Post: #1
Title: روضة الحاج تشتري حافلة هايس..و قطعة أرض في الصالحة
Author: عمر الفاروق
Date: 09-10-2007, 09:08 AM
الناس كلّها تهاتي وتكورك أمير الشعراء ..أميرة الشعراء ..خنساء العرب.. شاعرة النيلين .. المؤامرة .. العباءة .. موريتانيا ..ولد الطالب ..و .. و .. و
وفات عليهم الجائزة المالية المقدمة للشعراء ..
أمير الشعراء تروح في ستّين بس المهم الكاش...
والشعراء نفسهم مبسوطين للكتاش(تعبير يعني للاخر) الواحد منهم يسلم على الشيك قبل ما يسلم على ال نهيان ..
البيكون حارق الشعراء ديل فقدانهم لجائزة المليون واسة دي لو خيّروهم نديك المليون وتجي الخامس ولا نديك أمير الشعراء وماف دراهم ؟
الإجابة وااااااااضحة زي الشمس..
وبعيداً عن النظريات والتربيت على الكتوف وروضة الحاج إستفادت لغوياً وروضة الحاج إكتسبت خبرة وروضة الحاج تطورت وروضة وروضة وروضة تناسى الناس أهم شي ..
روضة الحاج فازت بي 200 الف درهم !!!
وال200 الف درهم فازت بيهم في زمن وجيز جداً لا يتعدى ال 8 أسابيع !!!!!
الناس مغتربة من سنة أسكت غير الهبهان والقرنفل ومعجون الكلوز أب والشبشب الأييض والبشكير الملون ما عملت شي..
والخلاااااااااااص أنجز من غربتو عمل ليهو أمجاد وركشة ومحل تركيب عطور وحديثاً فتح محل للفطائر المصرية !!!
روضة الحاج في أقل من 8 أسابيع إستطاعت تكسب 200 الف درهم بي عرق لسانها ..
روضة الحاج لمّت حصاد الغربة وأول شي حا تفكّر فيهو إنها تشحن معاها حافلة " هايس" 14 راكب تشتغل السوق العربي أمدرمان بي ألفين جنيه الراكب(2 جنيه بي الجديد)..
وحا تشتري ليها قطعة أرض في الصالحة وبالقرب من المطار الجديد وكبري اللاماب المقترح تكون ناصية ومساحتها 600 متر ..
ربما كان الطموح قطعة في المعمورة ومع كل درجة تحرزها روضة الحاج كانت ستنتقل بها إلى رحاب أوسع في الخطة الإسكانية ولولا الحظ العاثر لتحولت الصالحة إلى المنشية !!!
يعني أسة إذا كان فازت روضة بلقب أمير الشعراء فهل ده معناهو إنو نحن نصدق روضة بقت أمير الشعراء؟؟
والموضوع يبقا زي جماعتنا المريخاب اللي قالوا فريقهم إسمو الزعيم ويا كافي البلا غيرهم ماف زول عارف اللقب ده !!!!
رجعت بالذاكرة إلى الوراء وتذكرت أخوانا المصريين وقطع الألقاب على ناسهم :
سيندريلا الشاشة العربية ..
وحش الشاشة ..
مطربة العرب..
أمير الشعراء ..
وهنا توقفت عند أمير الشعارء وإتذكرت أخونا الشاعر أحمد شوقي الله يرحمه صاحب الأصول الجركسية التركية اللبنانية أو كما قال كتاب الأناشيد في التعريف بالشاعر ..
وطوالي إتخيلت ايك إنو أبو حميد كان مشترك في مسابقة قدمتها قناة "جلّق" التي كتب فيها الشاعر لاحقاً قم نادي جلّق ..
وكان احمد قد إشترك في مسابقة ضمت إلى جانبه ابوفراس الحمداني والمتنبئ والبارودي وابو القاسم الشابي وجبران خليل جبران ونازك الملائكة ..
وفتح باب التصويت في جميع انحاء المعمورة وخزل جمهور المضارب الشاعر المتبئ بسبب عدم وجود شركة إتصالات توفر خدمة ال SMS بينما نال البارودي 1000 صوت جميعها من منطقة مرسى مطروح بينما نال ابو القاسم الشابي 500 صوت معظمها من الفتيات اعمار 18-20 سنة بينما خرج أبو فراس الحمداني بعد ان نال أقل الأصوات من لجنة التحكيم ..
