Post: #1
Title: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: ahmed haneen
Date: 09-05-2007, 08:24 AM
Parent: #0
عن الحياة
رفض الاعتراف بشهادة الثانوية السعودية في السودان
لرياض - محمد الطفيل الحياة - 05/09/07//
رفضت وزارة التعليم العالي السودانية قبول من يحملون شهادة الثانوية السعودية بنظام المقررات، وأعدت اختباراً لجميع من درس وفق هذا النظام لمعادلة شهاداتهم، كي تتفق مع «الرؤية السودانية».
واستغرب المشرف العام على نظام المقررات المدير العام للمناهج الدكتور صالح الشايع، موقف وزارة التعليم العالي السودانية، مضيفاً لـ «الحياة» أن الجهات التعليمية السعودية خاطبت السفارة السودانية، وأوضحت لها معالم النظام الذي لقي القبول في جميع الجامعات.
وقال: «إذا كانت المسألة تشكيكاً في النظام فهذا يرجع لهم، لأن النظام تقوم عليه هيئة إشرافية من وزارة التربية والتعليم، ويلقى قبولاً واسعاً من المعلم والطالب، إذ يوفر على الطالب الكثير ويختصر الزمن، إضافة إلى تمكين الطالب من البروز في الجوانب المهارية والأداء المتنوع، ويسير جنباً إلى جنب مع النظام الحالي».
وأكد أن «من حق الإخوة السودانيين الرفض، لكن عندما يرتبط ذلك بمؤشر رقمي 89 في المئة كقيمة للشهادة السعودية، فهذا مجحف». وكانت وزارة التعليم السودانية حددت معامل المعالجة للشهادة السعودية بـ89 في المئة، وهو أقل معدل بالنسبة إلى دول الخليج. وستخضع وزارة التعليم في السودان أكثر من 18 طالباً تخرجوا من السعودية لاختبار تقويم لمعادلة شهاداتهم بعد 11 يوماً. يذكر أن نظام المقررات اعتمد في السعودية العام الماضي من مجلس الوزراء، وتمت مخاطبة جميع السفارات بشأن هذا النظام الذي طبق في 40 مدرسة على مستوى السعودية، وتم قبول عدد كبير من طلاب نظام المقررات في الجامعات المصرية، كما أفاد بذلك الملحق الثقافي في سفارة مصر في الرياض الدكتور عصام بركات، الذي أبدى استعداده لتذليل الصعوبات التي تواجه أي طالب درس بطريقة المقررات.
|
Post: #2
Title: Re: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: ahmed haneen
Date: 09-05-2007, 08:59 AM
Parent: #1
خوفا من اغراق البوست بواسطة تسونامي
جعفر عباس
|
Post: #3
Title: Re: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: ابو جهينة
Date: 09-05-2007, 09:52 AM
Parent: #2
أحمد حنين
سلام
الحكاية بقت ما عاوزة رأينا
لأنو الفاس وقعتْ في الراس و إنتهلى الأمر مما حدا بأولياء الأمور بإتخاذ تدابير لتسفير أبنئهم و بناتهم ممن سيمتحنون هذا العام أو العام المقبل إلى السودان و لك أن تتصور البهدلة التي ستحدث للأسر.
البعض قام بإلحاق أبنائهم و بناتهم بمعاهد خاصة و غير مرخص لها رسمياً ليتمكن بعدها الطالب أو الطالبو من الذهاب للسودان قرب الإمتحانات ليمتحن من منازلهم أو عبر أي مردسة خاصة .. و هذه الطريقة أيضاً لها تبعاتها السلبية على الأسر.
كان الله في العون
|
Post: #4
Title: Re: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: ناهد علي
Date: 09-05-2007, 11:19 AM
الاخ/ احمد حنين
لك سلام وتحية
كتبت لك رد الان ولكن انقطاع الكهرباءربما يكون حال دون وصلة
اخي
المشكلة الان صارت مشكلتين
مشكلتنا نحنا البتصبح لينا الواضة ونقوم نجري وراء المدارس الحكومية التي تصر جدا علي اعادة الطالب وعدم قبوله الا اذا عاد (يعني لو الطالب في تانية لازم يعود اوله) لانه مابنطمن مستواة.
المدارس الخاصة (محتاجة لمصاريف خاصة غير موضوعه في البال اضف الي ذلك الترحيل+اللبس+الاعاشة)
وحتي نحنا نحتاج لترتيب وضعنا غرف خاصة للسادة المغتربين مهيئة بوضع خاص .
