مسابقات سودانيزانلاين للشطرنج

مجرد فكره..

لقيام مسابقات لتحديد بطل البورد فى الشطرنج...

تقام المباريات Online فى احدى المواقع مثل http://gameknot.com

تكون المنافسات بخروج المهزوم...

يتم تتويج البطل فى بوست خاص و يلاقى بطل البورد بطل السودان لتحديد الفائز النهائى بلقب بطل السودان فى الشطرنج..و يمكنه ان يلعب باسم السودان

تقوم جهات تجاريه برعايه المنافسه و التبرع بجوائز للفائزين الاول و الثانى و الثالث مقابل الدعايه(وبموافقة الاخ بكرى)

مجرد فكره.....

النصرى امين
(لاعب شطرنج سابق و لا يعرف طعم الهزيمه)

النصـــرى،
كل سنــة وانت طيب، وعيــد مبارك عليك وعلى جميـع أفـراد الأســرة..

انت جاهـز للحكايـة دى، واللا دا كلام ســاكت

النصرى
عيد مبارك وكل عام وانتم بخير اثنى الاقتراح وفعلا فكرة جميلة واتمنى ان تكون مفتوحة لجميع السودانيين غير الاعضاءفي المنبر و ان تكون تحت رعاية البورد واقترح قيام لجنة للتنسيق لقيام الدورة واستلام طلبات التقدم للاشتراك والى اخره و ارشحك كاحد اعضاء هذه اللجنة

يا نصرى جاهز ليك لاعب شطرنج خطر وخرخار ولا يرضى (التهكير).


طبعا هنا الشطرنج عندو أقبال شديد جدا تلقى شافع صغير عمرو 7 سنه يعذبك عذاب الويل لأنه عنده مدرب استاذ روسى مشهور.


مرة واحد سودانى مشى يمتحن لرخصة السواقه والحصول عليها هنا صعب جدا جدا ... أها بعد الأمتحان الشرطى عاوز يكتب ليهو ساقط، أخونا راح ماسكو من يدو وقال ليهو:-
شوف انا حاجتين بعرفهم وما بتغالط فيهم (السواقه والشطرنج)، اوعك تقول لى ساقط !!!
فقام الشرطى ضحك وكتب ليه (ناجح).

ابوريش كل عام و انت بخير و ربنا يحقق الامانى

طبعا جاهز مويه ونور..
وزى ما عارف صاحبك اذا شبك فى حاجه لايوق و لازم يتمها

تصورى للمشروع كما يلى:
حصر الراغبين فى الاشتراك فى التصفيات
جدولة مواعيد المباريات بما يتوافق مع الفارق الذمنى للمتنافسين
فمثلا ناس السعوديه و الخليج فى مجموعه,كذلك ناس الامريكتين و هلما جرا

التسجيل لموقع اللعب يستغرق دقيقه واحده فقط

احد الاصدقاء مستعد للتبرع بهذه القطعه شرط الاعلان عن محلاته
Cruzer® Mini USB Flash Drive
MB 256

الاخ عطا على
سلام و عيد مبارك و ربنا يحقق الامانى

ياريت يكون فى اهتمام من بقيه الاعضاء و الاداره للمشروع
سودانيزانلاين اصبح لينا زى نادى الحله ..نجتمع فيه بعد قضاء يوم عمل طويل و شاق .نتبادل و نتفاكر و نتعلم واخيرا نلعب

اتمنى تدخل الاخ بكرى للمشروع و يصبح برنامج سنوى يقوم به الموقع بالتعاون مع بعض الشركات الراعيه

الشطرنج من اجمل اللعبات فى الدنيا

شكرا ليك و فى انتظار استجابه من الاعضاء

النصرى امين

حبيبنا تاج
عيد سعيد و كل عام وانت وحسين و بقيه الاسره بخير

اول حاجه يا تاج انت يختوك فى مجموعه كلها هلالاب و يكون فى على الاقل اربعه حكام للمباراه عشان ما تخرخر

