مذيع البي بي سي يتهجم علي الهلال السوداني ويصفه بالنادي الصغير

في برنامجه مساء أمس والذي تناول فيه البطولات الافريقية الحالية والتي دخل فيها فريق الهلال في دور نصف النهائي وصف المذيع ايهاب مقدم البرنامج فريقي الهلال السوداني والاتحاد الليبي بالناديين الصغيرين وتساءل : ماذا سيفعل الناديين الكبيربين الاهلي المصري والنجم الساحلي التونسي امام هذين الناديين الصغيرين.

واضح ان هذا المذيع يجهل الكرة السودانية عموما ونادي الهلال خصوصا ولا يدري ان نادي الهلال له تاريخه وبطولاته ومواقفه وشعبيته التي تفوق حتي اكبر الاندية العالمية.

الغريب في الامر ان مراسل البي بي سي في السودان كمال حامد السوداني الجنسية والذي كان مشاركا ومتداخلا في البرنامج لم يدلي باي كلمة او تصحيح او معلومة او رد علي هذا التجني علي فريق الهلال العريق صاحب شعب الهلال.

يبدو ان اكل العيش صعب!!!!

هشام المجمر منتظرنك الرد علي هذا الحهل والتجاهل.

ودمتم .

Quote: نادي الهلال له تاريخه وبطولاته ومواقفه وشعبيته التي تفوق حتي اكبر الاندية العالمية.

الكورة إنجازات، وهذا ما نحاول إيصاله لكم طيلة السنوات الماضية، التاريخ لا يذكر سوى الأبطال
الهلال والاتحاد فريقان ليس لهما أي إنجاز .. ولا حتى كؤوس دورات ودية!
بالمقارنة مع الأهلي فريق القرن والنجم الساحلي يكونان فعلاً صغيرين ويمكن صعدا بالصدفة كمان

يا حسن طه

انتا زعلان فوق كم
وحارق رزك مالك

Quote: واضح ان هذا المذيع يجهل الكرة السودانية عموما ونادي الهلال خصوصا ولا يدري ان نادي الهلال له تاريخه وبطولاته

اسع انا دايرك تشرح لى ما تحته خط
وتورينى ماهى بطولات الهلال التى تتحدث انت عنها ؟
هل للهلال بطوله افريقيه ام بطوله عربيه ؟

وخليك من كلام المذيع ومن كلام راكوبه
ورينى انتا رايك شنو

والله الهلالاب ديل بقوا يتكلموا بره من راسهم

حسن طه يقول المذيع دا ماعرف بطولات الهلال
وسميه حسن تغنى وتقول
الهلال تاج الروؤس والهلال بطل الكوؤس

انتوا الناس ديل مانصاح والا شنو ؟

يعنى ياراكوبة وعلى بشير عشان واحد مذيع
فى البى بى سى قال الهلال صغير خلاص بقى
صغير ولما يقارنوا المريخ بعوينة ام صالح
دى مع الترجى والاهلى يطلع شنو .. بعيو
ياخى كمال حامد ولا ايهاب منو عشان يقرروا
الهلال صغير ولا كبير
هو شنو هلال رمضان البتغالطوا فيهو الناس تالت
يوم فى رمضان كبير وصغير
طيب ما الكونفدرالية صغيرة والابطال كبيرة
شنو يعنى المريخ صغير

Quote: فى البى بى سى

كويس انو في إذاعة معروفة وعريقة، وكل العرب والعجم سمعوها
والصغير صغير لو فاز على فريق القرن بالإرهاب والتكسير

الأخ علي محمد علي بشير ( والآخرين !!!! )

تحية هلالية مضاءة بضوء الهلال الذي يبهر

وشكرا علي المداخلة وواضح انك اخترت كلمة بطولات وفسرتها ( لشيئ في نفس يعقوب ) بالتفسير الضيق للكلمة وهو احراز بطولة.

وفي رأيئ المتواضع ان الوصول المستمر لادوار متقدمة في أي بطولة هو بطولة بذاتها والهلال فعل ذلك كثيرا.

