Post: #1
Title: القيادة "القطرية" للحزب الشيوعي بقيادة أبو ساندرا تعلن إقالة محمد إبراهيم نقد والشفيع والتجاني
Author: قصي مجدي سليم
Date: 09-05-2007, 02:27 PM
معليش يا ابوسندرا بس لزوم الدرس للطاهر ساتي...
يا اخوانا بكضب ساكت... ما هو لو كان من حق الطاهر ساتي إعمل العاوزه هنا من غير أي تدخل عقلاني من زول ... قلنا نحن ذاتنا نجرب إمكن تمش، وأهو ناس التجديد يرتاحو شوية...
عليكم الله هسي أنا لو صحفي مسئول بكتب الكتبو الطاهر ده!!.. هو هسي دي ما أزمة صحافتنا وأجهزتنا الإعلامية.. نقل معلومات غير منطقية بالمرة وكمان محاولة (تشريحها ونقدها)..
هل يعقل لو جاني أيا كان بي أي مسمى وقال لي نحن أقلنا رئيسنا وده البيان أروح أنا طوالي ناشر!! طيب ممكن الزول ده كضاب!! ممكن مغرض!! ممكن بيان كيدي!!..
طيب سيب ده كلو بي جنبة هي شنو اللجنة الثورية دي؟؟ والكونها منو.. وجات من وين؟؟؟
طيب أفرض انو كونها ايا من كان .. هل في زول بكون لجنة حزبية براهو.. واحل بيها المكتب التنفيذي وإعلق نشاط المجلس القيادي!!
بعدين ليه انت يا الطاهر حاجات حق الجديدة دي بتفرح بيها وتنشرها وتروج ليها (مع اهامات سابقة بالعمالة ما تنسى)؟؟.. هل يا ترى ده واجب الزمالة والمكاتبة (من مكتب ومكاتب)!!..
غايتو يا الطاهر.. بعد ما قربت تبقى زول كويس.... تاني داير تتعولق وتتبشتن غايتو أنا وريتك وانت مخير..
|
Post: #2
Title: Re: القيادة "القطرية" للحزب الشيوعي بقيادة أبو ساندرا تعلن إقالة محمد إبراهيم نقد وا
Author: Amjed
Date: 09-05-2007, 02:41 PM
Parent: #1
يا قصي
انا اسمي مكتووووووب
|
Post: #3
Title: Re: القيادة "القطرية" للحزب الشيوعي بقيادة أبو ساندرا تعلن إقالة محمد إبراهيم نقد وا
Author: الطاهر ساتي
Date: 09-05-2007, 02:44 PM
Parent: #1
افتح هذه الروابط ...
لتجد اليوم نص مانقله ساتى بالامس
فقط الاختلاف في الزمن ..
ساتى نقل الحدث كما هو وليس كماتهوى
ياخى انضج شوية .. وركز في المضمون مش في الهامش والانصرافية
صبرك يارب ..
مودتى .. والله لوماانت ماكنت اهدرت الزمن ده
الرأى العام ..(1)
http://www.rayaam.net/news/news3.htm
..........
الصحافة ..(2)
http://www.alsahafa.sd/News_view.aspx?id=39097
..........
آخر لحظة ..(3)
http://www.akhirlahza.net/index.aspx
.........
ولو عندك زمن افتح مواقع كل الصحف ..
وخلى القضية الاساسية وهاجم الصحف ..!!!
مودتى ايضا
|
Post: #4
Title: Re: القيادة "القطرية" للحزب الشيوعي بقيادة أبو ساندرا تعلن إقالة محمد إبراهيم نقد وا
Author: Abureesh
Date: 09-05-2007, 02:55 PM
Parent: #3
| Quote: وانتقد البيان ما أسماه بشخصيات انتهازية من الجمهوريين تعمل علي النيل من مشروع الحركة العلمانية وحدد منهم "الباقر العفيف الذي درج في تحدي علي كتابة البسملة علي ملصقات مركز الخاتم عدلان دون ما احترام لتاريخ المفكر العلماني الذي كرس حياته لمحاربة المتاجرة بالأديان" مؤكدا ان العفيف اصبح خصما علي الحركة وجزءا من خيبات الامل والهزائم التي منيت بها "حركة حق" . |
يعنى هـم قاطعـوا مـركز "المفكر العلماني الذي كرس حياته لمحاربة المتاجرة بالأديان" عشـان
الملصقـات فيه باديـة ببسـم الله الرحمن الرحيــم؟
المرحوم حارب المتاجرة بالأديان وليس الأديان، بعدين مافى زول حارب المتاجـرة بالأديان
أكتر من الباقـر العفيف!
المجموعـة دى فيهـا ختـم الجبهـة.
|
Post: #5
Title: Re: القيادة "القطرية" للحزب الشيوعي بقيادة أبو ساندرا تعلن إقالة محمد إبراهيم نقد وا
Author: محمد عبدالغنى سابل
Date: 09-05-2007, 02:59 PM
Parent: #3
ياخى انضج شوية .. وركز في المضمون مش في الهامش والانصرافية
صبرك يارب ..