نواصل..كان ربنا مدّ في العمر
|
Post: #2
Title: Re: روضة الحاج تشتري حافلة هايس..و قطعة أرض في الصالحة
Author: awad okasha
Date: 09-10-2007, 09:19 AM
Parent: #1
Quote: الناس مغتربة من سنة أسكت غير الهبهان والقرنفل ومعجون الكلوز أب والشبشب الأييض والبشكير الملون ما عملت شي..
|
يجازي محنك يا عمر 
|
Post: #5
Title: Re: روضة الحاج تشتري حافلة هايس..و قطعة أرض في الصالحة
Author: abuguta
Date: 09-10-2007, 09:39 AM
Parent: #2
Quote: وطوالي إتخيلت ايك إنو أبو حميد كان مشترك في مسابقة قدمتها قناة "جلّق" التي كتب فيها الشاعر لاحقاً قم نادي جلّق ..
وكان احمد قد إشترك في مسابقة ضمت إلى جانبه ابوفراس الحمداني والمتنبئ والبارودي وابو القاسم الشابي وجبران خليل جبران ونازك الملائكة .. |
صوت لشوقى شاعر النيل حافظ ابراهيم
امير القوافى قد اتيت مبايعا
وهذه وفود الشعر قد بايعت معى
وصوتت له جلق كلها حين قال:-وهى دمشق
خلفت لبنان جنات النعيم
ومانبئت ان طرق الخلد لبنان
حتى انحدرت الى فيحا وارفة
فيها الندى وبها طى وشيبان
وجارها احمد ابقوتة فى قصيدة _ ذكرى النيل
ابحث عنها فى قوقل..ربما تجدها
خلفت دنقلا جنة النيل
وعبرت على عبرى وكرمة النزل
|
Post: #3
Title: Re: روضة الحاج تشتري حافلة هايس..و قطعة أرض في الصالحة
Author: Ro3ah
Date: 09-10-2007, 09:29 AM
Parent: #1
الاخ عمر الفاروق
لافض فوك
والله كلامك صاح ونبهتنالمنظور ونظرة للحدث من زاوية اخرى
والله القروش او كما تسمى الضحكات فى رواية اخرى سمحة خالص خالص.
لكن برضك المعتوق كان له نصيب الاسد اخذ المليون ارنبة كاملة بالتمام والكمال.
شكرا لك مداخلتك وبوستك ظريف وخفف علينا شوية.
|
Post: #4
Title: Re: روضة الحاج تشتري حافلة هايس..و قطعة أرض في الصالحة
Author: Nesta
Date: 09-10-2007, 09:37 AM
Parent: #3
200.000×540 = 108.000.000 جنيه بالقديم = 108.000 بالجديد
الحافلة الهايس بالترخيص والتامين وووو = 40.000.000
قطعة ارض في الصالحة ناصية 600 متر = 35.000.000
اها الـ 33.000.000 ديل تعمل بيهم شنو ؟؟
|
Post: #6
Title: Re: روضة الحاج تشتري حافلة هايس..و قطعة أرض في الصالحة
Author: Hatim Yousif
Date: 09-10-2007, 09:42 AM
Parent: #1
(((((((((الناس مغتربة من سنة أسكت غير الهبهان والقرنفل ومعجون الكلوز أب والشبشب الأييض والبشكير الملون ما عملت شي.))))))))) ...(وش بضحك لما دموعو نزلت)
-
ود الفاروق ...........هسع في داعي للفضايح دي ؟؟؟؟؟؟؟؟؟؟
-
|
Post: #7
Title: Re: روضة الحاج تشتري حافلة هايس..و قطعة أرض في الصالحة
Author: اساسي
Date: 09-10-2007, 09:48 AM
Parent: #6
| Quote: الناس مغتربة من سنة أسكت غير الهبهان والقرنفل ومعجون الكلوز أب والشبشب الأييض والبشكير الملون ما عملت شي.. |
اااخ يا عمر الفاروق يا حليل زمن القرنفل والهبهان ومعجون الكوز ابو زمن الدنيا بخيرها .. انحنا المساكين ديل حتي الاغتراب دا ما حصلناهو
|
Post: #9
Title: Re: روضة الحاج تشتري حافلة هايس..و قطعة أرض في الصالحة
Author: رأفت ميلاد
Date: 09-10-2007, 10:06 AM
Parent: #7
Quote: الإجابة وااااااااضحة زي الشمس..
