Post: #1
Title: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: هاشم أحمد خلف الله
Date: 09-04-2007, 11:08 AM
Parent: #0
شهد هذا المنبر حالات نادرة من الملاسنة الضاحكة والممتعة في نفس الوقت وكان
لود شيقوق الطيب والرطاني الأب الروحي لكل رواد المنبر وودحامد دور كبير في
ذلك وكثيراً ما كنا نستريح معهم وهم في لهو يتمازحون .
دعوة لكل من المهندس ابوبكر و فاروف ود حامد للرجوع فلا طعم لود شيقوق دونكما.
|
Post: #2
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: سمية الحسن طلحة
Date: 09-04-2007, 11:46 AM
Parent: #1
| Quote: دعوة لكل من المهندس ابوبكر و فاروف ود حامد للرجوع فلا طعم لود شيقوق دونكما. |
أخي هاشم كلك زوق وفهم
تسلم يالهميم .. تسلم
|
Post: #3
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: هاشم أحمد خلف الله
Date: 09-04-2007, 01:45 PM
Parent: #2
Quote: أخي هاشم كلك زوق وفهم
تسلم يالهميم .. تسلم |
اختي الملكة تسلمي ويسلم كل من سالمك وكالمك وإنشاء الله يرجعون لنا مرة اخري
فالطيب شيقوق يشعر بالوحدة .
|
Post: #4
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: مجاهد عبدالله
Date: 09-04-2007, 01:58 PM
Parent: #1
هاشم المحترم سلام يغشاك ويلقاك بكل طيبة..
انت عارف يا هاشم غياب الأعمام فاروق وابوبكر بحسنني ليك زي البيت لمن يغيبوا الناس الكبار او الحكماء لمن يبعدوا من الديار ..
وعشان كده ودشيقوق مع اول نرفزة باع باقينا لكن أهو جبر الخاطر ورجع والباقي همتك معانا نجيب الباقين..
شكراً لهذا النداء..
خالص الود ..
|
Post: #5
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: هاشم أحمد خلف الله
Date: 09-04-2007, 05:20 PM
Parent: #4
Quote: هاشم المحترم سلام يغشاك ويلقاك بكل طيبة..
انت عارف يا هاشم غياب الأعمام فاروق وابوبكر بحسنني ليك زي البيت لمن يغيبوا الناس الكبار او الحكماء لمن يبعدوا من الديار ..
وعشان كده ودشيقوق مع اول نرفزة باع باقينا لكن أهو جبر الخاطر ورجع والباقي همتك معانا نجيب الباقين..
شكراً لهذا النداء..
خالص الود .. |
تسلم يا مجاهد علي المداخلة وكتر الله من امثالك يا ظريف وإنشاء الله يجو عائدين ياالله .
|
Post: #6
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: الطيب شيقوق
Date: 09-04-2007, 09:02 PM
Parent: #5
الاخ هاشم وليد خلف الله
حبابك يا سيد الناس كلهم
انت عارف يا هاشم المنبر العام ده كل يوم بيفرز لينا كوادر جديدة ولذيذة شديد زى الباشمهندس مجاهد الابنوسي الجميل .
مجاهد ده قلبو طيب ومرهف الاحاسيس والمشاعر وما بنسى العشرة زي انا كده حتى في مسقط لو دعونى لسماية بعاين في الضيوف كلهم المدعويين معاى لو لقيت واحد من اعضاء المنبر العام بجر كرسي وبنعصر جبنه وديك يا القطيعة فيك انت وفي منى خوجلي وفي اى عضو في المنبر العام تلقانا ما عارفين ناس السماية بيقولوا في الشنو لحدى تودع سيد البيت ووقت أجي طالع أركب سيارتي أجد نفسي برضو واقف مع عضو المنبر العام وكأنو مافي حد غيره مع الجماعة .
