الطيب مصطفى يطالب بقواعد عسكريه روسيه-صينيه فى السودان

Post: #1
Title: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-05-2008, 01:09 PM
Parent: #0

Quote: أود أن أسأل... ألا يستطيع السودان في ظل الضغوط الأمريكية أن يتحالف مع الصين
وروسيا بل ويتفاوض معهما على منحهما قواعد عسكرية (مشروطة) في أراضيه ولفترة
زمنية محدودة؟! أليس ذلك مما يمكن أن يجعل الدول العربية القريبة من أمريكا سياسياً
(تشد حيلها) قليلاً بدلاً من هذه المواقف الضعيفة في مؤازرة السودان ثم أليس من مصلحة
السودان »أن يقدم السبت« ويعترف باستقلال كل من أبخازيا وأوسيتيا الجنوبية في مقابل
موقف قوي ومؤازر له من قبل روسيا في مجلس الأمن خلال المرحلة المقبلة فذلك كله مما
يمكن أن يمنح السودان أوراق ضغط قوية شبيهة بتلك التي تمتلكها إيران؟

المشكله مافى المطالبه , فاى زول من حقو ان يطالب باى حاجه يظن انها مفيده ليهو ولغيرو..

المشكله فى انو فى امل ...مجرد امل ..انو كلامو ده يقومو يناقشوه فى اجتماعاتهم,,

الزول ده ..بالجد كده ...يجب ان ياخد ليهو كرسى خلفى ويخلى عقلاء الانقاذ(اذا فضل منهم زول)
يفكرو فى طريقه للمخارجه من المصائب الواقعه فى راسهم ....

Post: #2
Title: Re: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-05-2008, 01:17 PM
Parent: #1

فياسعاده الرئيس تاكد انو معظم مصائبك تاتى من راس اشباه
الطيب مصطفى والزومه(بالاضافه للجماعه ديك العملو ليك مدحه بشيريه)
ولاننسى الجماعه الخلوك تصدق انو الامور فى السودان تمام التمام
وان السودان فى طريقو لقيادة العالم ......

Post: #3
Title: Re: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-05-2008, 01:25 PM
Parent: #1

قواعد عسكريه مشروطه
..

ياسلام على عزة النفس الابيه والكبرياء والكرامه ...

يمكنكم ايها الروس والصينين ان تاتو الى بلادنا بجيوشكم ودباباتكم
وطياراتكم وتحتلو بعض كيلومترات من ارضنا الشريفه ..ارض الاسلام والعروبه
يمكنكم ان تفعلو كل ذلك واكثر....

لكن هناك شروط تحفظ لنا هيبتنا وكرامتنا

Post: #4
Title: Re: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-05-2008, 01:29 PM
Parent: #1

يمكن عندها ان نسالك يا خال الرئيس
"وين سيفك ضد الغزاه؟

ونخشى ان ترد علينا بانك تحفظه لليوم الاسود ...

Post: #5
Title: Re: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-05-2008, 01:33 PM
Parent: #1

شكرا لعمود الصحفى زهير السراج بجريدة السودانى للتنويه لمقال الخال...

بالرغم ان زيارة صحيفه الانتباهه تجعل الصيام
اكثر صعوبه

(التعديل لتغيير اسم الصحفى من عثمان ميرغنى لزهير السراج)

Post: #6
Title: Re: الطيب مصطفى يطالب بقواعد عسكريه روسيه-صينيه فى السودان
Author: hamid hajer
Date: 09-05-2008, 02:02 PM
Parent: #5

الأخ .. نصري
رمضان كريم ..
والله يا ها دي ( شرَ البلية ما يضحِك ) ..

Post: #7
Title: Re: الطيب مصطفى يطالب بقواعد عسكريه روسيه-صينيه فى السودان
Author: Tragie Mustafa
Date: 09-05-2008, 02:16 PM
Parent: #6

النصري رمضان كريم

والله زي ما قلت ما مغطس حجر البشير غي الاغبايء من امثال خاله هذا(الطيب مصطفى)!!!

يا طيب مصطفى نسيت اهازجيكم بتاعت امريكا روسيا قد دنا عذابها

بعدين يا مسكين انت يا الجاي تتعلم السياسه فينا زي سارة نائبة جون مكين اياه,
لعلمك الحرب البارده اتحسمت زمان ولصالح امريكا,وامريكا الساكته لكم الآن لمجرد
بترولكم يمشي للصين وهي متفرجه لو لحقتوا اتفاصحتوا لطلب قواعد عسكريه مش مشروطه
ايه ماكنت تسميتك فوقتها لعلمك حيتحرك الاسطوال السادس و الخامس و غيرهم لاحتلالك عديل
فكله في نظر امريكا الا...تحرك قوات روسيه لخارج اراضيها.انت قايل الكلام ده لعب عيال!!