وبعيداً عن النظريات والتربيت على الكتوف وروضة الحاج إستفادت لغوياً وروضة الحاج إكتسبت خبرة وروضة الحاج تطورت وروضة وروضة وروضة تناسى الناس أهم شي ..
روضة الحاج فازت بي 200 الف درهم !!!
وال200 الف درهم فازت بيهم في زمن وجيز جداً لا يتعدى ال 8 أسابيع !!!!!
الناس مغتربة من سنة أسكت غير الهبهان والقرنفل ومعجون الكلوز أب والشبشب الأييض والبشكير الملون ما عملت شي..
والخلاااااااااااص أنجز من غربتو عمل ليهو أمجاد وركشة ومحل تركيب عطور وحديثاً فتح محل للفطائر المصرية !!!
روضة الحاج في أقل من 8 أسابيع إستطاعت تكسب 200 الف درهم بي عرق لسانها ..
روضة الحاج لمّت حصاد الغربة وأول شي حا تفكّر فيهو إنها تشحن معاها حافلة " هايس" 14 راكب تشتغل السوق العربي أمدرمان بي ألفين جنيه الراكب(2 جنيه بي الجديد)..
وحا تشتري ليها قطعة أرض في الصالحة وبالقرب من المطار الجديد وكبري اللاماب المقترح تكون ناصية ومساحتها 600 متر ..
ربما كان الطموح قطعة في المعمورة ومع كل درجة تحرزها روضة الحاج كانت ستنتقل بها إلى رحاب أوسع في الخطة الإسكانية ولولا الحظ العاثر لتحولت الصالحة إلى المنشية !!!
يعني أسة إذا كان فازت روضة بلقب أمير الشعراء فهل ده معناهو إنو نحن نصدق روضة بقت أمير الشعراء؟؟ |
والله يا ود الفاروق ضحكتنى . وجهة نظر مغترب ضارباه فلسة . لكن فكرك الهايس والناصية ما بتكون عندها من زماااااان من جماعة الخير ناس المسك والنسا والكحل . ما بنسوا ناسم من الخير .
بس سألتك بى الله طبزتها تحت ليه| Quote: والموضوع يبقا زي جماعتنا المريخاب اللي قالوا فريقهم إسمو الزعيم ويا كافي البلا غيرهم ماف زول عارف اللقب ده !!!! |
|
Post: #8
Title: Re: روضة الحاج تشتري حافلة هايس..و قطعة أرض في الصالحة
Author: عمر الفاروق
Date: 09-10-2007, 10:04 AM
Parent: #1
الأخ عوض:
تحياتي ليك بس أوعا تكون من الجماعة إياهم ..
شاعر المنتدييّن أبقوتة :
لا فضّ فوك ..
أبشر بطول قصائد...
أما شاعر (جمبلوغ) أو كما قال (جلق) شاعرنا أبو حميد فهو شاعر رصين متمكن نعيب عله فقط بعض المخارج في الحروف إضافة إلى هذا البيت الذي قال فيه :
هيهات هيهات .. لا جنّ ولا سحرة ..
فهو شبيه ببيت الشعر :
هاتي هاتي يا نخلاتي..
