ريكاردو و ارضية الملعب

في بداية مباراة الهلال و المجد كان شكل الهلال حلو جدا جدا و مبشر و بديك احساس الفريق العالمي اللي كان بيتكلم عنو طاهر ابو زيد
ولمن انتهى الشوط الاول بتقدم الهلال بهدفين صاحبي يوسف النو كان زعلان جدا قال لي كنا دايرين تلاته في كل شوط يعني زي شنطة العروس
و الشوط التاني الكوره كانت ماشه كويس و جا الهدف التالت و لو الكوره انتهت بالشكل دا ما كان ريكاردو جاب سيرة ارضية الملعب
شماعة ريكاردو الما قدر يتخلى عنها ابدا
ريكاردو في مباراة الترجي بتونس بعدما انتهت بالتعادل و كان اداء الهلال فيها هزيل جدا قال انو هو مندهش لاداء اللاعبين السيئ رغم جودة ارضية الملعب
نفسي اعرف سر تركيز ريكاردو الشديد على ارضية الملعب شنو
فالهلال دائما يفوز اي و الله كان دايما يفوز على ارضية ملعبه السيئة و يخسر على ارضية الملاعب الخارجية الجيده
و يا هلالاب من اسي لو الهلال طلع من البطولة الافريقية او العربيه فغالبا ما يكون السبب ارضية الملعب
سوء ارضية الملعب هذا ما كنا بنسمع بيهو الا عند ناس ايتو و دروجبا المحترفين بالدوريات الاوربية لمن يجو يلعبو معانا
لكن كون الارضية تشكل عامل هزيمة للهلال دا ما كلام منطقي و نحن اصلاً لعيبتنا ما بعرفو العبو كوره ارضية
يعني بالواضح سوء ارضية الملعب هو البخلينا نغلب مش نتغلب يا ريكاردو

Quote: نفسي اعرف سر تركيز ريكاردو الشديد على ارضية الملعب شنو

أجاوبك انا يا اللخو علي ود اللمين
بيقولوا في المثل حجة البليد مسح السبورة
وأهو صاحبنا داير يلصق فشله في ارضية الملعب
سبحان الله دي ما ارضية ملعبك البتتمرن فيه
حقيقة انا لو من ادارة الهلال احاسب المدرب دا على تصريحه المخجل دا
قال ارضية الملعب قال
انا كان نفسي يسألوه عن الهدف الملغي للمجد