Post: #8
Title: Re: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-05-2008, 05:08 PM
Parent: #1

شكرا الاخ حامد حجر
والاخت تراجى
على المرور والمشاركه

ورمضان كريم

Post: #9
Title: Re: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-05-2008, 05:29 PM
Parent: #1

واحده من الشروط الاساسيه التى سيطالب بهاالسيد خال الرئيس هى
السماح لسلطات الجمارك السودانيه تفتيش الحاويات المتجهه الى القواعد
بحثا عن الخمور خاصة الفودكا الروسيه الشهيره ...

كل شئ ولا تدنيس ارض الوطن الطاهره بالخمور ...

الشرط الثانى ان تتكون الفرق العسكريه من الزكور فقط ...
ويسمح فقط للاناث بزياره القواعد فى حالات طبيه مستعجله وملحه...

غالبا نتيجه تناول الجنودالروس للخمور البلديه المضروبه مثل العرقى
والعسليه

Post: #10
Title: Re: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-05-2008, 05:33 PM
Parent: #1

يابكرى ابوبكر ..عملت لى شنو فى الموضوع!!

Post: #11
Title: Re: الطيب مصطفى يطالب بقواعد عسكريه روسيه-صينيه فى السودان
Author: abzahana
Date: 09-05-2008, 05:43 PM
Parent: #1

المتابع لحالات البيع والشراء والهبات لاراضي السودان شماله وجنوبه شرقه وغربه ووسطه لا يستغرب مثل هذا التصريح وبعدين اقلها الامور بتكون معلنه يعني ما مدسوسة.

Post: #12
Title: Re: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-05-2008, 06:47 PM
Parent: #1

عندى ليك فكره افضل ياخال

تعقد اجتماع طارئئ لاعضاء الحركه الاسلاميه وتقوم بحملة تبرعات بين
الاعضاء ..كل عضو 5 مليون دولار ...طبعا ما كتيره عليهم فربنا اكرمهم
بالرزق الحلال ومن عرق جبينهم وعملهم الدووب لا علاء كلمة لا اله الا الله
محمد رسول ...

تقوم بجمع الملاييين الحلال البلال دى وتجيب شويه من قروش البترول السايبه

وتعمل مفاعل نووى ....

موقعو فى حلايب السودانيه على بعد امتار من المصريين الخونه والسعوديين
العملاء ومرمى حجر من الكيان الصهيونى ....

مشكلتك الوحيده انو العاملين فى المفاعل النووى كلهم تم تعيينهم بالواسطه
والمحسوبيه ..يقومو يعملو غلطه نوويه يفرتكو السودان حته حته ...ز

اقول ليك ..

انسى ...

خليك فى موضوع القواعد العسكريه

Post: #13
Title: Re: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-05-2008, 11:12 PM
Parent: #1

الاخ ابزهانه
الطيب مصطفى يدعى انه يمثل الاغلبيه الصامته(طبعا مافى حاجه
اسمها صامته ..هى مكبوته ومقهوره) ...

فعلا المجاهره بالشئ احسن من دسها ....
ولو فعلا داير يبيع السودان للروس والصينين تكون الشغلانه
علانيه وبدون تضليل

Post: #14
Title: Re: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-06-2008, 04:08 PM
Parent: #1

اما قوله ولفترة زمنية محدودة؟

فهو يقصد بانتهاء قضيه اوكامبو مع البشير..

حينها يجب ان تغادر القوات الاجنبيه البلاد فورا ..
واذا لم تفعل ..

سيخرج المجاهدون لقتالهم والاستشهاد فى سبيل الله والوطن ..
وبما ان القتال سيكون على مقربه من جبال البحر الاحمر سيكون
هناك برنامج "فى مرتفعات الفداء"

Post: #15
Title: Re: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-06-2008, 11:04 PM
Parent: #1

ويقول::: يجعل الدول العربية القريبة من امريكا "تشد حيلها"

طيب بعد الجراءه دى كلها والمجاهره برائك العجيب بدون خجل وتردد

مش كان تتم الناقصه وتسمى الدول العربيه الما شاده حيلها دى ...

قول عديل مصر والسعوديه ما شادين حيلهم ..

Post: #16
Title: Re: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-07-2008, 06:49 PM
Parent: #1

مع انو المقام ما مقام غنا وطرب ,نرفق الفيديو ده فقط للتزكير
باعمال الطيب مصطفى مدير التلفزيون ...

