Post: #1 Title: الفن الهابط ..ندى القلعة تعترف : صوروا شريطي غدرا وخسة !!توجد صورة Author: Faisal Al Zubeir Date: 09-11-2007, 05:18 PM Parent: #0
ندى القلعة لـ«الوطن»: صوروا شريطي الأخير غدراً وخسة..! لابدّ أن ـ تتخني جلدك ـ للنقد.. أو تجلسي في بيتك بعيداً عن الاضواء..! ندى: الشريط الاخير كان تصويره ـ عملية غدر ـ والحفل كان خاص جداً.. السودانيون حساسون تجاه سمعتهم خاصة خارج بلادهم..! الفلاتية أو منى الخير وغيرهما لم يغنين لانفسهن أبداً لا اغني في حفل عام الا بالثوب السوداني
أجراه: المحرر الفني الفنانة الحماسية ندى القلعة اتصلت محتجة على ما كتبه نائب رئيس التحرير ـ عادل سيد أحمد ـ عن شريطها الاخير الذي قالت إنه كان بمناسبة عيد ميلاد ابنها..! «الوطن» حاورت ندى على النحو الآتي: * الشريط الذي يظهر فيه ابنك المحتفى بعيد ميلاده لم يكن مناسباً.. ولا محترماً..؟ ندى: دي حفلة خاصة.. في بيت «خالي بدبي» وليس في نيجيريا.. * لكن هذه الحفلة الخاصة ظهرت في شريط ـ سي دي ـ ويباع في الاسواق؟ ندى: ما دي المصيبة.. انا ما صورت الحفلة ولا وديتها السوق.. ولاصدقت بيها للجهة الصورتها ووزعتها..! * طيب اتصورت ووزعت كيف بدون علمك وموافقتك..؟ ندى: دائماً المصائب تجيني من «الداخل» من المحسوبين علي..! * يعني اتصورت سراً..؟ نعم.. انا ما طلبت التصوير لانها حفلة عيد ميلاد ولدي.. والحضروها هم اصدقاء الاسرة فقط..! * انت ايضاً يؤخذ عليك الشريط البتشكري فيه نفسك وفنك.. لان هذا الشريط جعلك في حالة دفاع عن نفسك.. مع إنك بتقولي دائماً إنك ما مهتمة..! انا بعتبر شريط ـ بريد فني ـ هو رد على الناس المحاوليين يشوهوا سمعتي..! * لكن تمجيد ـ الشخص النيجيري ـ الشريف ـ او الكلام عن سيارة «لكزس» الهدية.. انه عمل لايمت إلى الفن بصلة.. كما انها امور شخصية إذ أن السودانيين لم يسمعوا ـ الفلاتية ـ أو منى الخير.. او حنان النيل.. او خلاف هذه وتلك وهي تغني دفاعاً عن نفسها او تمجيداً لفنها.. وذكراً لهدايا تلقتها.. والله الفن ده مدارس.. وانا بغني «حماسي» ومن ضمن غناي غنيت عن حبي لفني وانا ما شايفة في الموضوع ده حاجة.. لكن قالوا القاصدك في الظلام بيحمر ليك..! * ياندى انتي شخصية فنية عامة.. واخبارك تهم الناس كان سلبية أو ايجابية.. ليه بتتضايقي من كلام الجرائد لما تنتقدك أو تسلط الاضواء على نشاطك؟ كمان واحدة فنانة مشهورة زيك لما تسافر خارج السودان لابدّ أن يتابع نشاطها السودانيون هناك وبالتالي تصل اخبارك للصحف.. وهذا يجعلك لابدّ أن تحذري.. وان تكوني في الخارج اكثر حرصاً على فنك.. وسمعتك وقبل كل شئ سمعة السودان.. لان السودانيين في الخارج ناس حساسين.. ومحترمين.. واي فنان.. او مغترب.. او لاعب كورة سوداني يعمل خطأ بيمس سمعة كل السودان والسودانيين..! وبصراحة ياندى حكاية اللبس احياناً بتشكل مصدر كلام سلبي عنك.. وين الثوب السوداني.. أو الطرحة.. والفستان الطويل.. ندى: أنا والله السودان في عيوني كان في الداخل او في الخارج.. والتسجيلات البظهر فيها بغير الثوب السوداني دي كما اسلفت حفلات داخل مقر سكني وهي خاصة جداً.. واي انسان عنده
Post: #2 Title: Re: الفن الهابط ..ندى القلعة تعترف : صوروا شريطي غدرا وخسة !!توجد صورة Author: يسرى معتصم Date: 09-11-2007, 05:47 PM Parent: #1
أخوى فيصل السلام عليكم ورحمة الله وبركاته
Quote: يعني اتصورت سراً..؟
Post: #3 Title: Re: الفن الهابط ..ندى القلعة تعترف : صوروا شريطي غدرا وخسة !!توجد صورة Author: JOK BIONG Date: 09-11-2007, 05:55 PM Parent: #2
الله الله الله .... دا يا هو الشغل...
