Post: #1
Title: كيف تربط الكرافته!! توجد رسومات
Author: Elnasri Amin
Date: 08-23-2005, 08:28 AM
لا اعرف كيف اربط الكرافته ..
لكن اعرف كيف احلها وارجعها الدولاب لاستخدمها لمره ثانيه وثالثه
الى كل الذين يتعقدون من ربط الكرافته هذه الصور ربما تكون الحل
لمشكلتهم المزمنه
هذه الطريقه تسمى وندسور
توجد طرق اخرى لكن حنقرض على كده
|
Post: #2
Title: Re: كيف تربط الكرافته!! توجد رسومات
Author: Tabaldina
Date: 08-23-2005, 08:37 AM
Parent: #1
..
.
شنو يا النصري مقرضها كدا !!
ما تواصل ..
بقية الطرق برضو بتساعد
تحياتي ،،
يا ناذر تعال إتعلم
وبالله اتصل علي تلفونك عطلان محول الى جهة
غير معلومة.
|
Post: #3
Title: Re: كيف تربط الكرافته!! توجد رسومات
Author: wadalzain
Date: 08-23-2005, 09:35 AM
Parent: #2
يقول احد الفرنسيين : - توجد اتنين وسبعين طريقه لربط الكرفته ولكن الاناقه ان توجد الطريقه الثالثه والسبعين .
|
Post: #9
Title: Re: كيف تربط الكرافته!! توجد رسومات
Author: Elnasri Amin
Date: 08-23-2005, 12:18 PM
Parent: #3
سلام ودالزين
هم غير الفرنسيين ديل المعقدنا منو!!
بالهم طويل ياخ
|
Post: #8
Title: Re: كيف تربط الكرافته!! توجد رسومات
Author: Elnasri Amin
Date: 08-23-2005, 12:16 PM
Parent: #2
سلام تبلدينا
ياخى انا لى يومين اعاين للصور اربطها
ازح من الصور تغلبنى \زز
برضو تقول لى شوف لينا طريقه تانيه!!
كدى نشوف اخرتها شنو
العيب فينا ولا فى الربطه
|
Post: #4
Title: Re: كيف تربط الكرافته!! توجد رسومات
Author: محمد الامين احمد
Date: 08-23-2005, 09:42 AM
Parent: #1
النصرى
شكرا على البوست المفيد
جارى التطبيق
|
Post: #10
Title: Re: كيف تربط الكرافته!! توجد رسومات
Author: Elnasri Amin
Date: 08-23-2005, 12:19 PM
Parent: #4
سلام محمدالامين
نحن جارى التطبيق لينا يومين
ولسه ماوصلنا بر الامان
|
Post: #5
Title: Re: كيف تربط الكرافته!! توجد رسومات
Author: Agab
Date: 08-23-2005, 09:50 AM
Parent: #1
العزيز النصري
شكراً جزيلاً
وسأحاول للمرة المليون ولغاية ما أنجح
الله يخلي لينا ناس الconcierge في الفنادق
لك ودي
وليد العجب
|
Post: #11
Title: Re: كيف تربط الكرافته!! توجد رسومات
Author: Elnasri Amin
Date: 08-23-2005, 12:20 PM
Parent: #5
سلام العجب
ياخى انت وجيه من غير كرافته
تتزكر صورتك وسط الجليد
|
Post: #6
Title: كيف تربط الكرافتة!! توجد رسومات
Author: jafar hashim
Date: 08-23-2005, 10:01 AM
Parent: #1
الأخ النصري أمين
وجميع المتداخلين
ومن يريدون ربط الكرافتة:
http://www.tieanecktie.com/
|
Post: #7
Title: Re: كيف تربط الكرافتة!! توجد رسومات
Author: Abureesh
Date: 08-23-2005, 10:41 AM
Parent: #6
النصــرى،
الحق الجماعـة ديل وريهـم يفكوهـا كيف، قبل ما يتخنقـوا.
|
Post: #12
Title: Re: كيف تربط الكرافتة!! توجد رسومات
Author: Elnasri Amin
Date: 08-23-2005, 12:22 PM
Parent: #6
سلام جعفر هاشم
شكرا للموقع
بس بطى جدا
قربت اقول ليك
ياخ خ خ ان ن نا .....
|
Post: #13
Title: Re: كيف تربط الكرافتة!! توجد رسومات
Author: Elnasri Amin
Date: 08-23-2005, 12:24 PM
Parent: #12
سلام ابوريش
250 زائر فى خلال سويعات بسيطه
اكيد عدد الضحايا تجاوز المئات
|
Post: #14
Title: Re: كيف تربط الكرافته!! توجد رسومات
Author: abraham deng
Date: 08-23-2005, 02:28 PM
Parent: #1
يا أخي النصري
دي ورطة ما بعدها ورطة.