الشطرنج يا تاج الهزيمه فيها مره مراره شديده زى السيك فى الوست(بكسر الواو)
ازكر اننى تعرضت لهزيمه سنه 1976 و لليوم خشمى ملح ملح

تحياتى
ونشوف فى الطربيزه

تعرف يانصرى صديق قديم (التاج محجوب) لاعب الهلال السابق ، عرفنى على اخيه لاعب الهلال السابق كذلك ابراهيم ، وطلب منى ان العب معه شطرنج، فقلت له ياخ انا زول مبتدئ ، وكتلت ليهو حيلى، ولم غلبتو وقلت (للتاج) أبراهيم ده مستواهو كويس !!!
لى هسه زعلان منى ، الكلام ده ليهو اكثر من عشرة سنوات.

Quote: فقلت له ياخ انا زول مبتدئ ، وكتلت ليهو حيلى

دى ياالتاج سياستى فى هزيمة الفطاحله
اكتل حيلى و اقوم بتحريك بعض القطع بغباء ة خساره جندى او اتنين
اخلى زولك راقد فى العسل
و
طاخ

اكل وزيره و اوريه الوش الشين
واخليه يتلفت زى ترزى يوم الوقفه

انا حامسح الكلام ده بعد تقراه لانو فيه اسرار مهنه

العزيز النصري والشطرنجيين..

ســــلام..

لو عملتو لينا مسابقة في الويست ولاً الهارت كنا سجًلنا زماااااااان ..


تحياتي..

العزيز النصرى أمين

والله الفكرة كانت فى بالى ، لكن كنت بفكر فى الـyahoo games

على العموم الفكرة اكثر من رائعة

و معك الى الامام

و شكرا

الاخت العزيزه رجاء
ياريت لو عملو الوست فى الانترنت

لكن ممكن تبقى لينا حكم ,,اصلو فى ناس خرخارين زي تاج السر

شكرا للدعم


الاخ محمد الامين
نفهم من كده انك جاهز
خلاص ممكن نلعب مباراه وديه للتسخين

تحياتى للجميع

النصرى امين

وصلتنى رساله من الاخ ابى عزالدين احد اعضاء الفريق القومى السودانى للشطرنج وهو عضو سابق بالبورد

هنا باختصار ترجمه لما جاء فى الرساله:

انا احد لاعبى الفريق القومى السودانى للشطرنج و كنت اساهم فى المنتدى الحر و قد توقفت عن ذلك بسبب المشاكل و الشلليات.
اكتب لك الان بخصوص بوست الشطرنج الذى اقترحت فيه قيام مباراه بين بطل البورد و بطل السودان لتحديد الفائز باللقب..اقول يجب الاتصال بالاتحاد القومى للشطرنج لقيام شئ من هذا القبيل لان الاتحاد يقوم بتصفيات لاختيار بطل السودان كل عامين

احب ايضا ان اقترح بعض المواقع المفيده

http://www.chess.net

http://www.chessclub.com

ونحن على استعداد لتقديم كل الدعم للولوج فى المنافسات الدوليه
وهنا لنك ب قائمة الاتحاد الدولى للاعبين السودانيين

