يا سعد ياخي ما تلبس ليك شراب وأنت بتقدم سهرة النيل الازرق ( الكــورة في البيت )!!

يعني يا سعد ماممكن

قلنا انك مذيع جيد بل ممتاز

ومقدم ناجح في كل البرامج

من الغنا والسمر والثقافة والقضايا الاجتماعية
بل حتى القضايا الجنائية (البصمة الزرقاء)

ونسعد بتقديمك لكل هذه البرامج

بل نحن نسمي قناة النيل الازرق قناة سعد

وذلك لوجودك غي كل البرامج تقريبا

وكونك شاب لطيف

عند الحق ان تكون شبابي في تقديمك

وفي مظهرك وفي هندامك

تلبس قميص بدون كرفتة ما مشكلة
قميص بدون لياقة ما مشكلة
تي شيرت ما مشكلة
اسبورتات ما مشكلة

لكن أن تجلس في الطرف اليوم في سهرة (الكورة في البيت) وتخلف رجلك بالاديداس وبدون شراب وتوجه بطن الجزمة للكاميرا
دي مشكلة كبيرة

كان علي الاقل ان تجلس في الوسط حتى تغطي التربيزة رجليك والجزمة بدون شراب
او يجيبو ليك تربيزة قدامك تغطي ليك رجليك او على الاقل ما تخلف رجليك

يا سعد انت مذيع جيد ومن القلائل الذين يجيدون التقديم في القنوات الفضائية السودانية

فأرجو المرة الجاية أن تهتم أكثر بمظهرك وهندامك ومكان جلوسك حتى لا تظهر بهذه الصورة السلبية


ورمضان كريم

جمال

وليد

رمضان كريم

عارف انا ما جبت الكلام ده من عندي وبس كل الحضرو السهرة كان تعليقهم على الجزمة الرياضية بدون شراب

وعارف ناس قناة النيل الازرق ديل ما بيعرفو يستفيدو من اسم االبرامج وعنوانو في الاعلانات

يعني برنامج زي ده (الكورة في البيت) كان ممكن النلفزيون يتصل بالجهات الرياضية وشركات ومؤسسات بيع المعدات الرياضية ويعملو ليهم دعاية جميلة تدر دخلا محترما للقناة ( ناس اديداس او بوما وغيرهم والصحف الرياضية الكثيرة )

حتى الديكور يكون في شكل ميدان وشبكة ورايات

وكان أجمل لو سعد لبس ليهو لبس كورة كامل وكدارة وشنكارات لزوم التصدي لمثل تعليقاتنا هذه التي نأمل أن تحسن وتجود من الاعداد والاخراج لبرامج هذه القناة قناة النيل الازرق

لانه بعد شوية بجونا ناس الشروق وهارموني ويخشوا يشيلو من الكعكة الوحيدة المتمثلة في المشاهدين والاعلانات وما عارف بعدين حيفضل شنو لقناة النيل الازرق وخاصة ان القنوات القادمة غير مشفرة يعني نسبة المشاهدة حتكون عاااااااااااالية ودي مهمة لكل معلن لما يجي يعلن عن منتجاته

لكم التحية


جمال