Post: #1 Title: الراحل مصطفي سيد احمد يحكي قصة اغنية طوريتك .. عن الاوضاع فى زمن نميرى .. تسجيل نادرجدا Author: sheba Date: 09-08-2007, 05:44 PM Parent: #0
يمكن فى اخر ايام نميرى زى الناس شاعرين بى انهم زى المخنوقين يعنى .. فى مجموعة من الاخوان الشعراء نجى نقعد طوالى ونتناقش ومن وحى النقاش تتكتب اعمال ..كان النقاش انو المسالة دى الحل وين يعنى ؟؟؟
الطلبة يطلعوا فى المظاهرات الانتهازية يصفقوا ليهم ..يعنى الشارع مافى حركة .. يضربو طالب طالبين يقفلوا الجامعة المسالة تجى عشان تبدأ تانى من حتة الازمة بتاعة انو يجو مزحومين فى زمن الامتحانات وبتاع ..
زى ناقشنا المسالة من خلال وجهة النظر بتاعة انو الناس الطلعوا وطردتهم البلد ..وطلعوا.. هما كلهم عبارة عن عناصر شابة ..بمعنى انو لو كانو موجودين هم الـ كانو بتبنوهو الشارع ..
دة بالاضافة الى انو معروف عشان ما تحصل ثورة لازم فى ظروف معينة لازم تنضج ..لازم المسالة تتكامل يعنى لحى ما تجى لحظة الصفر والمسالة تنفجر ..
طيب لحظة الصفر دى السبب الاخرها شنو؟؟ ... السبب الاخرها انو الضائقة الاقتصادية عنصر اساسى فى وصول الناس لى لحظة الصفر ..
نفس العناصر الـ كان ممكن تسخن الشارع وتطلعو وتغذيهو وكدة.. هى نفس العناصر العندها مسئوليات بتربطها فى السودان .. ونسبة للظروف السيئة اى واحد يببتدى يشيل ويرسل .. الـ بيخدمها كلها يرسلها للناس البيعرفهم
دى زى بتشكل تخدير موضعى ..يعنى اذا كان لغينا الحتة دى كان الناس الوضع الاقتصادى وصل بيهم مرحلة انو ينفجروا كان يعنى نقاش فى الحتة دى ..
فى واحد اسمو محمد المهدى عبد الوهاب راجل صاحبنا..مكشكش شوية كدة .. راجل يعنى شديد التفاعل ..فى لحظتو ديك قام عمل بيتين هى : طوريتك فى الطين مرمية كوريتك يابسة ومجدوعة لا غيبتك كانت مرضية لا فوتك كانت مبلوعة
الراجل اتفاعل شديد جداً .. انا قت يعنى يمكن ظروف الجفاف والمجاعة وكدا اوحت لى بى تصوير أبيات يمكن بى لغة قديمة شوية لكن عملت مقدمة .. بعديها صلاح حاج سعيد كمل باقى القصيدة نسمعها ملحنة
كتب مصطفى رمية القصيدة.وهى حتى الفصول صابة الجفاف ...ثم الشاعر محمد المهدى عبدالوهاب المقطع الاول طوريتك فى الطين ...الى كلمة "مبلوعة" ... و اكملها الشاعر صلاح حاج سعيد بطلب من مصطفى ليكون ذلك النص العجيب لشاعرين مختلفين اضافة الى مصطفى نفسه..والغريب ان القارئ لا يلاحظ اى اختلاف فى وحدة النص او اتزانه وكانما كتب من مرة واحدة بواسطة شاعر واحد
Post: #2 Title: Re: الراحل مصطفي سيد احمد يحكي قصة اغنية طوريتك .. عن الاوضاع فى زمن نميرى .. تسجيل نادرجدا Author: عثمان حسن الزبير Date: 09-08-2007, 06:27 PM Parent: #1
يا سلام يا شيبة يا فنان
ده توثيق للتاريخ وتوثيق مهم جدا من الراحل القامة وزمن كان النضال نضال حقيقي...
