Post: #1
Title: حفله شاى للاعضاء الجدد
Author: Elnasri Amin
Date: 09-04-2004, 09:47 AM
Parent: #0
الصفحه الاولى اتملت بالترحيب بالاعضاء الجدد...
قلنا نعمل ليهم حفلة شاى كاربه..خاصة و هم اخر دفعه تقبل فى المنبر.. لحين فتح باب العضويه من جديد
انا على العصير و الكعك ..باقى الحاجات شوفوها براكم...
الفنانين و العازفين و عشاهم مسئوليه صاحب الموقع
مرحب بالجميع مره تانيه
النصرى امين
|
Post: #2
Title: Re: حفله شاى للاعضاء الجدد
Author: ميادة
Date: 09-04-2004, 09:25 PM
Parent: #1
وانا بقيف في الباب واي زول ما معزوم او دبيب او مادفع الشير مااااااااااافي ...
|
Post: #3
Title: Re: حفله شاى للاعضاء الجدد
Author: تولوس
Date: 09-04-2004, 09:27 PM
Parent: #2
والف مرحب بالجميع ...
انا علي الساوند....
|
Post: #4
Title: Re: حفله شاى للاعضاء الجدد
Author: saadeldin abdelrahman
Date: 09-04-2004, 09:47 PM
Parent: #1
الأخوه/ات الكرام
السلام عليكم
بصفتى عضوجديد(كرت) اشكركم على حفلتكم الراقية(ست الجيل)
وانشاءالله تكون عرفةخير و حوار حضارة..
ودمتم
|
Post: #6
Title: Re: حفله شاى للاعضاء الجدد
Author: بنت الاحفاد 2001
Date: 09-04-2004, 10:22 PM
Parent: #4
مرحبا بكل الاعضاء الجدد والقدام كمان
بس شكلكم عاملين خيانات ما عازمين الناس القدام
ولاهم كبار سن ماليهم في الحفلات
شوفو الناقص شنو وقولوا عشان نتموا ليكم
|
Post: #5
Title: Re: حفله شاى للاعضاء الجدد
Author: Ehab Eltayeb
Date: 09-04-2004, 10:07 PM
Parent: #1
النصري سلامات.. واتصلت عليك عدة مرات إنشاء الله لقيت المسج...
واهلا بالضيوف..
مذيع ربط ...إيهاب الطيب
|
Post: #7
Title: Re: حفله شاى للاعضاء الجدد
Author: ود الشيخ
Date: 09-04-2004, 10:27 PM
Parent: #1
مرحب بجميع الأعضاء الجدد
وأنا علي اللقيمات
|
Post: #8
Title: Re: حفله شاى للاعضاء الجدد
Author: محمد سر الختم
Date: 09-04-2004, 11:56 PM
Parent: #1
النصري
شكراً للمبادرة بالترحيب
والشكر كذلك لبقية المتداخلين
والشكر موصول للأخ بكري وكل طاقم الإدارة على هذا الجهد
ونأمل أن نكون إضافة لهذه الصفحة العامرة بإسهامكم
النصري لو عزومتك دي عزومة مراكبية شيل شيلتك أنا فرقي منك 4 ساعات قيادة في الهاي واي 401
مشترك جديد
|
Post: #9
Title: Re: حفله شاى للاعضاء الجدد
Author: omar_ragab
Date: 09-05-2004, 00:14 AM
Parent: #1
slaaaaaaaaam
ana brosh laikom alwta bai almoya hhhhhhhhhh
1000 mrhab wlahi
all new members
|
Post: #10
Title: Re: حفله شاى للاعضاء الجدد
Author: Sidig Rahama Elnour
Date: 09-05-2004, 00:22 AM
Parent: #1
الاخوة الأعضاء الجدد
السلام عليكم ورحمة الله وبركاته
اسمحوا لي كعضو جديد لنج أن ارحب بكم ، وان أحضر الى هذا الحفل جميعاً ( أنا علي أن القي كلمة الأفتتاح بعد أن يقص الأخ بكري شريط الدخول ويسلم المقص لتلك الفتاة الصغيرة الجميلة )
نشكر الأخ بكري وجميع من يسهم في هذا العمل الجميل.ولا أنسي أن أمرر شكري الى الأخ عثمان محمد صالح الذي اهداني هذا الشرف بالعضوية
وشكراً جزيلا
صديق ود رحمة -كسلاوي
|
Post: #11
Title: Re: حفله شاى للاعضاء الجدد
Author: Elnasri Amin
Date: 09-05-2004, 05:05 AM
Parent: #1
الاخت مياده
ذمان (فى الثمانينات) كنا بنسمى الجماعه المامعزومين كواكب ..حسى بقيتو تسموهم دبايب ....غايتو نحنا محتاجين دكشنارى لو رجعنا السودان..
وبما ان الخير كتير خلى كل الكواكب تخش ..بس خليهم يقعدو تحت الحيطه
تحياتى
النصرى امين
|
Post: #12
Title: Re: حفله شاى للاعضاء الجدد
Author: abdalla BABIKER
Date: 09-05-2004, 05:35 AM
Parent: #1
سلام النصري
انا متبرع ليك بما اني ولد البيت
1 براقب ليك الناس الما اتعشوا عشان نعشيهم
لو في حاجه ناقصة في الاكل او الشرب براقبها ليك عشان امشي اجيبها ليك
لانو حفلتك دي متوقعين ضيوفها كتار
وخاصة ناس امريكا لما نحن نكون انتهينا هم بيكون صحوا من النوم و اليوم عندهم بداء يادوووووووووووووووب
|
Post: #13
Title: Re: حفله شاى للاعضاء الجدد
Author: سفيان بشير نابرى
Date: 09-05-2004, 11:16 AM
Parent: #12
اهـــــــــــــا.. انا هنا...