http://www.fide.com/ratings/advseek.phtml

امنياتى الطيبه و اتمنى ان تحصل على برنامج Fritz الطبعه الثامنه

ابى عزالدين

--------------------------------------------------
هنا نص الرساله

Eid Mobarak, how are you ?
> I was one of the SDO writers, with the nick name
> (obay_uk)
> I have left writing there because of the bloody hell
> of fightings & (nifaaq) of many groups over there.
> Although i made nice friends, whom i'm in touch with.
>
> However, i am sending regarding your post about
> (chess).
>
> I would like first to say that i am one of Sudan
> national team players, and you suggested a game
> between the board winner and Sudan champion, well i
> think you got to contact our federation for that, but
> ofcourse they will not accept the winner of the two
> matches to be called the champion of Sudan.
> Because there is a way of choosing the champion of
> Sudan, almost every 2 years (as i think).
>
> However, as you suggested some website, i would say
> you better visit the professional websites for all the
> players of the world like: http://www.chess.net ,
> http://www.chessclub.com/ , and this last one we call
> it the ICC which stands for Internet Chess Club.
>
> If you would like any help about chess, and how to put
> your feet into this world (scientificall), we are
> always glad and so willing to give advice and
> coaching, with any assistance wherever you are, we can
> let the information reach you and help you with.
>
> If you would also like to know the International
> Sudanese chess players, then visit the fide website,
> and specifically this link
> http://www.fide.com/ratings/advseek.phtml
> Then choose the country (Sudan), and press search.
>
>
> Wishing you the best, and i hope you have the software
> which is called Fritz, mainly the 8th Edition
Sincerely,
> Obay Izzeldin (Sharjah, UAE)
> or Obay Ali in the FIDE website or in case you want to
> search for my name using any search engine to see my
> chess achievements on the web

الأخ النصري
كل عام وانتم بخير
وعيد سعيد


فكره رائعه تستحق الدعم
ابي عزالدين احد رواد اللعبة وقد شارك في العديد من المنافسات المحلية ..
ويمكنه أن يقدم لنا الأفكار العمليه لنجاح مثل هذا الحدث..

عن بورداب الخرطوم اقترح أن تفتح المشاركه لجميع زوار الموقع حتى يتم التواصل مع بقية الأخوان ويستقل الحدث في توصيل رسالة المنتدى لأكبر عدد ممكن وجلب المزيد من القراء للموقع..

اتوقع أن يكون الحدث بمثابة التعويض عن المهرجان الملغي ..




ولكم التحية

الاخ هوبفل
شكرا للدعم وانشالله نقدر نعوض المهرجان الضائع

و عشان نحن نؤمن بالعمل و ليس بالكلام و النقه الكتيره

اقترح قيام دوره تنشيطيه فى خلال اسبوع

على النحو التالى

المباراه الاولى

النصرى امين ضد عطا على

المباراه التانيه

ابوريش ضد تاج السر

المباراه الثالثه

محمد الامين احمد ضد هوبفل

النتائج بخروج المهزوم
يصعد الثلاثه الفائزين و ينضم اليهم ادى عزالدين فى ربع النهايئ
و بخروج المهزوم
تقام مباراه الكاس فى خلال اسبوعين من تاريخ اليوم

و نسمع رائكم

النصرى امين

الاخ النصرى والاخوه المتداخلين
كـــل سنه وانتم طيبين
وكل سنه وانتم ابطال فى الشطرنج
ظروفى الحاليه لن تمكننى من المشاركه ودى فرصه طيبه لواحد منكم
للفوز بالبطوله
لن تذوقوا طعم الفوز بها بعد ان اشارك
بلدا ما فيها تمساح يقدل فيها الخرخار تاج الســـر


تخريمه
اى مباراه يشارك فيها تاج السر يجب ان تدار بحكام من مجلس الامن

تمنياتى لكم بالتوفيق مع توقعاتى بان يحتل هوبفل لقب طيش الدوره

الأخ النصــر،
انا لازم أعـرف مستــوى اللاعبين فى الأول قبل ما أشــارك..
ما ممكن ألعب مـع كل من هب ودب زى كمال أوسلى..
بعـدين برضـو حكايـة اللعب بالإنترنت دى ما موافق عليهـا، لأن ناس بروكلين ديل بيلعبـو
فى أتيام مرات، وما تضمن البيحصل شنـو..

