Post: #1
Title: الهلال يلعب المباراة النهائية للابطال في الجكو...او ..كاب الجداد......دا ماشغلكم
Author: yasir Abdelgadir
Date: 09-08-2007, 09:39 PM
Parent: #0
أتابع وبأستغراب الموجة الشرسة التي يقودها احد صحفيي المريخ حول موضوع اتهام الاتحاد الافريقي بالتزوير في موضوع القرعة..واشك كثيرا في نوايا كاتب المقال عطفا علي تاريخه السلبي جدا في مواجهة نادي الهلال ...والذي يتمثل في انبساطه الشديد وتندره السافر حين ينهزم الهلال ..وتبخيسه الخليع لانتصاراته...اتانا اليوم بموضوع يريد ان يقنعنا بأن قلبه علي نادي الهلال بايجاد ثغرة او تزوير في القرعة....
حتي ولو افترضنا بنسبة واحد في المائة ا حديثه صحيح فليس هذا هو المكان ولا الزمان لذلك...وهذا الموضوع له اجراءات يجب ان تم بصورة معينة حتي يتم حفظ ماء الوجه اذا ثبت خطأ الكلام...
نعم نحن نستبعد ذلك وانتم تعلمون ان القصة كلها ربما تكون زوبعة في الفاضي وبما ان الهلال بنسبة كبيرة لن يكسب القضية وان وجدت.. فمعني ذلك انه سيخسرها...وهذا هو هدفهم الرئيسي..لان التشكيك في الكاف له عقوباته التي يرمي لها صاحب المقال وبمكر بالغ...لكن دي تلقاها عند الغافل
ياجماعة سعيكم مشكور ...نحن اصحاب النهائي {بأذن الله}..نلعبو في اي مكان ..نحن مخيرين..
مع احترامي الشديد لاهل كاب الجداد والجكو..
التعديل لخطأ في الحروف
|
Post: #3
Title: Re: الهلال يلعب المباراة النهائية للابطال في الجكو...او ..كاب الجداد......دا ماشغلكم
Author: abuguta
Date: 09-09-2007, 07:25 AM
Parent: #2
| Quote: و انت منو كمان ؟؟؟؟ |
عبد الماجد المحترم
دا دكتور ياسر هلالابى حتى النخاع
غنى وانتشى حين انتصر الهلال فى كل مبارياته
واليوم يقرر اين يلعب الهلال
وانا ذاتى بقولك ما مهم الهلال يلعب النهائى
حتى لو كان فى اب ام صفقا عراض
انتو بس تتفرجو.... وساعدونا بالصمت
واطلعو منها
شكرا ياسر
|
Post: #4
Title: Re: الهلال يلعب المباراة النهائية للابطال في الجكو...او ..كاب الجداد......دا ماشغلكم
Author: yasir Abdelgadir
Date: 09-09-2007, 01:11 PM
Parent: #3
ABDELMAGED ABDELMAGED:
و انت منو كمان ؟؟ مش تعرف نفسك الاول؟؟؟
بعدين مامهم البيكتب منو ياحبيب,,,المهم انو يكون مشرب بحب نادي الهلال ملهمنا ومدخل الدم في شراييننا
الحبيب ابوقوته..قنبلة الهلال الموقوتة..
Quote: وانا ذاتى بقولك ما مهم الهلال يلعب النهائى
حتى لو كان فى اب ام صفقا عراض
انتو بس تتفرجو.... وساعدونا بالصمت
واطلعو منها |
يطلعوا منها كيف...هم بيقدروا؟
|
Post: #5
Title: Re: الهلال يلعب المباراة النهائية للابطال في الجكو...او ..كاب الجداد......دا ماشغلكم
Author: yasir Abdelgadir
Date: 09-09-2007, 06:01 PM
Parent: #4
حاولتم بشتي الطرق عرقلة الهلال في مشواره....ولم يثنكم مواصلة المريخ في طيبة الذكر الكونفدرالية....
