كل الإنــــاث بـارود ســـــريع الإشـــتعال

هــى ليست المــره الأولى التى أبـكى فيها خلســه
أبكى بفــعل الحـب والهيام أو بفـعل شئ آخــر
ومن شـدة إعــتادية الحزن والدموع
وإتحاد الأشياء المالحه فى داخـلى صار الأمـر أكثر إلفـه
ولكن فى هذه المـره إشـتد الأمــر وصـار طعمـه حـاذقاً أكثر
ولأن الإنسان دا بطبعو رهيف
وناعم من جوا
وقابل للكســر عشان كدا بتحصل الحاجات المذكوره أعلاه
أنا تأكدت من إنه رهيف بالفعل ..
ماتسمعو اللغلغه والجعجيع الظاهرى دا
والله لما ينهار رُررررب يتْماص زى حيطة الجالوس
ولما يبدا الخوار كالعجــل وأشـد
وليلة البارحه كانت بهكذا شكل
إنهيار جزئى .. فكلى ... وهاك يا جــعْير
يااااخ والله أنا ما نصيح ...!
بعدين البكا دا بســماحتو وطعم الراحه الموجود فيهو
للزول الكبير حاجه عجيبه خلاص
ويبدأ التنهد
إســتغفر الله ..............
خلاصة الموضع دا أنا بكيت وحمدت ربى
وكان النتاج
كان الهدوء فى آخــرالأحــزان
وكان كل الإناث بارود سريع الإشتعال
وأنا ما نصيح

يا زول والله انت نصيح وشديد والبكاء ما عيب هو عبارة عن خلجات وتنهدات تمرق من الأعماق وصدقني

يا داش انت إنسان حساس وشاعر وإلا ما خرج منك كل الجمال في كلماتك الرقيقة والمعبرة , ياخي

بالله عليك ما تزعل وقدر المحب الوله والهيام وربنا يجمعك بمن تحب عشان تبكي هي وانت تقعد

تفشقش في الدموع .

داش بجيك راجع تاني إنشاء الله .

هاشــم الوريف


بصراحه شديده
اللى حصل كأنو لم يحصل من قبل



يارجل
أنا عمرى ما شفت نفسى منهار
...
..
.

ولو لا وجــود رفقه بأدمين ينضحون جمالاً بهيج
لكانت جدوال الدموع فى دفقها الشلال
تزحف كما الغرق الأكيد
وتهددالسلام الداخلى المهزوز
من رعشات البروق والمطر المخيف

أنت وهــم
جميعاً كنتم الملاذ الآمن

فأبقوا كما قدر لكم
هنا ..
فى حنايا القلب

عاطر الموده
يا هاشم

ســامع وحِــيحِك شــقْ جنح الليل
وجــلجـلْ فى السكون
هبش العصب لامس ضــباب الرؤيـه
فى الحــال البهــيم
يا حــسرة الآهــات وأنــات الصهيل
أســـفى العميق
تبقى المساحات للشجون
أوسَـــع خــيال ... يحلم يفـيق
على سـقيا ما فـتأت على غسل العطش
أنا إحــتكمت على إحــتمالات ما يكون
حاصل نتاج حزنى القديم
كل الإنـاث بـارود ســريع الإشــتعال
يا واحده فينى تْحــكّرت ما بتنهــبش
والسقا كيف تقدرعلى غسل العطش
ما فـــكّرت ... !!
أنا كائن الليل الحزين ..؟!
وبدت شــرخ فى الروح جريح
حال المعادله بالصريح
الســاحه ما ( متكافآ ) من جهة القتال
نكأت جــراح ...
والروح تفتش فيك براح
واســع كما مـطر الوبـال
بديكِ إذنـك للخــروج
وأعـزم عليك عُـرى الحقيقه المتهم بالإفـتعال
شــكرى الجزيل ...
ســرد الحكايات والنكايات
والخرافه المستحيل المُــتْلبش
الشــافعه زى قمرا وشموش ما بتنْدقش
والواقعه من فــج الســما
لابُــْدا تحويها الرمال
فــكرت فيك ..
ألقــاك فى صــدر المتون
جــداً ...
بتقــربى زى حلول
تبقى المســافات
والخلاص زى غيمه وسط الريح تموج
نــداً ...
يســاويكِ المجال
ضغط الهــوا
والإنفــلات العكـسى ناحية الخــطر
اســتغرقِك ...
زى أيْ أحلام بإنشــراح
فــجراً أصــيح
يا ســاريه الجبل الغمام
يا
س
ا
ر
ي
ه
البحر الضفاف ..
صــفق اليباس فى الريح يطير
شوقى الحــذِر
يا مقدر ... بالإقــتدار
ألهمنى غـايات الصـبُر
والإحــتمال
أنا ما عــزمْتِك ...
شان تخربشى فى جدار الروح نهار
أن قــلت ليـك ...
يا قوس بيشــرب فى المطر
يا أيما زخــات إذا هــتنْ الشِعر
قــدَرَ الضلام
يتوســد العــتمه الشهيق
والمافى فى صدر السما
نجمى التَمَــرْد فى الإفول
أســتغربِك ...
مالك بقيتى على عديل ..؟
شفق الأصــيل عاند مسارب الحُـزنِ
أدانى إهـتمام
أديــينى مُقـنع راسك
أقنعــْ ــبو الجنون
أنا ما نصــيح
فكرت أقــطع للوصال
وأرحل إذا لزم الرحـيل
أتناســا ألقاك فى العيون
عفواً دروب الفرقه بمشيك ( بس كســيح )
وأبكيك عشان أتنهــدِك
حننتى غُصــن الحنه
غوصــتى المهام
بربحْــتى أفراح الشدر
من أى اشــواق للخدار
الفوضى لبســتنى إنتهت
أنا ما نصـــيح ...
لو عينى عيــينِك
منهــزم مكســور
وراضى الإحــتلال