من ناحية تانية : ما هو تعريف الفريق الكبير ؟

هل هو فقط في احراز كأس ليصبح فريقا كبيرا ويوصف بذلك ؟

لا أعتقد ذلك واليك المثال والدليل.

هناك فرق في اوروبا من الدرجة الثانية بل من الدرجة الثالثة فازت ببطولات اكثر من مرة كانت فيها فرق من الدرجة الاولي طرفا والأمثلة كثيرة في ايطاليا وانجلترا وفرنسا واسبانيا.

بل هناك في مصر فرق تسمي صغيرة ولكنها كثيرا ما فازت بكؤوس كان الاهلي - فريق القرن - طرفا فيها.

هل يعني ذلك أن الفرق التي فازت بهذه الكؤوس فرق كبيرة والأخري فرق صغيرة؟

أما بالنسبة للهلال وباختصار شديدفهو :

1- من أوئل الأندية التي نشأت بالقارة الافريقية وكان له دور بارز في انتشار اللعبة بالقارة.

2- شارك كثيرا في البطولات الافريقية والعربية ووصل لأدوار متقدمة جدا وكان سببا لنجاح هذه البطولات وفي بعضها حرم من نيل الكأس الذي يستحقه لأسباب أخري.

3- طوال تاريخه المجيد أذاق طعم الهزيمة لكثير من الفرق العربية والافريقية وآخرها فريق القرن في نفس هذه البطولة الحالية.

4- لم يستعن طوال تاريخه بأي لاعب أجنبي مثل غيره من الفرق الا مؤخرا.

5- له شعبية أجزم أنها تفوق شعبية فرق اوروبا الكبيرة لان غالبية الشعب السوداني هم من مشجعي حبهم الأول الهلال وهم بالملايين لذلك سموا أمة الهلال وشعب الهلال كما هو معروف.

6- وأزيدك من الشعر بيتا : الهلال كان له الدور المعروف في الحركة السياسية ابان الاستعمار وفي هذا يطول الحديث.

7- كان وما زال له الدور الاجتماعي الايجابي الذي يلعبه خارج المستطيل الأخضر.

كل ذلك وما خفي أعظم يشكل فريقا كبيرا عريقا بالمعني الواسع للكلمة.

بالمناسبة لو كان ماذكره المذيع عن فريق المريخ لأدليت بنفس الرأي .

هذا غيض من فيض وان عدت عدنا.

مع محبتي

حسن طه

يا ناس كوارة وعوارة
البوست ده عن الهلال
يعني بوست بتاع كبار
عشان كده أدخلو أقرو و اتخارجو
حا نفتح ليكم بوست بي كورة الشراب بعد شوية عشان تنقزو بيهو
ولا عزاء للوصايف

Quote: والصغير صغير لو فاز على فريق القرن بالإرهاب والتكسير

لهم الرحمة والمغفرة ولا عزاء للوصايف

والله يا عامر
قايلنك في اليمن السعيد، ونايم في العسل، وما جايب خبر
عبد المطلب

Quote: لهم الرحمة والمغفرة

لفو وجوك تاني، والمرة دي إذا ربنا سهل تحت الأضواء الكاشفة باستاد القاهرة، كرة طويلة مرق إنبرش فلافيو قووووون، المعز إندهش الرشاشات رقدوا قش

Quote: لفو وجوك تاني،

ديل ليهم كرونقوهوك
الرحمة والمغفرة للوصايف

المريخاب الجابكم هنا شنو؟
آوت
الموضوع عن الهلال و عن الفرق الكبيرة!