والله مبسوط تب من الدعوة..
ويانصرى مشكور شديد...
بس باعتبارى جديد لنج حاكون متعب شديد...
وبدور لى( قرمبوزه) ادردش و(اطق الحنك معاها) عندك لى والا اشرب الشاى واقعد ساى...
اصلو ياصاحبى انا مع دولة القصص دى تايه شديد...
|
Post: #14
Title: Re: حفله شاى للاعضاء الجدد
Author: خضر عطا المنان
Date: 09-05-2004, 01:15 PM
Parent: #13
يا الحبيب : نصري
بما أنني أعيش في هذا البلد الصقيع دا واطرافي مجمدة .. فانا خلوني مصنقر جنب ترمسة الشاي دي .. ويكون كتر خيركن لو خليتو صينية الزلابية كمان قريبة مني ..
لك الشكر على الاستضافة .. و للاعضاء الجدد سلام . وحفل عامر .
خضر عطا المنان
|
Post: #15
Title: Re: حفله شاى للاعضاء الجدد
Author: مراويد
Date: 09-05-2004, 01:23 PM
Parent: #14
النصرى
انا و سجيمان مسئولين من الفنانين و عشاهم و الطشمنجيه، باقى عندنا خبره، و لو ماواثق اقرا مذكرات سجيمان الطاشم
|
Post: #16
Title: Re: حفله شاى للاعضاء الجدد
Author: مزن ابوعبيدة النيل
Date: 09-05-2004, 01:37 PM
Parent: #1
مدام قسمتو الحاجات كلها عليكم ...
يبقى انا و بصفتي جديدة لنج حيكون علي اكل الكيك و اللقيمات
و شرب الشاي و العصير ...
و اتخيل لي دي مهمة صعبة مافي زول تاني بيقدر عليها ...
اها قصرتا معاكم ؟؟ :D : D
|
Post: #17
Title: Re: حفله شاى للاعضاء الجدد
Author: nour tawir
Date: 09-05-2004, 02:02 PM
Parent: #16
Al Nasri Salam
I bring the camera
|
Post: #18
Title: Re: حفله شاى للاعضاء الجدد
Author: osly2
Date: 09-05-2004, 02:18 PM
Parent: #17
انا مباشر .. يعنى جرسون .. بقدم الشاى للضيوف
قصرت معاك يا النصرى ؟
مرحب بالضيوف فى ديوان النصرى
|
Post: #19
Title: Re: حفله شاى للاعضاء الجدد
Author: Sidahmed elrayah
Date: 09-05-2004, 04:02 PM
Parent: #1
السيد النصرى
لك التحايا
بوصقى عضو جديد..اشكرك على هذه الدعوه..ولكن شكلها دعوه مراكبيه..
يااخى فى حفل شاى يقدم فيه...كعك..اين..الجاتو..التورته..الخ
وكمان عشاء للفنانين..انت داعينا حقل شاى ام الى ليله ساهره.
اسمح لى اعدل دعوتك الى الاتى..اطلب من الاعضاء الجدد ان يقدم كل واحد منهم نفسه وما الذى دعاه النضمام الى المنبر الحر..وما هو
اسهامه المتوقع حتى يظل المنبر شامخا يوادى رسالته الوطنيه..وشكرا
|
Post: #20
Title: Re: حفله شاى للاعضاء الجدد
Author: osly2
Date: 09-05-2004, 05:13 PM
Parent: #19
النصرى
شوف قوة عين الضيف دا .. قال دعوة مراكبيه
مرحب سيد احمد فى ديوان النصرى
|
Post: #21
Title: Re: حفله شاى للاعضاء الجدد
Author: Elnasri Amin
Date: 09-05-2004, 05:37 PM
Parent: #1
الاخ تولوس
خلاص الساوند سستم عليك ..بس جيب النوع الكويس..لانوفى ناس شنافين وبوبارين و كوبارين
الاخ العزيز العضو الكرت سيداحمد
بعد الحفله طوالى حتخش المعمعه...بعد الحفله كل زول ياكل ناره
مرحب بيك
|
Post: #22
Title: Re: حفله شاى للاعضاء الجدد
Author: Elnasri Amin
Date: 09-05-2004, 05:40 PM
Parent: #1
الاخت بت الاحفاد2001
اهلا وسهلا
ممكن تساعدينا فى تجهيز بعض الميداليات لتكريم كل الاعضاء الذين بلغت مساهماتهم اكثر من 4000 و تكريم خاص للاستاذ الموصلى الذى بلغت مداخلاته وبوستاته اكثر من 10000 و هو رقم قياسى
النصرى امين
|
Post: #41
Title: Re: حفله شاى للاعضاء الجدد
Author: بنت الاحفاد 2001
Date: 09-07-2004, 00:38 AM
Parent: #22
ولا يهمك يا النصري انت قول نحنة علينا التنفيذ
التحية للكل
|
Post: #23
Title: Re: حفله شاى للاعضاء الجدد
Author: Elnasri Amin
Date: 09-05-2004, 05:53 PM
Parent: #1
الاخ العزيز ايهاب
كيفك و كيف الامور...لقيت الرساله ,,لكن ما ختيت نمرتك..ممكن ترسلها لى بالايميل..