تحية طيبة للجميع

الاخ النصرى امين، شوف انا اخر مره لعبته كان من سنتين اظن

لكن ما مشكلة ممكن اشارك بشرط واحد لو تسمحوا

ما يقولوا اسم الطيشه (اخر تلاته)



و نشارك معاكم عشان الموضوع يمشى لقدام

و معكم

تنبؤاتى
..........
هوبفل
محمد الامين
ابو الريش
تاج السر
..........
..........
..........
..........
انا بادى من الاخر

تحية طيبة للجميع

يا اوسلى


تكهناتك دى اكيد غلط ، لانو حسب الجدول انا و هوبفول واحد مننا لازم يكون فى التلاته الاوائل، و النصرى امين او عطا على واحد منهم لازم يكون فى التلاته من الجهه التانيه

محمد الامين

دأ ترتيب مستويات ما برمجه
انت تانى الطيش دى امسك فيها قوى

الاخ النصري
انت ما اتحديتني وانا قبلت التحدي

المية تكدب الغطاس
انا موافق العب من غير وزير
فقط برخين وحصانين وكم جندي من النوع ابو جنجويد
والما مقتنع يشيل رقعتو ويجيني
ولا مانع من اللعب في ارض محايدة علي نفقة اللجنة المنظمة
بالله احجز لي كرسي الطيش

يلعب الأبيض، ويميت الملك الأســود فى ثلاث نقلات
good luck

الاخ ابوالريش
دي عنصرية منك

عزيزى
النصرى مافى مشكلة ان جنبك فى امريكا بس شوف الزمن المناسب وخلينا نبدا اخوك ماحريف خالص وطولنا ولكن انشاء الله بنداقش معاكم

"الاخ ابوالريش
دي عنصرية منك"

الأخ عصــام،

دا ما حل للغـز..

النصـرى، ما تحك راسـك كتيــر فى دى.

ابو الريش
توصلت للحل ولكن اترك المجال للاخوه ولعمو النصرى بالذات
على الاقل دى فرصه يحك فيها صلعته شويه

تحياتى

شكرا ياشباب

الاخ عطا على

صدقنى انا اخر مره لعبت شطرنج كان فى نهاية 1998 يعنى 6 سنوات
فما تتخوف ..

اقترح يوم السبت 20 نوفمبر الساعه الثانيه ظهرا بتوقيت نيويورك

و اقترح تحديد حوالى ساعه واحده لانتهاء المباراه

بالنسبة للمباراه الثانيه بين ابوريش (امريكا) و تاج السر(الامارات) اقترح الاحد 21 نوفمبر ان تقام المباراه الساعه التاسعه مساء بتوقيت الامارات(الواحده ظهرا بتوقيت نيويورك)

المباراه الثالثه بين محمد الامين و هوبفل
فى انتظار الاخ محمد الامين لتحديد مكان اقامته

الاخ عصام الدين
كيفك و انت صاحب الفكره برضو
عندك خيارين
اما تلعب ضد ادى عزالدين(لاعب دولى) او تنتظر شويه لتحديد غريمك(ممكن تلاعب اوسلى اذا وافق)

الاخ ابوريش
ماممكن تاكل الملك الاسود فى تلاته نقلات

ورينا كيف

النصرى

تحية للجميع

شوف لنا يوم بعد 20 نوفمبر

اى وقت +4 من توقيت غرينتش يكون مناسب

طبعا أثنى كلام أوسلى فلا بد من حكام من مجلس الأمن ، وبدون حق الفيتو؟؟
استفسار أخونا أبى لماذا يلعب فى الدور القادم هو اصلو أبو الهل ؟؟
لقد سمعت بأنه لاعب معروف فى الأمارات وهو لم يسمع بى فمن هو الغلطان. ؟؟
للعلم فلقد كنت من أوائل المشاركين فى المنافسات الأماراتيه من السودانيين ولقد حققت مراحل جيدة للغاية ، وكدت ان أفوز على هندى يدعى (فاروق رانا) حاز على البطولة لعامين متتالين.
كانت مباراة شهيرة تجمع الكل لمشاهدة بطل يصرع حيث كنت اتقدم عليه (بطابية) مقابل (رخ) ، لكنى أستهنت بالأمر فى آخر مرحل (القيم) ، وخسرته وسط دهشة الجميع.
ومع ذلك فلا مانع يا ابى أن كنت هلالابى فمرحب بك فى دور الأربعه.