Post: #3 Title: Re: الراحل مصطفي سيد احمد يحكي قصة اغنية طوريتك .. عن الاوضاع فى زمن نميرى .. تسجيل نادرجدا Author: sheba Date: 09-08-2007, 07:41 PM Parent: #1
شكرا الاخ عثمان
اغنية طوريتك اوركسترا ... لا تعمل تلقائياً... اضغط على السهم للاستماع'
Post: #4 Title: Re: الراحل مصطفي سيد احمد يحكي قصة اغنية طوريتك .. عن الاوضاع فى زمن نميرى .. تسجيل نادرجدا Author: حبيب نورة Date: 09-08-2007, 08:02 PM Parent: #3
شيبة
الله يديك العافية
شكرن كتيرن!
Post: #5 Title: Re: الراحل مصطفي سيد احمد يحكي قصة اغنية طوريتك .. عن الاوضاع فى زمن نميرى .. تسجيل نادرجدا Author: sheba Date: 09-09-2007, 06:41 AM Parent: #1
شكرا يا حبيب
Post: #6 Title: Re: الراحل مصطفي سيد احمد يحكي قصة اغنية طوريتك .. عن الاوضاع فى زمن نميرى .. تسجيل نادرجدا Author: Nader Abu Kadouk Date: 09-09-2007, 07:04 AM Parent: #5
شيبا يا مبدع واصل يا حبيب ودابكدوك
Post: #7 Title: Re: الراحل مصطفي سيد احمد يحكي قصة اغنية طوريتك .. عن الاوضاع فى زمن نميرى .. تسجيل نادرجدا Author: sheba Date: 09-09-2007, 07:29 AM Parent: #1
حتى الفصول صابة الجفاف .. لا غيمة لا زفة هرع والسمبر البفرح صفيرو .. غشانا واتقاطر رجع وشجرنا من لفح السموم..غصنو الرقص رويان وقع لا شابا لى ريح الدعاش..لا هش لى برقا لمع *********** انت الخريف يرسم معالم.. الخضرة والخير والعشم انت الربيع يغزل شباك.. الريدة يا روح الطعم اتعب بيادرنا الجفاف.. والخضرة لفاها العدم ابسم عليك احلى الكلام..خلى المواسم تبتسم
***************** طوريتك في الطين مرمية … وكوريتك يابسة ومجدوعة لا غيبتك كانت مرضية..ولا فوتك كانت مبلوعة .......................... اللهب الضوا الليل قناديل...في عيون النجمة القطبية والتعب المد ضراع النيل....سجادة فقرا مزاورية سائلين عنك ويومياتي رحيل....لمواني المدن النفطية شقيش ما تقبل يا آبو الحيل...فى قلوبنا مواجعك متكية وابعت لك شال الحب مرسال...تايهين في بحرو مراكبية بكتب على صدر الموج آمال...أطفال عمال ومزارعية كيف حال يا أبوي كيف حال يا خال...بتمسى بيوتنا الكاكية حزنانة بتبكى مآل الحال... والزمن الساقكم اييديه
Post: #8 Title: Re: الراحل مصطفي سيد احمد يحكي قصة اغنية طوريتك .. عن الاوضاع فى زمن نميرى .. تسجيل نادرجدا Author: nadus2000 Date: 09-09-2007, 08:13 AM Parent: #7
لجميل خالد
تحياتي، وأنت تعض على هذا الجمال بالنواجز، وتنثره بأريحية.. شكرا جميلاً،،
Post: #9 Title: Re: الراحل مصطفي سيد احمد يحكي قصة اغنية طوريتك .. عن الاوضاع فى زمن نميرى .. تسجيل نادرجدا Author: sheba Date: 09-09-2007, 11:25 AM Parent: #1
شكرا نادر
شكرا نادوس2000
Post: #10 Title: Re: الراحل مصطفي سيد احمد يحكي قصة اغنية طوريتك .. عن الاوضاع فى زمن نميرى .. تسجيل نادرجدا Author: Abubaker Ahmed Date: 09-09-2007, 12:41 PM Parent: #9