8/9/2007

يا راعي الحروف بحكمتك أظهرتا أجمل حاجة فيك .

خليتني اترقب مجيك زي زول سهي وضل الطريق

وجلالة الأشواق وحاتك مش بس بحبك وببقي فيك

تنسلا من جوه العروق ونبض القلب ولهب الحريق

Quote: ســامع وحِــيحِك شــقْ جنح الليل وجــلجـلْ فى السكون هبش العصب لامس ضــباب الرؤيـه فى الحــال البهــيم يا حــسرة الآهــات وأنــات الصهيل أســـفى العميق تبقى المساحات للشجون أوسَـــع خــيال ... يحلم يفـيق على سـقيا ما فـتأت على غسل العطش أنا إحــتكمت على إحــتمالات ما يكون حاصل نتاج حزنى القديم كل الإنـاث بـارود ســريع الإشــتعال يا واحده فينى تْحــكّرت ما بتنهــبش والسقا كيف تقدرعلى غسل العطش ما فـــكّرت ... !! أنا كائن الليل الحزين ..؟! وبدت شــرخ فى الروح جريح حال المعادله بالصريح الســاحه ما ( متكافآ ) من جهة القتال نكأت جــراح ... والروح تفتش فيك براح واســع كما مـطر الوبـال بديكِ إذنـك للخــروج وأعـزم عليك عُـرى الحقيقه المتهم بالإفـتعال شــكرى الجزيل ... ســرد الحكايات والنكايات والخرافه المستحيل المُــتْلبش الشــافعه زى قمرا وشموش ما بتنْدقش والواقعه من فــج الســما لابُــْدا تحويها الرمال فــكرت فيك .. ألقــاك فى صــدر المتون جــداً ... بتقــربى زى حلول تبقى المســافات والخلاص زى غيمه وسط الريح تموج نــداً ... يســاويكِ المجال ضغط الهــوا والإنفــلات العكـسى ناحية الخــطر اســتغرقِك ... زى أيْ أحلام بإنشــراح فــجراً أصــيح يا ســاريه الجبل الغمام يا س ا ر ي ه البحر الضفاف .. صــفق اليباس فى الريح يطير شوقى الحــذِر يا مقدر ... بالإقــتدار ألهمنى غـايات الصـبُر والإحــتمال أنا ما عــزمْتِك ... شان تخربشى فى جدار الروح نهار أن قــلت ليـك ... يا قوس بيشــرب فى المطر يا أيما زخــات إذا هــتنْ الشِعر قــدَرَ الضلام يتوســد العــتمه الشهيق والمافى فى صدر السما نجمى التَمَــرْد فى الإفول أســتغربِك ... مالك بقيتى على عديل ..؟ شفق الأصــيل عاند مسارب الحُـزنِ أدانى إهـتمام أديــينى مُقـنع راسك أقنعــْ ــبو الجنون أنا ما نصــيح فكرت أقــطع للوصال وأرحل إذا لزم الرحـيل أتناســا ألقاك فى العيون عفواً دروب الفرقه بمشيك ( بس كســيح ) وأبكيك عشان أتنهــدِك حننتى غُصــن الحنه غوصــتى المهام بربحْــتى أفراح الشدر من أى اشــواق للخدار الفوضى لبســتنى إنتهت أنا ما نصـــيح ... لو عينى عيــينِك منهــزم مكســور وراضى الإحــتلال 8/9/2007

ياداش ياريت كل الناس تحب وتبكي وتقدح زناد العشق نار

ترمد لنا كلام ذي ده واصل علي جدار الليل نواحك ياجميل.