دكتور عبدالمطلب

Quote: قايلنك في اليمن السعيد، ونايم في العسل، وما جايب خبر

يادكترة فى عسل اكتر من الهلال

المريخاب الجابكم هنا شنو؟






زمان أهلنا قالوا : الما بدورك في الضلمه يحدر لك

خلوهم كانت حجتهم أن الهلال لم ينجز نتيجة ايجابية خارج الخرطوم في دور الثمانية ولما تعادل
انحرق بنهم

والفوق محسود والعين علي ... والهلال فوق ودي ما بقدرو يغالطو فيها


يا عامر سمعت أنو امير الجمري قام علي القاود بعد ان تآهل الهلال

التحية لهلال المليون تاورنا الضرس بعدما زهجنا من الكورة في التسعينات

Quote: لفو وجوك تاني، والمرة دي إذا ربنا سهل تحت الأضواء الكاشفة باستاد القاهرة، كرة طويلة مرق إنبرش فلافيو قووووون، المعز إندهش الرشاشات رقدوا قش

رجعتوا لي اوهامكم تاني يا راكوبة...تتابعوا الهلال دا بتتعبوا...خليكم مع الكوارا والعوارا والشل والقطن وهلم جلاا ...مالكم ومال الكبار

خالد تحياتى

Quote: يا عامر سمعت أنو امير الجمري قام علي القاود بعد ان تآهل الهلال

كيف ما يقوم عليهو تعرف امير بعد قرعة الهلال مع الاهلى والترجى واسيك عمل
ليهو بوست قال فيهو الهلالاب فى البورد ده بزكرونى الزول الماشى فىالظلام وبصفر
يعنى ماخايف
اها نططنا وصفرنا وغنينا كمان

د. ياسر
سلامات

Quote: .تتابعوا الهلال دا بتتعبوا.

تعب شنو ياخ مافي تعب ولا حاجة، حتى الواحد ما بتعب يتذكر حاجة، كل ما رشاشة قال حاجة قلنا ليهو سبعين سنة (سليقة) وخلاص مافيها تعب، الواحد حتى ما بعصر ذهنو عشان يتذكر ليكم إنجاز، جماعتكم بارك الله فيهم مسهلين علينا الحكاية (أوي)

شكرا الأخ حسن طه

كما قال المثل الما بيعرفك بيجهلك

الهلال هو فريق البطولات و متصدر تصنيف الفرق السودانية لدى الكاف و سيظل متصدرا لهذا الترتيب

و بطولات الهلال هنا لا تنحصر فى بطولات كرة القدم بل تعدته للساحة الوطنية. الهلال بزعامة الطيب عبدالله نافح جعفر نميرى و خالف قرار والى الخرطوم فى اصعب اوقات الانقاذ. الهلال مؤسسة تتجاوز الرياضة.

ما فعله الهلال فى بطولة الاندية الافريقية ليس بغريبا عليه فالهلال صعد للدور قبل النهائى لأكبر بطولات افريقيا4 مرات اولها فى العام 1964 وصل فيها للنهائى مرتين. هذه البطولة الكبرى لم يستطع فيها المريخ ابدا الوصول لدور ال8 لأن تخصصه فى سيكافا و كاس الكؤوس الافريقية و ما إلى ذلك من بطولات الاندية صاحبة المراكز الوصيفة فى دورى بلادها.

ود المجمر اخوي
مسكاقمي
حاجة غريبة يا اخوي الناس بتعرف البطل يا اخوي مافي فريق بيصنف بانه وصل للنهائي احسن فريق وصاحب بطولات اها يا اخوي اذا فريق وصل للنهائي عشرين مرة وما شال الكاس وجاء فريق اشترك مرة واحدة بس في طيلة حياتو وشال الكاس أها يا اخوي هنا مين الفريق الافضل وصاحب بطولات .
يا اخوي البطولتين التي تنظمهما الكاف هي بطولتين معترفتين من الكاف ومن الفيفا وبيسجل الابطال وعلى ضوئها تصنف الفرق .
مالكم كيف تحكمون
يا اخوي ودالمجمر
قبل ما انسى ابارك ليك النقطة المحمولة جواً للهلال في دور المجموعات بتعادله مع الترجي
دا برضو انجاز ممكن يصنفوا بيه الهلال ضمن الفرق الكبار . . اهو كل واحد على قد طموحه
عليكم الله يا ود المجمر قول للاعبي الهلال لمن تشوفوا النجمة على صدر اللاعبين في ملعب المزة ما يجيهم الاضطراب والرجفة دا ما المريخ دا النجم الساحلي التونسي . . بس النجمة محل ما هي موجودة صاحبة انجازات وكاسات محمولة جواً
مع امنياتنا لكم بالفوز والتأهل للنهائي واخذ الوصافة وهذا شرف كبير يضاهي بطولات الاخرين
ولكم ودي يا الهلالاب

