يا بكري جواباتي القديمة وينها..؟ رجعها لي..

بكري يا حبيب..

سلامات ورمضان كريم وكل عام وانت واسرتك الصغيرة بألف خير..

إحتجت أشيل رقم من واحد من المسينجرات القديمة.. وقدر ما فتشت ليهو ما لقيتو.. بل إكتشفت أن هناك عدد مقدر من المسينجرات كنت محتفظة بيها عشان مرتبطة بأغراض طلبها بعض الزملاء.. وهناك الكثير من أرقام التلفونات..
كنت أحرص على تفريغ الـ أوت بوكس عشان حكاية السعة..
هسع ورينا السعة كم والعدد المسموح بالإحتفاظ بيهو كم.. عشان الزول تاني يجي داخل بالياهو معاهو ..

تحياتي..

Quote: يا بكري جواباتي القديمة وينها..؟ رجعها لي..

رجاء رمضان كريم وكل سنه وانتى طيبه.... جيت جارى من التراويح جرى قايل جوابات غراميه بينك وبين بكرى فى السودان لمن يدوك شاكوش تطالب بالجوابات القديمه طوالى.... رمضان كريم انتى وبكرى وايه اخبارك

الصديق العزيز عامر..

رمضان كريم وكل عام وانت بخير..

ما صدقتا لما إتذكرتا إنو رمضان ده لينا سنتين من أيام الإعتصام في مصطفى محمود.. سبحان الله..
والرحمة على الأحباب الفقدناهم والتحية لكل الإتوزعو في الدنيا..

كيفك إنتا.. أها واحد من الجوابات دي الفيهو إيميلك عشان ارسل ليك الصور والمادة الكنتا سجلتها كلها أيام الإعتصام..
هسع مدني بإيميلك في جواب جديد..

تحياتي وتمنياتي لك بالتوفيق دايما


بالمناسبة العنوان طبعا شرك لناس الشمار الزيك ..

رجاء
رمضان كريم
والتحية للوالدة ..

سلامات

فى ذمتك لو عندى جواب من الزيِّك
لو شوكشتينى بديك ليهن؟
بنات آخر زمن ..
قالت "رسايلى جيبها .."


شهقة الموجة

لِنت يا الراسى
فارقتها الروقة
بين غَمْضَتى .. وحاسّى
ذُبت فى ذوقا ..؟
يا تبقى من ناسى
أو تبقى معشوقا..!
صدّقت إحساسى ..
وكذّبت مرساتك ؟
غافَلْتَ حُرّاسى ..
وشَدِّيت شراعاتك ..
كَمّلتَ أنفاسى..
فى شهقة الموجة ..

زولة .. القمر دُونا
كِـمل الوَصِف فيها ..
الزَهْر من لونا ..
الدُّر مكنونا
الأرض وما فيها
والشمس وما فوقا ..

لا بَحْمَل لهيب شوقا
لا قادر أطفِّيهو ..
قلبى الوِدِر فوقا
"حدثتو يتصّبر"
من ريدو وتصابيهو
قال لى "ما بقدر"
يا ريِتِك تصافيهو
من ورطتو الفيهو
الدوحة 2004

ياااااه.. معتصم العباسي.. ؟

رمضان كريم وكل يوم وانت والمعاك بألف خير..

طوالي كنت بسأل نفسي الناس ليه بتطالب بإرجاع الجوابات بعد الشوكيش..؟ يعني الزعلة شديدة..؟

عندي صاحبتي لذييذة قالت إنها عمرها ما طالبت بجواباتها عشان الزول لما يرجع ليهم ويقراهم يتحسًر عليها..


لا بَحْمَل لهيب شوقا
لا قادر أطفِّيهو ..
قلبى الوِدِر فوقا
"حدثتو يتصّبر"
من ريدو وتصابيهو
قال لى "ما بقدر"
يا ريِتِك تصافيهو
من ورطتو الفيهو

يا رجوية سلام كيف و كيف رمضان معاك
يا ستى كم مرة قلنا انو اى حاجة بجيك فى ماسنحر امرقها برة طوالى لانو الماسنجر نحن عاملنو من يختفظ باكثر من حوالى 20 رسلة لفترة محدودة على ان تتمسح اتموتيكيا من السيرفا لانو وجودها فى السيرفا بشكل خطورة والله يا رجاء الشى الاسمه ماسنجر تاعبنى جنس تعب و كم مرة اقول اقفل لكن تفولى شنو هالك لينا الباندوث فى الفارغة و المقدودة

بكري يا غالي..

سلامات وتحايا..