،،،،أبوقصي،،،،

ياريت
لو أقدر أهبش وجعى وأسكت
ياريت


"كنا أثنين لا سوانا.....أنا والإنتظار"

نفتح مخرج الريح لنلهو عندما يعابث ضفائرها
ونضحك بطول هذا الفضاء
لا نمل منها ولا هي تتكدر من رعونة الاقدار
للإنتظار معني ....
أن يخفق قلبك حتي تراه يرتجف من شدة الإحساس
يجاوبني ما يملك من قدره...!!
حينها قد أرغم نفسي علي الملّل لأحس طعمها والإنتظار
كل الكائنات لا تميل لها في شئ
ولا تدين لها سوي بالإختلاف
والدفء منبعه اللظي
والنار تجتذب الفراش...

ابوقصى الجميل
سأوافيك بما أحس

لك الود

هاشــم
العزيز


حال المجابده فى سرج عريان
من الترف المؤكد فيها
يباس نشف لهاة الحلق
كورك شقق اللهفه
إنسرق بالراحه
دون مايشعر الخلق
البتدفر فى فخار مسلوق
بجمر الصبر
لمع فى رقرقه دمع العيون
صوت نار
تعال لوليها ...
لو تسكت
يخــدر جرفها
ونديها مشرع طاقه




ما أكتر

موده غيوم

ما اجمل ان تبكى
ما اروع ان تنتحب احيانا
تحس انك ليس (حيطة جالوص وانهارت بل ابراج المركز التجارى نفسه)
تحس بعدها بيقين ان الحياة حلوة
وان من بكيت لاجله او معه يستحق ذلكم الفعل الجميل
يوم ان تحدثت اليك فى التلفون كنت فى حالة بكاء
بعدها ايقنت اننى احمل كل دفء العالم لان احدا يهتم بى ويكلمنى
احيانا الوحدة تصيبك بحالات بكاء غير مفهومة وغير مسببة
لكنها تميط عنك بعض احساس بالوحدة لان الدمع يعود صديقا
تحس بحلاوة الملح الجارى على خديك
تلحس تلك المرارة وتعود متالفا مع حالتك
احب ان ابكى وكثيرا
احيانا ابكى لمجرد الاستماع لاغنية
او قصيدة شعر او صفحة من رواية تبكينى هذه الاشياء
احيانا مشهد طفل معوق لايستطيع الكلام او الجرى او النظر
يوقفنى مثل هذا المشهد بين يدى البكاء فابكى بحرقة واحس عجزى لكن دمعى يوقظ انسانيتى كثيرا

عبد الله
شاعرنا المرهف

لا عليك أخي لا عليك
أغسل روحك بهذه الدموع فكلنا ذاك الرجل

Quote: ومن شـدة إعــتادية الحزن والدموع وإتحاد الأشياء المالحه فى داخـلى صار الأمـر أكثر إلفـه

عندي أنا .. ليس أمراً واحداً الذي صار أكثر ألفة .. بل كل قبيلة الحزن و مدن الدموع ..
و بجيك راجع بعد الأرشفة لهذه الأمور التي صارت أكثر ألفة

دمت

ابوجهينه العزيز

ســيدى ..

ضغط الكثافه وحرارة الأشواق
وأشاء ذات حواف حاده
حرّضت الهدوء
وإستفزت الوعى
وأدخلت فكرة ان المطر معادلة
بخار تكثف بعفل دموع مالحه
لخرافةٍ ما فى زمن ما
وأن الجليد المختبئ فى أعالى الشواهق
ما هو إلا بركان هادر بالحمم
هو الأنقى لأنه ينظر إلينا بتحفظ وحذر
هو الأقوى فى الجرف إلى الجرف
وما أن حان وقت البكاء
تمام الحزن تماماً

فسال على جنبات الصخر حفراً ونخراً
وشكل بؤرة تهديد واضحه
كما زعم العالم الآن

الجليد واحدإرهابى بس
ويهدد الهدوء الإنسانى بالغرق

البكاء حالة إنتشــاء مريحه
لواحد مسكين زى حالتنا

وحالة التآلف المتحده
كونت فكرة الإنزواء للدواء الأمثل
وكان ذلك
فى الوصفه السحريه
المذكوره آنفاً

يعنى معنى كدا
أبكى ولايهمك


عمومًاً أنا راجيك
بدموع لاتجف



دمت كما أود وأشتهى

Quote: يوم ان تحدثت اليك فى التلفون كنت فى حالة بكاء بعدها ايقنت اننى احمل كل دفء العالم لان احدا يهتم بى ويكلمنى

وأيقنت نفسى جازمه أن ما تحمليه فى ذاك القلب تعجز عنه القدره
كلنا نهتم بما يعيرناالأهتمام والرعايه
ويمد كفوفه بيضاء
لتمنحنا الســـلام
فأنت الســلام
ولك الســـلام
والكلام الزلط



لذا نحاول مقدورنا
أن نوفيك عطاؤك الفياض

بت الشيخ
العزيزه


أشعر الآن بما كتبت قبل عامين ونيف
بالآتى

ـــــــــــــــ

قوقــــاى ...

