رمضـــــــــــان دا زمان كان...

مافى!
الا جابوهو التكارين هو والكدنكة!
ناس هاشم نوريت
حاشية
الكدنكة: الطورية
ويوم عمل شاق بها يعادل فى عنفه صوم يوم رمضانى ابريلى
كل سنة وانتم طيبون طيبون
جنى

ولا واحد!
بقيتوا ناس مسيخين!
انشاء الله يعملوا ليكم اربعة مرات فى السنة!
جنى

Quote: ولا واحد!

رمضان كريم ياجنى وتصوم وتفطر على خير

والامة الاسلامية جمعاء يا عبد المحسن
جنى

نفسي اعرف الناس بتفرح بالصيام لشنو ؟؟
صراحه لله ما صمت الا بعد ان وجب شرعا ولما يكون النهار حار من غير ما اشعر القي نفسي مشيت المزيره وقطعت لي كوز مويه وما اتذكر اني صايمه الا بعد انزل الكوز . وطبعا بعمل السلطات تصدقوا بكون منهمكه اضوق السلطه ومرات اكتح لي حبات فول حاجات والكلام دا كله وانا صايمه

Quote: نفسي اعرف الناس بتفرح بالصيام لشنو ؟؟ صراحه لله ما صمت الا بعد ان وجب شرعا ولما يكون النهار حار من غير ما اشعر القي نفسي مشيت المزيره وقطعت لي كوز مويه وما اتذكر اني صايمه الا بعد انزل الكوز . وطبعا بعمل السلطات تصدقوا بكون منهمكه اضوق السلطه ومرات اكتح لي حبات فول حاجات والكلام دا كله وانا صايمه

لوووول!
ليق حق هناكا عندكم لا كتاحة لا هوا!
غايتو انا بجينى احساس با لمن يحكموا بى خمسة سنة سجن مع الاشغال الشاقة!
بكونوا قاصدين بالاشغال الشاقة رمضان!
انا غايتوا كان بصححوا فى نهاي ة رمضان ياها الأعد ( Repeat) عدييييل كدة!
Jini

Quote: : ولا واحد! رمضان كريم ياجنى وتصوم وتفطر على خير

وانت يا عبد الواحد كمان!
وانت بالف خير يا تمبس
جنى

جني ........ سلام
-
- رمضان في بدايات الثمانينات تقريباً ..... حر ..في السلك .. من أول رمضان كانت الخطة ..عدم المجازفة والحركة بالنهار لأي سبب من الأسباب ..
- بعد الفطور .... سهر لغاية السحور ... وبعديها النوم لغاية عشرات كده .... والباقي تتمه في أي ضل بارد (مكيف) مع الشباب لغاية المغرب ...
- أستمرت الخطة بنجاح .. لغاية نص رمضان تقريباً .....
- يوم بعد رجوعي من السهر بره البيت وبعد السحور .. ويادوب الواحد ح ينوم ... أسمع ليك حركة عند الجيران شديدة ... حاولت أطنش ...مافي طريقة ..
- والدهم العجوز توفى ..ياللللللللله ... مالقي غير الوقت ده يموت فيهو ... على الأقل كان يستنى لغاية العصر .. أهو قريب من وقت الفطور ...
- طبايع السودانيين ... تمشي عليهم في البيت ... رتب معاهم سريع .. المهم بعد كده مجموعة الشباب تمشي على المقابر عشان تجهز القبر وكده ...
- وعشان شلاقتي الشديدة ..... كنت ضمن المجموعة دي .............
-
تخيل المقابر في صيف وانت صايم وبتحفر ...
-
غايتو لما جات الساعة عشرة صباحاُ ( الشمس جديييييدة ) ... ما في أي ضل تقيف تحته (ليه مقابرنا مافيها أشجار وخضرة ؟؟)...
نهايته ... الضل الوحيد اللي قدرته أتحصل عليه ....................................................................................................... هو ضل جردل المويه ؟؟؟؟؟
-
- غايتو باقي اليوم داك ...ماتسألني تم كيف ؟؟؟؟
-
لكن من اليوم دالك بقت لي عقدة ... أي لحظة أمر قريب من مقابر في أي مدينة ... أقعد أفتش على الأشجار فيها....
-
-

غايتو للان ما سمعت زول بيقول الله يجيبك يا رمضان . لكين لما يقرب ينتهي الزول متل التقول كان ماخد تابيده وفالوا ليه افراج