شاعرنا أحمد شوقي نتمنى لك التفويق في المسابقة فأنت شاعر تستحق أن تكون أمير الشعراء
|
Post: #10
Title: Re: روضة الحاج تشتري حافلة هايس..و قطعة أرض في الصالحة
Author: ALGARADABI
Date: 09-10-2007, 10:21 AM
Parent: #1
200000 درهم في 8 أسابيع
25000 درهم في الاسبوع
3500 درهم في اليوم
مائة مليون جنيه سوداني ودقداق
يعني بيت في جبرة الجديدة
ولا الثورة بالنص ولا بالشنقيطي
المية مليون للبيت
والدقداق للسماسرة
والحساب والتضريبات للعمرين ( أنا وود الفاروق)
خوفي تخش السوق وتنسي الموضوع
|
Post: #11
Title: Re: روضة الحاج تشتري حافلة هايس..و قطعة أرض في الصالحة
Author: محمد الأمين موسى
Date: 09-10-2007, 10:27 AM
Parent: #10
الفاضل عمر.. لو كان عملت ليك همة وصوت لروضة كان اشترت ZY وقطعة في الرياض! ولكن يبدو انو مواقفك تشبه انتماءاتك الرياضية!
|
Post: #14
Title: Re: روضة الحاج تشتري حافلة هايس..و قطعة أرض في الصالحة
Author: فدوى الشريف
Date: 09-10-2007, 10:40 AM
Parent: #11
عمر الفاروق
فقعتنا بالضحك.
الله يديك قطعة في الصالحة 600 متر وهايسين بدل واحدة. واحدة تشتغل الحاج يوسف سوق ليبيا. النفر 3 الف. قول آمين
روضة مشاركة قديمة في المنتديات الشعرية. في المغرب وفي سوريا وغيرها لكن أمير الشعراء دي جابت حقها.
وما بقول تستاهل عشان ما نرجع تااااني للموال القديم. خلينا مع عمر الفاروق وبوست الاغتراب الما جايب حقو في شكل "روضة حظها".
سلام
|
Post: #12
Title: Re: روضة الحاج تشتري حافلة هايس..و قطعة أرض في الصالحة
Author: عمر الفاروق
Date: 09-10-2007, 10:33 AM
Parent: #1
يا روعة :
| Quote: لكن برضك المعتوق كان له نصيب الاسد اخذ المليون ارنبة كاملة بالتمام والكمال. |
المعتوق ده رطّب ترطيبة سنينك ..يعني عااااااااااادي ممكن يكون إشترى حافلة روزا وعمل ليهو محل موبايلات في شارع الرقة وقطعة أرض في الشارقة ومعرض سيارات في أبوظبي..
الأرانب دي حفااااااااااااااااااااارة ..
|
Post: #13
Title: Re: روضة الحاج تشتري حافلة هايس..و قطعة أرض في الصالحة
Author: عمر الفاروق
Date: 09-10-2007, 10:39 AM
Parent: #1
ابو نون :
| Quote: اها الـ 33.000.000 ديل تعمل بيهم شنو ؟؟ |
لو نبتعزّها بالجد شوف ليها حاجة 300 متر كده على جهتكم ديك من صنقعت انت ماش..
كلاكلة لفة لفة لفة لفة لفة ..
أوووووووووويا ..
كلاكلة لفة لفة لفة لفة لفة ..
|
Post: #15
Title: Re: روضة الحاج تشتري حافلة هايس..و قطعة أرض في الصالحة
Author: abuguta
Date: 09-10-2007, 10:52 AM
Parent: #13
Quote: لو نبتعزّها بالجد شوف ليها حاجة 300 متر كده على جهتكم ديك من صنقعت انت ماش..
كلاكلة لفة لفة لفة لفة لفة ..
أوووووووووويا ..
كلاكلة لفة لفة لفة لفة لفة .. |
يازول بعد دا ما احسن ليها ابقوتة 35 كيلو جنوب جبل اولياء
اها زوجها جدو عنده ارض بين ابقونة والقطينة
200 فدان , اها الارض دى اسى سوف يقوم فيها سكر ابقوتة
تبع لدولة الاردن,,,
والله المبلغ دا شوية مع كمية الاتصالات
الرسالة كانت ب 4 ريالات
|
Post: #16
Title: Re: روضة الحاج تشتري حافلة هايس..و قطعة أرض في الصالحة
Author: عاطف عمر
Date: 09-10-2007, 10:58 AM
Parent: #1
| Quote: روضة الحاج تشتري حافلة هايس..و قطعة أرض في الصالحة |
لا أدري لماذا تذكرت طرفة بلدياتنا الإقليمي وعمارات الخرطوم و ( أكل اللقيمات سااااااااكت )
ياصديقي البيوت تشكل هاجساً لنا نحن معشر المغتربين ، الأستاذة روضة تلقى بيتها ( إن فلست في المعمورة ) . والـ ( قريشات ) الفازت بيهم ديل يا دوبك يكفوها شوية ( دهيبات ) وشوية ( تياب ) مع شوية عطور
أنا شخصياً صوت لها لأنها في رأيي كانت الأفضل
وكريماتي صوتن لها و( قشرن ) بها في مدارسهم خاصة في الحلقة الأخيرة وكانت بالنسبة لهن مادة جيدة لإغاظة زميلاتهن المصريات حبث لم يكن ضمن الخمسة متسابق مصري .