مدفون حي
متجمد دون إحساس
متوتر جداً
مُـرهق "حــيل"
متوسـد وجع الفرقة ونايم حالاً ما نعسان ..
فتشتك وسط وجوه الغُــرباء
اللون البشرة عيونهم
أتفقــتدك ..
فيـما بينهم فـرداً فـرداً
رد صـــداك
أنا جـواك
بتفْـس وٌهٌــجكٌ ..
أنا جـاياك متعجلة جداً
بي مقياس السرعة أساوي
واحد خـطوه تمـثل ميل
آمــين لو كنتــك ؟
وعمر الزمن إتقصّــر
كان أديتك عمـري فديتك
من التعب الهدْهدٌ عصبك
كان سـاويتك
بــى ما أمـلك
كان أهديتك قصر أحلامى
ورمل الصحـرا
ومليون شـكراً
بس لو تعرفى
كيف متورط فـيك منتـظركِ لّى
مدفـونِك حي
ياعمـر البهجـه
وســرِ غُــناى
لو تبقى الطوق الفي خـناقِي
أنا غـنيتك نص الليل
ترنيمة شـوق
زي قـمرية ..
حزينة تقــاقي
مدفـون حي
في جـواي
يا نبضي الحي
يا حي .. ياحي
ياحي وحَّـات القلب الراداك
أنجز وعدك ليكا ولي
أطلع قبل مسافة بعدك
وأنزل فيــنى مسافة اللقيا
وأمرق حي
يا حــى .. يا حــى

Quote: شان تخربشى فى جدار الروح نهار أن قــلت ليـك ... يا قوس بيشــرب فى المطر يا أيما زخــات إذا هــتنْ الشِعر قــدَرَ الضلام يتوســد العــتمه الشهيق والمافى فى صدر السما نجمى التَمَــرْد فى الإفول أســتغربِك ... مالك بقيتى على عديل ..؟ شفق الأصــيل عاند مسارب الحُـزنِ أدانى إهـتمام أديــينى مُقـنع راسك أقنعــْ ــبو الجنون أنا ما نصــيح 7

الزيك ده يا عبدالله
مابقولوا عليه

كر

اديته الخلا والشدر

بقولو

اريتنا بي حاله

الجن عندك

والجرسة عندك
ويقام الماتم بسودانيز اون لاين اللفة

فقدناك وانت بي سببك

على صعيد آخر مختلف جداً
هنالك إرتكاز قوى على إحساس مزدوج
بالضحك فى وسط البكاء
على شئ أشبه بالهستريا
وتبعات الغضب والصحيه والصدى إرتداد
قل ما تشاء..
ولى أن أقول
أنت واحد من يمتلكون خزائن الضحك
لأحد يعج فى النواح بصوت مبحوح

هسى عليك الله الناصح منو؟
المقارنه بيناتنا الاتنين
أريتك ما تلقى نصاح
والله ضحكتنى ضحك عجيب
وبفعلك الجميل هذا
شابكنى الضلام
مرواد
وكحّل لى عيونى نهار
وخليتك براك فى الحته
بى وين أ جيك يا همى
وحس الرمله حساسه
تحسك لمحه فى أيديها تتشرا
وتبقى المويه رقراق من رهاب
أنده على وجع المفاصل
كر ....
من حال الدموع الطريه
وجهجهة حال الهبايب فى المطر
....
ولأنك مجذوب ومفعم بالمرح
كإنجذاب درويش يمعن النظر
فى سعف النخل
فى الجاذبيه
والسمو الذهنى فى حالة تشرد
وإهمال

دائما تخرجنى من ضيق
إلى هتاريش محتمله

محمدحسن

مشتاقك جداً

إتخيل الإزميل وقع من فكرة وقافن والثبات
إتخيل!!!!!!!!!!!!!!!

مصطفى

ودِّر منــك كــلام الليل
وباريت الدروب تشــهد
إذا اتأكـد ...
خجــل إزمــيلنا
من حــفرالخطوط معــذور
وقع بالرجــفه إســتأذن
وقع بالحــيل ...
أكيد مــجبور



ديل البنيات المشن على حس الفواصل
واحده منهن إشتكتنى
وإنتهت جــواى ريد

إتخــيل الإزميل وقع
من فكرة التكوين معاهن
والثبات

تحياتى
يا وريف

..
ورمضان كريم

العزيز داش ...

الم اخبرك مرارا وتكرارا بان اجمل كلامك يتوسد حزنك ؟؟ ..

الم اخبرك بان الحزن ضيف عنيد ... ان صادقته استحى وتوارى خلف الابتسامات النائحة ..

وان خاصمته تربع فيك ونادى ( حي على البقاء ) ...

يا صديقي ...