لاخ ابوريش
ماممكن تاكل الملك الاسود فى تلاته نقلات

ورينا كيف



اعمل معـروف وحـرك الوزيــر خطـوة واحــدة لليمين (المربـع الأبيض قـدام العسكــرى التانى)
طبعـا خايف يموت ويعمل ليك كش للملك الأبيض، لكن ولا يهمك، دى هى النقلـة المفتـاح للحل.

بعدين برضـو حأعتـذر عن المشــاركـة لأسباب كتيـرة، منهـا الإعمـاد الوحيـد على الثقـة فى عـدم الإستعـانـة بأخـرين.

يا ابوريش ما تتجابن

مافى زول حيجيب ليهو زول يلعب مكانو لانو اى زول ممكن يلعب باسمه اذا اراد..فقط يراسلنى فى الايميل

بعدين دى دوره تنشيطيه و ليست المنافسات النهائيه

خلى الجبن و اقعد فى الواطه و جهز نفسك لتاج السر

و اذا خايف من تاج السر ممكن العب معاك انا و نخلى تاج السر يلعب ضد عطا على

اها قلت شنو

فكرة حلوة ومميزة خالص

اتمنى لها النجاح ..

لكن يالنصري انا كيشه في الشطرنج

كان بتديني كورسات تقوية بدخل المسابقه ...


سلامات


نوف

up
up

فوووووووووووووووووووق للناس الفاهمه .. أيوه كده أبعدونا من جو المنبر السخيف البقي كلو خلافات ...

مع إني ما بعرف شطرنج .. لكن معاكم للأخر ... أها يا جماعه دايرين فريق تشجيع ..


شطرنج شطرنج up up يا شطرنج

ساره شاطر

ابو الريش
نوع النصرى دا يضحى بعشرين ملك ولايغامر بوزير
من هسه ارشح عطا للدور النهائى

تاجو
الهندى غلبك كيف بخرختك دى ؟

النصرى
ابو الريش بدا يبكى من هسه
انا مستعد العب معه وله حق الاستعانه بنيوجرسى كلها

سكوتيه نهتف معك
بالطول بالعرض شطرنج يهز الارض

نوف
ما تخافى .. ااجماعه ديل كلهم كيشه .. اتوكلى واحجزى مقعدك

Quote: من هسه ارشح عطا للدور النهائى

اوسلى
رفعت روحى المعنوية تسلم يا زعيم
النصرى
لو امكن اتصل على تلفونيا B]

الاخ ابوريش
العتبى على النظر , انا كنت شايف ملك ابيض و ليس وزير ابيض ,عشان كده قلت ليك ما ممكن تكتل الملك الاسود فى تلاته نقلات..و طبعا بعدما طلع الشئ ده وزير و ليس ملك ممكن تاكل الملك الاسود فى تلاته نقلات و بسهوله

بالنسبه لاعتزارك للمشاركه , تم قبول الطلب و تم استبدالك باللاعب المحترف كمال الملقب اوسلى استيف استن
وستقوم المباراه المرتقبه بين اوسلى و تاج السر يوم الاحد الساعه التاسعه مساء بتوقيت الامارات (الواحده ظهرا بتوقيت نيويورك)

الاخ تاج السر
كيف تقول نشوفك يا ادى فى دور الاربعه؟ انت ذاتك ما ضامن وصولك لدور الاربعه لان عليك تجاوز اوسلى استيف اوستن فى الاول و هى مهمه ليست بالساهله..غايتو شد حيلك لانو لو غلبك حيشيل حسك و يطلع فى البلد مداعى


