Post: #1
Title: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: النصرى أمين
Date: 03-12-2009, 05:34 PM
انا زاتى عندى خمسه وظائف شاغرة تنتظر التمويل
احتاج لسواق خاص...
وسفرجى..
وعامل نظافه لازالة الثلج من امام الباب فى الشتاء
ويحش النجيله فى الصيف..
عامل غسيل ومكوه...
ومحاسب خاص ...
وغيرها من الوظائف التى تنتظر التمويل ...
ستظل هذه الوظائف شاغره حتى اجد لها التمويل الكافى ....
بقينا زى الزول القال جاهز للعرس ...
|
Post: #2
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: النصرى أمين
Date: 03-12-2009, 05:42 PM
Parent: #1
كل الصرف البذخى ده فى المؤتمرات والمسيرات وبرضو ما عندكم
تمويل لوظائف يحتاجها شبابنا اشد الحوجه ؟
تكلفة مؤتمر مبادرة اهل السودان فى كنانه كانت تكفى لتغطية
مرتبات الوظائف دى لمدة سنه ...
|
Post: #3
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: النصرى أمين
Date: 03-12-2009, 06:00 PM
Parent: #2
تقريبا تكلفة هذه الوظائف لمده سنه حوالى 100 مليون جنيه
سودانى (بافتراض ان متوسط المرتب الشهرى 800 جنيه للعامل الواحد)
100 مليون جنيه كل ما تحتاجه الانقاذ لتدخل الفرحه والامل
لنفوس لعشره الف اسره ...
مثل هذا المبلغ تصرفه الحكومه فى امور لاتهم المواطن
لا من بعيد ولا من قريب ..
والامثله كتيره ...
|
Post: #4
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: النصرى أمين
Date: 03-12-2009, 06:45 PM
Parent: #3
ومثال صغيرونى من وزارة العمل نفسها
عاد الى الخرطوم اللواء الركن (م ) اليسون مناني مقايا وزير العمل والخدمة العامة
وتنمية الموارد البشرية والوفد المرافق له بعد أن شاركوا جمهورية
جيبوتي بمناسبة
احتفالها بإنعقاد مؤتمر الحزب الثلاثون ... حيث نقل سيادته تحيات رئيس الجمهورية
لشقيقه الرئيس بهذة المناسبة
انتهى الخبر ..
فى طريقة نعرف السفريه دى كلفت كم ؟
|
Post: #5
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: النصرى أمين
Date: 03-12-2009, 06:58 PM
Parent: #4
بالله شوفو التقرير ده وادونا رائكم
من موقع وزارة العمل والخدمه العامه وتنمية الموارد البشريه
http://www.molar.gov.sd/reports/2009.pdf
ما عارف ليه جانى احساس انو اوجه الصرف الفى التقرير ده
هلاميه وغير واضحه
مثال
40 الف جنيه للصرف حول بند "الحكم الراشد وسيادة القانون"
واكثر من مليون وتلاثمائه جنيه للصرف على البند الرابع "محاربة الفقر وتحقيق
اهداف الالفيه
|
Post: #6
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: Hamid Elsawi
Date: 03-13-2009, 04:22 AM
Parent: #5
النصري سلام
الخرطوم تنتظر الكثير
و لو بقت علي التمويل ساهلة
متابعة المواضيع ال زي دي
ما كويسة عشان صحتك
تحياتي للاسرة الكريمة
|
Post: #7
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: النصرى أمين
Date: 03-13-2009, 05:11 PM
Parent: #6
سلام يا حامد
كيفنك؟
والله لو شفت جيوش العاطلين الذين
يملوون شوارع الخرطوم لعملت مليون
بوست عنهم ...
فى تقديرى انو نسبة العطاله+العطاله المقنعه
تصل ل 90% من مجموع الشباب القادر على العمل ...
وسط اهلنا براهم فى زى 100 كده لافين ساكت
لا عندهم حاضر
ولا مستقبل ....