اخوي اذا فريق وصل للنهائي عشرين مرة وما شال الكاس وجاء فريق اشترك مرة واحدة بس في طيلة حياتو وشال الكاس أها يا اخوي هنا مين الفريق الافضل وصاحب بطولات .

يا خوي حمزاوي

في اوروبا هناك فرق من الدرجة العاشرة وشالت كاس مرة واحدة من فرق مثل برشلونة وجوفنتوس وعشان كدا هل نقول هذا الفريق كبير وهو الأفضل وجوفنتوس وبرشلونة فرق صغيرة بمنطقك ؟؟؟؟؟؟

ومع كدا الهلال والمريخ فريقان كبيران والهلال دائما بيحتضن النجمة في السماء لانه أكبر والهلال واحد والنجوم كثيرة وهما بمثابة الأب والابن والحب متبادل !!

ودمتم ،،،،

Quote: الأخ علي محمد علي بشير ( والآخرين !!!! )

حلوه دى يا حسن

Quote: وشكرا علي المداخلة وواضح انك اخترت كلمة بطولات وفسرتها ( لشيئ في نفس يعقوب ) بالتفسير الضيق للكلمة وهو احراز بطولة. وفي رأيئ المتواضع ان الوصول المستمر لادوار متقدمة في أي بطولة هو بطولة بذاتها والهلال فعل ذلك كثيرا.

غايتو يا حسن طه انا بعتبر انو حنكك دا بيش
يعنى شنو يا زول الوصول لمراحل متقدمه بيعتبر بطوله فى حد زاته
دا كلام عنقاله ساكت
فالاتحادات المنظمه للعبه لا تقبل مثل هذا الحديث الفطير
يعنى عندك كاس تسوى كاس ما عندك ما تلزمنا .. وبس
فاحرازك للكاس يسجلك فى لوحة شرف الاتحاد الافريقى مثلا كفائز ببطولة كذا فى سنة كذا
غير ذلك غير مقبول

Quote: من ناحية تانية : ما هو تعريف الفريق الكبير ؟ هل هو فقط في احراز كأس ليصبح فريقا كبيرا ويوصف بذلك ؟

نعم يا حسن
فالامر كما قلت
لابد من ان تحرز كاس حتى تسمى فريق كبير
فالامر بالانجاز وليس بالتمنيات

Quote: 6- وأزيدك من الشعر بيتا : الهلال كان له الدور المعروف في الحركة السياسية ابان الاستعمار وفي هذا يطول الحديث.

مدير جهاز الأمن يسير أربعة بصات لتونس لمساندة الهلال

أعلن الفريق مهندس صلاح عبدالله قوش مدير جهاز الأمن والاستخبارات عن دعمه اللامحدود للهلال في مشواره الافريقي وسلم الاستاذ عماد الطيب رئيس بعثته إلى طرابلس مبلغ 10 الف دولار نقداً دعماً منه لمسيرة الهلال ويعتزم سيادته تسيير أربعة بصات براً من ليبيا إلى تونس مع التكفل بتذاكر المشجعين لمناصرة الهلال في مباراة الترجي التونسي.. وقد وجدت هذه المبادرة المتفردة صدى طيباً في اوساط البعثة الهلالية.

صلاح قوش مدير جهاز الأمن يسير أربعة بصات لتونس لمساندة ...م الهلال بالدولار !!