خلاص مذيع و مقدم الفقرات
الاخ ودالشيخ
بالله دايرين اللقيمات بالسمن البلدى ,,اوع من زيت الفهد
الاخ محمد سرالختم
تاخد 401 لغاية ًَُQEW تمشى على شلالات نياجرا اطلع فى Ontrario st و ادينى تلفون من هناك
بعدين متين جيت و اتعلمت تعديل البوست ..الظاهر عليك مقرم و تفتيحه
النصرى
|
Post: #24
Title: Re: حفله شاى للاعضاء الجدد
Author: Elnasri Amin
Date: 09-05-2004, 06:07 PM
Parent: #1
الفنان الراقى عمر رجب
قلت لى حترش الواطه بالمويه!!!.....طوالى يازول ..بس رش معاك الحيط برضو ..شكرا ليك و مابتقصر
الاخ صديق ود رحمة
انت كسلاوى...
تانى انت و تولوس تبقوا زى حمد و الديبه
هو يجهز و انت تشوت ,,انت تجهز و هو يشوت
هناك اتجاه لتكريم الاخ بكرى لمجهوداته لبناء هذا الصرح العملاق
تسلم ياحبيب
الاخ عبدالله بابكر
انت فعلا ود البيت...و ركز لى على الدعوه ..خايفين نفط زول و نبقى فى لوم
شكرا ليك
النصرى
|
Post: #32
Title: Re: حفله شاى للاعضاء الجدد
Author: Sidig Rahama Elnour
Date: 09-06-2004, 00:25 AM
Parent: #24
اخونا النصري
مشينا باب شريف ، اشترينا البنطلون والقميص الجداد للحفلة ، وبالمرة قلنا كدة تعرفنا على تولوس عشان نتفق منو حمد ومنو الديبة
لو عاوز دكوة ممكن أجيبها معاي عشان الكواكب الحا يقعدوا للمبيت بعد الحفلة لازمها عشاء.
والله حفلة حلوة يا النصري عرفتنا على الناس قبال نقابلهم.
|
Post: #25
Title: Re: حفله شاى للاعضاء الجدد
Author: Elnasri Amin
Date: 09-05-2004, 06:33 PM
Parent: #1
الاخ سفيان
| Quote: وبدور لى( قرمبوزه) ادردش و(اطق الحنك معاها) عندك لى والا اشرب الشاى واقعد ساى |
كدى فى الاول اشرب الشاى ...و الجكس ملحوق
مرحب بيك
الاخ الاستاذ خضر عطا المنان
وجودك شرف لنا و سعيد لدخولك هذا البوست..
نتمنى نجاح ذلك اليوم برغم بعد المسافات بيننا
الاخ مراويد
الفنانين حيقعدو فى بيت الجيران..اهم شئ تعشوهم باقى الحاجات حاعمل روحى ما عارف....سجيمان ده ما تعتمد عليهم ..ببيعك
الاخت مزن
مرحب بيك ..و شرف لى ان تكون اولى مداخلاتى هنا
و لا يهمك...اخدى راحتك ,بس ما تكملى لينا لقيمات ود الشيخ اصلو معمول بالسمن البلدى
مرحب بيك مرة تانيه
الاخت نور
تعرفى يانور انا جيت اتاوا سنه 1995 و عمرى ما شفت و لا عشت برد زى برد اتاوا ..مبالغه,,,صديقى عباس اتى من روسيا و اكد لى ان برد سيبيريا احسن من برد اتاوا...
جيبى الكاميرا و جيبى العفش معاك ارحلى هنا احسن ليك بلدنا دى..قلت شنو؟
الاخ ابوسيد سلامات
بعد اخلص من الردود حاوريك البرنامج حيكون كيف
طبعا اهم فقره التعارف
مرحب بيك مره تانيه ياسيداحمد
الاخ الفرده اوسلى
لو شديت حيلكم معاى ممكن نعمل حاجه كويسه.تكريم للمبدعين و لمؤسس الموقع ..حاجه زى مهرجان سودانيزانلاين لكن ليست مربوطه بمكان محدد
تحياتى
النصرى
|
Post: #26
Title: Re: حفله شاى للاعضاء الجدد
Author: osly2
Date: 09-05-2004, 06:48 PM
Parent: #25
Quote: الاخ الفرده اوسلى
لو شديت حيلكم معاى ممكن نعمل حاجه كويسه.تكريم للمبدعين و لمؤسس الموقع ..حاجه زى مهرجان سودانيزانلاين لكن ليست مربوطه بمكان محدد |
النصرى
هو اوسـلى تانى بيباريك ولا يسمع كلامك
من يوم حفلة شايك العملتها للهكر الدخلت فينى حتى اليوم ما مرقت
بعدين ياخى نقوم نوافقك على حكاية اللا مكان دى تجينا باكير
تقول وما عندها زمان برضو
|
Post: #27
Title: Re: حفله شاى للاعضاء الجدد
Author: aisha alsater
Date: 09-06-2004, 00:01 AM
Parent: #1
الاخ النصري
سلام ,,, انا من الاعضاء الجدد يعني من المحتفى بهم وحقيقة نحن محتاجين لهذه الحفلة بشدة عشان نتعرف على اعضاء هذا الحوش الكبير العامر ويزول الفهم بتاع انو الناس بتعرف بعض من بدري ومكتفية... يعني ما تكون الحكاية (شلليات)،،، على العموم يا سيدي انا ح اقوم بترتيب وتجهيز المكان الافتراضي دة ... واكيد كمان الزول الاسمو بكري ابوبكر دا يستاهل تكريم واحتفال كبييييييير على هذا المجهود المقدر.