والمشكله مافى زول شغال بيهم
هم فاضين من المؤتمرات والمسيرات؟
|
Post: #8
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: Hamid Elsawi
Date: 03-14-2009, 02:36 AM
Parent: #7
العزيز النصري هو الشغالين عاملين شنو
من ناحية انتاج فقط؟؟؟؟
اتذكر زمان في المدرسة لمن يجي طالب متاخر
الاستاذ بقول ليه
انت قايل روحك مدير
لاحظ الاستاذ بقول الجملة دي بكل بساطة
و عفوية
في بلادنا المدير مضرب مثل للتأخير و التسيب واللامبالاة
و عدم الانضباط و عدم احترام المواعيد ,,,,الخ
و الكلام دة زمان زمن الدنيا بخيرها
الان حدث ولا حرج.
|
Post: #9
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: النصرى أمين
Date: 03-14-2009, 04:30 PM
Parent: #8
تعرف يا حامد
الانقاذ بعد ما تنتهى من كل معاركها(اذا قدر الله لهذه المعارك
ان تنتهى) وتنتصر على كل اعدائها من الخونه والمرتزقه والعملاء
واليهود والامبرياليه العالميه ولا ننسى كل الناس التحت جزمة السيد
رئيس الجمهوريه وعبيد السفارات (على قولة نافع)
بعدما تنتهى الانقاذ من ديل كلهم.. وتقرضهم... وتخليهم يلحسو كوعهم..
حتعاين يمين شمال
حتلقى شعب منتهى
بدون تعليم او تاهيل او اخلاق او مثل او قيم......
عندنا هنا فى الغرب جيل يسمونهم baby boomers ويقصد بيهم الناس
الاتولدو عقب الحرب العالميه الثانيه ...
فى السودان عندنا جيل مشابه ولكنه اتولد فى منتصف السبيعينيات
وبداية الثمانينيات ...ديل Ingaz boomers وهم يفترض يكونو
فى قمة عطاءهم الان ....لكن بالعكس ...معظمهم عاطل
وبدون تاهيل
وبلا هدف
الحلم الوحيد الذى يراود هؤلاء الشباب المخارجة من البلد
والى اى مكان ....
|
Post: #10
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: عبدالله الامين صالح
Date: 03-14-2009, 09:33 PM
Parent: #9
Quote: تقريبا تكلفة هذه الوظائف لمده سنه حوالى 100 مليون جنيه
سودانى (بافتراض ان متوسط المرتب الشهرى 800 جنيه للعامل الواحد)
|
ده مرتب عامل فى السودان وفى القطاع العام . تعرف 800 ده يمكن يكون مرتب مدير عام وزارة يعنى ال800 دى مرتب حوالى 5 عمال
|
Post: #11
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: النصرى أمين
Date: 03-14-2009, 11:50 PM
Parent: #10
الاخ عبدالله
الدولار الامريكى يساوى حوالى جنيهين وربع تقريبا...
مرتب 800 جنيه سودانى شهرى معناه حوالى 350 دولار امريكى
وهو مرتب اكثر من معقول فى السودان الان ...
شكرا على مرورك الكريم
|
Post: #12
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: dardiri satti
Date: 03-15-2009, 09:07 AM
Parent: #11
الأخ
النصري ،
100 مليون جنيه بس ؟؟
تصور نص المبلغ دا استلمه ""فكي""
عشان يخلي المحكمة ترفض مذكرة أوكامبو!!
تصور ،
لا أوكامبو اترفض،
ولا أولادنا اشتغلوا،
لكن ""الفكي"" يكسب.
أراذل.
تحياتي
|
Post: #13
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: هشام المجمر
Date: 03-15-2009, 09:18 AM
Parent: #12
عندما شاركت مع شركتى فى معرض البناء بالخرطوم فى العام 2004 جائنى مئات الاشخاص يحملون مشاريع بناء مختلفة يقولون انها جاهزة و منتظرة فقط التمويل؟؟؟؟؟؟؟
منهم اصحاب اراضى و منهم سماسرة و منهم عاطلون عن العمل ينتظرون او يطاردون حلم الثراء السريع.