الايام دى انا متابع ترتيبات الاستاذ فضيلي جماع للاقامة في مسقط ونازل وطالع معاهو . قام محمد المرتضى صاحب بوست الحب في المنبر العام قام قال لى انت بس متابع كبار الشعراء وما شغال بينا . انا قلت ليهو على الطلاق لو على شعره ما كنت تبعتو كتير كده لكن لانني اتنسم فيه رائحة المنبر العام .
أحيي عبركم الفضيلي جماع الذى وعد بالاتصال بابي بكر والفاروق لاقناعهما بالعودة الى الكتابة
يلا يا ابو بكر
يلا يا الفاروق
حد يشعر بالسعادة ويمشى يختار البعاد؟
شكرا لك اخي الهاشم
|
Post: #7
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: محمد المرتضى حامد
Date: 09-04-2007, 10:40 PM
Parent: #6
يا هاشم ، يذكرني حال الثلاثي شيقوق وفاروق والباش الرطاني أبوبكر حال جرير والأخطل والفرذدق
فرغم ما كان بينهم من هجاء مبرح مقذع إلا أن رحيل الفرذدق فجع جريرا لدرجة أنه قال لا حياة لي بعدالفرذدق وأنشد مادحا رفيق الهجاء الراحل:
( فلا ولدت بعد الفرزدق حامل ... ولا ذات حمل من نفاس تعلت )
( هو الوافد المأمون والراتق الثأى ... إذا النعل يوما بالعشيرة زلت )
كنا يُفّعا نزور دار الرياضة بأمدرمان وكان عبدالوهاب الجعفري وكاك والسر السفيه يتلاسنون
ممازحين بعضهم وكان رواد الدار يمتعون أنفسهم بهذا الثلاثي التاريخي وظهورهم الى الملعب
يضحكون حد الدموع. عند رحيل الجعفري في 1986 اعتزل السر وكاك الدار كما علمت وكانهما ردّدا في الخاطر مقولة جرير.تحاياي للفاروق الهاش والرطاني الباش ونحن مقبلون على هلال رمضان نترنم إليهما: يا أحباب هل من عودة هل.
تسلم يا هاشم
|
Post: #11
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: هاشم أحمد خلف الله
Date: 09-05-2007, 11:27 AM
Quote: يا هاشم ، يذكرني حال الثلاثي شيقوق وفاروق والباش الرطاني أبوبكر حال جرير والأخطل والفرذدق
فرغم ما كان بينهم من هجاء مبرح مقذع إلا أن رحيل الفرذدق فجع جريرا لدرجة أنه قال لا حياة لي بعدالفرذدق وأنشد مادحا رفيق الهجاء الراحل:
( فلا ولدت بعد الفرزدق حامل ... ولا ذات حمل من نفاس تعلت )
( هو الوافد المأمون والراتق الثأى ... إذا النعل يوما بالعشيرة زلت )
كنا يُفّعا نزور دار الرياضة بأمدرمان وكان عبدالوهاب الجعفري وكاك والسر السفيه يتلاسنون
ممازحين بعضهم وكان رواد الدار يمتعون أنفسهم بهذا الثلاثي التاريخي وظهورهم الى الملعب
يضحكون حد الدموع. عند رحيل الجعفري في 1986 اعتزل السر وكاك الدار كما علمت وكانهما ردّدا في الخاطر مقولة جرير.تحاياي للفاروق الهاش والرطاني الباش ونحن مقبلون على هلال رمضان نترنم إليهما: يا أحباب هل من عودة هل.
تسلم يا هاشم |
تسلم يا محمد المرتضي وانتا عارف انو نحنا بصراحة ادمنا بعضنا البعض , حتي
ولو ما عملنا مداخلات , مجرد التصفح يكفي , وعلي كل حال نحنا ما زلنا منتظرين
رجوعهم .
|
Post: #8
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: هاشم أحمد خلف الله
Date: 09-05-2007, 06:49 AM
Parent: #6
Quote: الاخ هاشم وليد خلف الله
حبابك يا سيد الناس كلهم
انت عارف يا هاشم المنبر العام ده كل يوم بيفرز لينا كوادر جديدة ولذيذة شديد زى الباشمهندس مجاهد الابنوسي الجميل .