غايتو انا كنت متذكرة إنو في عدد معين للجوابات عشان كده كنت حريصة على إنها ما تبقى كتيرة.. لكن المدة دي الكانت رايحة علي..

للمسينجر بالنسبة لي خصائص جميلة كتيرة.. مثلا زميلة او زميل جايين القاهرة بيتصلو بيك عن طريقه..
أو إنت ماشي مكان وعايز تقابل الناس زي ما حصل لي في زيارتي الأخيرة كل الأحباب الهناك رسلو لي أرقامهم عليه. وبالمناسبة كنت حريصة على نقل الرقام والإحتفاظ بها في دفتر التلفونات بتاعي عشان ادي مساحة لجوابات تانية..

عموما عافية ليك الجوابات الراحت..
هسع أصحابها حيعرفوا بيها ويرسلو تاني، زي عامر..

ودي

الأستاذة رجاء
والشوق الجاري عليك
أولا رمضان كريم وكل سنة وانت وكل المعاك طيبين وربنا يحقق كل أمنياتكم
تعودت أخيرا أن امر علي البورد مرور خفيف جدا للمطالعة اكثر منها للمشاركة
لكن بصراحة جدا عنوان بوستك حنني شددددددددددددددددددديد
حسيت دمعتين كدا مدسين بين الحروف قلت اجي اعلن مؤازرتي تفعيلا للعادة السودانية الاثيرة من غير ضرورة لمعرفة الموضوع
اهه يلا انا بعلن مؤازرتي وتضامني مع اي حاجة وبشجب وبدين اي حاجة برضوا
المهم امنياتي لك بجوابات سالمة طوال العمر
وكل سنة وأنت طيبة
والريد نيلين

رجاء الزوله الجات سرعه كدة ومشت رمضان كريم عليك
عليش

Quote: سلامات ورمضان كريم وكل عام وانت واسرتك الصغيرة بألف خير..

دي مكنتك ؟!

مااااااااااااا قسمت

وليد يا شفت..

إزيك ورمضان كريم عليك وعلى وليداتك

وحاتك مكنتي "سينجر" إلكترون.. شفتا كيف؟؟

الزول بقى يفتح باب المسينجر وهو متاكد من طيران كان 3 ولا 4 جوابات..

تحياتي

العزيز محمد عليش..

سلام ومحبة وكل عام وأنت بخير..

تصدق أنا زاتي ما مصدقة إني أجي وارجع في 10 يوم..

على وعد إنو المرة الجاية بإذن الله حأقعد أطول.. دعواتك

دمت

الحنين نزار..

سلامات ومحبة وكل عام وأنتم بخير..

طبعا زي كمين سنة ولا حس ولا خبر ولا حتى جواب..
أخبارك شنو..؟ عرفتا عرسك وباركت ليك..

الأخبار كتيييرة والشوق أكتر..
عليك الله ما تنقطع..

ودي

Quote: يا بكري جواباتي القديمة وينها..؟ رجعها لي..

رجاء الغالية
كيفك مع الصيام ؟؟
عارفة عملاً بالمقولة الشهيرة " أخوك كان حلقوا ليهو بلل راسك " أول حاجة عملتها لمن قريت البوست دا قلت أجهز ( جواباتك القديمة ) ، الظروف ما معروفة بكره أصحى من النوم ألقى لى بوست طويل عريض عاطف رسل جواباتي
ولا أقول ليك
عجبني كلام الباشمهندس معتصم الطاهر

Quote: فى ذمتك لو عندى جواب من الزيِّك لو شوكشتينى بديك ليهن؟ بنات آخر زمن .. قالت "رسايلى جيبها .."

من هسع جوابات مافي
سجن سجن غرامة غرامة

نصيحتي ليك يا رجاء

اعملي صندوق بريد بطبلة وعليها بواب

رمضانك كريم

هههههههههه يا عاطف..
قلت لي الخواف ربًى عياله.. أنا كنت فاكراك حتقول لي مشيت جهًزت كل جوابات الجكس القديمة ..

من الجوابات الكنت محتفظة بيها. جواب منك في يوم دخلتا عزًيت أم وضاح وما كنت بشارك في المنبر.. فإنت رسلتا لي تتأكد إنو أنا رجاء رجاء ولا هكر جاي حايم..

كيف رمضان معاكم؟ غايتو انا متفسحة كل يوم عزومة.. مش بيقولو الشحًاد ليهو الجنة ..
لكن وبالرغم من كرم كل الصحاب الهنا.. أفتقد الحجة والقعدة معاها في تربيزة واحدة..

سلامي لسعدية والوليدات