ربنا يكون في العون ....
|
Post: #8
Title: Re: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: ahmed haneen
Date: 09-08-2007, 06:37 AM
Parent: #4
الأخت ناهد
لك التحية
Quote: لمشكلة الان صارت مشكلتين
مشكلتنا نحنا البتصبح لينا الواضة ونقوم نجري وراء المدارس الحكومية التي تصر جدا علي
اعادة الطالب وعدم قبوله الا اذا عاد (يعني لو الطالب في تانية لازم يعود اوله) لانه مابنطمن مستواة. |
Quote: المدارس الخاصة (محتاجة لمصاريف خاصة غير موضوعه في البال اضف الي ذلك
الترحيل+اللبس+الاعاشة) |
يا ناهد دا بقت مشكلات مش اثتين وبس
شوفي العجايب..
رغم الخبر المنشور برفض السودان الأعتراف بالشهادة السعودية..
برغم ذلك نحن ممنوعون من التسجيل في المدارس الحكومية السعودية .. الأ تكملة للعدد بعد قبول السعوديون وباقي العرب
وبرضو ممنوعون .. من فتح مدارس سودانية .. تدرس منهج سوداني ..
وامامنا خيار واحد ..
المدارس الخاصة ( حوالي 6 الف ريال) وبرضو بتدرس منهج سعودي ..
بس فاضل لينا خيار واحد ..
الواحد يطلع السطوح في عمارة عشرة طوابق .. ويجي ناطي من فوق .. بررردرب
|
Post: #7
Title: Re: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: ahmed haneen
Date: 09-06-2007, 06:31 AM
ابوجهينة
| Quote: الحكاية بقت ما عاوزة رأينا |
الحكومة مش بقت
الحكومة اصلا ما عاوزها رائنا ..
لكن هل نصمت ..
لابد ان نشكل ضغطا .. ننزع حقوقنا انتزاعا..
ثم ثانيا .. ربما كانت الحكومة علي حق ...
|
Post: #5
Title: Re: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: د.محمد حسن
Date: 09-05-2007, 12:36 PM
Parent: #1
Quote: رفض الاعتراف بشهادة الثانوية السعودية في السودان
. |
انا اعترف
انا لا اعترف
انا قريت برة
وربنا يسر لي ورجعت
واشتغلت محاضر جوة
ومرقت افتش اكل عيشي برة
اولادي اوديهم وين؟
|
Post: #6
Title: Re: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: ادم الهلباوى
Date: 09-05-2007, 01:12 PM
Parent: #5
بسم الله الرحمن الرحيم
المسألة برمتها ترجع إلى جامعة الدول العربية !!
يا دكتور محمد الحسن إنت رائع فى كل شئ .. تعليقك ذا مضمون ومغزى !!
|
Post: #11
Title: Re: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: ahmed haneen
Date: 09-08-2007, 12:03 PM
Parent: #5
يا د محمد حسن
سلامات
Quote: انا قريت برة
وربنا يسر لي ورجعت
واشتغلت محاضر جوة
ومرقت افتش اكل عيشي برة
اولادي اوديهم وين؟ |
ولادك ديل يلا توديهم .. في طريق ناس
جاخ يا محاسن
|
Post: #9
Title: Re: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: Hadia Mohamed
Date: 09-08-2007, 06:45 AM
Parent: #1
ربنا يهون على العيال واهلهم
لكن ايامنا كان اولاد المغتربين من سنة تانية لى تالتة الواحد بكون عندة كعكتين وتلاتة فى النتيجة اهلو بشوفة لى شهادة مزورة من اى مدرسة خاصة بدون كعك وبتحول بيها السعودية وبرجع بعد سنة حامل نسبة 90% وحات الله بعرف ناس شخصيا كدة عملوها ودخلو جامعة الخرطوم ايام عزها.
ما عرفنا هم شهادتهم اسهل ولا نحن حقتنا انتقام.
|
Post: #10
Title: Re: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: abuguta
Date: 09-08-2007, 07:02 AM
Parent: #9
| Quote: الواحد يطلع السطوح في عمارة عشرة طوابق .. ويجي ناطي من فوق .. بررردرب |
احمد حنين
ياخوى ما تطلع براك لازم يكون معاك صلاح غريبة وكم واحد كدا عندهم عيال بقروا
وتعالو عندنا فى العقارية عشان الشارع فاضى,,,وانا بقعد
احسب ليكم وااااااااحد اتنيييين تلااااااااااتة
الحمد لله بنتى عمرها شهران
يومها بنفتح لينا جامعة فى ابقوتة
والطيارات الحربية والسيرات البرادو والكوريلات وسيارات جياد بتكون بتتمرد
اها بعد شغل الحديد دا بفضل زول تانى,,,
ياعمى المصارة اعترفو بيها ليش
والله كلام غريب جدا
|
Post: #12
Title: Re: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: ahmed haneen
Date: 09-09-2007, 09:39 AM
Parent: #10
الأخت هادية محمد
سلامات
| Quote: ما عرفنا هم شهادتهم اسهل ولا نحن حقتنا انتقام. |
تعرفي يا غالية ..
