يا ناس كندا ..العيد متين؟

يا اخوانا العيد متين؟

ناس الجامع قالوا العيد يوم الاحد(يتبع الجامع لمنظمة الاسنا)
بعض السودانيين فى المدينه قررو الافطار بكره السبت و قيام صلاة العيد فى المسجد
و نحنا فى النص مجهجهين

نعمل شنو؟

الاخ النصري
check ملك
وكل سنة وانت طيب

Nasri
Salamat

I thought you will be at the rally "Action for Darfur at Queens park" last Sunday,!!!!!!!!!!!!!!!!. Regarding Eid, you do not need fatwa from no one, by checking the calendar, you can find out when to fast and break for trillion of years from now.
Keep in touch......

النصري
عيد مبارك
شوفت يالتصري علشان امور الجهجة الذى دي
المابتنفع معاي
عملنا عيدنا بررررررررانا الاسبوع الفات .
عيد مبارك

Salam ya Alnasri
Eid Mubarak
In fact I prepared myself and the family for prayer of Eid today Saturday, according to news from Brother Ehab el Teyib, unfortunately I tried to get the news about prayer times, all Masjids told me that EID is SUNDAY
Imagine!!! I'm really upset of Muslims attitudes

EID MUBARAK

الحليله قبضتك وكل سنه وانت طيب
النصرى ما تقول لى لى هسى ما عيدتو

النصري كل سنه وانت طيب ختها لي بكره غايتو نحنا ناس مانشستر صايمين وعليكم مراعاة فروق الهاي ويي

النصري يا أصالة

لك التهاني الصادقة بالعيد وأجمل الحدايق والفواكه والنجاحات

صرخه00
جميعنا نقف على حنين وذكرى00
و
عندما نقف على الاطلال يشتعل فينا الحنين بلهب الذكرى 00
*المشوار والاختيار كثيرا مايبدو صدفه وحقيقه عندما يتسع الافق تضيق العبارة فالموقف اكبر من ان تحصره كلمات00
كل عام وانتم بخير والسنه دى قبل الجايه تتحق امانيكم00 Elnasri Amin
00

يا النصرى سيب البطبطة ..
تقبل الله منا ومنكم صالح الاعمال

الاخ عصام الدين
قلت لى كش ملك..

انت معناه بتلعب شطرنج ..طيب اتحداك و اتحدى اى زول فى المنبر ده يغلبنى فيها ...مع انى لم العبا منذ عشرات السنين
يازول ناس البورد ديل اغلبم ليك بنابليون
كل عام و انت بخير

الاخ بكرى
سلامات
نعم..لم استطع الذهاب للمسيره نسبه لظروف اسريه..فقد تلقينا باسى خبر وفاه والده الاخت ماجده احمد قبل يوم واحد فقط من المسيره
بخصوص العيد..نص سانت كاثرينز صايم و النص التانى فاطر
انا مع الفاطرين
عيد سعيد و ربنا يحقق الامانى

الاخ مسوؤب
والله الجهجهه دى شئ غير مشرف اطلاقا
العالم كل يوم ماشى فى وحده و تضامن و الناس ديل ماقادرين يتفقوا فى حاجه زى دى
عيد مبارك

الاخ الحليله
المشكله كلها فى منظمه الاسنا..بيحبو يخالفو الاغلبيه
انا من سنه 1993 فرزت عيشتى منهم و بصوم و افطر مع السودان و السعوديه
كل عام و انت بخير و ربنا يحقق الامانى

الاخ فرح
الصباح عملت لى كباية شوب ضخمه شاى بلبن و بسكويت ..اغمز البسكويت فى الشاى و اتبسم
عيد مبارك

الاخ الفاتح يسن (معدل)
معليش للدكسه....انا كل سبت بهناك مع سبيدى..سهير كلمتنى بفداحة الخطا..
معليش صاحبك على مشارف الخرف و الدودوه..نشوفك بعدين
انشالله فاطرين معانا اليوم السبت عشان نقول ليك كل عام و انتم بخير

الاخ السنارى
عيد مبارك علينا و عليك انشالله و ربنا يحقق الامانى كلها
شكلك صغير فى الصوره و ما معرس ..ربنا يعرس ليك
قول امين
كل عام و انت بخير

الاخ معتز
ربنا يحقق امانينا كلنا و يعم الخير و العدل و الرخاء بلدنا انشالله
كل عام و انت بخير

لا حولا...