ياخ كارفيتتي كانت مربوطة لها أكثر من سنة. دقست وفرتكتها...هسع المها كيفن ما عارف. مرة تطلع قصيرة ومرة تطلع طويلة...وغايتو حنلغي كل المواعيد وربنا يجازي الكان سبب
|
Post: #15
Title: Re: كيف تربط الكرافته!! توجد رسومات
Author: WADKASSALA
Date: 08-23-2005, 03:40 PM
Parent: #14
أخوى النصرى ألحق صاحبى فى المستشفى نفسو مكتوم والبوليس مفتكرو حاول الإنتحار.............
|
Post: #16
Title: Re: كيف تربط الكرافته!! توجد رسومات
Author: ناذر محمد الخليفة
Date: 08-23-2005, 03:52 PM
Parent: #1
Quote: سلام ابوريش
250 زائر فى خلال سويعات بسيطه
|
النصري يا خ بدل الفضائح دي .. ما كنت تبدا حتة حتة
كان الاول تعلم الشباب ربط التكة بتاعت السروال وبعد داك تطلع لا فوق !
تحياتي لجميع المخنوقين والمخنوقات....
|
Post: #17
Title: Re: كيف تربط الكرافته!! توجد رسومات
Author: eyes of liberty
Date: 08-23-2005, 04:14 PM
Parent: #16
دي الناقصة يا مان فلسفة البورد دا عاوزين ليهم بدل و كرفتات
|
Post: #18
Title: Re: كيف تربط الكرافته!! توجد رسومات
Author: هشام مدنى
Date: 08-23-2005, 04:20 PM
Parent: #1
بوست مضحك جدا ... وفي نفس الوقت.....
السودانيين اول من .......
النصرى سلامات
|
Post: #19
Title: Re: كيف تربط الكرافته!! توجد رسومات
Author: almulaomar
Date: 08-24-2005, 03:17 AM
Parent: #1
الأخ النصري
ربطتها ليك ربطه تمام بس أفكها كيف لأنو عندنا قريبنا كده من الغبش حاول يعمل حاوي ويفكها على طريقة ملوص فعملت زرده في رقبتو وخنقتو وقضينا ربع ساعة في فك العقدة.
|
Post: #20
Title: Re: كيف تربط الكرافته!! توجد رسومات
Author: Siddig A. Omer
Date: 08-24-2005, 04:50 AM
Parent: #19
النصــــرى امـــين ترزى بعـــد أن كــــان معـــلم كمبيوتر و ربما يصبح عجلاتــــى فى القريب
بعض من مســاهمــاتى فى الدكـــان
|
Post: #21
Title: Re: كيف تربط الكرافته!! توجد رسومات
Author: abuguta
Date: 08-24-2005, 05:11 AM
Parent: #20
النصرى
انا فهمت طريقتك بعد ولادة قيصرية
لكن صديق دا مخول عقلى
خلاص ما بقدر افهم اى طريقى تانى...الاولى طارت
اسى ضريتونى فى كرفتاتى الثلاثة المربوطة
فقدت واحدة....ارجع ربطتها كيف تانى الا انتظر
والزول المعاى سافر السودان...
موضوع حلو
ولقدام
|
Post: #22
Title: Re: كيف تربط الكرافته!! توجد رسومات
Author: محمد الامين احمد
Date: 08-24-2005, 05:23 AM
Parent: #1
| Quote: يقول احد الفرنسيين : - توجد اتنين وسبعين طريقه لربط الكرفته ولكن الاناقه ان توجد الطريقه الثالثه والسبعين |
غايتو و الله اعلم انا لقيت الـثالثة و السبعين دى
|
Post: #24
Title: Re: كيف تربط الكرافته!! توجد رسومات
Author: Elnasri Amin
Date: 10-01-2005, 01:16 PM
Parent: #1
الاخوه
ابراهام دينق
ودكسلا
نازر محمدالخليفه
عيون الحريه
هشام مدنى
الملا عمر
صديق مجيقه
شكرا كثيرا لمرورك الكريم
ومعزره لتاخر الرد
فقد سقط هذا من زاكرتى نتيجه لتوالى الاحداث بدايه بوفاه
الاخ ميرغنى حمزه
لكل كل العزر حتى ترضو
ودمتم
النصرى امين
|
Post: #25
Title: Re: كيف تربط الكرافته!! توجد رسومات
Author: عزيز عيسى
Date: 10-01-2005, 03:52 PM
Parent: #24
اخوي النصري،
أمانة اخوك ما اتمغلب مغلب عينه..
