تقعدي في الانترنت وتردي علي اكتر من 20 موضوع في ظرف ساعتين ....
يعني واحد في الاتنين
اما جنيتي او جنيتي
التعبير عن السخط علي البورد ومن فيه مفهوم لكن برضو الليلة الاحد يعني في شغل وفي بيت وفي مليون حاجة وراك مفروض تعلميها فاضية انتي لي ناس البورد عشان تقولي ليهم عليييكم الله غيروا القصة الثقيلة المدورين فيها دي ليكم شهرين ..
روقي واستهدي بالله والبورد حايمشي براهو ... والبورد بعبر عن الناس واهتماماتهم خليهو يمشي قدام ولا ورا في الاخر بيرسي علي شيئ لكن عليك الله تاني شهر كامل ما تتعبي نفسك ولا في رد واحدما دام مستاءة للدرجة دي ولا اعملي ليك شجرة ضل هناك كلنا بنجي
فاضية ليهم انت ولا فاضية ليهم . .
04-18-2004, 04:08 PM
الجندرية الجندرية
تاريخ التسجيل: 10-02-2002
مجموع المشاركات: 9450
جعفر عليك الله البحمي الجن شنو غربة وكربة جينا ننجم في وطنا زمن اللاوطن قلبوه / قلبنهو لينا كل مرض سمعت بالمثل بالقول " يهدوه من الرف يطلع في صنقور البيت " اها دا حال بعض العضوية للاسف وكت الحكاية طولت قلت كدي النشيل الوش امكن نقدر نبلع شويه من مرار القهوة التركية وبعدين وحياة خوتك عارفة ، عارفة انه حيمشي براه وانه " الزبد سيذهب جفاء " لكن غلبني الصبر لحدي ما تجي الموجة الصافية البتكشح الزبد دا في السهلة
04-18-2004, 06:10 PM
Abo Amna Abo Amna
تاريخ التسجيل: 05-01-2002
مجموع المشاركات: 2199
عارفة اصلا في تلاتة انواع من الحاجات المخلية شكل البورد كدة
المشاكل الشخصية
العايزين يمشوا يخلوا البورد
الجديدين في البورد
وواضح انو في جزء كبير مرتبط بالاعضاء الجدد في البورد اضافة الي مشاكل الاعضاء المتواجيدن اصلا لكن الفرق في انو هنا في لغة حوار محددة وطريقة مشاركة محددة بالنسبة للناس القديمين معروفة ومفهومة وحتي في المشاكل بتصل لي درجة محددة بتوقف عندها الناس
اظن المسالة دي من الحوار المستمر لفترة طويلة والاكتر اهمية انو البورد كان مقفول اما الناس الاعضاء الجدد عشان كدة الناس ادارت حوار وقدرت تتفهم بعض لي درجة كبيرة
دخول الاعضاء الجدد بكل تاكيد بيعيد الحوار لمربع الصفر في احيان كتيرة عشان الناس تبدا تتعرف علي بعض تاني من الاول وتتعرف علي طريقة الحوار
لكن خليني اقول ليك حاجة
المسالة دي بالنسبة لي طبيعية جدا قدرنا نفهمها باعتبار انو البورد هو شكل من اشكال المدرسة او الجامعة في اعضاء او طلاب جدد محتاجين ممارسة اكتر في فضاء مفتوح وحوارات لانو الناس هنا من مختلف المستويات والانتماءات زيها زي الجامعة بالضبط او المدرسة بوالنسبة لي هي دورة طبيعية بخوضها البورد كل مرة في كل فترو والمسالة بتحتاج بس لي زمن ما اكتر من كدة والامور كلها بتهدا
لكن رغم كدة قادر اقدر عدم قدرتك علي الاحتمال لانو ان في فترة من الفترات ما كنت خالص قادر احتمل لكن في الاخر هو ده الوطن الافتراضي بتاعنا يعني نتحملو وفي نفس الوقت نجتهد عشان يمشي لي قدام والما قادر يستوعب طريقة او مفهوم الحوار هنا واحدة واحدة بفهم او حايتجاوزه البورد
اما الخاص بالاعضاء القدامي فهو ما تبقي من الفترة الماضية فقط يتجدد ودائما عندنا مشاكل ازلية وابدية في نفس الوقت ومشاكل جدلية
عليك الله لو اصلا ده ما السودان البمرقنا منو شنو في نفس الوقت ما تنسي انو نحنا في الاخر جزء من كل البحصل هنا وما بنقدر نطلع نفسنا منو
بس روقي شوية
كل الود . .
04-20-2004, 06:54 PM
الجندرية الجندرية
تاريخ التسجيل: 10-02-2002
مجموع المشاركات: 9450
جعفر عليك الله نروق بي وين اتفق معاك في كتير من ما جاء في كلامك لكن حكاية الناس الجديدة البترجع الحوار لمربع صفر دي اسمح لي الناس دي ما كانت متابعة البورد ؟ ما اتعرفت على اسلوب الحوار البتم فيها حتى لو عمرهم ما سمعوا بالكلمة الطيبة واختلاف الرأي الذي لا يفسد للود قضية ما سمعوا بالامام الشافعي ؟ رايي صواب يحتمل الخطأ وراي غيري خطأ يحتمل الصواب طيب ما شافوا توقيع لعاطف عبد الله عضو البورد ولا منو الزول التاني التوقيعه الأعوج راي والعديل راي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abo Amna
الجندرية
فيس بوك
تويتر
انستقرام
يوتيوب
بنتيريست