مجاهد ده قلبو طيب ومرهف الاحاسيس والمشاعر وما بنسى العشرة زي انا كده حتى في مسقط لو دعونى لسماية بعاين في الضيوف كلهم المدعويين معاى لو لقيت واحد من اعضاء المنبر العام بجر كرسي وبنعصر جبنه وديك يا القطيعة فيك انت وفي منى خوجلي وفي اى عضو في المنبر العام تلقانا ما عارفين ناس السماية بيقولوا في الشنو لحدى تودع سيد البيت ووقت أجي طالع أركب سيارتي أجد نفسي برضو واقف مع عضو المنبر العام وكأنو مافي حد غيره مع الجماعة .
الايام دى انا متابع ترتيبات الاستاذ فضيلي جماع للاقامة في مسقط ونازل وطالع معاهو . قام محمد المرتضى صاحب بوست الحب في المنبر العام قام قال لى انت بس متابع كبار الشعراء وما شغال بينا . انا قلت ليهو على الطلاق لو على شعره ما كنت تبعتو كتير كده لكن لانني اتنسم فيه رائحة المنبر العام .
أحيي عبركم الفضيلي جماع الذى وعد بالاتصال بابي بكر والفاروق لاقناعهما بالعودة الى الكتابة
يلا يا ابو بكر
يلا يا الفاروق
حد يشعر بالسعادة ويمشى يختار البعاد؟
شكرا لك اخي الهاشم |
مشكور كتير يا ود شيقوق وزي ما قلت البورداب العلاقة بينهم اصبحت مميزة جداً وذكرتني زمان لمن كنت
بلعب كورة , لو واحد من اصحابي المتنافس معاي غاب تمرين واحد بمشي افتشو واتشاكل معاهو واقول ليهو
ليه ما جيت التمرين ؟؟ يعني بصراحة بتشعر بنقص شديد وربنا ما يفرقنا من بعض والشكر لبكري ابوبكر
والذي إستطاع جمع كل الناس بمختلف تفكيرهم وسحناتهم وقبائلهم في بوتقه سودانيز اون لاين .
ما زلنا في إنتظار الثنائي المرح مهندس ابو بكر وفاروق ود حامد .
|
Post: #9
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: مجدي عبدالرحيم فضل
Date: 09-05-2007, 07:19 AM
Parent: #8
هاشم
والطيب ود شيقوق سلام ياعزاز ولزاز علي القلوب
وهذا نداء بلهجة الرطانه الي الأحباب أبو بكر وفاروق
تاااااااااااروي أمبسيييييي ( Tarawy Ampsi)
دونكما البلد يقدل فيها جنه التمساح.
،،،،أبوقصي،،،،
|
Post: #10
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: الطيب شيقوق
Date: 09-05-2007, 09:41 AM
Parent: #9
تاااااااااااروي أمبسيييييي ( Tarawy Ampsi)
هلا يا ابا قصي تاني وحياتك ادينا من الرطانة الحلوة دى عشان ابو رشا يعود لينا .
اما ابو ناصر خلوهو لى انا ايمين اركب من مسقط لابو ظبي وافتح ليهو النت قدامي واحلف عليهو طلاق يكتب ليكم وبعدئذ ارافقه لقسط من الحت التكيل .
الناس ديل بخافوا من امات عيالهم لانو منبركم صار يفيض بالحب على المنبر العام ودى مناطق يحظر عليهم فيها الاقتراب والتصور
|
Post: #12
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: سلمى الشيخ سلامة
Date: 09-05-2007, 11:48 AM
Parent: #10
شخصيا افتقد صحبى الجميل ابوبكر وادعوه للعودة
|
Post: #13
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: هاشم أحمد خلف الله
Date: 09-05-2007, 12:07 PM
Parent: #12
| Quote: شخصيا افتقد صحبى الجميل ابوبكر وادعوه للعودة |
اختنا الحنينة سلمي إنشاء الله ما تفقدي عزيز والرجوع مطلب شعبي .
|
Post: #14
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: محمد على طه الملك
Date: 09-05-2007, 02:05 PM
Parent: #13
هاشم.. ودشيقوق..