Post: #4 Title: Re: الفن الهابط ..ندى القلعة تعترف : صوروا شريطي غدرا وخسة !!توجد صورة Author: وليد شريف Date: 09-11-2007, 06:15 PM Parent: #3
الاخ فيصل ماذا تنتظر في ظل حكومة سلبت شعبها معني الحياة غير كل هابط حليل البلابل والفن الرائع الجميل
Post: #5 Title: Re: الفن الهابط ..ندى القلعة تعترف : صوروا شريطي غدرا وخسة !!توجد صورة Author: Faisal Al Zubeir Date: 09-12-2007, 06:11 AM
=الزملاء المتداخلون : تحياتي
للاسف ده جزء من الواقع .
Post: #6 Title: Re: الفن الهابط ..ندى القلعة تعترف : صوروا شريطي غدرا وخسة !!توجد صورة Author: محمد أبوالعزائم أبوالريش Date: 09-12-2007, 06:30 AM Parent: #1
الأخ فيصل .... الأخوة المتداخلين
في النصف الثاني من ثمانينات القرن الماضي، بث تلفزيون السودان برنامجاً موضوعه (أغاني البنات)، وكان الضيوف الرئيسيين فيه على ما أذكر الفنانة حنان النيل والفنانة أمال النور. كان نقاشاً واعياً وثرّاً، تناول المستوى الهابط الذي وصلت إليه الأغنية. أكثر ما عجبني كان رأي الفنانة أمال النور عندما قالت يجب أن لا نضع اللوم على المغنيات، لأنهن يقدمن الشئ المطلوب، وعلينا الإعتراف بأن هذا هو حال الذوق العام، وإذا أردنا علاج الظاهرة يجب أن نرتقي بالذوق العام .... (هذا كان المعنى العام لكلامها).
إذاً أخوتي .... العلاج عندنا نحن جمهور المستمعين، لأن ما يقدّم يمثل الذوق العام، وإذا لم يكن هذا الذي يسمى (الفن الهابط) غير مرغوب لما راج، وإذا لم تطرب أذن لحمادة بت لما ذاع صيته.
Post: #7 Title: Re: الفن الهابط ..ندى القلعة تعترف : صوروا شريطي غدرا وخسة !!توجد صورة Author: سامى عبد الوهاب مكى Date: 09-12-2007, 06:40 AM Parent: #1
الشريف مبسوط مني عشان انا بريد فني ...
اللكزس هدية ما علاقة شخصية ... انا عرضي حافظاه ما بدور لي وصية ...
حرام يا ابو الورود تقعد معانا إذا دي بقت عينة من غنانا
Post: #8 Title: Re: الفن الهابط ..ندى القلعة تعترف : صوروا شريطي غدرا وخسة !!توجد صورة Author: سامى عبد الوهاب مكى Date: 09-12-2007, 06:51 AM Parent: #1
معليش يا فيصل الموضوع دا تاعبني شوية!!
ود كان الرد من نوعية تانية!!