Quote: تخيل المقابر في صيف وانت صايم وبتحفر ... - غايتو لما جات الساعة عشرة صباحاُ ( الشمس جديييييدة ) ... ما في أي ضل تقيف تحته (ليه مقابرنا مافيها أشجار وخضرة ؟؟)... نهايته ... الضل الوحيد اللي قدرته أتحصل عليه ....................................................................................................... هو ضل جردل المويه ؟؟؟؟؟ - - غايتو باقي اليوم داك ...ماتسألني تم كيف ؟؟؟؟ - لكن من اليوم دالك بقت لي عقدة ... أي لحظة أمر قريب من مقابر في أي مدينة ... أقعد أفتش على الأشجار فيها.... -

لووووووووووووووول وتانى لوووووووووووووووول!
نحن بيوتنا فيها شجر عشان يكون فى مقابرنا!
نحن القيامة عندنا بتقوم من المقابر!
الخواجات مقابرهم تشهيك الموت تابوت من خشب الصنوبر وطلاء تقول كمنجة ونجيلة ولا استاد مانشستر يونايتد وناس يجوك بمشاعر صادقة يختو ورود على القبر!
ونحن هاك يا الردم تقول ود حرام وتوب تمنو الف جنيه ويستخسروا فيك بعد ما يدفنوك يجروهو منك وبعدا ك تجى الكلاب تتم الناقصة!
ما قلت وعملت شنو فى ضل الجردل!
انا واالله لمن اشوف المقابر اقرب أغبى من الرعب!
تلتلة وسؤال منكر نكير فى ملاح ويكة وشرموط ومشى كدارى ولو بالغت بطاطس وشعيرية وأمجاد!!
لو كانت كافيار واسكلوبات ولمبرجينى!
يفرمونا!
جنى

Quote: لو كانت كافيار واسكلوبات ولمبرجينى!

لول والله يا جني عاد اسماء الشغلات عندك اللمبرجيني دا نفرو شنو ؟؟ مع انه بشيه اسم العربات بس ما يكون اسود مسقع

Quote: يلم ليك فيهو الكلب العض مشلهت ويضيعو الأثنين من مستشفي لقسم بوليس والمصل ما يتلقي إلا في نيكارجوا وتقوم كدا كل ترامس العالم تتكسر (قبلها وحدها) ويسعرو بعد كم ويقوموا يعضوا بعض ويجيبو ليهم القوات الهجين عشان تفصلهم

بلحيل يا دومة شفتى ليك لمبرجينى ليموزين!
جنى

جني كيفنك
رمضان كريم

Quote: جني كيفنك رمضان كريم

والبحبو كلو كريم!
كلو دي يعنى التلاتين يوم يا طارق
جنى

جني رمضان كريم...

وتصوم وتفطر على خير


دوما.. أزيك.. رمضان كريم وخالي من النهرات.. تعرفي في رمضان النهرة الواحدة بتودي التوج...

قصتك ذكرتني واحد... رمضان كان حار... قال: والله رمضان ده أكان ما جيقيم الوضوء ده لا بينصام

ولا حاجة... لول.. صاحبنا أتاريه كان بيجقم ما بيتمضمض... لووووووووووووول من آذان المغرب حتى

السحور

Quote: جني رمضان كريم... وتصوم وتفطر على خير

جمعا يا كما أخوى
جنى

***
**
*


رمضـــــــــــان زائد





*
**
***

Quote: جني كيفنك رمضان كريم

الأخ جني وزواره لكم التحايا
وكل عام وأنتم بخير،،
=
واحد من أهلنا في الأبيض شاف ليهو
خواجة من بتوع كير العالمية قاعد
يشرب (مريسة) سأل الجماعة : ياخوانا
الخواجة دا أسلم ولا شنو؟؟
==
هسى ياحيدر لو الواحد عايز يسأل عن جنك
يقول :جني داجن ولا شنو؟؟

رمضان كريم وياطارق أخوي تصوم وتفطر
على خير في كازبلانكا ،
وإلى العزيز حيدر صوم ياصايم على وزن حج ياحاج
وكل عام وأنتم بألف خير،،

Quote: الأخ جني وزواره لكم التحايا وكل عام وأنتم بخير،، = واحد من أهلنا في الأبيض شاف ليهو خواجة من بتوع كير العالمية قاعد يشرب (مريسة) سأل الجماعة : ياخوانا الخواجة دا أسلم ولا شنو؟؟

حلوة يا بكرى
وانت بالف خير
وهاك واحدة عشان ما تكون طالبنى
العربى الخرمان للخواجة
العربى: يا خواجة بتسف!
الخواجة:نو
العربى: بتسجر!
الخواجة:نو
العربى: يأ خواجة الحن لا بتسف لا بتسجر لا بتكذب نان الكافر ليها شنو!
جنى