الفاروق عمر
حمداً لله على سلامة العودة
كيف الأهل ؟؟
|
Post: #17
Title: Re: روضة الحاج تشتري حافلة هايس..و قطعة أرض في الصالحة
Author: Hisham Ibrahim
Date: 09-10-2007, 01:14 PM
Parent: #16
روعة يا عمر الفاروق ! وتفكير من زاوية تانية بس (حادة شديد) ...
المرة دي تشتري ليها 30 قطعة في الوادي الأخضر (الموت الأحمر كما يسمونها السماسرة) الحاج يوسف بي 60 مليون والباقي يا عاطف عمر تغير بيهو سكنها من الدروشاب الى منطقة أخري!!
أنا قلت للمرة أبدي إستعدي لمسابقة أمير الشعراء الجاية ... عشان تختصري القالوا عمر الفاروق دا!!!
والله انا عندي واحدة (مره) بس النقة (طول اليوم نق نق نق ....) !!!!!! لو في أميرة النقة تأكد تماما أني رجعت نهائي !!!
هشام
|
Post: #18
Title: Re: روضة الحاج تشتري حافلة هايس..و قطعة أرض في الصالحة
Author: انعام عبد الحفيظ
Date: 09-10-2007, 01:27 PM
Parent: #17
Quote: أنا قلت للمرة أبدي إستعدي لمسابقة أمير الشعراء الجاية ... عشان تختصري القالوا عمر الفاروق دا!!!
والله انا عندي واحدة (مره) بس النقة (طول اليوم نق نق نق ....) !!!!!! لو في أميرة النقة تأكد تماما أني رجعت نهائي !!!
|
|
Post: #20
Title: Re: روضة الحاج تشتري حافلة هايس..و قطعة أرض في الصالحة
Author: Wathig Makki
Date: 09-10-2007, 04:02 PM
Parent: #17
| Quote: (طول اليوم نق نق نق ....) |
D:
|
Post: #19
Title: Re: روضة الحاج تشتري حافلة هايس..و قطعة أرض في الصالحة
Author: Tumadir
Date: 09-10-2007, 01:38 PM
Parent: #1
لا يا عمر الفاروق فى دى بنصفك ...
يازول انت عاينت لى الموضوع بى عين لذييييييذة ...وخصوصا الحكاية بتاعة فوز امير الشعراء احمد شوقى ....
الدنيا دى الناس مخمومين فيها خمة مبالغ فيها ...ولا جايبين خبر...
فى واحد نجيض زيك كده قالو دايرين يشتروا مبنى فى امريكا هنا لى جامع ...والشروة دى حتم بعد نسعة شهور ...الامام قال لواحد مفروض يدفع كده ألف جنيه عشان الموضوع يتم وكده ...طواااالى زولك طلع الآله الحاسبة وضربها ...لقى انه الركعة واقعة بى خمسة دولار ...قاليهم الركعة واقعة معاى بى خمسة دولار ليه أصلو الجنه بى كم ؟؟ وطواااالى فرتق مشى ...
بس خليك قاعد فى ركنك ده وضرب لينا الحاجات وبعدين نحن بنشوف لو بتخارج معانا ولا لا......
|
Post: #21
Title: Re: روضة الحاج تشتري حافلة هايس..و قطعة أرض في الصالحة
Author: عبدالأله زمراوي
Date: 09-10-2007, 04:11 PM
Parent: #19
Quote:
(((((((((الناس مغتربة من سنة أسكت غير الهبهان والقرنفل ومعجون الكلوز أب والشبشب الأييض والبشكير الملون ما عملت شي.))))))))) ...(وش بضحك لما دموعو نزلت)
|
مضافا اليها الملايات الأميريكية اللعينة..