اذا لم تجد عزيزى القارئئ صور طالبات معهد الموسيقى ووجدت بدلا عنها لوحه
باهته تهنئ المواطنين بالعيد السعيد ,,اعرف ان الطيب مصطفى وراء
الامر ,وحملته المشهوره انذاك بحفظ الغنا السودانى من الفواحش ...

يرفض ظهور صور بناتنا فى التلفزيون ويوافق على ظهور الجنود الروس والصينيين
على تراب الوطن

الشئ المحير
العمل تم بيد الفنان ادمون منير ...
وبرغم اجتهاده فى عدم ظهور البنات الا انو وفى اخر دقيقه وفى صوره كاملة للمسرح ظهرت
منهن اربعه ولكن لبعد الكاميرا التفاصيل غير واضحه

Post: #17
Title: Re: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-08-2008, 07:45 AM
Parent: #1

عبقرى السياسه السودانيه يطالب بقواعد عسكريه اجنبيه..
السودان ليس فى حالة حرب مع اى دولة(وعمره ما كان فى حالة حرب)

السودان لا يواجه خطر عسكرى من اى جهه...
ولا يعادى "عسكريا" احد ...
لم يحارب من قبل اى دولة..
ولا اظنه سيدخل فى حرب جديده فى القريب العاجل ....

اذن لماذا يطالب العبقرى باقامة القواعد العسكريه !!!

السبب..

عشان الدول العربيه الصديقه لامريكا تشد حيلها ....

عليكم الله فى اغرب من كده !!

نفس الطيب مصطفى الكان بعتبر قبول السودان بقوات
اجنبيه فى دارفور لحفظ السلام انبطاح للامبيرياليه العالميه

الان داير يجيب دقلا يكركب

Post: #18
Title: Re: الطيب مصطفى يطالب بقواعد عسكريه روسيه-صينيه فى السودان
Author: ABDELDIN SALAMA
Date: 09-08-2008, 08:31 AM
Parent: #17

Quote: الطيب مصطفى يدعى انه يمثل الاغلبيه الصامته(طبعا مافى حاجه
اسمها صامته ..هى مكبوته ومقهوره) ...[/QU
لأخ / النصري الأمين رمضان كريم

الطيب مصطفى لا يمثل غير نفسه ومجموعة إنتباهته ... يكفي أنه دخل التلفزيون فتركه خربا ... ويكفي أنه دخل كل مفاصل الاعلام في البلاد فأفسدها بسبب أفكاره الغريبة التي انتهت ولأول مرة في التاريخ بالبحث عن شذوذ سياسي هو محاولة صناعة جمهور شمالي يبحث عن تقرير مصيره عن الجنوب ... أليس هو وحزبه من هندسوا الطريق أمام أول سابقة من نوعها في تاريخ السودان وهي الاستفتاء على تقرير المصير بالنسبة للشق الجنوبي من البلاد ؟؟؟؟
ولست أدري ماذا يريد أكثر مما فعل ومن هو حتى يطالب بما طالب والله مابقينا عارفين مين سيد البلد ولا السودان حق منو !!!!!!

ألا يكفينا دخول القوات الأجنبية في دارفور وأجزاء من الجنوب ؟؟؟ أليس هذا استعمارا بدأ بالتدريج ... رفضت الانقاذ ثم قبلت بالهجين ثم تغليب الأفريقية رامية وراء ظهرها قسم الطلاق الثلاثي الغليظ للرئيس البشير بعدم القبول بدخول قوات أجنبية .
الطيب مصطفى يجب إيقافه عند حده ولو بقي على هذا الحال والنفوذ فعلى بلادنا السلام

Post: #19
Title: Re: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-08-2008, 05:06 PM
Parent: #1

الاخ عبدالدين سلامه
رمضان كريم

الرجل وزى ماقلت "شاذ سياسيا"

هو ...

عجيب ..

غريب الاطوار ...

وفى طريقه "للجنون" السياسى الكامل الذى اصاب العقيد القذافى فى
السبعينيات...واصبح الناس لا يندهشون كثيرا من افعاله

شكرا على مرورك الكريم

Post: #20
Title: Re: الطيب مصطفى يطالب بقواعد عسكريه روسيه-صينيه فى السودان
Author: النصرى أمين
Date: 09-09-2008, 06:54 AM
Parent: #1

الطيب مصطفى ...

الزومه...حبه زفره كل يوم( الحمدلله الجمعه اجازه)

نافع .....اول من اطلق كلمة"عبيد" فى السياسة السودانيه

ثلاثى الانقاذ الزفر...

ويل للبقع فى طريقهم ...

(نافع لا يكتفى بالنبز ...بقلع الضفور)