لكم تحياتي وتسلموا
|
Post: #28
Title: Re: حفله شاى للاعضاء الجدد
Author: الجندرية
Date: 09-06-2004, 00:08 AM
Parent: #1
والله فيك الخير يا النصري
مرحب بيهم / ن
جيت اعمل اللقيمات لقيت ود الشيخ حاجزها
بعد دا غايتو بخم شفعي والفح توبي واجي ست ونسات سااااااااااي
|
Post: #29
Title: Re: حفله شاى للاعضاء الجدد
Author: ميادة
Date: 09-06-2004, 00:12 AM
Parent: #1
الاخ النصري...
| Quote: ذمان (فى الثمانينات) كنا بنسمى الجماعه المامعزومين كواكب ..حسى بقيتو تسموهم دبايب ....غايتو نحنا محتاجين دكشنارى لو رجعنا السودان.. |
شتااااااااااااان مابين كواكب زمان ودبايب الان، كواكب زمان بيجو يستمتعو ويمتعو بس دبايب اسة بيجو ياكلو وكمان يشيلو باقي الاكل في الاكياس ويفرو، ومااااا كثرهم....
ست البنيـــــــــــــات
|
Post: #30
Title: Re: حفله شاى للاعضاء الجدد
Author: ميادة
Date: 09-06-2004, 00:12 AM
Parent: #1
الاخ النصري...
| Quote: ذمان (فى الثمانينات) كنا بنسمى الجماعه المامعزومين كواكب ..حسى بقيتو تسموهم دبايب ....غايتو نحنا محتاجين دكشنارى لو رجعنا السودان.. |
شتااااااااااااان مابين كواكب زمان ودبايب الان، كواكب زمان بيجو يستمتعو ويمتعو بس دبايب اسة بيجو ياكلو وكمان يشيلو باقي الاكل في الاكياس ويفرو، ومااااا كثرهم....
عموما انا جاهزة للكشة الدبايب 
ست البنيـــــــــــــات
|
Post: #31
Title: Re: حفله شاى للاعضاء الجدد
Author: Tarig Sidahmed
Date: 09-06-2004, 00:19 AM
Parent: #1
حفل بهذا الجمال وبهذه المشاركات عيب والله نفوته
أنا خلوني اقول خطاب الجدد مش في حاجة ذي دي
فرحا جميلا
طارق ع الأحمدي
|
Post: #33
Title: Re: حفله شاى للاعضاء الجدد
Author: Hozy
Date: 09-06-2004, 00:26 AM
Parent: #1
والله ياجماعة
الواحد مطول ومقصر من البورد
والجداد كتيرييييين
ودي فرصة حلوة الواحد يرحب بيهم شديد
ومني ليكم واحد تورتة كبيرة ناطحة سحـــــــــاب
مع كل الود
|
Post: #34
Title: Re: حفله شاى للاعضاء الجدد
Author: saadeldin abdelrahman
Date: 09-06-2004, 00:40 AM
Parent: #1
الحنان/ينات مباشرين/ات الحفل
والله انتو لذاذ عديل كدة... وديل اهلى البشابيلم تقول مفطوم..
ويا اوسلى...اين يا وصلي
معاك ابوالسعود من البال...غنايكم قبل سنتين من اليابان...الشوق ورودورياحين
ولكم الود
سعد
|
Post: #35
Title: Re: حفله شاى للاعضاء الجدد
Author: نصار
Date: 09-06-2004, 00:45 AM
Parent: #1
الاخ النصري
فكرة جميلة الايام الفاتت دي نفسنا اقطع
جاريين من بوست لبوست للترحيب بالاعضاء
الجدد و فكرت نعمل صيوان استقبال لانه عشان
الناس ما تدخل في اللوم تنسي واحد او واحدة
من الجداد،،،
الاستاذ خضر عطا المنان علي كدا جيب معاك تلج
لووووووووول
الف مرحب بالقادمين
|
Post: #36
Title: Re: حفله شاى للاعضاء الجدد
Author: osly2
Date: 09-06-2004, 08:26 AM
Parent: #35
ابو السعود ذاتو فى الحفله دى دا شئ جميل
اها يا النصرى لقينا واحد فنان .. نمزق فاتورة الفنان ومن دقنو و.....
مرحب ابو السـعود
الجندريه البطان ما معانا
|
Post: #37
Title: Re: حفله شاى للاعضاء الجدد
Author: ملكة سبأ
Date: 09-06-2004, 08:40 AM
Parent: #1
الحمد لله الجندرية نست تحجز الشاي
اها انا على اظبطه واوزعه كمان وبالمرة نسلم اصدقاءنا الجدد
وعايزين نسأل من بعض القدامى زي ياسيكو ؟ حصلو يا اوسلي قبال التوفيق السياحي دا يضهب من الدرب ..
