما



سلام يا اسامة
كيفك؟
ان شاء الله الامور كلها تمام