التي هدت كتوفنا وجيوبنا والأخيرة هي الأهم!
بوست لطيف!
|
Post: #22
Title: Re: روضة الحاج تشتري حافلة هايس..و قطعة أرض في الصالحة
Author: Abu Eltayeb
Date: 09-10-2007, 04:14 PM
Parent: #19
الأخ عمر الفاروق
سلامات
الشاعرة روضة زحفت 40 ميل, يعنى الميل ب 5000 درهم, عجبى!
لطفى
|
Post: #23
Title: Re: روضة الحاج تشتري حافلة هايس..و قطعة أرض في الصالحة
Author: Abu Eltayeb
Date: 09-10-2007, 04:16 PM
Parent: #22
| Quote: أنا شخصياً صوت لها لأنها في رأيي كانت الأفضل |
اخى الفاضل عاطف
تحياتى
الناس مواقف, وانت رجل مبادى, خزلتنى مع رحلة الميل 40
سلامى
لطفى
|
Post: #26
Title: Re: روضة الحاج تشتري حافلة هايس..و قطعة أرض في الصالحة
Author: عاطف عمر
Date: 09-10-2007, 07:04 PM
Parent: #23
أخي الحبيب لطفي
والله سلامات ومشتاقين يا رجل
لا أود أن أغير مجرى بوست الصديق الفاروق لغير وجهته ، لكنني لا أستطيع المرور عبوراً على ملاحظتك وسأعتمد عل سماحة أخي الفاروق عمر للرد بصورة موجزة عليك وأرجو ألا يؤثر ذلك على البوست بروحه اللطيفة .
قلت يا صحبي تعقيباً على كلامي ( أنا شخصياً صوت لها لأنها في رأيي كانت الأفضل )Quote:
اخى الفاضل عاطف
تحياتى
الناس مواقف, وانت رجل مبادى, خزلتنى مع رحلة الميل 40
سلامى
لطفى |
ردي على هذه الجزئية قد فصلته في بوست سابق للأخ سنهوري أعيده لك هناQuote: أربأ بك حقاً أخي سنهوري أن تقع في فخ إنكار إبداع المبدعين بسبب إنتماءاتهم الفكرية والسياسية لأنه داء لو إنفتح على مصراعيه لحرم الناس من بدائع ووحائد كثيرة رطبت صحراء حياتنا . لم يعجب الناس ( مجون ) أبو نواس لكنهم ذابوا في شاعريته . لم يستسغ الناس ( عنصرية وانتهازية وربما جبن ) المتنبي لكنني حتى اللحظة لم أصادف من لا يتمثل بأشعار المتنبي . وحتى حكومة الجبهة حين حاولت ( إلغاء ) أدب أديبنا الطيب صالح من خارطة التعليم الجامعي لم تفلح .لو ( عمم ) الناس منطقك هذا لربما طالبك البعض بحذف اسم محجوب شريف أول قائمتك الذي سخر موهبته لأسوأ دكتاتوية عرفها السودان الحديث ( وبيك يامايو يا سيف الفدا المسلول نشق أعدانا عرض وطول ). ورغماً عن ذلك لم نحرم أنفسنا من شاعريته وغنينا معه ياوالدة يامريم وفي إنتظارك وخلافهم .
حتى في واقعنا السياسي نختلف مع الكثيرين من الرموز لكننا نحفظ لكل منهم ما عرف عنه من موسوعية أو عفة يد أو ذكاء أو إستقامة أو ثبات على مبدأ. |
ومالي أذهب بعيداً أنت شخصياً لطفي علي لطفي الجمهوري أثق أنك تذوب وجداً وتدخل في ( أحوال ) عندما تنشد أو تستمتع لأناشيد الشاعر الأستاذ عوض الكريم موسى . و عوض الكريم موسى نفسه الذي ألف كتاب الهوس الديني .....( حسب رواية أخي د. ياسر الشريف ) يقف مع الآن الإنقاذ ( الهوس الديني الذي كان يحذرنا منه ) وهو جزء أصيل منها يروج لها ويدافع عنها .