مودتى .. والله لوماانت ماكنت اهدرت الزمن ده
سابقا تكلمة عن الطاهر ساتى بصوره تفصيله من اى تفكير ينطلق
يتكلم عن المضمون ويطلب منك ان لا تركز فى الانصرافيه
اهذا معقول يا سيد طاهر
هنا المبادى لا تتجزء
للاسف فى هذه الجانب اثبته انك انصرافى الى حد بعيد
يا ساده
انتبهوا للواجباتكم
ودعوا هذه الانصرافيه
خالص الود
|
Post: #6
Title: Re: القيادة "القطرية" للحزب الشيوعي بقيادة أبو ساندرا تعلن إقالة محمد إبراهيم نقد وا
Author: أبو ساندرا
Date: 09-05-2007, 03:36 PM
Parent: #1
طيب لمن تقيل الفراودة ديل ح نلعب بي منو
لم تقصقص أجنحة الحزب
ح نحلق بشنو
ونصارع منو ذاتو
|
Post: #7
Title: Re: القيادة "القطرية" للحزب الشيوعي بقيادة أبو ساندرا تعلن إقالة محمد إبراهيم نقد وا
Author: Hadia Mohamed
Date: 09-05-2007, 04:47 PM
Parent: #1
| Quote: هل يعقل لو جاني أيا كان بي أي مسمى وقال لي نحن أقلنا رئيسنا وده البيان أروح أنا طوالي ناشر!! طيب ممكن الزول ده كضاب!! ممكن مغرض!! ممكن بيان كيدي!!.. |
ممكن بس لى الاسف دة بحصل من ناس كتار هنا
|
Post: #8
Title: Re: القيادة "القطرية" للحزب الشيوعي بقيادة أبو ساندرا تعلن إقالة محمد إبراهيم نقد وا
Author: قصي مجدي سليم
Date: 09-06-2007, 07:06 AM
Parent: #1
العزيز الطاهر ساتي قال لي:
Quote: افتح هذه الروابط ...
لتجد اليوم نص مانقله ساتى بالامس
فقط الاختلاف في الزمن ..
ساتى نقل الحدث كما هو وليس كماتهوى
ياخى انضج شوية .. وركز في المضمون مش في الهامش والانصرافية
صبرك يارب ..
مودتى .. والله لوماانت ماكنت اهدرت الزمن ده |
يا ابن ساتي سلامي ومودتي وإحترامي كما والله...
انا ما قلت انك الزول الوحيد النزلت الخبر..بعدين انا ما قاعد أقرأ الراي العام.. ولا آخر لحظة.. وما بفتكرهن الاتنين بستحقوا القراية.. انا بقرأ الصحافة .. ومنزعج جدا جدا أن يتحول خيرة كتابها الى التهريج (مثلهم مثل الراي العام وآخر لحظة) بعدين الروابط الجبتها لي والله ما فتحتها لي سبب واحد (انا ما بجرب المجرب) ولا في جديد بنضاف لي في الموضوع ده.. البهمني منو انت وبس.. هل يعقل يا طاهر انا اقرأ خبر زي الانت نشرتو ده وأقيف جنو دقيقتين.. ناهيك انو اطالب قيادة حق انها تتعامل مع الموضوع بي حكمة!!!
الخبر معيب جدا لدرجة انو اي زول اجي جنبو طوالي بيجري من عيبو.. لكن...
انت نقلتو هنا.. وخليت الناس إظنوا انو فيهو حاجة.. وهو بالطبع ما فيهو أي شيء..
بعدين يا الطاهر كونك ترد علي بمواقع الصحف التانية وبمنطق (إن جن قومك عقلك ما بفيدك) و (موت الجماعة عرس) و(والناس سووا انا مالي ما سويت) والخ الخ ..ده ذاته بخليني أخت يدي في خشمي وأقول (لا حول ولا قوة الا بالله) و (انا لله وانا اليه راجعون).. يعني المنطق هي الصحف الكتبت.. وكما عاوزني افتح مواقعها وأرد عليها!! انت يا الطاهر نسيت بياني الفات القلت ليك فيهو انا ما برد على بتاع راي الشعب ولا بقرأ ليهو من اساسه!! انا لو عاوز أرد عليهم ما بقيف عشان هم كتار .. ولا بقتنع بالمثل البقول (اتنين قالوا ليك راسك ماف اهبشو) والله لو ناس الدنيا كلها قالوا راسي ماف ما بهبشو.. المهم يا اخوي -نرجع للقضية الاساسية- انت نشرت الخبر ده ليه رغم انو اي زول (عاقل) ما ممكن انشره.. لأنو محتمل اخطاء عدة .. -اكررها ليك تاني من فوق عشان ما تتعب نفسك-
هي شنو اللجنة الثورية دي؟؟ والكونها منو.. وجات من وين؟؟؟
طيب أفرض انو كونها ايا من كان .. هل في زول بكون لجنة حزبية براهو.. واحل بيها المكتب التنفيذي وإعلق نشاط المجلس القيادي!!
هل في لجنة أعلى من المجلس القيادي والمكتب التنفيذي (الا الجمعية العمومية)!!!!
بعدين سؤال ليك يالطاهر.. عليك الله كلفت نفسك ورفعت سماعتك وضربت لي هالة او لي الباقر او لي أي زول في المجلس القيادي وقلت ليهو : سيدي ما هي حقيقة هذه الأنباء التي تواردت عنكم؟!!
عملت عمل زي ده؟!؟!
ليك حق تقول لي (الراي العام) و (آخر لحظة)..
غايتو ما داير اقول يا هو الشبه لانو لسه عندي فيك أمل
مودتي ومحبتي (جد جد والله)
|
Post: #9
Title: Re: القيادة "القطرية" للحزب الشيوعي بقيادة أبو ساندرا تعلن إقالة محمد إبراهيم نقد وا
Author: قصي مجدي سليم
Date: 09-06-2007, 11:31 AM
Parent: #1
يا أمجد أنت اسمك ما مكتوب... لكن تلفونك ماله؟؟؟
|
|