Post: #1
Title: دينق يحاضر الان علي منتديات سوداني للابد الان..!!
Author: عبدالكريم الامين احمد
Date: 09-16-2007, 10:17 PM
علي منتديات سوداني للابد والتي يديرها محمد هجو الاقرع
يقدم الاخ دينق محاضرة عن جنوب السودان والواقع السياسي الان
منتديات سوداني للابد
ومعا لمتابعة اراء الاخ دينق...
....
|
Post: #2
Title: Re: دينق يحاضر الان علي منتديات سوداني للابد الان..!!
Author: عبد المنعم سليمان
Date: 09-16-2007, 10:21 PM
Parent: #1
والمنتدي ده بدخلوا كيف يا كيكي اخوي
___
عقبال ما نسمع هجو الاقرع محاضرا عن الجعليين 
|
Post: #3
Title: Re: دينق يحاضر الان علي منتديات سوداني للابد الان..!!
Author: عبدالكريم الامين احمد
Date: 09-16-2007, 10:26 PM
Parent: #2
http://www.sudane4ever.com/
شوت هنا يا منعم بتلقي صحبك دينق
.........
وهجو يحاضر عن الجعلييين ده حتكون كارثة وشكلة طوالي
|
Post: #5
Title: Re: دينق يحاضر الان علي منتديات سوداني للابد الان..!!
Author: عبد المنعم سليمان
Date: 09-16-2007, 10:41 PM
Parent: #4
والله يا هجو لو ما خايف يجيبوا اسمي علي لائحة الارهاب كنت سجلت عضو معاكم
|
Post: #6
Title: Re: دينق يحاضر الان علي منتديات سوداني للابد الان..!!
Author: عبدالكريم الامين احمد
Date: 09-16-2007, 10:53 PM
Parent: #5
| Quote: والله يا هجو لو ما خايف يجيبوا اسمي علي لائحة الارهاب كنت سجلت عضو معاكم |
انا ذااتي يا منعم ناقل خبر بس
احنا ناس لوتري يا اخوي هييييييي
|
Post: #7
Title: Re: دينق يحاضر الان علي منتديات سوداني للابد الان..!!
Author: Ahmed musa
Date: 09-16-2007, 11:23 PM
Parent: #1
والله يا هجو ياخوي زمانقلت ليك محمد ده فات الصغار والقدروا قلت لي خلييصل شنوا وما عارف شنوا أهو رايك شنوا
|
Post: #8
Title: Re: دينق يحاضر الان علي منتديات سوداني للابد الان..!!
Author: Deng
Date: 09-17-2007, 02:53 AM
Parent: #1
الاخ كيكي.
لقد كان لقاء جميل تعرفت به على بعض الاخوة الشباب وتناولت قضية الساعة, وهي إتفاقية نيفاشا والمشاكل التي تحدث بين الشركين.
دينق.
|
Post: #9
Title: Re: دينق يحاضر الان علي منتديات سوداني للابد الان..!!
Author: هجو الأقرع
Date: 09-17-2007, 12:23 PM
Parent: #8
غايتو يا عبد الكريم صاحبك دينق البارح الشباب ما قصروا معاه تب . لقد تحدث بكل وضوح عن مخاوف الاخوة فى الجنوب ، واكد ان للوحده شروط اهمها العدالة والمساواة فى كل شىء ، واكد ان ابيى تابعة للجنوب. وقال ان عند العرب عقدة اسمها اسرائيل ، وقال ان الدول التى طبعت استفادة فائدة كبيرة، وسئل عن موضوع سامى الحاج واجل مواضيع للحلقات القادمة ... منهاعلاقة الدين بالدولة ، و تحدث عن ظروف مقتل الراحل د. قرنق وقداستبعد نظرية قتله وقال ان امريكا ويوغندا ، لم تجد شخصية مناسبة او اصلح من قرنق للقيادة على الاقل فى الوقت الراهن اى قبل مقتله. واكد ان الجنوب مظلوم فى حصتة من البترول . وانفعل الشباب عندما قال دينق ان امريكا ليس بهذا السوء الذى تبينه وسائل الاعلام العربية ، وطالب الشباب بان تكون الجلسة القادمة مناقشة هذه النقطة ، فى نهاية اللقاء سال دينق عن غياب الجنس اللطيف وقيل له انهم الان يستمعون لك وفى المرات القادمة فان اخوات نسيبة جاهزات .ادار اللقاء الاستاذ نادر الشهير بى رحال وكان ضمن الحضور الاخ رأفت ميلاد. ورحيق ونغم وكسلاوى وكاسترو ومحمد هجو وابوه والابن عمرووالاخ كثافة ونفر كريم. ولى عودة للموضوع بعد الافطار باذن الله .
|
Post: #10
Title: Re: دينق يحاضر الان علي منتديات سوداني للابد الان..!!
Author: عبدالكريم الامين احمد
Date: 09-17-2007, 12:36 PM
Parent: #9
هلا ياهجو
واعتقد يا هجو بان ما تقومون به وابنك محمد الاقرع لهو والحق يقال امر في غاية الاهمية والرقي
فهو يسهم اشاعة الحوار ايجاد مواعين لنشر الراي والراي الاخر وتذويب نقاط الاختلافات وتوضيح بعض الاشياء التي قد تبدو ضبابية وسماعية عند الكثيرين...
بس بالله ابعدونا من الكتونات الجاهزة دي اخوات نسيبة دي حاجات بتعمل لينا اكولة وحساسية مع رمضان لنها تسميات ارتبطت في السودان بتنامي خطاب الحرب وسطوة النزاع الذي البس ثوب صراع الدين
ونتمني يا هجو ان يتم نشر بعض من تلخيص هذا النقاش هنا حتي تعم الفائدة
|
Post: #11
Title: Re: دينق يحاضر الان علي منتديات سوداني للابد الان..!!
Author: عبدالكريم الامين احمد
Date: 09-17-2007, 12:47 PM
Parent: #8
| Quote: لقد كان لقاء جميل تعرفت به على بعض الاخوة الشباب وتناولت قضية الساعة, وهي إتفاقية نيفاشا والمشاكل التي تحدث بين الشركين. |
هلا يا دينق
وكل الحب والتقدير
والتنبه يا دينق للقاء بتاعك ده جزء بسيط يا دينق من تقديرنا لدورك العالي واهتمامك العظيم بقضايا
الوطن وصبرك العالي علي نشر ارائك تحت وابل من الرصاصات الاسفيرية والمنعرجات بانواعها
ونشكرك علي اسهامك في اشاعة الوعي والتفاكر وهذه الريادة في استخدام الوسائط الحديثة لكي تلهج
الكتروناتها بقضايا وطننا ومزيد من الجهد والمثابرة يا دينق
|
|