والتحايا ليك يانصري
|
Post: #38
Title: Re: حفله شاى للاعضاء الجدد
Author: فيصل النعيمه
Date: 09-06-2004, 09:07 AM
Parent: #1
طيب حجزتو كل حاجة خليتوا لينا شنوا ..
أنا غايتو بعشيهم ليكم فتة مدنكلة ما يحيكون أكلوا زيها إلا من زار كدباس .. وفتتي بتكفي كل الناس الجداد والقدام..
ألف مرحباً بيكم يا اخوان البيت بيتكم اتفضلوا
|
Post: #39
Title: Re: حفله شاى للاعضاء الجدد
Author: توما
Date: 09-06-2004, 07:45 PM
Parent: #1
انا حاقوم استغل البوست استغلال تام واقول حبابكم يا الجيتو جداد واهدي ليكم اغنيه براي سويتها في نفسي
وحقيقي اهلا بيكم
عموما النصري فكرتك جميله ومشكور عليها جدا
ومعليش انا ما بقدر اجيب اي حاجه ثقاله مني ساي كده
|
Post: #40
Title: Re: حفله شاى للاعضاء الجدد
Author: saif massad ali
Date: 09-06-2004, 11:51 PM
Parent: #39
الجداد شداد يا مرحب بيهم معنا
|
Post: #42
Title: Re: حفله شاى للاعضاء الجدد
Author: Elnasri Amin
Date: 09-07-2004, 10:28 AM
Parent: #1
الاخ اوسلى
Quote: هو اوسـلى تانى بيباريك ولا يسمع كلامك
من يوم حفلة شايك العملتها للهكر الدخلت فينى حتى اليوم ما مرقت |
يا اوسلى انا كنت قاعد اتونس مع الهاكر ,بعدين انت جيت مارى و دخلت و عرفتك عليهو و قلت ليك دايرين نعشيهو و بعد داك ندقو ..انت طوالى استلمت الموضوع و بعتنى و مشيت البالتوك و مفاوضات تقيله معاه و خليتنى انا بتلفت بجاى..المره دى جدجد..عايزين نعمل حاجه كويسه...
اولا تكريم بكرى ابوبكر
ثانيا تكريم الموسيقار الموصلى بوصوله ال 1000 مداخله و بوست
تكريم الاعضاء حسب المشاركات
العقد الذهبى 5000 (مثال رجاء, فتحى بحيرى,الجندريه,عادل عبدالعاطى
الفضى 4000 مثال سجيمان,اساسى)
البرونزى 3000 (مثال ودقاسم,بيان,ابوجهينه)
اها قلت شنو
|
Post: #43
Title: Re: حفله شاى للاعضاء الجدد
Author: عبدالله الصادق الفحل
Date: 09-07-2004, 10:40 AM
Parent: #1
انا هنــــــــــــــــــــــــــــــــــــــــــــــــــــــــــــــــا
معليش جيت متاخر عشان كان معاى ضيوف
اها وين التورتة حقتي ؟؟
بس ما يكون ناموا بيها الدبايب..
|
Post: #44
Title: Re: حفله شاى للاعضاء الجدد
Author: Elnasri Amin
Date: 09-07-2004, 10:59 AM
Parent: #1
الاخت aisha alsater
مرحب بيك..طبعا البورد لا يخلو من شلليات حسب الانتماء السياسى او صداقه قديمه او جيره فى نفس المدينه او البلد..لكن من السهل صنع صداقات جديده فى البورد
الاخت الجندريه (اكثر من 5000 بوست و مداخله)
هذا البورد قام على اكتافكم
شكرا ليكم
الاخ طارق الاحمدى
مرحب بيك..ممكن تقدم لينا الاعضاء الجدد ..وكل واحد يعرف نفسه و نبذه صغيره عن حياته
مرحب بيك
الاخ هوزى
الف مرحب وفى انتظار ناطحة السحاب
شكرا للظهور
الاخ العزيز نصار
اولا محتاج ليك تطور معاى فكره تكريم الاعضاء القدامى
و الخروج بافكار جديده ,,مثلا تكريم لعضو فى مجال الشعر
واخر فى الادب و القصه القصيره....التاريخ..الاديان ..الفنون .الكمبيوتر..
ايضا الماده الخفيفه و السخريه ..وهكذا
تحياتى
الاخت ملكة سبا
يكفى وجودك هنا
مرحب بيك
الاخ فيصل النعيمه
هل تصدق ..لى اكثر من 15 سنه ما اكلت فته مدنكله و بزيت سمسم اصلى
منتظرين الفته بفارغ الصبر
الاخت توما(بت امدرمان)
البص الامدرمانى وصل و لا لسه؟...اوع يكون اتكسر جنب خور ابوعنجه
مرحب بيك
الاخ سيف
اهلا و سهلا ..لكن ما عارفنك انت من القدام ولا الجداد
شهرين تلاته و تكون فى العقد الفضى 
مرحب بيك ياحبيب
|
Post: #45
Title: Re: حفله شاى للاعضاء الجدد
Author: تاج السر حسن
Date: 09-07-2004, 11:03 AM
Parent: #44
النصرى أخوى
نحنا بنرحب بالجداد ، لكن حكومه ما من أم درمان نحنا ضدها!!!
|
Post: #46
Title: Re: حفله شاى للاعضاء الجدد
Author: برهان تاج الدين
Date: 09-07-2004, 12:35 PM
Parent: #1
شكرا يا نصرى .. والله ما قصرت معانا
لكن ..
| Quote: كدى فى الاول اشرب الشاى ...و الجكس ملحوق |
النصرى .. ده كلام شنو ؟
الشاى يطير .. ما ترانا قاعدين نشرب فيهو كل يوم ..