ما اجمل البكاء ...ما اروع الراحة التي تمنحنا لها هذه القطرات المالحة ...

دموعنا تشبه بالضبط صمام الامان في طناجر الضغط ...

يرتفع الصمام ويخرج الهواء الحار حتى تتنفس الطنجرة ولا تنفجر من شدة الضغط ...

وهكذا تفعل دموعنا ... انها تحررنا من عبء المشاعر الزائدة ... وتجعل افئدتنا قابلة لتحمل المزيد ...

ابكي كلما طاب لك البكاء ... لا تخجل من دموعك ... فهي مفتاح اصفاد روحك القلقة ...


تخريمة :

هل تسلمت الرسالة ؟؟

الوريفه

سناء

عملت بنصيحيتك من يوم سماعها وهى فى القلب والسمع وهو ان أعمل الآتى...
( صالح الحزن تسلم من تبعاته )
فعلاً هذا الدمع أجمل من تربيت على الكتف
وتحفيز للهدوء والإستكانه

ولدربكة رمضان وأشياء أخرى
هذا جزء من الرد الطويل المحتمل



عنوه:

يبدو إنها ضلت الطريق
أرجو إرسالها مره أخرى


راجع ليك تانى برواقه



معزتى الما غابياك ديك ...
مطعمه بالحزن ..

Quote: أنا جـواك بتفْـس وٌهٌــجكٌ .. أنا جـاياك متعجلة جداً بي مقياس السرعة أساوي واحد خـطوه تمـثل ميل آمــين لو كنتــك ؟ وعمر الزمن إتقصّــر كان أديتك عمـري فديتك من التعب الهدْهدٌ عصبك كان سـاويتك بــى ما أمـلك كان أهديتك قصر أحلامى ورمل الصحـرا ومليون شـكراً بس لو تعرفى كيف متورط فـيك منتـظركِ لّى مدفـونِك حي ياعمـر البهجـه وســرِ غُــناى لو تبقى الطوق الفي خـناقِي أنا غـنيتك نص الليل ترنيمة شـوق زي قـمرية .. حزينة تقــاقي مدفـون حي في جـواي يا نبضي الحي يا حي .. ياحي ياحي وحَّـات القلب الراداك أنجز وعدك ليكا ولي أطلع قبل مسافة بعدك وأنزل فيــنى مسافة اللقيا وأمرق حي يا حــى .. يا حــى

ويحيا الجمال .. ياروعتك استاذ داش ..مزيد من التآلق والابداع ..

هند العزيزه

أن تصحو واقفأ على أحلامك
تصاحبك أينما حللت
أهلا بها وهى تملأ حيز المكان

لك هذه الكتابه اليتيمه


ــــــــــ



إرتجــلي الكلام
من ركـن الوجوم
أبديها بالتحريض
علي الكان مســتباح
إســتهلكي القوت من بيوت النمله
والمويه ذرات من هواء وأتنين
هي كيف الدنيا .... ؟
تقلب وشها التاني
المـرايه بـراها
في خجــل السنين بتْدور
أدمني الشــوف
في المــَدي الجــاييكِ
من بين المسـام هينين
أنا كيف تحــاصرني الهموم
من تاني أيه ..؟
باقي الفـــضل
أنا ويــن .. ويــن..؟؟
ومين ما كان يكون مــوهوم
يمـــنعني مــنك كيف ؟
إذا المــد جــابني ليك
عندك وما مــصدق خــطاي !
وكفــرت بي كـل الحــواجز
لو تقيف بالصد تكــبلني وتفــك سـاجور غناي
ما تكمــلي الفي الجــوف معــاي
الشوق بحــر ممــتد علي مد البصـر
علي ويـن أقـبل بيــك
كـترت السـؤال معـليش
علي وين أدسـك مِـني في جـواي
خــريفين وإرتـوا
يتاكا ضُــلي هــناك هِـنا
طشــيت معاك والطـيش هوي
وشـــقيش توديني
وتباصري مــرُوقي من حلق السكات عـبّره
وســيل الرغــبه يسأل بكره
والهــبيش ســـوا
وعلي وين أقابلك صحّوه
في حُــلم اللــيالي الهِــيش
يحاصرني الســـؤال علي وين ؟
يا سانه مشهادك علي ...
صقران حديد سيفك
وأنا تاني مسلوخ من ألم باكر
عذابات إكــتواء
والنار ملاذ الضوء
وبيت دفئ الشِــتا
وعلي وين


ورمضان مبارك عليك

فلتشتعل كل الإناث لتحرق صندلك و يفوح منك هذا البخور ..

