هل دنت ساعة الثوره

وصلتني هذه الكلمات من كاتب سوداني لم يذكر اسمه وطلب مني انزالها في بوست باسم هل دنت ساعة الثوره..... كلمات لمواطن سوداني.....وما علي الرسول الا البلاغ....



آه يابلد

-----------------

كمل الحديث وبقي السلاح لغة الكلام

وروح الشهيد راجيانا طالبة الانتقام

أول نرجع حق ولادنا وبعدين نفكر في السلام

بدل الركوع بدل المذلة والعيشة من غير احترام

أكرم نكوس درب الجدود ونفتش الموت الزؤام

بعد العذاب بعد البكا لا بد نضوق الابتسام

العيشة في حرية عز والعيشة تحت الذل حرام

عجبي

لما الدنيا تغدر بيك تهب ارياح

رياح نيران...تقول افران....تكوس غفران

ويظهر ليك ابو الغفران

حرامي خسيس تقول شيطان...عمل شيخ دين... بصوم رمضان

يقيم الليل وليله طويل.....نسي القرآن

ياوطني الصابر ضيعوك فرسان

نسوا المبدأ نسوا الأوطان...

نسوا الكرم المأصل بي نسوا التاريخ العشنا بيه ولي

نسو المهدي..نسوا اسماعيل وعبدالله سعادة البيه

وسيدي علي وأولاده اللسة عايشين بي

وعبد الخالق المغدور وأخوانه اللسة ببكوا علي

وخلوني في ذهول حيران.

أنا الظالم..أنا المظلوم أنا المسجون أنا السجان

تعالوا نرجع الأزمان ونرجع للزمان الكان

نكسر شوكة الظالم ونهدم قلعة الطغيان

هم الطلبوا النزال أول ونحنا حلفنا ما ننهان

بنادقنا جينا شايلينا نأدب شيخم الخرفان

انحنا حلفنا ما نرجع عن الدايرنو ياأخوان

لا بهددنا دبابين ولا بنخاف من الكيزان

بنرجع تاني للخرطوم نرجع عزة السودان

بنبنيهو ونعيش فيهو ونموت فيهو كمان وكمان

قسم بي جلالة الرحمن..........

الظاهر ان اسم القصيده (آه يابلد) اسم نحس
فمنذ فتره فتحت بوست بنفس الاسم لقصيده من
تاليفي في حب البلد والغربه ورغم انها سبق
نشرها في جريدة الصحافه بواسطة الشاعر محمد
يوسف موسى ولكن للأسف لم يتكرم احد من الاعضاء
بالتعليق عليها لا بخير ولا بشر وها هي قصيده
اخرى تحمل نفس الاسم يصيبها ما اصاب الاولي
فلا املك الاّ الاعتذار لصاحب الكلمات .

الاخ مجدي

شكرا للقصيدة بس المشكلة ليست في الثورة فالشعب منذ عام 1989 يدري متي يطلع الثورة بس المشكلة ليست في الثورة بل في ما بعد التورة !!!!!!!
كم من ثورة اندلعت ونجحت بس ما بعدها كان اسواء فلذا الشعب ينتظر ان يري شي يستاهل ان يضحي ويطلع في انتفاضة جامحة
خرجنا قبل اليوم في انتفاضة ابريل وخلعنا النميري الله لا يوفقة بس بعدها جات الاحزاب ونفشت ريشها وكل يقول انا من فجر الانتفاضة والله كانو نايمين في فنادقهم ال5 نجوم وبعدها وبارتجالية قامت الانتخابات ولم تتوحد الجهود كل واحد فيهم يفعل عكس الثاني والبلد اخر اهتماماتهم لانهم ينظرون للكرسي والانتخابات الجاية وما كانوا يدرون ان هناك من يتربص بهم وجاءت الانقاذ والحال هو الحال

لذا الانتفاضة اتية بس المرة دي بدراسة وتاني ومفهموم وطني عميق ولن يطلع الشعب للشارع حبا في فلان او علان وانما حبا للوطن فقط ولن نطلع حتي نتاكد ان لدينا احزاب بحق وحقيقة تمارس ديمقراطية سليمة وتبداها بمكاتبها التنفيذية انتخابا حرا وعلي مستوي الوطن

ولك الله يا وطني

له التحية

التحية لك مجدي حنفي وله وللبلد

هي مرارات تخرج ولا تحرق إلا من أكتوي

بنيرانها واصل بوح ياأخي فنحن كتب علينا

الصبر خارج الخارطة ونرسل للناس بالداخل

مظلة أنتظار ومحطة سوف تمرعليها عجلات التغيير.