بعدين الحفلة دى اوعى تكون هلال مريخ .. زى حفلة عمى محمد خير
.. اقرب بنية الا تشوفا بالتلسكوب . و خاتى الكشافة ورا البنات .
فكفكا معانا شوية يا خال
|
Post: #47
Title: Re: حفله شاى للاعضاء الجدد
Author: osly2
Date: 09-08-2004, 06:44 PM
Parent: #46
النصرى
اقتراح جميل هؤلاء المذكورين قامت على أكتافهم سودانيز اونلاين
هم من أشعل هذا الوهج وحافظوا عليه متقدا حتى جيل هؤلاء الذى
بقدومهم الان
اقترح ان يكون هنالك اسبوع مخصص لهم نغوص فى ارشفهم
وننقب داخله يتزامن ذلك مع احتفالات على البالتوك
اضف لقائمة الضيوف الصديق كمال حسن وبكمال اصبح لدى اثنين
من معارفى من الحتفى بهم .. لزم عليك ذيادة الكوته فى صلاحياتى
والا ساحتل هذا البوست
برهان
نحن اخرجناك من زمرة الضيوف لقد تم ضبطك وانت ترحب بهم
فى بوستات اخرى وهذا الابعاد اعده تسامح تجاهك فالمفروض ان
توجه لك تهمة انتحال شخصية عضو قديم
|
Post: #48
Title: Re: حفله شاى للاعضاء الجدد
Author: برهان تاج الدين
Date: 09-09-2004, 01:30 AM
Parent: #1
شكيتك على الله يا اوسلى .. اليوم كلو تتحاوم فى البوستات .
كدى خلى النصرى يرد لينا على موضوع هلال مريخ دة .. عشان ممكن اعتذر بى كرامتى من الحفلة
|
Post: #49
Title: Re: حفله شاى للاعضاء الجدد
Author: محمد الامين احمد
Date: 09-09-2004, 01:51 AM
Parent: #1
لكم الشكر و التحية
و نتمنى ان نفيد و نستفيد
غايتو انا ضرسى ما بتنفع معاهو السكريات
خلونا مع العصائر و الشاى و ممكن ندخل معاكم فى
الفته و اللقيمات
|
Post: #50
Title: Re: حفله شاى للاعضاء الجدد
Author: Sidig Rahama Elnour
Date: 09-09-2004, 03:17 AM
Parent: #49
يا جماعة هوي
ما تقعدوا تقولوا جماعة قدام وبتاع ، نحن عاوزين حفلتنا دي تقوم ، بعدين دايرين تعملوا حفلة تانية للناس القدام مخيرين ،،، والله في ناس كدة لو اتلموا في الحفلة دي إلا تشوفوا الكراسي في السماء والعجاج يكتح ، وما تفرزوهم إلا بالكرفتات.وبعدين تروح حفلتنا في الكرعين ، أقتراح مهم لابد من تجيبوا بوليس بوليسين أحتياطياً كدة
|
Post: #51
Title: Re: حفله شاى للاعضاء الجدد
Author: المكاشفي الخضر الطاهر
Date: 09-09-2004, 03:53 AM
Parent: #50
الاخ النصري شكراً ليك كتير على الترحيب بنا نحن المحتفى بهم
طيب انا ان شاء الله بمدح ليكم
اها رايكم شنو مديح من اولاد الشيخ الجعلى والبرعي وكدباس
|
Post: #52
Title: Re: حفله شاى للاعضاء الجدد
Author: osly2
Date: 09-09-2004, 01:22 PM
Parent: #51
النصرى
ناسك القايم وقاعد فوقهم ديل شكلهم فوضجيه محتاجين الفا
الناس فى الكيك والكعك وعدد ملاعق السكر كم وهم فى المكان
الاستراتجى البقعدوا فيه
واى واحد منهم شغال بالمثل
عينك فى الكيبورد وتبص للجكس
نصيحتى ليك يا نصرى
خت الكشافات وراء البنات واربط الجماعه ديل قصادها
|
Post: #53
Title: Re: حفله شاى للاعضاء الجدد
Author: كمال حسن
Date: 09-09-2004, 03:43 PM
Parent: #1
السلام عليكم
أولا بعد السلام أنا أحد القادمين الجدد، والباقيلي زي الجيت متأخر الحفله دي لأني شايف الناس قعد يلمّو في الكراسي، يعني أنحن آسفين ما عارفين المواعيد(جديدين وكده)، الشغلانيه دي مافيها صبحيه والله شنو؟
نشكر لكم هذه الأريحيه والترحاب آملين أن نكون لكم سندا في مد جسور التواصل.