حســام المهذب

بحسك برق
من رعود السما
وسلم على درب المزازيق
الفرق.. واضح عيان
ياسيدى عطرت المكان
وفرحت بيك

وأنا معاك ..!
ــــــــــــ

للبت الوجع


أنا ما معاك
طل الأريج من وردة الأوركيد رهام
وحــم الحلم سر من هواك
عصب اليقين
من نزعة الروح إصطفاك
فسفور وحجه من الكلام
ضجه ومسافة خطوتين
تبقي البلد مسبيه حمرة عين حرام
متبري منها دمها
الورده ما رشحت نداك
منشوله من آخر مكان
طعم الوجع والهترشه
ما ترزحي وتستسلمي
راجيك أكبر من كدا
إتجاوزي المحن المعاك
الخانه فاضيه تحمّدِك
متوسداني وناكر الهم والفكاك
ممتده من آخر خرايطك والمقاس
مقدوده من وين..؟؟
من محافلك في الأساس !
متعكّره ومعسوله يا طعم الوجيع
منقوعه في الريق من متين
مــــعــقـول...........
إهتداكي الصحو
الكاكاو بيسأل فيك
( ما شكل لوني بعد نار الطهو
وما شكل طعم الماء
بعد السلام والسهو..)
مـعــــــــــقول


ورمضان كريم

تعرف يا اخ عبدالله, والله انت الاول..!!!
تعرف انا مشكلتي اني ما بعرف ابكي..!!
افكر في طبيعتي الغريبة احيانا...و احاول البكاء ..ولكني لا استطيع...
حزنا ..الما ..او فرحا...لا اعرف البكاء
انت انسان طبيعي جدا..
المشكلة نوعي الغريب دا..!!!!
كبت المشاعر و مداراتها..(وانا الاول فيه)..ضار ضار ضار..
تحياتي

Quote: تعرف يا اخ عبدالله, والله انت الاول..!!! تعرف انا مشكلتي اني ما بعرف ابكي..!! افكر في طبيعتي الغريبة احيانا...و احاول البكاء ..ولكني لا استطيع... حزنا ..الما ..او فرحا...لا اعرف البكاء انت انسان طبيعي جدا.. المشكلة نوعي الغريب دا..!!!! كبت المشاعر و مداراتها..(وانا الاول فيه)..ضار ضار ضار.. تحياتي

زياد
العزيز


إذا مشكلتك ما بتقدر تبكى
دى حلها بســيط جداً
أقول ليك شئ..

فى داخل كل منا مواهب وملكات
يمكن تطوريها حســب ماتقتضى الظروف
مثلاً النمر المفترس المتوحش به من الغرائز الأليفه
ما يدع لحارس الحديقه أن يداعبه كالقط
فيصبح العكس ( يعنى إستبدال التوحش والإفتراس بالإلفه والوداعه )
فقط لأنا طورنا عند هذا المفترس ملكه نائمه
فصار كما نحب أن يكون

شفت كيف ..

زياد أفســح لنفســك مجال لترى ما بها من إنسانيه طاعمه
فى هذا الدمع
فى المدعو البكاء

وبالدمع تنفطر القلوب
ومصارحة النفس بأفعالها تجعلك
تبكى من نفســك لنفســك


خليك الأول فى الوضوح (لا تكبت لا تدارى )
خليك الأول فى الجعــــير
ترتــاح

ياااخ
تحياتى ليك
ومبروك عليك الصيام

الحبيب عبد الله
تحية ومودة بمقادير تعيها جيدا ...
تعمدت .. تحاشي البوست ...
كي لا .. اصنف ...
كمفسد .. في ارض ..
رطيب .. دمعاتك ..
وشفيف .. اناتك ..
حتى .. فقدت القدرة ..
على ... السكون ...
...................
حينما .. نال منها ...
هادم ... اللذات ..
وبما انها .. اميرة .. القلوب
تجمع .. الالاف .. ليعبروا ...
عن حزنهم .. في وفاة ...
الاميرة .. ديانا ..
خير وسائل .. التعبير . لديهم ..
بـــاقـــات الـــــورود ..
مصحوبة .. ببطاقات ..
تعبر عن .. لوعة .. الفقد
احدى ... البطاقات ...
في .. احدى .. الزوايا ...
كتب .. عليها ما يلي ..
IT IS NOT RAINING , IT IS THE TEARS OF A NATION
( انها لا تمطر الآن .. انها دموع الامة ) ..
عذبتا .... ياخ ... الله ... يسعدك

وهل من حياة بلا دموع
وهل من تجارب بلا حزن
فلنبك كلما لمست ايادينا جراح الامس
ولنفرح كلما اغلقنا لليأس باباً
فالامل مطية الحياة
وقادمك - يا عبد الله - احلى وابهى باذن الله

شَيْماء

يا ســــلام


يا شـــيماء والله كلامك دا هو المضمون
هو الحكمه التى أبحث عنها
هو النصيحه التى غارت فى أسبارالروح بالأمل

Quote: هل من حياة بلا دموع هل من تجارب بلا حزن فلنبك كلما لمست ايادينا جراح الامس ولنفرح كلما اغلقنا لليأس باباً فالامل مطية الحياة