كل شئ جاهز و منتظرين التمويل مصطلح اتى به الفاسدين من سدنة التمكين و خدام المشروع الحضارى توسيعا لباب الفساد و فى نفس الوقت خداعا للمستهدفين من اصحاب ما تبقى من املاك الزمن القديم
اذا لم يكن عندك مصدر للتمويل فانت عمليا لا تملك مشروعا باى شكل من الاشكال
يا النصرى ده باب من ابواب كتاب الانقاذ فى الفساد التى لا نهاية لها
|
Post: #14
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: عبدالله الامين صالح
Date: 03-15-2009, 01:04 PM
Parent: #13
Quote: مرتب 800 جنيه سودانى شهرى معناه حوالى 350 دولار امريكى
وهو مرتب اكثر من معقول فى السودان الان ...
|
انا لا اعنى ان مبلغ ال800 ج قليل ولكن اعنى انه من الصعب الحصول على وظيفة بالمرتب ده فى القطاع الحكومى
مع شكرى
|
Post: #15
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: النصرى أمين
Date: 03-15-2009, 06:00 PM
Parent: #14
الاخ الدرديرى
اى زول فى السودان عارف انو مبلغ ال 100 مليون ممكن
تصرفه الحكومه فى بند شراء الذمم ...
ممكن تصرفه علاوات وامتيازات للموالين
ممكن تصرفه فى اعفاءات جمركيه لتجار الجبهه
ممكن تصرفه فى سفريات خارجيه لوفود ضخمه بغرض
تجميل صورة البلد ..
ممكن تصرفه فى مؤتمرات وسمنارات وندوات لاتخدم مصالح المواطن
العادى(مؤتمر القمة الافريقيه مثال ..اليخت الرئاسى والفلل الفاخره)
ال 100 مليون جنيه الحكومه عندها مليون بند صرف وللاسف ليس من بينها
تاهيل وتوظيف الشباب
|
Post: #16
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: النصرى أمين
Date: 03-15-2009, 06:46 PM
Parent: #15
الاخ عبدالله صالح
معليش فهمت كلامك غلط ..
احد اقربائئ وهو خريج من احدى الكليات التقنيه ولديه خبره
3 سنين ....تحصل على وظيفه جيده فى القطاع الخاص بمرتب 850 جنيه..
الكثيرين يعتبرونه محظوظ لانه حصل عليها بدون واسطه ...
حتى لو افترضنا ان 10 الف وظيفه هى وظايف متوسطه او جيده ...
فتكلفة تمويلها يجب ان تكون فى مقدمة اوليات الدوله ...
الانسان وتاهيله وتوظيفه فى اخر اوليات الانقاذ
|
Post: #17
Title: Re: يقولون "10 آلاف وظيفة شاغرة بالخرطوم تنتظر التمويل " ..نقول لهم...
Author: النصرى أمين
Date: 03-15-2009, 07:23 PM
Parent: #16
الاخ هشام
فعلا واحده من الحاجات الغريبه التى تسود السوق
الاقتصادى فى السودان حكاية المشاريع الجاهزه ومربحه
والتى تحتاج التمويل ...
شخصيا لدى عشرات الامثله ..اصدقاء ومعارف واقارب يتصلو بى
ويقولون انهم يحتاجون السلعه الفلانيه او الماكينه الفرتكانيه
اقوم بالبحث والاتصال واجمع المعلومات من اسعار وتكاليف شحن ومواد خام
وفى النهايه يتضح انهم منتظرين التمويل ...
بالنسبه لل10 الف وظيفه ..
هى وظائف حكوميه (على مستوى ولائئ او فدرالى)
والحكومه عندها القروش
المطلوب تمويل هذه الوظائف ..
حتى لو كان على حساب الغاء وظائف جيوش المستشارين و
الخبراء والمعارين
|
|