اخي حسن طه
مسكاقمي

Quote: في اوروبا هناك فرق من الدرجة العاشرة وشالت كاس مرة واحدة من فرق مثل برشلونة وجوفنتوس وعشان كدا هل نقول هذا الفريق كبير وهو الأفضل وجوفنتوس وبرشلونة فرق صغيرة بمنطقك ؟؟؟؟؟؟

ايوا الفريق الفي الدرجة العاشرة الشال الكأس كبير وبرشلونة وجوفنتوس كمان كبار عشان شالو الكاسات . . بس الماشال الكاس نخليه كبير كيف ؟؟؟؟؟؟؟؟؟؟؟؟

يا جماعة الإتحاد الدولي والإتحاد الأفريقي يصنفوا المنتخبات والأندية بالنقاط وفي حالة الأندية الفرق الذي يتأهل إلى دور الثمانية يكسب نقطة واحدة ودور الأربعة يكسب نقطتين والذي يصل المباراة النهائية يكسب ثلاث نقاط والفائز بالطولة يأخذ خمس نقاط كاملة وهي الطريقة التي إختاروا بها الأهلي فريقا للقرن في أفريقيا العام 2000 على الرغم من أن الزمالك كان يتفوق عليه في عدد البطولات الأفريقية والأهلي لم يعادل رقم الزمالك في البطولات إلا العام الماضي .
بعد شرحناها واضحة كده يلا تعالوا نحسب النقاط
المريخ عندو خمسة نقاط من بطولة 1989 + نقطة من وصوله لدور الثمانية هذا العام يبقى المجموع ستة نقاط كاملة
الهلال في 1966 عندو نقطتين لوصوله إلى دور الأربعة والعام الذي يليه عندو نقطة لوصوله إلى دور الثمانية والعام 1987 عندو ثلاثة نقاط من المباراة النهائية والعام 1988 نقطة من دور الثمانية وثلاث أخرى من المباراة النهائية 1992 ونقطة من وصوله لدور الثمانية 2004 ونقطتين الآن من وصوله إلى دور الأربعة . نقيف لحدي هنا ونجمع الحساب عشان نشوف
2+1+3+1+3+1+2 = المجموع 13 نقطة كاملة
وبما أنو 6 أكبر من 13 يبقى المريخ يتفوق على الهلال بالنقاط ولكن لأنو الهلال فاز على بسبعة بطولات من أصل اا بطولة للدوري الممتاز وفاز على المريخ 12 مرة في مقابل 3 هزائم من أصل 23 مباراة في الدوري الممتاز يبقى الحكم يعلن فوز الهلال بالضربة القاضية الفنية
حساب ولا غلاط يا جماعة فريق في الإتحاد الأفريقي حاصل على 13 نقطة وفريق عندو ستة نقاط وفريق إن شاء الله في نهاية العام سيدخل إلى نادي المائة وإن شاء الله ماشيين اليابان وهيثم مصطفى يتبادل قميصه رقم 8 مع كاكا بالرقم 22 وعمر بخيت بالرقم 2 مع قاتوزو بالرقم 8 كان البي بي سي ولا مونتكارلو ما عارفين الهلال دي غلطة البي بي سي وكمال حامد وبعدين المريخ ده ما ظهر في سجلات الإتحاد الأفريقي من 1889 إلى السنة الدي لأنو أفضل نتيجة كانت خروجه من درور 16 أحسبوا لينا الهلال ظهر كام مرة في الكادر خلال الفترة دي ؟

الاخ حسن يستنكر وصف مزيع البي بي سي المصرى للهلال السوداني
بدل ما نتفاكر فى كيفية الرد على هذا التجنى فتحنا موضوع قربة الفساء
وصدقونى لو كان المريخ مكان الهلال لوصف المريخ بما وصف الهلال انها نعرة
الاستعلاء. وكفاكم نوم اصحوا يا الغافلين

على بشير

Quote: يعنى عندك كاس تسوى كاس ما عندك ما تلزمنا .. وبس فاحرازك للكاس يسجلك فى لوحة شرف الاتحاد الافريقى مثلا كفائز ببطولة كذا فى سنة كذا غير ذلك غير مقبول

لو كان كلامك ده صاح كان سووها مباراة واحدة نهائى وبس وبلا لمة ولا يحزنون
وكما اشار احد الاخوة فان التصنيف يحسب بالنقاط وليس البطولات وحدها

الأخ أبو الزفت

تحياتي

عندما سمعت الكلام من الاذاعة كنت أفكر طوال الطريق في كيفية الرد ولذلك كتبت البوست ليشارك أكبر عدد ممكن للردالموثق واعطاء كل ذي حق حقه.