ســأمعن التأمل
فى قديمى الجديد
ولا أبارحه ولا أتعجــل

وتانى شئ

أولاً مرحب بيك
وأهلاً وســهلاً

ومبارك عليك الشهر الكريم

دمت بخير

عوض عكاشه

سلام عليك



مليت تصاريح المغادرة والسفر
والاسئلة المطروحة
في الزمن الحرج
دوخت احساس الشعور
جنيت وغبت عن الوعي
أغزل خيوط ضو الشموس
في ليل بهيم
أسأل عليك كل الفضا ..
والانشداه
بين شوق وخوف
غمضت خالجني انتباه ..
كل الفوارق والتشابه في السطور
أدركت معنى الريح
وإنذار الحريق
والمخرج السري المخيف
والخوف ملاذ الأمكنة


ولا كيف ..؟

شكراً يازول يا رحيب
إتصالك أفرج عن الأحزان
كأسراب الحمام المحبوسه

فحلقت النفس فى أفلاك البهجه
وإبتســـمت مهجتى ملأ النظر



إنت تعال إنشاء الله تبقى جليد
ولا رهابى ..
تعال ولايهمك
ففى القلب متســع يخصك

لك الود

عبدالله داش

لقد كنا نحن بهذا الاحساس المتكافئ فى دهشة؛ نتيجة ارتعاشه حب خلاقة بين رجل هو مطلق الفحولة التى فى الابداع ؛ وامراءة هى عنوان التجلى الذى فى الخصوبه؛ هى الكلمة النافذه التى فى جذور النخيل ؛ وفروع التبلدى؛ وشرعية الانجاب ؛ ثم هناك العطاءات السماويه الثره حين يقشعر جسد الحقول بومضة مطر ناشئ ....
وفى نهاية المطاف صديقي يسافر الطيف فى الاحلام ... [ودي الارداة ونحن مابنقدر نجابه المستحيل] ياااااااااااااه..لو شفتى كيف بنزف نزيف الورد بالشوك ما انطعن!!.

• كلامى ده كلو شيلو ارميهو البحر انا مالقيت شي يمكن يعبر غير الاغنية دي ، مرات بتبكي عديل يعنى نلقاها منك ولا من غيرك ياداش ..

وما أن مــالت الشــمس وبدت أســراب الطــيف
تتأهب لغــزو مســاحات الفــرح ....
لتعـــطير المــنام بشـــيئاً من أدغــاث أحــلامي
جــائتني ولم أتمكن حينها من سرقة إحساس الشوق العام
هيئتها تتمــازج في الحــزن
والحُمــره لا تشــبه إلا لسان اللهــب المـــاكر ....
ســألتني عن نفســي عن ما أنا .. وأنا
وأشــياء ...
تخــص الحـــاجات البـالي بـالك ...!
نحـــمدكـ يــــا الله
والله الدنيــا
فيها حـــاجات ســـمحه ســماح ...
.....
...
فجـــأةً قبل أن توقظها صرخات الألم ووخــزات النزف الدافق
بادرتها بأسألتى ..نظــرتُ إلى أعلى وإنهالت الهــمْهمات
هل تعلمى مقدارك فى خارطة ظنى
هل تعلمى حيزك فى حنايا القلب
أحسك كلما لامست أوردتى شهقات التنفس
وهل مره أخــرى
وهللولة أســـئله
معليش ..يا
م
ع
ت
ز



ســرحت ونسيت رمضان
وخــشْــيت على الروح
بالهتاريش والعذاب
...
.

تلقاها منى أهون
هى عباره عن دموع ما أكتر
بس من غيرى الله أعلم تكون كيف ..


كي فِنـــ ــك ..
ورمضان مبارك عليك

داش الجميل
صمت الكلام بي طلتك
قمةالابداع مع المعاناه
تسلم

يا داش قلت لي كل الإناث بارود سريع الإشتعال !!! طيب دي كيف ؟؟ اللهم اني صائم !!

دى يا هاشم قشـــة كبريت
أو قول حزام ناسف
فى ظنى قد لا تســاوى هويد
القنابل من إناثى البديعات

هاشم إنت جرحت الصيام جروح بالغه
أو قد تكون ذبحته من الوريد إلى الوريد
غايتو الله يســـامحنا يارجل

إستغفر الله لى ولك

تصوم وتفطر على خير
يا صديق

الســمؤال بدر الدين
العزيز

حضورك يشــْهى الزول المويه البارده

والقهوه العاطره بريحة الكيف

فى نص اليوم اليوم


شكراً على كيفك
ورمضان كريم

وكل القلوب ، اراضي مفخخة !!

ذات يوم ستضرم نيرانها وتعلن الحرب !!

ذات يوم ياصديقي ..

سيهجرنا الحزن .. خوفا !!