،،،،أبوقصي،،،،

استاذي الشيخ انا اتفق معك فيما قلت ولكن هؤلاء الكلاب يجب ان يذهبوا الي الجحيم اولا ثم نفكر فيما يجب ان يكون ولا تنسي ان الثورة الفرنسية انطلقت من بين ابيات شعر فالكلمة هي وقود الثورة والثورة العرابية اتت من بين ابيات شعر البارودي...لك التحية

استاذي الرائع يوسف الموصلي..يكفيني شرفا اطلالة صورتك البهية علي صفحات هذا البوست الذي اسميه ...اضعف الايمان...لك شكري وتحياتي

العزيز مجدي عبد الرحيم انت دائما في القلب بمشاركاتك الممتعة وسوف نواصل حتي تنقشع هذه الغمامة السوداء من سماء سوداننا الحبيب الذي كتب عليه ان يعاني من طيبة وتسامح اهله الطيبين ولكن لكل شئ بداية ونهاية...ثق في ذلك ولك مني الف تحية

قصيده اخرى وصلتني بالايميل وفي نفس السياق السابق لقصيدة آه يابلد
انشرها ملبياً رغبة شاعرها.



إشارة الهجوم طلقة رصاص كانت

مكتوب عليها اسم القدر بالدم

فرسان في الشرق هناك قاعدين

في لهفة منتظرين دايرين يزيلو الهم

شايلين سلاحهم للحرب جاهزين

لا بفكرو فى البموتو ولا البيرجعو كم

دايرين متين ساعة الصفر تبدا

علشان البليد يفهم لازم يضوق الهم

والشيخ حسن هايص وسط العيال لايص

صبحو ومساه كشف وسكسكة وتم تم

ما تفوقوا يا كيزان من سكرة الأوهام

فكروا بي عقل خلّو البلد تسلم

بدل النهاية تكون ليكم خراب مضمون

تسليم الحكم هسع أكيد يكون أكرم

جايز نفكر يوم نديكم الفرصة

وبدل المشانق بكرة يمكن نحن نرحم

الكعة فى دارفور كانت رسالة خفيفة

الخوف من الجايات والبادى كان أظلم

والله ما دايرين نأذى البلد اكتر

لكين نسوى شنو وعجوبة ما بتفهم

جربنا كل طريق ممكن يوصلنا

درب السلامة معاهم وربنا بيعلم

وهسع ما فضل غير بندقية خلاس

عمر البشير اتحدى وبعدها اتندم

ما كان من الأول تعقل كلامك داك

بدل الوقت ما يفوت والناس تعوم فى الدم

اصدق الله قولك
وبالفعل قد اقتربت الثورة بل اقتربت ساعة سقوط النظام وعلامتها خروج الدجال الترابي يجرج ما اخفى من الباطل والتخاريف خوفا من ان يفوته الخريف، وادرك انه هالك لا محالة واقلها سيفقد السلطة التي يديرها جناحه الاخر.
ومن اهم علامات نجاحها ان الرموز التي كانت تشل جهود المعارضين بين المعارضة سابقا الان تصالحت ورجعت الى النظام وبدأت الرموز الجادة في انتظام بصورة لم يعهدها النظام.
اما الرموز الحرة التي بين الفصائل المتصالحة فانها لن تتابع تلك الانهزاميات وستشارك في الانتفاضة ، وعنصر المفاجئة اهم عناصر الثورة.