أم هل يا ترى قد لغيت شعر عوض الكريم موسى من حياتك كجمهوري ؟؟؟
شكراً جزيلاً لحسن ظنك بي
وتكرار الشكر للصديق الفاروق
|
Post: #24
Title: Re: روضة الحاج تشتري حافلة هايس..و قطعة أرض في الصالحة
Author: عمر الفاروق
Date: 09-10-2007, 05:59 PM
Parent: #1
اخونا حاتم:
الفضايح مباريانا مباريانا أخير نفكّها في روحنا وننكشف على حقيقتنا ..
انا خايفك تكون من ناس سيجنال تو مش الكلوز أب
أساسي الوهم :
| Quote: انحنا المساكين ديل حتي الاغتراب دا ما حصلناهو |
نحن خلّينا ساي يا مان ..البركة الحقنا البنزين أبو 40 هللة على الأقل لمن نمشي السودان بنتجدع بيهو في الونسة ..
واحد قال لي أجمل بنزين في حياتي البنزين البجي بيهو من بورتسودان لحدي كسلا عشان بكون كابيهو من السعودية ..بالله من كسلا وانت ماش الجالون بي 6 الف وتفويل العربية بي قروش كتاااااااار لمن بقينا نكب خط خط ..
|
Post: #25
Title: Re: روضة الحاج تشتري حافلة هايس..و قطعة أرض في الصالحة
Author: جمال السنوسي
Date: 09-10-2007, 06:21 PM
Parent: #24
الجميل عمر الفاروق
نحن غايتو بنطلع من الغربة في الآخر بي شوية جضيمات وهديمات جديدة والبوم صور جميلة جنب التلفزيون والتلفون (ممكن الموبايل) والفيديو (الدي في دي) واليونيت الجميل في الصالة واقول ليك كمان صور جنب العربية والنافورة.
ده كله كوم والحيصل في مسابقة العام القادم كوم آخر
بالله كدي هسه في كم شــاعـر وشاعرة من السودان ومن باقي الدول العربية بتجهزوا لمسابقة أمير الشعراء 2 وكل واحد بيحلم بالجائزة
غايتو انا متوقع شعراء فطاحلة وأسماء كبيرة سوف تشارك من أجل المليون
كلها 8 اسابيع وتبقى مليونير
الناس يقول ليك يا كفر يا وتر
هسه يا كفر يا وتر يا شعر
انا غايتو امنيتي الفنية أحجج أمي
ومحبتي
جمال
|
Post: #27
Title: Re: روضة الحاج تشتري حافلة هايس..و قطعة أرض في الصالحة
Author: معاذ حسن
Date: 09-10-2007, 07:34 PM
Parent: #25
كما تقول امي عقب انفضاض اي هيلمانة
العريس عرس عروسو
والوزير كشر ضروسه
|
Post: #28
Title: Re: روضة الحاج تشتري حافلة هايس..و قطعة أرض في الصالحة
Author: عمر الفاروق
Date: 09-12-2007, 07:12 AM
Parent: #1
رأفت ميلاد :
مشكور على المرور ..
بس بيني وبينك كده أمير الشعراء دي ما بتشبه الزعيم ؟
القرضابي:
Quote: وين الحي بيك ..
200000 درهم في 8 أسابيع
25000 درهم في الاسبوع
3500 درهم في اليوم
مائة مليون جنيه سوداني ودقداق
يعني بيت في جبرة الجديدة
ولا الثورة بالنص ولا بالشنقيطي
المية مليون للبيت
والدقداق للسماسرة
والحساب والتضريبات للعمرين ( أنا وود الفاروق) |
قدر ما ضرّبتها أبت تظيط معاي ..
نحن ناس على قدر حالنا يادووووووووبك تضريباتنا ناس جيب الف عشان البوش وانت جيب خمسمية عشان الزيت وانت جيب طماطم وبصل من بيتكم وما تدفع في الشيرنق ..
|
Post: #29
Title: Re: روضة الحاج تشتري حافلة هايس..و قطعة أرض في الصالحة
Author: عمر الفاروق
Date: 09-12-2007, 07:16 AM
Parent: #28
الأخ محمد الأمين :
يا زول تصويت شنو ..