تحرشتم بفريق الترجي ...حتي يحسبوها علي جمهور الهلال....وتحرشتم بالاهلي في استادكم ليعاقبنا الكاف بحرماننا من استادنا...وقلتم ان هذا جمهورنا وهو براءء
لتأتي الحقيقة بأسرع مما نتصور في مباراة المريخ والمودة....لينكشف القناع
للاسف اتبعتم طرقا لم تخطر علي بال ...يقودكم صحفيكم الماهر
ولكن هيهات
|
Post: #6
Title: Re: الهلال يلعب المباراة النهائية للابطال في الجكو...او ..كاب الجداد......دا ماشغلكم
Author: ABDELMAGID ABDELMAGID
Date: 09-10-2007, 03:23 AM
Parent: #5
| Quote: و انت منو كمان ؟؟ مش تعرف نفسك الاول؟؟؟ |
Quote: من كاب الجداد  .... |
أعصابك يا دكتور ....
اعرفوك رشاشه كيف ؟؟؟
معليش يا ياسر اخوى ما بيناتنا ...
كنت اريد ان أقول لك فيما معناه ( أنت أيضا أترك المريخاب و شأنهم justleave them alone ! )
لكن يبدو أن اختيار العبارات لم يكن موفقا ...
أكرر أسفى ...
كسرة :
حق تشكرونا اليوم لاننا تسببنا ممثلين فى شخص الكابتن ( محمد على سفارى ! ) فى طرد مهاجم و هداف المنخب التونسى و النجم الساحلى ( عصام الشرميطى ! ) و ربما لن يشارك على أقل تقدير فى مباراتكم الأولى مع النجم ... شفتو نحن كرما معاكم كيف ! يعنى ما الأستاذ مزمل أبو القاسم براو ... بس بنحب نساعدكم عشان تتوفقوا و تجيبوا ليكم و لو محمول جوا واحد عشان تحصلونا و تبقوا زينا و تكتكمل المنافسة ...
لكن يا ياسر أعمل حسابك من ( عينة ! ) أخونا ود أب قوته ! ده بعرفو زول جزيرة زينا كدى و كمان ( رشاشة ! ) و لسانو ( فلغه ! و فصيح ! )
تحياتى لك انت و ود أب قوتة و بقية الرشاشات ...
كل عام و انتم بخير ...
عبدالماجد
|
Post: #7
Title: Re: الهلال يلعب المباراة النهائية للابطال في الجكو...او ..كاب الجداد......دا ماشغلكم
Author: abuguta
Date: 09-10-2007, 06:10 AM
Parent: #6
Quote: لكن يا ياسر أعمل حسابك من ( عينة ! ) أخونا ود أب قوته ! ده بعرفو زول جزيرة زينا كدى و كمان ( رشاشة ! ) و لسانو ( فلغه ! و فصيح ! )
تحياتى لك انت و ود أب قوتة و بقية الرشاشات ...
كل عام و انتم بخير ...
عبدالماجد |
عبد الماجد
تحياتى
لك العتبى حتى ترضى
والله مناكفات ..والله مناكفات
تحياتى للزعيم ود هبلانى
واين عمى الطيب ابقوتة
وكل تكاسة بوستن
|
Post: #9
Title: Re: الهلال يلعب المباراة النهائية للابطال في الجكو...او ..كاب الجداد......دا ماشغلكم
Author: yasir Abdelgadir
Date: 09-10-2007, 11:19 AM
Parent: #6
الاخ العزيز: عبد الماجد
| Quote: معليش يا ياسر اخوى ما بيناتنا |
ولايهمك ياغالي...وصلت ومقبولة
| Quote: حق تشكرونا اليوم لاننا تسببنا ممثلين فى شخص الكابتن ( محمد على سفارى ! ) فى طرد مهاجم و هداف المنخب التونسى و النجم الساحلى ( عصام الشرميطى ! ) و ربما لن يشارك على أقل تقدير فى مباراتكم الأولى مع النجم ... شفتو نحن كرما معاكم كيف |
وحقو تشكرونا انتو برضو علي الكرم الحاتمي الفياض للبرنس واخوانه..وعلي المعز الذي حاظ علي عذرية شباكه حتي خروجه