بالمناسه انا سعيد جدا إني أوريكم إنو أوسلي قريبي ، عشان كده أنا داخل وضهري محمي
وبمناسبة إني ماسك المكرفون هسه وصلتني البرقية دي وخلوني أقرأها ليكم
نشكركم على ترحابكم بنا (قف)
كنا نعتقد أن الحفل سترافقه هدايا (أونلاين)بدل اللقيمات والشاي ديل (قف)
نحن اللقيمات والشاي مامابنهن لكن الفيكم إتعرفت (قف)
المشاركين الجدد فرع أم مقط والواق الواق (قف)
ما جاء في البرقية لا يعبر بالضرورة عن رأي قارئها
حاجه أخيره لأني ما شفت عندكم فنان أنا كنت جايي أغني وكنت عارف إنو الحفله حاتتفرتق بي سبب غناي، لكن ما لدرجة إنكم تفرتقوها قبل ما أغني
|
Post: #54
Title: Re: حفله شاى للاعضاء الجدد
Author: أحمد الشايقي
Date: 09-09-2004, 05:10 PM
Parent: #1
الأخ الرائع النصري أميـــن
ياخي الترحاب عندك بالكيمان
أنا طبعاً ما زلت عضو جـديد ومع ذلك فألف مرحب بالأخوة والأخوات الأعضاء الجدد
أنا مش مصدق حكاية اللقيمات دي
وعشان كذه أحسن دوروها شعــر ونزلــوا أغاني
واحجزوا لي المكرفون ربع ساعة.
مع التحايا
أحمد الشايقي
|
Post: #55
Title: Re: حفله شاى للاعضاء الجدد
Author: Elnasri Amin
Date: 09-09-2004, 09:15 PM
Parent: #1
الاخ عبدالله الصادق
| Quote: بس ما يكون ناموا بيها الدبايب |
اطمن لسه مافى ولا دبيب ظهر......العشاء لسه ما بدا ..ادينا صنه
الاخ تاج السر
ماعندك اى صور من امدرمان ,,نفسى اشوف صوره للسوق او الشهداء او بيت اذهرى ..صينية السيد المكى ...ميدان الاهليه ..اى صور
تحياتى
الاخ برهان
اول حاجه..ود هاشم اخوى اسمه الشاذلى ..هل هاشم امين و و الدك اصدقاء فى الطريقه؟
تانى حاجه
انا ما زى عمك محمد خير الحفله دى مختلطه لكن اى عنكبه شنكبه عضلات تبش
الاخ محمد الامين حامد
مرحب بيك و عندنا قسم خاص للمسنين
الاخ المكاشفى
اهم شئ المديح خاصة اولاد البرعى
الاخ كمال حسن
الف مرحب بيك ..اللقيمات دى شرك ساكت ..مفاجات ساره فى الحفل
الاخ احمد الشايقى
انا لى فى البورد ده 6 شهور ..و اول بوست نزلته اسمه "انا اكره الشعر و لا اخجل من ذلك"
عشان خاطرك يا سيدى نسمع شعر...بس ساهل شويه عشان نفهمه
اخيرا
الاخ اوسلى
عندك معاك كلام كتير
حالبت ليك فى البالتوك
النصرى امين
|
Post: #56
Title: Re: حفله شاى للاعضاء الجدد
Author: محمد الامين احمد
Date: 09-10-2004, 05:49 AM
Parent: #1
السيد / النصرى امين
قسم مسنيين شنو الداير تقعدنى فيهو!!!!!!
انا مواليد 80
|
Post: #57
Title: Re: حفله شاى للاعضاء الجدد
Author: osly2
Date: 09-10-2004, 11:05 AM
Parent: #56
النصرى
بتاع الساوند عاوز قروشه مقدما
كمال حسن قرابتك لى ستجر عليك الكثير من المصائب
اوجهك بالذهاب للاستاذ تاج السـر لتعليمك كيفية مسك العصا من النص
|
Post: #63
Title: Re: حفله شاى للاعضاء الجدد
Author: تولوس
Date: 09-11-2004, 03:49 PM
Parent: #57
اوسلي والحبايب
يازوول حق الساوند خلاص مع الترحيل والعشاء
نحن بنلعب كمان
|
Post: #58
Title: Re: حفله شاى للاعضاء الجدد
Author: كمال حسن
Date: 09-10-2004, 11:37 AM
Parent: #1
اوسلي المصايب يا خوي نحن فايتينها ماشين وين ماهي ورانا ورانا، عليك الله تمشي تحضر الأخبار في التليفزيون قشفاشك يتقده، تمشي البالتوك كبدتك تسيح، تجي سودانيز أونلاين وتقرا بعض المواضيع من (كثرة) من كتاب هذا المنبر تصاب بالغثيان، والله لابينفع مسك العصاه من الوسط (اتعلمناه وجربناه ولقيناه فاشل) ولابينفع مسك العصاه من الطرفين بكلتا اليدين.عموما ياخوي سعيدين نلاقي الأستاذ تاج السر كما سعدنا بكل هؤلاء المستقبلين الأنيقين بالمناسبه أنا إحتميت بيك عشان ما أبدا من الصفر وأتخطى مرحلة (البرلمه الأولى)
ولك ودّي
|
Post: #59
Title: Re: حفله شاى للاعضاء الجدد
Author: osly2
Date: 09-10-2004, 11:49 AM
تعرف يا كيمو
قبل شهرين كنت اقود ملاسنه حاده مع الاخ جمال هوبفول
ويبدو ان اولادى على ومحمد .8 و 6 سنوات سمعوا عنها
فى اول اتصال لى بهم طلبوا ارسال مسدسات لقتل هوبفل
عشان بقول ليك يا قريبى
دع ما تعلمته من مسك العصا جانبا وسجل اسمك فى مدرسة
التاج لاجادة هذ النوع من الفنون
حفاظا على اشياء كثيره اول ان تترك لابناءك ارث يتباهون به
النصرى
شد حيلك معانا وحدد مواعيد الاحتفال
|
Post: #60
Title: Re: حفله شاى للاعضاء الجدد
Author: كمال حسن
Date: 09-10-2004, 02:46 PM
Parent: #1
عُلم وسيُعملٌ بهِ
|
Post: #61
Title: Re: حفله شاى للاعضاء الجدد
Author: Raja
Date: 09-11-2004, 01:01 PM
Parent: #1
العزيز النصري وضيوفو الكرام..