الاخت نوف
حركات المسكنه بتاعت الناس الحرفا دى ماعلينا
الظاهر عليك عفريته فى الشطرنج و ما محتاجه دروس
ممكن تلاعبى الاخ عصام الدين يوم الاحد؟

الاخ ساره
شكرا للمرور
فعلا المنبر متوتر شويه ,لكن حيروق بعد فتره كالعاده


الاخ عطاعلى
اشتريت لى كرت تلفون و حاتصل بك اليوم قبل الثالثه ظهرا

يا عطا اليوم انا اجازه و انت ايضا

اقترح قيام المباراه اليوم الساعه الوالثالثه بتوقيت نيويورك

Let me know

aslo log into the
http://gameknot.com
and register a nickname and email it to me

Al

يا اخوانا الناس الميته ديما تدونا ليها
زي ناس اوسلي ديل الواحد يضمن الوصول للنهائي وهو يتونس في ونستو باللعب معاهم


علي العموم كلو مقدور عليه والسواي ما حداث
بس حددوا لينا وقت المباراة بتوقيت السودان
ونحن علي اتم استعداد لبلوغ النهائي مع الاخ ابي

ولكم في الطيش منافسة فاجتهدوا يا يقية البورداب


والكلام ليك يا المنطط عينيك

سلام يا هوبفل

ممكن تلعب ضد محمد الامين يوم الاحد 21 نوفمبر الساعه 6 مساء بتوقيت السودان؟

يا محمد الامين

شنو رائك؟

معليش عارف مادخلت النت الا هسة جاري اليوم كلوا كان مافى مانع بكرة انشاء الله انا جاهز حاارسل ليك المعلومات على الاميل تسلم ياعزيزى

سلام ياعطا
اليوم السبت يتم افتتاح المنافسات

اسمى فى موقع اللعب al123 ...

سابعث لك برساله بمواعيد المباراه بالظبط(غالبا قبل الساعه 6 مساء بتوقيتنا)

تحياتى

النصرى امين

الاخ النصرى
رسلت ليك اميل امس انشاء وصلك عموما فى انتظار اميلك اسمى فى الموقع
Sudan

اسمي
JAMALZAKI

وانا جاهز في المواعيد المحددة

يا محمد الامين ...وين انت؟
المواعيد بكره الاحد الساعه 6 مساء بتوقيت السودان
هوبفل قال جاهز..
ورينا الاسم بتاعك شنو عند http://gameknot.com/
و ممكن ترسلو لينا دعوه لحضور المباراه على الهوا


يا عطا
انافى البيت دلوقت

يا هوبفل
الاسم بتاعك ده JAMALZAKI غير موجود ضمن اللاعبين
make sure it has been activated through email

النصرى
انا فى الانتظارالان اتصلت عليك مافى رد حا حاول تانى

انا جاهز...

الدور عليك لتحريك القطعه الاولى

الدعوه للجميع لحضور مباراة الافتتاح
فقط سجل اسمك و ابعثه لى او لعطا و سنقوم بدعوتكم لحضور المباراه حيا على الهوا

سوف اشارك حالما استقر في سكني الجديد انشاء الله ,,

تحية طيبة للجميع

عذرا على التأخر فى الرد

بس عندى مشكلة فى التسجيل

فياريت يا استاذ النصرى تساعدنا فى الحته دى

انا سجلت و لكن لم تصل الرسالة الى البريد الالكترونى!

فاذا عندكم حل ساعدونا.