شكرا لك عزيزي ومنتظرنك للرد علي جناح السرعة علي المذيع وتثقيفه عن الكرة السودانية عموما والهلال خصوصا.

ودمتم

في القرعة ..



لماذا تم وضع الاهلي والنجم الساحلي في المستوى الاول ؟؟
والهلال والاتحاد الليبي في المستوى الرابع ؟؟






وفي النهاية الصغير اكيد صغير ..




تحياتي..

Quote: لو كان كلامك ده صاح كان سووها مباراة واحدة نهائى وبس وبلا لمة ولا يحزنون

طيب يا تيتاوى
المباراه الواحده دى ح يختاروا ليها فريقين يلعبوها كيف
لو ما خاضت كل الفرق تصفيات ويتاهل منها احسن اتنين فى النتائج

Quote: وكما اشار احد الاخوة فان التصنيف يحسب بالنقاط وليس البطولات وحدها

خلاص ما عندنا مانع
كلموا سميه حسن دى ياخ وقولوا ليها من بكره
تغيرى حكاية الهلال بطل الكؤوس وتغنى وتقولى
الهلال بطل التصنيف

فريق البرازيل رغم انو اكتر فريق في العالم احرز كاس العالم كما هو معروف كان في كثير من السنوات يصنف الفريق الثالث او الرابع في التصنيف الدولي للمنتخبات وهكذا.........

يعني مسالة التصنيف عندها معايير محددة من الاتحاد الدولي .

ووفقا لهذا التصنيف يتحدد الكبير من الصغير . يعني العبرة بالتصنيف وليس فقط احراز كاس .

هناك في التنس الأرضي مثلا لاعبون ولاعبات وصلوا مرارا للمباراة النهائية ولم يحرزوا اي بطولة ومع ذلك حسب التصنيف الدولي للعبة يعتبرون كبارا ويشار اليهم بالبنان .

ودي مسألة رياضيات يعني واحد زايد واحد يساوي اتنين ولو قلنا ان احراز الكاس يساوي واحد فاين الواحد الآخر ؟


ويا جماعة قيسوا علي ذلك حفظكم الله .

Quote: لماذا تم وضع الاهلي والنجم الساحلي في المستوى الاول ؟؟

الجيش المغربى مستوى اول
النجم الساحلى مستوى ثانى
الاتحادى الليبى وشبيبة القبائل مستوى رابع

الاهلى المصرى مستوى اول
اسك العاجى والترجى مستوى ثانى
والهلال السودانى مستوى رابع

طبعا ما فيش مستوى ثالث زى دول العالم الثانى

بس الهلال مش صغير فى تصنيف السودان
والا ما كان وصل للمنافسة

اها المرة القادمة الهلال حيكون مستوى ثانى
لو شال كاس ام لم يشيل , خلاص التصنبف ارتقى
لانه هو ضامن نفسو ممثل السودان

بس مثل الكلام لا يقدم الكرة السودانية
دا كلام بتاع صحافة مرتزقة ناس عاوزة تبيع صحف لغلالبة
هل من مخرج لتغير الثقافة دى

ياجماعة انت زعلانين على هلال العرضة

ولاهلال السعودية

حيرتونا البشوفكم كدا يقول دولاليبك مليانه كاسات خارجية

عالم عجيبة والله؟؟؟؟؟؟؟؟



اي هلال تدافعون عنه.....

كاس ماشالوا هلال 87 ثاني مافي انجاز ..