بـالله شوفوا الردحي ونحن بقينا زي الماشين في الشارع ولقينا اتنين ناكشات شعورهن وتيابن في اواقعات الدلجة ويصفقن بي سفنجاتن
انا اطالب بابعاد وردي حالاً عن بلد يغني فيها امثال هؤولاء
Post: #12 Title: Re: الفن الهابط ..ندى القلعة تعترف : صوروا شريطي غدرا وخسة !!توجد صورة Author: حافظ عبدالعاطى احمد Date: 09-12-2007, 08:09 AM Parent: #1
ياسامى بالله عليك الله خت لينا لنك الحفظ
Post: #14 Title: Re: الفن الهابط ..ندى القلعة تعترف : صوروا شريطي غدرا وخسة !!توجد صورة Author: عصام دهب Date: 09-12-2007, 09:09 AM Parent: #12
أستروها يا أخوان البنات .. الله يستركم
Post: #16 Title: Re: الفن الهابط ..ندى القلعة تعترف : صوروا شريطي غدرا وخسة !!توجد صورة Author: hanouf56 Date: 09-12-2007, 09:29 AM Parent: #14
رمضان كريم
ندي مبدعة من مبدعات بلادي
علي حسب زوقنا (زوقي عشان ما تزعلو من الجمع)(كلهم عندي واحد وردي - ود الامين - مصطفي - كبوش - علي دبشة - عقد الجلاد - يوسف خيري - ندي القلعة - نانسي عجرم - اليسا - ماري كيري - خدوج - عاطف انيس - اسرار بابكر - فرفور - محمود - نادر خضر- عافية حسن - حرم النور - هاجر كباشي ... الخ ) وعلي حسب المزاج بختار الشريط ... ما علي حسب اسم الفنان ...
انتو لو شايفين في نوعين من الفن (هابط - عالي )اسمعو العالي وخالو باقي الناس في حالا ...
وبس
. . . .
Post: #15 Title: Re: الفن الهابط ..ندى القلعة تعترف : صوروا شريطي غدرا وخسة !!توجد صورة Author: gamal Date: 09-12-2007, 09:15 AM Parent: #12
سلام ياحافظ
عليك الله تحفظها تسوي بيها شنو
Post: #17 Title: Re: الفن الهابط ..ندى القلعة تعترف : صوروا شريطي غدرا وخسة !!توجد صورة Author: حافظ عبدالعاطى احمد Date: 09-12-2007, 09:56 AM Parent: #15
اتعلمبها الرقيص
Post: #18 Title: Re: الفن الهابط ..ندى القلعة تعترف : صوروا شريطي غدرا وخسة !!توجد صورة Author: ismeil abbas Date: 09-12-2007, 01:00 PM Parent: #1
ألأخ/فيصل
السلام عليكم وألأخوة المتداخلين
أولآ ما هو الهدف من مثل هذا البوست؟
إذا كان الهدف هو النقد فيجب أن ننقد الشخص فى موضوعه الذى ظهر به إلى المجتمع..
مثلآ ندى القلعة فنانة ننقدها فى فنها...ولا تلمسوا العروض..
تكلموا ..
أكتبوا..
أنصحوا..
لاتعالجوا ألخطأ بخطأ أكبر منه..
أوافقكم ألرأى فى ألكنير وأختلف معكم فى نشر الصورة..
أول مرة أرى هذه الصورة..وكم من الناس غيرى سوف يراها بعد ما نشرتوها..الله يغفر لنا ولكم..
وأنتم سودانين وهى سودانية....وأسأل الله أن يستر أخواتنا وأمهاتنا جميعآ...
...قال الله تعالى(ادع الى سبيل ربك بالحكمة والموعظة الحسنة وجادلهم بالتى هى احسن ان ربك هو اعلم بمن ضل عن سبيله وهو اعلم بالمهتدين) صدق الله العظيم..
أخوتى ليس هكذا تعالج ألأمور..وشهر مبارك بأذن الله وتصوموا وتفطروا على خير ....