ولسانه حاله يقول ( أبعد من الشر وغنيلو ) !!

سيرحل الحزن حتما ، فلن يستطيع العيش وسط مزارع الالغام ، وحرائق الشوق !!

سيرحل ، غير مأسوفا عليه !!

***

Quote: أنا بكيت وحمدت ربى

يا داش ،، بكيت ؟؟

والله بختك ،، ياخ انا لى زمن طويل بحلم ببكا زي دا ، بحلم بدموع سخية ترطب خدودي .. بحلم ببكاء يغسل احزاني وينعش قلبي !!

ياخ البكا دا رحمة من عند ربنا .. وفعلا مفروض تحمده وتصلي ركعتين كمان !!

وتدعي لي معاك ببكية حارة ... وجعيرة !!

كدي اسمع القصة الطريفة دي واحدة صديقتي كان عندها بكية رايحة منها ، كانت ماشة في الشارع قامت لقت بيت بكا .. وما بتعرف ناس البيت ولا الميت راجل ولا امراة ، طفل ولا طفلة !!

المهم دخلت وتوكلت على الله ومن حظها السمح كانت الجنازة ما شالوها ، وقفت تبكي مع الباكين .. وشوية شوية انهمرت دموعا سيولا !!

وفي اللحظات دي هي كانت بتبكي مصيبتها .. وفجأة انتبهوا ليها ناس بيت البكا .. وكل شوية تجي واحدة تمسكها وتبكي معاها .. وهي تزيد في بكاها .. وفجأة الجنازة مرقت .. وازدادت حرقة بكائها وبكاء اهل الميت .. !!

وبعد ما خلاص شالوا الجنازة، وقفت بالقرب منها امراة كبيرة في العمر وسألتها : يا بتي انتي صحي زوجته التانية ، سمعنا تحت تحت ان المرحوم دا كان متزوج وداسي على مرتو انتي ياكي مرتو ؟؟

وفي اللحظة دي سمعتها امراة اخرى واخرى .. وما كان من صديقتي عندئذ الا الفرار ...

جرت جري وهي تضحك ملء حزنها !!

***

ســـمريه
العزيزه

أيجــوز فعلاً إنتحــار اللحظه من أشواقها
إحتفاءً بأقدارٍ لها ألف مخرج
لتعكير صفو المزاج
وفى لمحــة مسرعه نفارق قطرات دمعنا المنسكب
فى منعطف منســى
ونتركه للوعــة باهــته
إنه مزيج بين الفرح والحزن
إنه دمعنا المســتباح لجلب النقيضين
نضحك به حتى البكاء
نفرح به حتى الدمع
نبكى به ما نشــاء
إذن هو شــرنا الذى لا بد منه



بعيد عنك
مســـافة حزنك المطره
قريب لحظة يجى فى ظنك
غمــام أخدر


تعرفى يا ســمريه

تمام جداً
صاحبتك دى حنينه كما المطر
يحزن لجدب الأرض فيمطرها
إنهماراً عذوب

تصومى وتفطرى على خير

تحياتى

ياريتَك كنتَ معاى ياريتَك
كان دوّبت أعصاب الناى فى كاس
وسقيتَك ...
غنوة بتسبح عكس الخُوف أيامك
وكل ما طريتَك
داهمنى حنين للشاى
فى بيتَك
يامعطون فى البال ومشتَت
عبر مسام الحاجة
وجلد الحلة
طقس مُميز
إنو أحجى الليل بكونَك
وأجلب ضى النجمة أغنى..
أمنّى لهاث
الجوف بلونك
وقبل ما عشّى ولاد الشوق
باللهفة عليك
عشيتَك ..
ياريتَك كُنتَ معاى
يا ريتك!؟
(عثمان البشــرى )



سناء ...

ياريتك كنتى معاى
ياريتك

فى برهةٍ ســكنت جراحـى للتطايب ... ذابت أشــواقى بخــاراً كالرهاب من الحــرارةِ عندما فسّـــرت معنى أن تكون لها إدامة كل شـىء يمــلأ المــلأ العـريض بإســمها وبصــوتها الحــالم ..
عــائد من مــا يبيــح لأى ظــرفٍ أن يــكون حدود رســمى فى النــطاق ...
أنى بذات الحال الذى إحتوانى ثم باعدنى بقصــد الإصطلاء بجمــر شــوق الوجــد ...
ذاهــبٌ إلى حيثما هيــأت من مداخل كى أواريها وأخرج غانماً,
من ما أحــس به يجاوبنى الحــنين ,
للـه أعفــو الفـالتين إن كان يلّزمهم مــراعاة الفروق ,
ولـتبتدأ رعــشة الخوف التى أهتــز منها دائمــاً
قّل لى ما الذى خبأته من خيبةٍ , تبدو كأنــها إنتصــار ,
قّل ما حيائى إذ الأظافر ذاتها ترعش ...