الاسم المسجل nofear007

و لكن حتى اللحظة لا استطيع الدخول

سلام

عذرا و لكن كل محاولات التسجيب فى الموقع لم تنجح

ما عندكم اسم زيادة تسلفونى ليهو العب و ارجعوا ليكم

الاخ محمد الامين
انا سجلت ليك تحت الاسم
Alamin
راسلنى على ايملى وسوف ارسل لك كلمة المرور تسلم

تحية طيبة للجميع

الاخ عطا على ، شكرا على المساعدة

قمت بارسال ايميل و الـsubject

sudaneseonline chess

تحياتى

يا محمد و هوبفل..المباراه متين؟
ارجو ارسال دعوه لى لحضورها على بريدى الالكترونى

الاخ مهيب
نحن فى انتظارك

سلام

النصرى امين سلامات

و الله نعتذر لهوبفل عبرك حاليا لانو اتخلفنا عن الموعد

و لكن اول ما استلم القميص بديكم خبر ، و شكرا مره تانيه للاخ عطا

لكن المباريات المنقولة مباشرة لزومها شنو ؟

نحن مشاركين دعم للدورة بس

الاخ
محمد الامين
راجع ايميلك رسلت ليك المعلومات المطلوبة
الاخوان محمد وهوبفل حظ سعيد وبالتوفيق امنياتى الطيبة

تحية طيبة للجميع

الاخ عطا شكرا جزيلا ، وصل، نلادها ليك فى الافراح

الاخ هوبفول ، مواعيد الساعة 6 بتوقيت السودان دى مناسبة معاى

اذا كانت مناسبة معاك ، اختار اليوم و ان شاء الله نكون هناك

الغلب منو؟

شكرا عزيزي محمد الأمين
وليكن يوم الغد الأربعاء موعدنا ان شاء الله

الأخ النصري
حضورك مطلوب للتشجيع

سلام

الاخ هوبفول ، ان شاء الله بكره

سلاااام شباب
الاسم kamalosly
أرجو الاضافه يا نصرى


محمد الامين
مبروك مقدما



هوبفل
تقبل الهزيمه بروح رياضيه

taj [email protected]

**

وين يا شباب

وين يا شباب

تحية طيبة للجميع

الاستاذ اوسلى تمت الاضافة فى اللسته

الاخ هوبفول عسى المانع خير

الاستاذ النصرى ارسلت ليك طلب (اضافه) وصل ؟

الاسم alamin



و يا جماعة عايزين مشاركات ، و بعدين وين الجنس اللطيف

و لا ما عندهم فى الشطرنج

و شكرا

العزيز محمد الأمين

تجدني أشد الأسف لعدم تمكني من الدخول في المواعيد المحدده لظرف طارئ جداً
ولك العتبى حتى ترضى..

علي أن تحدد موعداً مناسباً لك وسوف اكون أكثر حرصاً عليه ان شاء الله..



يا اوسلي

السواي ما حداث..
وما داير استبق الأحداث

لكن الشطرنج دا لو فيهو "العجب"
أنا عجب الشطرنج

سلام

الاخ هوبفول مافى مشكلة

من السبت و لى فوق مناسب اختار اليوم

و يا ريت لو المواعيد تكون الساعة 6 مسا بتوقيت السودان

شكرا

**

نسبه لصعوبه تنسيق جدول المباراه احب ان اوضح ان طريقة اللعب فى الانترنت
تختلف عن طريقتنا المالوفه فى اللعب ...نظام اللعب فى الانترنت يسمح لك بتحريك
القطعه فى خلال ثلاثه ايام واذا لم تحرك القطعه بنهايه اليوم الثالث تعتبر مهزوم

فيا اصدقائئ دعونا نبدا اللعب و للجميع متسع من الوقت لكل شئ


هل من مناذل؟................................غير عطا

و ياالاعضاء الجدد

شنو الحكايه؟
يلا تعالو بجاى

النصــرى،

هل من منازل دى فيهـا تحـدى.. لكن ممكن أنازلك خارج هـذه الدورة (وبلاش فضــايـح زيـادة)..
برضــو إتزكـر انو الحصـان يتحـرك مربعين والتالت على الجمب!!

تحية طيبة للجميع

ما عندى مانع، مادام الموضوع مافيهو مراكز

اهه القادمون الجدد ، شطرنج كيف معاكم

و بعدين ، لماذا حتى الآن لم نرى مشاركة من الجنس اللطيف !!

و شكرا