اليوم أنا معزوم عرس غير سوداني..
مشيت السوق واشتريت لي كرافته من النوع البرقش..
كل ما اجي اربطها مره تجي قصيرة ومرة طويلة..
أبت تظبط معاي خالص.. تعبت تعب شديد وفي النهاية احترت..
طيب وريني اسوي شنو في الحالة دي؟
ما عندي جلابية سودانية ألبسها..
لكن عندي عراقي وسروال طويل وطاقية ومركوب قديم..
تفتكر أقوم ألبسهن وأروح علي الحفلة..
وأخليهم زي ما يقولوا يقولوا..
ولا أغير الرأي ما أمشي الحفلة؟
ودي،
|
Post: #26
Title: Re: كيف تربط الكرافته!! توجد رسومات
Author: أحمد الشايقي
Date: 10-01-2005, 11:31 PM
Parent: #1
النصـري العزيز
كيف حالك والاسرة؟
رمضان كريم وشكرا على الربطات المتعددة فرغم أن عملي يرتبط بالزي الافرنجي إلا أنني أربط بطريقة واحدة لا اعرف غيرها.
المهم جميل أن نتعلم منك كل هـذا
هل رجعت من السودان أم أنك لا تزال هناك كنت أحتاج الكلام معك بالهاتف أو المسنجر
المهم عنواني في البروفايل, للاضافة
مع خالص تحياتي
أحمد الشايقي
|
Post: #27
Title: Re: كيف تربط الكرافته!! توجد رسومات
Author: Elnasri Amin
Date: 10-03-2005, 07:55 AM
Parent: #1
الاخ الفاضل عزيزعيسى
اولا الف مرحب بيك فى البورد
وانشالله يطيب ليك المقام...
معليش اتاخرت فى الرد عليك و اظن المناسبه عدت
غايتو
| Quote: لكن عندي عراقي وسروال طويل وطاقية ومركوب قديم |
تكون اتهورت لو لبست ليهم مركوب نمر او اصله ..حايقولو عليك
متوحش وسفاك للدماء..ولو فى واحد من ناس حقوق الحيوان فى الحفله
يكون موضوعك بايظ ...
مره انا جبت فى الشغل تمثال صغير اظنه مصنوع من سن الفيل ...واحده
من زميلاتى عملت عمايل و سوت سوا ..تقول انا كتلت الفيل بنفسى..
اما عن العراقى والسروال وطاقيه ..مافى مشكله...بس حيكملو فيك
افلام التصوير كلها
كل الود
الاخ احمد الشايقى
رسلت ليك رساله قبل يومين بها ارقام التلفونات
اتمنى تكون وصلتك..
انا كنت فى السودان شهر فبرائر الماضى والان فى كندا
الايميل بتاعى
[email protected]
كل الود
|
Post: #28
Title: Re: كيف تربط الكرافته!! توجد رسومات
Author: سجيمان
Date: 10-03-2005, 08:04 AM
Parent: #27
يا اخي دي شغلانة اخير منها نساجة العناقريب
|
Post: #29
Title: Re: كيف تربط الكرافته!! توجد رسومات
Author: Elnasri Amin
Date: 10-03-2005, 08:20 AM
Parent: #1
تعرف ياسجيمان
الاصعب منهم الاتنين شنو؟؟
تجليد المراتب والحافات ....
ياخلى تلقى الجماعه شايلين ليهم عصايات
وقاعدين"القرفصاء" ويجلدو فى القطن طاخ تطاخ
دلللل دللللل ...والقطن مالى جو الاوضه كلها
والجماعه يتونسوا و مبسوطين وكل واحد
بستنشق ليهم فى اليوم زى 3 كيلو قطن فى رئته
لا كمامات و لا يحزنون...
برضو تقول لى نساجة عناقريبز...
شغاله تانيه صعبه جدا جدا
الجماعه البفتحو عين السايفون لمن يقفل
ينزلو تحت 30 متر و يشتغلو
غايتو ليهم الجنه
|
|