اوريكم السر البرجّع إبن عمي الرطاني؟
اكتبوا ليه البخره دي ..
اسّـوود.. وحات (يوا) تجي ..
..
شوفوا إما جاكم مارق ذي السهم .
|
Post: #16
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: هاشم أحمد خلف الله
Date: 09-05-2007, 05:50 PM
Parent: #14
Quote: هاشم.. ودشيقوق..
اوريكم السر البرجّع إبن عمي الرطاني؟
اكتبوا ليه البخره دي ..
اسّـوود.. وحات (يوا) تجي ..
..
شوفوا إما جاكم مارق ذي السهم . |
ود الملك سلام ومشكور علي تلبية الدعوة وبخرتك دي هسع دي بكبرها ليهو وإنشاء الله يشوفها
اسّـوود.. وحات (يوا) تجي ..
|
Post: #15
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: هاشم أحمد خلف الله
Date: 09-05-2007, 03:05 PM
Parent: #9
Quote: هاشم
والطيب ود شيقوق سلام ياعزاز ولزاز علي القلوب
وهذا نداء بلهجة الرطانه الي الأحباب أبو بكر وفاروق
تاااااااااااروي أمبسيييييي ( Tarawy Ampsi)
دونكما البلد يقدل فيها جنه التمساح.
،،،،أبوقصي،،،، |
ابو قصي الشفيف كتر خيرك ومشكور علي المداخلة والإستجابة للنداء .
|
Post: #17
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: abubakr
Date: 09-05-2007, 06:50 PM
Parent: #1
عجبت لك يا عرريب ودشيقوق
قتو برابرة نص دين ومرات مؤلفة قلوبهم وكمان اهل ذمة ..واها قنا الشهر شعبان والجاي رمضان والشياطيين بيحبسوهم واها قبلما يحبسونا برانا حبسنا نفسنا وجيتو مطلعننا طلب خاص .. ما بقي الا تجيب كي مون .. طلب الجمهور ......اها شوفلك حولية كاربة تحلك من شياطين برطنو جد ورمضان ما بحبسم ...
يا عرريب انت رحلة عمرك ومشوار سنينك دي ما بتعرف امطار وفيضانات وما سمعت بالحصل في البندر لما الشوارع غرقت وانت نهرك لسه جاف ؟؟
انت ما سمعت ببسكويت "اوريو " بتاعة يغمسها وياكلها او يبلعها وتقول حلاوة بلي ؟؟؟ هسع ولدي سالتو حلاوة بلي يعني شنو ؟ عاين لي شذر مذر وفات وانت تقول حلاوة بلي و خمسة قروش ؟ انت ما سمعت باليورو وكمان شغال مستشار في سوق اسهم ؟ اسهمك دي بتبوعوها بكوم تمباك ؟؟؟
اها خم وصر ....