صدقني ياعبد الماجد امس انبسطت جدا من كل اللاعبين هلال علي مريخ..خاصة سفاري الذي تطور مستواه جدا...اما عن بهاء دا فأحسن تشوفو ليكم حارس تاني الزول دا مابيطمن ومابيسمع الكلام ...يعني بعد القالوهو كلو يوم الجمعة يجي ويكرر الغلط تاااني
اما عن مزمل فهو يرمي لهدف شخصي من وراء القضية وهو كسب صحفي له قط..يعني ما ريدة في الهلال ونحن عارفين الفي قلبو تجاه الهلال
|
Post: #8
Title: Re: الهلال يلعب المباراة النهائية للابطال في الجكو...او ..كاب الجداد......دا ماشغلكم
Author: إيهاب محمد مصطفى
Date: 09-10-2007, 07:11 AM
Parent: #1
الأخ / د. ياسر
بقت عليكم نظرية (عاونوا علي دفن أبوهو .. دس المحافير)
بغض النظر عن نوايا الصحفي المذكور (وكأنما يعف لسانك عن ذكر أسمه) ومواقفه المستمرة تجاه الهلال (وصحافة الهلال تتغزل في المريخ ولاعبيه ) .. إثارة مثل هذه الملابسات من صميم مهنته .. فهو صحفي والكل يعلم تماماً مهنة الصحافة .. وله كامل الحرية فيما كتب .. فصحيفته تكبدت خسارة سفره وأوفدته إلى زيورخ وكان عند حسن الظن .. عاوزو يقعد (زي الجك في الفضية) كما ذهب صلاح إدريس وريكاردو .. وبالجد مهزلة إدارية وهم ما جايبين للدنيا خبر .. من سمعوا إنو الهلال وقع في المجموعة الحديدية .. قنعوا من خيراً فيها وحتى ما أثار موقع وزمان المباراة النهائية أدنى إهتمامهم.
أما بخصوص (فليس هذا المكان ولا المكان) مع إحترامي لك .. هذا شأنه وشأن صحيفته فله كامل الحرية في أيراد الخبر متى ما شاء .. وهذه هي الإحترافية الناضجة التي عملت بها صحيفة الصدى وحققت صدى واسع على النطاق العالمي .. فإسمها بدأ يتردد في كل المنظمات الرياضية(شئتم أم ابيتم). وهذا هو القصد وهو حقهم المهني .
أما صحة أو بطلان هذه الإدعاءات فهي مضمنة وموثقة بالصور .. وياريت يقدر الكاف ينفي ما ذهب إليهالصحفي (مزمل أبوالقاسم) ... عشان ما يلقاها عند الغافل .
والله الغافل المشى لحدي زيورخ وهو ما جايب خبر .
وسعيكم مشكور دي تقولوها لي زول جاكم يبارك ليكم الجية من الحج .. مش الجية من زيورخ
تحياتي
|
Post: #10
Title: Re: الهلال يلعب المباراة النهائية للابطال في الجكو...او ..كاب الجداد......دا ماشغلكم
Author: yasir Abdelgadir
Date: 09-10-2007, 11:22 AM
Parent: #8
الاخ ايهاب
سأعود لمداخلتك القيمة
|
Post: #12
Title: Re: الهلال يلعب المباراة النهائية للابطال في الجكو...او ..كاب الجداد......دا ماشغلكم
Author: yasir Abdelgadir
Date: 09-10-2007, 07:11 PM
Parent: #8
الاخ ايهاب:
تحية مرة اخري
| Quote: بقت عليكم نظرية (عاونوا علي دفن أبوهو .. دس المحافير) |
تعاون الهلال مع المريخ كثيرا في غير من او اذي...وفتح الباب لرد التعاون بطلب الهلال من اخوتهم ي المريخ استلاف شبكة وماكينة قص نجيل...ليس لضيق ذات اليد لان احباب الهلال يسدون عين الشمس ولكن لضيق الوقت..وماقصر الاخوة في نادي المريخ ولكن الاخ الصحفي ما ان علم بالموضوع حتي فعل ما لم يفعلنه العوالم في شارع محمد علي وخلي اللي يشتهي يتفرج عشان شبكة...وهي عادة محببة له من زمان كالاطفال ..نحنا عندنا سيراميك في الاستاد ونحن عندنا ايه وايه..وانتو زريبة وانت ايه...يعني شغل عوالم علي اصولوا ..