تحية وود..
طبعا جيت بعد ما الميرندا خلصت.. والجاتوه كمان  ..
أوكي.. المثل بيقول: تجي متأخر أحسن من ما تجي كلو كلو..
أرحب بكل الأعضاء الجدد الذين لم أرحب بهم للغياب..
وتحية لأصدقائي فيهم: صفاء فقيري.. عارف الصاوي.. أحمد الشايقي.. عادل الصافي.. سيف مساعد..
صفاء وعارف أعرفهم شخصيا.. عادل الصافي عرفته منذ عام عبر بوست للمتصفحين.. أحمد الشايقي وسيف مساعد عرفتهم بغيابي..
لي الشرف للترحيب بمقدمهم والبقية: مزن.. سماح.. كمال.. محمد الأمين.. برهان.. المكاشفي.. هشام مدني...
يا شباب النسيت اسمو حأفتشو وأكتبو تاني بعد ما نشوف ناس النصري ديل حيقدًمو لينا شنو نشربو  ..
|
Post: #62
Title: Re: حفله شاى للاعضاء الجدد
Author: برهان تاج الدين
Date: 09-11-2004, 03:37 PM
Parent: #61
مرحب بيك يا رجاء و انحنا زاتنا حصل لينا الشرف ..
يا خال :
ابدا ياريت و كان لى الشرف .. و كامل احترامى للطريقة البرهانية بيد انى ليس من اتباعها .
"شفت بيد دى كيف ؟ "
|
Post: #64
Title: Re: حفله شاى للاعضاء الجدد
Author: saadeldin abdelrahman
Date: 09-11-2004, 09:09 PM
Parent: #1
Salam
walahii if u didn't speak arabic in this party (7agak ra7) u will a spend ur night hungry...ya a'7owanna al7afla di ma feeha '7awajat '3eerna?....by the way, those who welcomed evrybody 4got my name....I forgive them but i won't forgive if u u didn't pass me a cake....wo 7aflatkom jabat leeha dabaib baen..lool.. alah yekfeekom shar al3ar'9i...wo 3ishto
Abualsaud
|
Post: #65
Title: Re: حفله شاى للاعضاء الجدد
Author: Elnasri Amin
Date: 09-13-2004, 08:37 AM
Parent: #1
ولدنا محمدالامين احمد
Quote: قسم مسنيين شنو الداير تقعدنى فيهو!!!!!!
انا مواليد 80 |
شيلتنى هم فى الاول..قلت لنفسى الناس العجائز ديل نقعدهم وين
براك جيت تشكى من طقم السنون اللابسهم..افتكرتك عجوز..
الاخت رجاء
مرحبا بيك و حمدلله على سلامة العوده...
الحفله لسه ما بدات ..غالبا نعملها يوم السبت 18 سبتمبر انشالله
برضو عايزين نعمل تكريم لبعض رموز المنبر
الاخ سعدالدين عبدالرحمن
معليش و معزره ..فطيطك مرتين بدون قصد والله...امسحها لى فى وشى
مرحبتين بالعربى و الانجليزى
النصرى امين
|
Post: #66
Title: Re: حفله شاى للاعضاء الجدد
Author: Sidahmed elrayah
Date: 09-13-2004, 01:05 PM
Parent: #65
السيدالنصرى
لك التحايا
ما زلنا فى انتظار كروت الدعوة لهذه الحفله التى تحدد
لها يوم 19 سبتمبر
انا عندما قلت..حفله مراكبيه..وصفت بانى ضيف عينه قويه..طيب حتى الان عشرات البوستات والتعليقات..تحوم حول الموضوع متجاهله لوازم هذا
الحفل..يعنى بالعربى...
!) مافى واحد تبرع بمبلغ لهذا الحفل(كل كلام زى..انا عليه اللقيمات)
2)مافي واحد تبرع بدفع ايجار الفندق..اوجزء منه..الدى سيقام فيه الحفل
3)مافى واحد دق صدره وقال للاخ النصرى انا سوف احضر معك يوم الحفل من
بدرى علشان نطمءن على الموقف..
انتم مفتكرين الاعضاء الجدد ديل حاجه سهله..نحن في الوقت الحاضر شقالين دراسه فى البوستات
اه لواختارونى الاعضاء الجدد متحدثا باسمهم..الى ان يتم الانسجام
لك الشكر سيد نصرى.
|
|