هاشم نوريت شخصيا

ياخ حمدلله على السلامه

انتو رمضان ده حرموا فيهو الكتابه فى البورد

شهر كامل ما شفتك هنا

اها جاهز ؟

عندك لينا حاجه تهز اركان المنبر ده؟
كل عام و انت بخير و ربنا يحقق الامانى

كل عام وانت بخير
اليوم هاملتون معيده وغداء اتاوا لم ياتينا خبر لندن بعد

سلام
نصري

كل عام و انتم بالف خير و عافيه .
و السنه الجايه الله يرحمنا من الثلج و - lol ...45

يادوب دي جيتنا من الصلاه اليوم صباح الاحد هنا في مونتريال.

تعود الايام انشاءالله تعالي ,وربنا يحقق كل الاماني.



ام مروه

الاخت هاديه
كل عام و انتم بخير
الجاليه السودانيه باقليم نياقرا عاملا احتفال بمناسبة العيد اليوم الاحد ..يختتم البرنامج بحفل ساهر.....نشوفكم هناك

الاخت سلمى

ياسلام ..سعيد بمداخلتك فى البوست ..انا لى فتره شايفك فى البورد لكن ما كنت متاكد .هل هى ام سلمى زوجه الاخ العزيز احمد النصرى (كنت اناديه يا cousin ) ..بلغيه سلامى الحار و و نتمنى ان نراكم مره اخرى هنا فى سانت كاثرينز..فقد امتلات المدينه بالسودانيين و تجاوز العدد عده الاف
اذكر فى بداية التسعينات كنا فقط حوالى 15 او عشرين سودانى
مره تانيه سلامى للجميع
النصرى امين

الأحباب النصري وضيوفو الكرام..



وكل عام وأنتم بخير




تخريمة: هادية وسلمى.. كل سنة وانتو وأسركم بسعد..

يا جماعة ده ما تمييز..

Salam ya Nas Montreal
Eid Mubarak
It is my pleasure to congratulate all with Eid Alfitr
Salma
Salam
Where R U in Montreal? Me and my family here from last November 2002
BTW today we R celebrating Eid in Acadie
It seems to me that U know Acadie

Alnasri Salam
May B salma is from the same family
Zainelabdin

سلام
النصري ,انا شقيقه احمد النصري الصغري,ابنتي مروه بابكر علي الشيخ
موجوده في الثلج ده لي 6 سنين(بيني و بينك الثلج مكرهني lol )
اما احمد بخير الحمدلله تعالي و مستقر في فانكوفر منذ عامين,حنوصلوا السلام.

اختي رجاء كل عام و انتي بالف خير و عافيه و ربنا يحقق الاماني والف شكر علي المعايده .

الاخ الحليله
كل عام و انتم بخير.
سمعت بلمه Acadie ,نحن شويه بعيدين ..عموما كل عام و انتم بخير.
سلام
ام مروه

الاخت العزيزه رجا
كل عام وانت و الاسره بخير
و انشالله ربنا يحقق كل الامانى الحلوه
و السنه الجايه رئيسة تحرير اكبر صحيفه عربيه انشالله

الاخت سلمى
اهلا و سهلا ..نعم نعم ..اذكر فى نهاية التسعينات حضر لزيارتنا الاخ احمد و قد عرفت منه حضوركم لكندا
معليش للبلنتى اصلو انا زول على اعتاب الزايهمر
تحياتى مره اخرى للاسره وكل عام و الجميع بخير

الاخ الحليله
يوجد فى منطقه بيت المال ابوروف 3 او 4 اسر تحمل اسم النصرى
النصرى المحامى المعروف
النصرى راس الدوله
النصرى بتاعين سوق(هل تذكر ظهرة الحصان و ريحة السيد على؟)
تحياتى للجميع

كل عام وأنتم بخير ياناس سانكاثرن

النصري العيد إن شاء الله أول أمس
أها جاهز؟؟
كل سنة وانت وأسرتك بألف خير

الاخ محمد ادم
تقبل تحيات مدينة سانت كاثرينز الحنينه
و قد كان العيد كالعاده فرحه ولقاء بالاحباء
كل عام و انت بخير

الاخ محمد سرالختم
اى ..انا جاهز للعيد
كل عام و انت بخير و ربنا يحقق الامانى الحلوه كلها