انا موبايلي كما يقول فنان العرب (على وزن أمير الشعراء) طه سليمان :
الرصيد خلصان ..يا عوض دكام
والشباب فلسان يا عوض دكام ..
فدوى الشريف:
| Quote: الله يديك قطعة في الصالحة 600 متر وهايسين بدل واحدة. واحدة تشتغل الحاج يوسف سوق ليبيا. النفر 3 الف. قول آمين |
لا حولاااااااااااااااااااااا..
بالله في زول واعي بيمشي من الحاج يوسف لي سوق ليبيا ؟؟
والله ده بالجد زول ما عندو شغلة ومفروض يشيلو منو خمسين الف مش 3 الف ..
|
Post: #30
Title: Re: روضة الحاج تشتري حافلة هايس..و قطعة أرض في الصالحة
Author: Ali Alameen
Date: 09-12-2007, 07:19 AM
Parent: #1
قبل يومين كان معي مجموعة من الاخوة يوسف النو و الوديع و بيناتنا كدا اقترحنا انو روضة تشتري ليها هايس و قطعة ارض لكن للامانةما كان حددنا الصالحة
|
Post: #31
Title: Re: روضة الحاج تشتري حافلة هايس..و قطعة أرض في الصالحة
Author: البحيراوي
Date: 09-12-2007, 09:20 AM
Parent: #1
عمر الفاروق تحياتي
يا زول إنت نسيت حاجة مهمة خالص
طالما أبو ظبي ساعة زمن من دبي ، بالضرورة غشوة لي سوق الدهب وتياب الحرير بشارع الشيخ زايد كمان . ودي عايز ليها كم ألف درهم كدا .
بحيراوي
|
Post: #32
Title: Re: روضة الحاج تشتري حافلة هايس..و قطعة أرض في الصالحة
Author: mahmed alhassan
Date: 09-12-2007, 06:25 PM
Parent: #31
يعني مشاريع اللسان والحكي ممكن تختصر الغربة!!
العزيز عمر الفاروق
مررنــــا للتحيةوالسلام ولايزال رقم هاتفك الجوال مفقود
|
Post: #33
Title: Re: روضة الحاج تشتري حافلة هايس..و قطعة أرض في الصالحة
Author: خالد سند
Date: 09-12-2007, 06:39 PM
Parent: #32
والله بالغتو
الزولة دي حابتو بي عرق لسانها
|
Post: #34
Title: Re: روضة الحاج تشتري حافلة هايس..و قطعة أرض في الصالحة
Author: Abu Eltayeb
Date: 09-13-2007, 03:24 AM
Parent: #33
Quote: ومالي أذهب بعيداً أنت شخصياً لطفي علي لطفي الجمهوري أثق أنك تذوب وجداً وتدخل في ( أحوال ) عندما تنشد أو تستمتع لأناشيد الشاعر الأستاذ عوض الكريم موسى . و عوض الكريم موسى نفسه الذي ألف كتاب الهوس الديني .....( حسب رواية أخي د. ياسر الشريف ) يقف مع الآن الإنقاذ ( الهوس الديني الذي كان يحذرنا منه ) وهو جزء أصيل منها يروج لها ويدافع عنها .
أم هل يا ترى قد لغيت شعر عوض الكريم موسى من حياتك كجمهوري ؟؟؟
شكراً جزيلاً لحسن ظنك بي
وتكرار الشكر للصديق الفاروق |
الأخ عاطف
المتعاطف
ولكننى لن ولن اصوت له, فالصوت مسئولية امام الله وجب تحمل مسئوليته, حيث لا تذر واذرة وذر اخرى, حيث لا ينفع مال ولا بنون, حيث ان السمع والبصر والفؤاد كل اولئك عنه مسئولا, فليرد الله غربته, وليحفظنا الله من مكره, ويمكرون ويمكر الله, والله خير الماكرين..
فاليوم صوت وغدا سوط, لذلك سوف اكون حزرا حتى اتى الله بقلب سليم..
ولك خالص معزتى وانت بذلك ادرى
ولا عدمتك
لطفى
|
|