الرطان
|
Post: #18
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: abubakr
Date: 09-05-2007, 08:05 PM
Parent: #1
وصلة :
| Quote: انا قلت ليهو على الطلاق لو على شعره ما كنت تبعتو كتير كده لكن لانني اتنسم فيه رائحة المنبر العام |
عجيبة ؟؟؟ ات اصلك شن عرفك في الشعر والشعراء ؟ خذلتني .. بعد الاعصار انا قت بس العرريب اها يادوبك حيبدع زي ما ناس عنترة كانو بيبدعو بعد الحروب ؟ وما القي ليك الا العرريب شكاي من الموية الحقتو لحد السطوح وما قدر ينزل الشارع البقي انهار (فيها موية ما جافة ؟ ) وما قدر يقول حرف شعر ؟ ودحين يقول هو "شغال" مع الشاعر فضيلي يساعدو في الاستقرار في مسقط ؟ هو فضيلي الجاي من لندن شن يسوي بيك ما عارف الاشياء كلها واصلا ما كان زمان في مسقط ؟ انت ياكا مندوب الجالية للعلاقات العامة ؟ قال مش عشان الشعر ؟ طيب عشان شنو ؟؟ ات لا بتدوبو ولا بتعرف مساديير ولا نم و لا حاجة والرطان لبلب في الدوبيت والشعر وحافظ اشعار كتيرة من عيونها اتذكر : " ياطير طيري " و "دجاجي يلقط الحبة " ومن الشعر الحديث المعاصر " طارت الطيارة وحطت الطيارة (وهي طيارة ليه ؟ ما بشان تطير ؟ )
شفت كيف يا عرريب يا قشرة ...
|
Post: #20
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: الطيب شيقوق
Date: 09-05-2007, 09:08 PM
Parent: #18
عجبت لك يا عرريب ودشيقوق
قتو برابرة نص دين ومرات مؤلفة قلوبهم وكمان اهل ذمة ..واها قنا الشهر شعبان والجاي رمضان والشياطيين بيحبسوهم واها قبلما يحبسونا برانا حبسنا نفسنا وجيتو مطلعننا طلب خاص .. ما بقي الا تجيب كي مون .. طلب الجمهور ......اها شوفلك حولية كاربة تحلك من شياطين برطنو جد ورمضان ما بحبسم ...
يا عرريب انت رحلة عمرك ومشوار سنينك دي ما بتعرف امطار وفيضانات وما سمعت بالحصل في البندر لما الشوارع غرقت وانت نهرك لسه جاف ؟؟
انت ما سمعت ببسكويت "اوريو " بتاعة يغمسها وياكلها او يبلعها وتقول حلاوة بلي ؟؟؟ هسع ولدي سالتو حلاوة بلي يعني شنو ؟ عاين لي شذر مذر وفات وانت تقول حلاوة بلي و خمسة قروش ؟ انت ما سمعت باليورو وكمان شغال مستشار في سوق اسهم ؟ اسهمك دي بتبوعوها بكوم تمباك ؟؟؟
اها خم وصر ....
اى حرف هنا عسل نشيلوا ونعمل ليهو برواز فوووووووووووووووق وعالم كلامك شين لكن الجديد في الكرو حلو ( الكرو يا الرطاني العوارة الزمان بتكون في الساق وما بتبرأ بالانتي بايوتك .
يا هشومي كتر خيرك ظنيت في الراجل خير لكن اهو جاء متلب فينا ضرب الزول ده انا هسع بكرمه وبفوت ليهو كلامه الفيهو لجنة الرطانة ده لكن تاني بوريهو الويل .
دحين الفاروق جاى معاك .
|
Post: #19
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: ناذر محمد الخليفة
Date: 09-05-2007, 09:04 PM
Parent: #1
يا هاشم كيفك ....
ماعندي مداخلة لكن عندي غنية ..
ممكن أهدي !!؟؟
صنفرة :
الامان يا فاروق وأبو بكر !!