هم في بعض مقرراتهم افضل منا كتير ...
لكن .. ناسنا حاقدين ... علي المغتربين ...
ابوقوته
سلامات .. خلاص عاوز تنتهي مني سريع كدا
وبعدين حتي في الأنتحار يكون معاي صلاح غريبة ..
وبالمناسبة صلاح غريبة .. اولاده كلهم بقرأو ا في مصر ... انت قايلو زولا هين ..
وكمان شقة تمليك ...
تعرف يا ابوقوتة .. لو انا هسع هربت .. مع اللاجئين من مصر ورحت اسرائيل ..
هل كان وضعي واولادي سيكون افضل من هنا؟؟؟
|
Post: #13
Title: Re: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: ahmed haneen
Date: 09-10-2007, 07:13 AM
Parent: #1
اها
رائكم شنو
انا ماشي اسرائيل
|
Post: #14
Title: Re: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: اسعد الريفى
Date: 09-10-2007, 08:30 AM
Parent: #1
اجتماعات متواصلة بين وزارتى التعليم فى اسبرطه و السودان
اسبرطه نيوز: علمت وكالة الانباء الاسبرطية انه و منذ الرابع من شهر أقيان التاسع و حتى الان تنعقد اجتماعات اللجان الفنية بين وزارتى التعليم الاسبرطية و السودانية لنقل التجربة السودانية فى المناهج المفوترة و نظم تأصيل القبول فى التعليم العالى الى اسبرطه.
و أفاد مصدر ماذون فى أسبرطه أن الوزير الاسبرطى خيبتوس سيوقع 452889 اتفاقيه مع نظيريه السودانيين بحلول العاشر من هذا الشهر. كما تم التوقيع على غتفاقية تبادل المعلمين بين الجانبين بالاضافة الى أتفاقية تشجيع التعليم الذاتى و اتفاقيات إنشاء المجلس المشترك لنحو الامية بين الجانبين. أنتهى..
|
Post: #15
Title: Re: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: ahmed haneen
Date: 09-12-2007, 12:00 PM
Parent: #1
تصريح مهم جدا
بخصوص هذا الخبر الذي نشرته الحياة .. وفي اتصال هاتفي من سعادة القنصل احمد يوسف
كذب فيه هذا الخبر جملة وتفصيلا ... وقال انه لم يسكت عن الصحفي ولا عن جريدة الحياة
وقد اتصل برئاسة تحرير الحياة .. وابلغهم تكذيبه لهذا الخبر ...
وقد وعدوه بنشر التوضيح في نفس المكان ..
ومن الأخبار السارة التي ازفها لنا سعادته .. هي بشارات بحل اشكالية تعليم ابناءنا بالمهجر جذريا
وامسكوا الخشب
وانتظروا ...
|
Post: #16
Title: Re: الحكــومة السـودانيـة . ترفض الإعتـراف بالشهادة الثانوية السعوديـة !! ما رائكم ؟؟؟
Author: sunrisess123
Date: 09-12-2007, 02:30 PM
Parent: #15
اجتماع المكتب القيادي تم برئاسة السيد حاتم سر الختم نائب رئيس الجالية وبحضور معظم أمناء الأمانات المختلفة ، ومن أهم ما تمت مناقشته في الاجتماع اجازة المقترح الذي تقدم به أمين أمانة التعليم حول ضرورة اقامة ورشة عمل لموضوع تعليم أبناء المغتربين على خلفية المستجدات في نظام التعليم السعودي وتأثيره في نظام معادلة الشهادة العربية بالشهادة السودانية والقبول بالجامعات ووضع المدارس السودانية الخاصة في المهجر وكيفية تفعيلها، وقد تكفل سعادة القنصل العام بتبني هذه الورشة ودعمها بكل ما يستطيع من جهد حتى تؤتي نتائجها المرجوة باعتبار أن قضية تعليم أبناء المغتربين من أهم القضايا التي تؤرق المغتربين .
وهنالك أخبار طيبة قريباً جداً
|
|