Dear Mr.Hassan, sorry for writting in english but it seems my arabic windows is out of order. I also beleive the time of victory became very near,these terrorists are already expired long ago.They are now thinking how to save themselves. Let us all stick together till we get our victory..regards

المهم انت موجود
كما ان في السودان ثوار اصلا لا يعرفون العربية ولا يضرهم ذلك، واما قرب الثورة فاصبح يقين ونهاية الكبت الانفجار، اما نهاية التطرف اصبحت عالمية حتى نظراءهم في العالم اصبحوا يحفرون قبروهم بايديهم وكلهم على الهاوية، ولنواصل الضرب معا حتى لا يبرد الحديد فيتصلب

الاخ مجدي

الكل متفق معاك في ذهاب كل شمولي ديكتاتوري الي مزبلة التاريخ بس السوال لابد ان جهز انفسنا احزابنا قياداتنا اذا كان موجود من الان علشان ما نكرر سناريو 1985 مرة اخري وان لا نمهد الطريق لاي عسكري اخر

فالجهوزية مطلوبة حتي لا نقبع في فوضي عارمة

مع محبتي

الاخوه الاعزاء متابعي البوست
فاجأني اخي فتحي اليوم على المسنجر بانه هو كاتب القصائد الموجوده في
هذا البوست لانه ارسلها لي من ايميل آخر غير ايميله الذي اراسله عليه
وهاانا انشر رسالته الأخيره التي يعترف فيها بانه صاحب القصائد وبالمناسبه
سبق لي اكثر من مرّه مخاطبة الأخ بكري ابوبكر لمنح اخي فتحي شرف العضويه ليتمكن
من افادة المنبر بما لديه من افكار ومواضيع ومداخلات قيّمه ولكن وحتى هذه اللحظه
لا تعليق بالرغم من مرور عدّة اشهر وتكرار الطلب اكثر من مرّه ودخول العديد من
الاسماء الجديده للمنبر.

الأخوة الأعزاء..الأخ مجدي لا علاقة له بالقصايد التي نزلت فهو من الكارهين للسياسة منذ صغره وحتي لا يتورط في هذا الموضوع كاتب هذه القصائد هو انا فتحي مسعد حنفي وأتحمل المسؤولية كاملة عن كل كلمة كتبتها فأنا مدمن اعتقالات وقوائم سوداء من زمن حكومة عبود...شكرا للمتابعة...
بواسطة فتحي مسعد حنفي

الأخ مجدي عبد الرحيم دعوتك لشعراء المنبر علي العين والراس وسوف البي هذه الدعوة انشاءالله وان كنت لا انتمي لعضوية المنبر...تحياتي ....
بواسطة
فتحي مسعد حنفي

يوم الحساب

يوم الحساب قرب يا عازة وين شبالك
أيام الفرح هلت كايساك قريب جايالك
غني وشكري الليلة يوم سد مالك

أدروب في يمينه شوتاله كايس تاره
حارس دياره وديمة درع الأمان لي جاره
حالف يساهر الليل لازم يبرد ناره
بي دم الدخيل..... الكان فزع لي صغاره

وفي الجنوب لادو بي سلاحه دايما جاهز
واقف ديدبان .... غير السلام ما عايز
مستني العدو.... الموته شرعا جايز
بي بطولته وشجاعته اكيد يا عازة دايما فايز

أما الغرب ياعازة صبيانه ديل فرسان
متجهزين دايما.. للموت فدا السودان
لا بخافوا من انسان لا تهمهم نيران
زمن الامام يشهد والغابة في شيكان

وهناك وقف ود جعل سوط العنج في ايده
بي الدم ملطخ ضهره حالف يكسر قيده
ما داير كلام....... فارغ كتير ما يفيده
يوم كاسوا الضرب المك نمر بقي سيده

وباقي الشمال جاهز بدل السلاح طورية
وقت السلام تزرع وقت اللزوم نار حية
أقوي من المدافع والأسلحة النارية
يزرع ويحصد بيها العزة والحرية

القومة ليك يا عازة شوفي العيال اتجلوا
فرسان من ربوع سودانا تب ما ضلوا

بواسطة فتحي مسعد حنفي

الوطن الضائع
_________________


رفقا بقلب شرب المرار من بعد ما ضل الطريق
تاهت خطاه على الدروب وحيد يبحث عن رفيق
رحماك من سهر الليالي بلا حبيب أو صديق
أدمنت يا ربى الصبابة صوت السواقي والنعيق
الدمع جف من البكاء والعين ذابلة البريق
جسد مسجى بلا حياة بلا زفير أو شهيق
روحي تحلق هائمة في غيهب الوادي السحيق
مثل البحار المظلمات في جوفها أمل غريق

غدا أفارق دنيتي في لهفة حر طليق
وأموت في العشق شهيدا وتكون يا قيس الشقيق
يا من شقيت بعشق ليلى يا صاحب القلب الرقيق
من دون ليلى قد جننت وفراق وطني لا أطيق
أنا شهيد العشق مثلك وكلانا عانى من الحريق
فالعيش من دون الحبيب مثل الزهور بلا رحيق....