|
Post: #21
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: abubakr
Date: 09-05-2007, 09:11 PM
Parent: #1
| Quote: الامان يا فاروق وأبو بكر !! |
يا ناذر يا عريس كل المواسم
شكرا
ما شايف العرريب ودشيقوق زاغ بعدما جرجرني لحد هنا وانا لسه واصل من سفر وعندي شغلات كتيرة اقضيها بس قت العرريب كان ما نضم وحكي قصة رحلة عمر ومشوار سنيين لخلق الله ديشليون مرة يمكن تجيهو حالة ويودوهو العباسية ( انت مش كت في مصر يا ناذر بالله قول ليهو العباسية وين اصلو عرريب ما بحب اولاد بمبة ؟ )؟
|
Post: #22
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: الطيب شيقوق
Date: 09-05-2007, 09:43 PM
Parent: #21
انت اصلك حاسدني في رحلة عمري اللذيذة دى لانك اصلك ما عندك رحلة عمر وعمرك كلو مع السمبوسة والبيتزا والكنتاكي والفنادق 5 نجوم
انت شهر عسلك في هاييتي وانا شهر عسلي في قطية من نال ومزينة ببيض نعام وتيلة من الزعف . سكنت في الطائف وانت طالب في الاولية وكان الاتوبيس بيشيلك من البيت للمدرسة وانا اركب الدابة المكلوفة بالدخن للمدرسة . انت تلبس الافرنجي وانا البس العراقي والسديري والطاقية الحمراء ومركوب الجنينة . انت مع ماما وبابا وانا مع هيييييييييييييييييييييييييييييييييييييييييييع يا با انا جايييييييييييك . انت بيتك بجرسه الكهربائي وانا هييييييييييييع حوش حدادي مدادي مفتوح لخلق الله . انت اسبلت يونت وانا هييييييييييييييييييييع ضل ميمة بااااااااااااااااااارد والقربة تنقض طق طق طق . انت تشرب حليب المراعي وانا هييييييييييييييييع من البقرة والناقة حااااااااااااااااااااار بزبدو
اوعاك بس تمشى على سيرة حياتي دى خط احمر
|
Post: #23
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: abubakr
Date: 09-06-2007, 04:14 AM
Parent: #1
يا حنكوش يا بتاع حلاوة بلي وسيارة تيمس وقروانة الطحنية ولابس بدلة انا بربري رطان سااااي وبس .. تجي تقولي كانتاكي وماكدونلد واستاربكز ودومز وسوشي ( دييل اسامي تحلية !!! مش يا عرريب ؟؟؟).. انت مشغل لي الجيل الرابع من العرريب ناس مجاهد - اها كيفن مجاهد وعرريب اها الجهاد دة بس خلي لينا الرطان ؟؟- بتاعنك يكتبو عن رحلة عمر ومشوار سنين ؟ هي الرحلة كانت بالسنة الشمسية والمشوار بالسنة القمرية ؟؟
خلي فضيلي الينفعك ؟ويكملك مشوار سنينك الما قدرت عليهو خمسيين سنة ؟؟ بعديين انت تسرح بي ساااي وتقول عرريب بادية وات عرريب بندر ؟ متين امبدة كانت في البادية ؟؟.؟ اها ات ما قريت شن كتبت الملكة بت طلحة الجاية من البادية عن القمر ؟ اها امبدة يشوفو فيها قمر كيف ؟؟غبار الركشات والامجاد والغنم والجنيات عامل ستارة وانت تقول بادية تغش في الرطاني ساااي قايل خلاس كبر وماني عارف ؟؟
انت تاهيتي دي برضو جنب النهر الجاف واللوري المغرز؟؟؟
|
Post: #24
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: الطيب شيقوق
Date: 09-06-2007, 05:32 AM
Parent: #23
يا حنكوش يا بتاع حلاوة بلي وسيارة تيمس وقروانة الطحنية ولابس بدلة انا بربري رطان سااااي وبس .. تجي تقولي كانتاكي وماكدونلد واستاربكز ودومز وسوشي ( دييل اسامي تحلية !!! مش يا عرريب ؟؟؟).. انت مشغل لي الجيل الرابع من العرريب ناس مجاهد - اها كيفن مجاهد وعرريب اها الجهاد دة بس خلي لينا الرطان ؟؟- بتاعنك يكتبو عن رحلة عمر ومشوار سنين ؟ هي الرحلة كانت بالسنة الشمسية والمشوار بالسنة القمرية ؟؟
