Post: #1 Title: ما كنت داير اقولو ليك .. لكن لسان الحال غلب.. كل ما بطولة هناك تضيع .. يقولو اصلو الحظ كعب .. Author: sheba Date: 09-07-2007, 02:39 PM
معذرة يا هلال لو مني الكلام حرة حرام والله منك نحنا نتـبـرة 77 سنة تفوت ما تفوز بى بطولة لو مَرة دي حال ما بتحملة الحرة
سنين كم شقيت وعشت فى مُرة ولعبت مع الصغار اللي عيون غرة
انا الحاضن العزاب امالي محتضرة والمريخ في النعيم بطولاتو من برة
يا ريت انا لا لعبت ..ولا مرق برة
ما كنت داير اقولو لـيك لكن لسان الحال غلب كبروا الصغيرونين خلاص حتى الهلال يا ناس غلب جابت كمان اليوم رقيص جابت كمان قــلة ادب وصلوها مرحلة الخطــر اعماهم الخوف والغضب ارهاب سيوف تابوت كمان نيران مولعة فى الحطب اليوم داك الجـــيش نزل والامن بي هناك مستتب خايفين على الصفر الكبير سبعين وسبعة سنين حسب لا شالو سيكافــا ودبي لا طالو فى اليمن العنب واطاتهم اصلها راقدة بور صحرا عدمانة الجرب كيفن يقوم فيها الخــدار كيفن يشيل فيها الرطب يا رب بطولة للضعـيف يا ربي اكفــينا التعب
كل ما بطولة هناك تضيع يقولو اصلو الحظ كعب اصلوا البينجحو ناس كتار فيه ايه لو زول رسب ابو القاسم القاصد الهلال مزمل الكان هو السبب ياريتو كان خلى البلــد يا ريتو كان يوم اغترب قابيتو ماخلالو شـــي لمن هناك ضاع واحتجب الصلوي دة الولد الصغير بقالو بس زى أم وأب والله ما بننكر جميلك ليـنا برضو ثناك وجــب
شوف الزعيم هناك يفـوز لا ثورة فيهو ولا غضب الناس بتكرم فى الضـيوف والمـتعة للاسمو العجب اصلـو الزعيم سيد البلـد اصلو الصفار لون الدهب
Post: #2 Title: Re: ما كنت داير اقولو ليك .. لكن لسان الحال غلب.. كل ما بطولة هناك تضيع .. يقولو اصلو الحظ كعب Author: ALGARADABI Date: 09-07-2007, 03:49 PM Parent: #1
الله يشفيك يا دكتور جاكيل و مستر هايد
Post: #3 Title: Re: ما كنت داير اقولو ليك .. لكن لسان الحال غلب.. كل ما بطولة هناك تضيع .. يقولو اصلو الحظ كعب Author: sheba Date: 09-07-2007, 09:36 PM Parent: #1
تشكر يا زول يا راقي
Post: #4 Title: Re: ما كنت داير اقولو ليك .. لكن لسان الحال غلب.. كل ما بطولة هناك تضيع .. يقولو اصلو الحظ كعب Author: ALGARADABI Date: 09-08-2007, 06:10 AM Parent: #3
Quote: تشكر يا زول يا راقي
دكتور جاكيل
Post: #5 Title: Re: ما كنت داير اقولو ليك .. لكن لسان الحال غلب.. كل ما بطولة هناك تضيع .. يقولو اصلو الحظ كعب Author: محمد البشرى الخضر Date: 09-08-2007, 06:48 AM Parent: #1
شيبا يا عمك الجقلبة و الجرسة الحاصلة عليكم دي شنو؟ معقول مليون بوست عن الهلال و الكاس ولا بالغلط ما تجيب سيرة الكونفدرالية و الوصيف أخير تخم الرماد و تكتر من قصة السبعة وسبعين سنة دي و وهمة من غيرنا و بتاع عشان خلاص دا حدها و بعد نوفمبر- بإذن الله - أتوقع بوستاتك تكون بعنوان إنسحاب الهلال من اليابان أفضل من مواجهة برشلونة
Post: #6 Title: Re: ما كنت داير اقولو ليك .. لكن لسان الحال غلب.. كل ما بطولة هناك تضيع .. يقولو اصلو الحظ كعب Author: على محمد على بشير Date: 09-08-2007, 08:42 AM Parent: #5
Quote: إنسحاب الهلال من اليابان أفضل من مواجهة برشلونة
اجمل نكته اسمعها فى 2007
Post: #7 Title: Re: ما كنت داير اقولو ليك .. لكن لسان الحال غلب.. كل ما بطولة هناك تضيع .. يقولو اصلو الحظ كعب Author: keiga2000 Date: 09-08-2007, 11:42 AM Parent: #6
يارائع ياحبيب
والله بتضرب في الصميم دائما
كيل يامكاييل
الناس ديل مابشوفوا عوجة رقبتهم انهزمنا من كوارا طلعوا ستمائة بوست كوارا كوارا
بوست واحد بوجعهم
مزمل ابوالقاسم مزمل ابوالقاسم
يوم واحد ماجبنا سيرة المدعي رمضان احمد السيد ولا جريدته الزرقاء قوووون
تسلم ياحبيب
واضرب في المليان دائما
ههههههههههههههه
ابومصطفى
Post: #8 Title: Re: ما كنت داير اقولو ليك .. لكن لسان الحال غلب.. كل ما بطولة هناك تضيع .. يقولو اصلو الحظ كعب Author: waleed dawash Date: 09-08-2007, 03:49 PM Parent: #1
المسكين شيبه ياخي انت ما شيبه انت شيب يا اخوي امشي ااكشف .. انا متاكد حا يكون عندك 0.. زياده في الهلالات الدمويه و اندهاش و ذهول من مما وصل اليه سيد البلد و حا يكون علاجك الوحيد.....هو اعلان هلاليتك او ............الجنون ...ده لو لحقوك ..و الشايفه انا ما بتتلحق
Post: #9 Title: Re: ما كنت داير اقولو ليك .. لكن لسان الحال غلب.. كل ما بطولة هناك تضيع .. يقولو اصلو الحظ كعب Author: sheba Date: 09-08-2007, 04:21 PM Parent: #1
شكرا وليد ... يديك العافية يا زول يا رائع
Post: #10 Title: Re: ما كنت داير اقولو ليك .. لكن لسان الحال غلب.. كل ما بطولة هناك تضيع .. يقولو اصلو الحظ كعب Author: waleed dawash Date: 09-08-2007, 05:06 PM Parent: #1
Quote: شكرا وليد ... يديك العافية يا زول يا رائع
الله يبارك فيك ..انا داير مصلحتك عليك الله لو في زول قريب منك خلي يسوقك طوالي فااااااااااااااااالح