فتحي مسعد حنفي

نار الغربة

___



مابال السادة في وطني حرموني حتي من الحلم

الكل يفكر في السلطة تركوا الوطنية والقيم

الشاطر يبحث عن فرصة والباقي يعيش علي وهم

والشعب الصابر مذهول يأمل في شئ من عدم





نيران تحرق في بدني والموت الأسود يقتلني

مابال الدنيا تكويني وأنا محروم من وطني

كل الأشواق تناديني وأنا ملفوف في كفني

والغربة نار لا ترحم سم في العقل وفي البدن





النار اشتعلت في جسدي من رأسي الي أخمص قدمي

ضاعت أحلامي في المنفي والجسد اعتاد علي الألم

أصبحت أعيش علي أمل أن أصحو يوما من حلمي

لأعيش حياتي في شرف بين الأجداث والرمم





فتحي مسعد حنفي

لو خلاص ضاع الأمل وبقينا عايشين في سراب

ولو خلاص الزاد كمل وبقينا صابرين في العذاب

ما أظن ننسي الحصل ونسامح اولاد الكلاب

لازم يجي يوم ننكرب والعجوز يصبح شباب

يمسك السيف بي يمينه ويبدا في قطع الرقاب

ساعتا تشوفو الرجالة وللهروب ما بتلقو باب

ياشباب شدو الضراع قربت ساعة الحساب

.........

دي الحكاية من البداية والنهاية بقت قريبة

والبيحصل لينا هسع بكرة نلقاهو صبح ضريبة

كل واحد لازم يدفع ما الوطن هو الحبيبة

البنحلم بيها دايما ومافي يوم كانت غريبة

لو في يوم تهنا ونسينا هي دي الحاجة الصعيبة

أصلو احنا ربينا فيها وما أظن نمشي ونسيبا

ماهي جوانا وبتنبض في الشرايين مليانة طيبة

والبيحصل لينا هسع هي دي الحاجة العجيبة

أصبروا يا آل ياسر الغنم دخلو الزريبة

واحنا طيبتنا بنسيبا ما هي دي سبب المصيبة

ولازم المقدور يقع والنهاية تكون رهيبة



_______



فتحي مسعد حنفي

لو خلاص ضاع الأمل وبقينا عايشين في سراب

ولو خلاص الزاد كمل وبقينا صابرين في العذاب

ما أظن ننسي الحصل ونسامح اولاد الكلاب

لازم يجي يوم ننكرب والعجوز يصبح شباب

يمسك السيف بي يمينه ويبدا في قطع الرقاب

ساعتا تشوفو الرجالة وللهروب ما بتلقو باب

ياشباب شدو الضراع قربت ساعة الحساب

.........

دي الحكاية من البداية والنهاية بقت قريبة

والبيحصل لينا هسع بكرة نلقاهو صبح ضريبة

كل واحد لازم يدفع ما الوطن هو الحبيبة

البنحلم بيها دايما ومافي يوم كانت غريبة

لو في يوم تهنا ونسينا هي دي الحاجة الصعيبة

أصلو احنا ربينا فيها وما أظن نمشي ونسيبا

ماهي جوانا وبتنبض في الشرايين مليانة طيبة

والبيحصل لينا هسع هي دي الحاجة العجيبة

أصبروا يا آل ياسر الغنم دخلو الزريبة

واحنا طيبتنا بنسيبا ما هي دي سبب المصيبة

ولازم المقدور يقع والنهاية تكون رهيبة



_______



فتحي مسعد حنفي

الظاهر الواحد رمضان اشتغل معاهو بقيت انزل الحاجه مرتين اعذرونا .