خلي فضيلي الينفعك ؟ويكملك مشوار سنينك الما قدرت عليهو خمسيين سنة ؟؟ بعديين انت تسرح بي ساااي وتقول عرريب بادية وات عرريب بندر ؟ متين امبدة كانت في البادية ؟؟.؟ اها ات ما قريت شن كتبت الملكة بت طلحة الجاية من البادية عن القمر ؟ اها امبدة يشوفو فيها قمر كيف ؟؟غبار الركشات والامجاد والغنم والجنيات عامل ستارة وانت تقول بادية تغش في الرطاني ساااي قايل خلاس كبر وماني عارف ؟؟
انت تاهيتي دي برضو جنب النهر الجاف واللوري المغرز؟؟؟
ات عارف انا في مشكلة بدخل النت عبر موزيلا فوكس سريع جدا لكن ما بقبل كوتيشن لا ادرى لماذا لكن سريع
ابو بكر بتعرف تتركشة الباب ؟
|
Post: #25
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: abubakr
Date: 09-06-2007, 05:37 AM
Parent: #24
يا عرريب بختك ..هاشم انقذك .. انا كنت داير افتح بوست في رمضان زي ما قلت ليك اطلع ظراين بادية امبدة الما اوريجنال اها هاشم والشباب فتحو بوست وبقيت في حماهم ....اما الفير فوكس فانت ظلل كل الكلام واعمل كوبي وبعديين اقتباس .. قال فيرفوكس .. البركة في التكنلوجيا الخلت نضمي العرريب افرنكي ....
|
Post: #26
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: عواطف ادريس اسماعيل
Date: 09-06-2007, 05:45 AM
Parent: #25
أبوبكر !!!
فاروق !!!
بن شيقوق !!!
إن عدتم عدنا ونحن أكثر شوقا ,,,
|
Post: #27
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: مجاهد عبدالله
Date: 09-06-2007, 06:00 AM
Parent: #1
حمدالله على السلامة يابوبكر...
ودشيقوق ده براحة عليهو خلي يتم لينا الرحلة وبعدين ليك اللحم والعضم 
|
Post: #28
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: abubakr
Date: 09-06-2007, 07:15 AM
Parent: #1
| Quote: ودشيقوق ده براحة عليهو خلي يتم لينا الرحلة وبعدين ليك اللحم والعضم |
شكرا يا مجاهد بس انا فيجييVeggie وما لي في لحم وعضم عرريب يابس ..
|
Post: #29
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: الطيب شيقوق
Date: 09-06-2007, 07:33 AM
Parent: #28
. يا عرريب بختك ..هاشم انقذك .. انا كنت داير افتح بوست في رمضان زي ما قلت ليك اطلع ظراين بادية امبدة الما اوريجنال اها هاشم والشباب فتحو بوست وبقيت في حماهم ....اما الفير فوكس فانت ظلل كل الكلام واعمل كوبي وبعديين اقتباس .. قال فيرفوكس .. البركة في التكنلوجيا الخلت نضمي العرريب افرنكي ....
انت يا هاشم الرطاني ده لو ما كان مهندس كان حيكون شنو؟
انا عارف اكان ما قروني اهلي اكان هسع بالسديري والسروال الطويل والطاقية الحمراء في الخلاء مع الابل .
انا ظنى بيكون بتاع هامبيرغرات رهييييييييييييييييييييييبة
|
Post: #30
Title: Re: عودوا الينا يا الرطاني ابو بكر وفاروق ود حامد فلا طعم لود شيقوق دونكما
Author: abubakr
Date: 09-07-2007, 09:22 AM
Parent: #1
| Quote: انت يا هاشم الرطاني ده لو ما كان مهندس كان حيكون شنو؟ |
برضو "رطاني" ....
شكرا هاشم الخلانا نكشف اوراقك وحكاية "سرقة اللبن الجاف من سحارة الوالدة" .. انت حكايتك شنو مع الجفاف " النهر الجاف " وهسع "اللبن الجاف" ..
|
|