فدا بعد كدا يمكن ان نثق به او نقول قلبو علي الهلال...دا عدا الخدمات المجانية التي يقدمها للاندية الخصم التي يلاعبها الهلال من معلومات....
وحتي هذا الموضوع لايريد فيه ان يعاون ولايدفن...هذا لاينظر ابعد من ارنبة انفه ويسعي نحو كسب صحفي لشخصة فقط حتي ولو علي حساب الهلال
|
Post: #11
Title: Re: الهلال يلعب المباراة النهائية للابطال في الجكو...او ..كاب الجداد......دا ماشغلكم
Author: MOHAMED EL-BEELI
Date: 09-10-2007, 01:46 PM
Parent: #1
السخفى الحاقد متزمت ابو الخاصم اعتاد ان يثير مثل هذه القضايا الخاسرة والعقيمة عقب كل مباراة مهمة ومصيرية يخوضها الهلال .. والغرض واضح .. وهو تجزيئة جهود ادارة الهلال بين الاستعـداد للقاء النجم التونسى الحاسم بامدرمان وبين مقاضاة اللجنة المنظمة للبطولة بالاتحاد الأفريقى .. وقد سبق لهذا الحاقد ان اثار قضية عدم قانونية مشاركة احد محترفين الهلال - لا اذكر اسمه - وكان الهلال آنذاك مقبلاً على مباراة مصيرية امام الترجى التونسى .. مما اضطر رئيس الهلال ان يستوضح الفيفا والكاف وان يهدر الكثير من وقته فى قضية لا اساس لها من الصواب ,, وكانت حجة الحاقد مزمل انه اراد تنبيه ادارة الهلال للأمر حتى تفوت على الترجى فرصة الشكوى .. والآن يعيد مزمل نفس سيناريوهاته الخبيثة الحاسدة بعد ان افزعته واحرقت قلبه انتصارات الهلال العظيمة وتقدمه السريع فى التصنيف العالمى للفرق واحتلالة الترتيب 112 بين اندية العالم .. يعود مزمل لمثل هذه القضايا الانصرافية لتحقيق احلامه المريضة .. ولزيادة مبيعات صحيفته الكاسدة بعد ان هجرها الهلالاب.
|
Post: #13
Title: Re: الهلال يلعب المباراة النهائية للابطال في الجكو...او ..كاب الجداد......دا ماشغلكم
Author: yasir Abdelgadir
Date: 09-10-2007, 10:00 PM
Parent: #11
لافض فوك اخي محمد البيلي
|
Post: #14
Title: Re: الهلال يلعب المباراة النهائية للابطال في الجكو...او ..كاب الجداد......دا ماشغلكم
Author: Rakoba
Date: 09-10-2007, 10:21 PM
Parent: #13
ما على كيفكم ، كفاية الفضايح مع الأهلي المصري وخليتونا ارهابيين بي توابيت وسيوف ودرقات في المدرجات، كمان عاوزين تلعبوا في كاب الجداد، انتو قايلين الزريبة بتفرق شنو من ملاعب كاب الجداد!
بالأمس استمعت لمعلق مباراة السودان وتونس وهو يحذر نادي النجم الساحلي بقوله أن ملعب استاد الهلال ( سيء سيء سيء) ، أصلوا النهائي يمكن نواصل مد يد العون ونركب ليكم كشافات للزريبة!
|
Post: #15
Title: Re: الهلال يلعب المباراة النهائية للابطال في الجكو...او ..كاب الجداد......دا ماشغلكم
Author: yasir Abdelgadir
Date: 09-11-2007, 05:46 PM
Parent: #14
راكوبة: بالله ركز في الكونفدرالية وانسي الابطال ديل وشيلهم من راسك شوية
وحقو كمان تدعوا الله بأن يتوفق الهلال ويحرز البطولة...لانو دا طريقكم الوحيد للظهور في
منافسات الكبار
|
|