باي باي


ابومصطفى

Quote: بس الهلال مش صغير فى تصنيف السودان

سيبك من الهلال
هو السودان نفسه غير كاس الامم الافريقيه سنة سبعين
والمريخ كاس الكؤوس سنة تسعه وتمانين
تانى عندنا شنو ؟

Quote: هل من مخرج لتغير الثقافة دى

حقو نغير نفسنا اول شئ يا ابو قوته حتى بعد داك نحاول نصلح الكون
يعنى عندك هنا دا واحد مريض بيكتب عن المريخ افظع الاشياء
وبيتهمه بافظع الاتهامات وكل الهلالاب مبسوطين على الاخر للكلام دا
ويمكن انتا يا ابو قوته لو انا عملت بحث فى بوستات الرجل المريض دا
بلقى ليك مشاركات معاهو

طيب
منو من الهلالاب قال ليهو بما فيهم انتا .. انو الكلام دا عيب وعيب كبير
كمان لانو الرياضه فيها المناكفات والمكايدات ولكن لا تصل لهذه الدرجه
من الانحطاط والتفاهه وسوء الخلق واتهام فريق كبير مثل المريخ بمثل هذه
الاتهامات التى لا تصدر الا من مريض ومختل عقليا
قول لى منو قال ليهو كلامك دا غلط ؟

عشان كدا يا ابو قوته
انا برى انو احنا نصلح نفسنا اول بعدين ننتقل للاخرين
والا شنو ؟

Quote: اها المرة القادمة الهلال حيكون مستوى ثانى لو شال كاس ام لم يشيل , خلاص التصنبف ارتقى لانه هو ضامن نفسو ممثل السودان

وفي مرة قادمة تاني ياابوقوتة ؟؟
هارد لك المرات القادمة الزعيم هو من سيلعب في بطولة الاندية ..
لان الممتاز السنة دي انشاء الله لزعيم الكرة السودانية ..
ولو مامصدق انتظر مباراة القمة القادمة في الرد كاسل . ومن ثم اعادة المباراة ..





تحياتي يامنقة ..

اخى الكريم
على بشير

Quote: ..المباراه الواحده دى ح يختاروا ليها فريقين يلعبوها كيف لو ما خاضت كل الفرق تصفيات ويتاهل منها احسن اتنين فى النتائج

طيب ما النتائج دى هى التى يعتد بها فى مسالة التصنيف لذلك فهى
ليست هامشية كما تريدون
بعدين ياعلى شوف البوست الذى نستنكر فيه وصف الهلال بالنادى الصغير
شوف كم مريخابى نط هنامع ان الامر لا يتعلق بالمريخ لا من قريب او من بعيد
والهدف تقزيم الهلال

Quote: بعدين ياعلى شوف البوست الذى نستنكر فيه وصف الهلال بالنادى الصغير شوف كم مريخابى نط هنامع ان الامر لا يتعلق بالمريخ لا من قريب او من بعيد والهدف تقزيم الهلال

عليك الله ياتيتاوى

منو القال ليك الامر لا يتعلق بالمريخ ؟
لانو اى امر يتعلق بالهلال بالضروره يتعلق بالمريخ والعكس ايضا
لانو المريخ والهلال هما الاخوه الاعداء
فهم عافية الكره السودانيه والقها ونورها
ولولاهم لو جاء كلب وشال الاتحاد العام دا ما بتلقى ليك سودانى يقول ليهو جر
ولولا الهلال والمريخ وانشغالنا بهما لما بقيت حكومه تحكم السودان لسنه واحده فقط
ولما بقى فى الارض جمال وبهاء وضياء
فهم المتعه الوحيده المتبقيه لاهل السودان فى هذا الزمان الحالك
وهى كما تعلم متعه ما بعدها متعه
فرح عارم للانتصارات
وحزن مقيم عند الهزائم

وانا شخصيا ارى انو اى سودانى ليس لديه اهتمامات رياضيه او لا يشجع واحد من اندية القمه
اظن ان نص عمره رائع وانو احاسيسه ينقصها شئ من التمرين والتدريب
فمن لم يجرب بوظان الاعصاب قبل مباراة هلال مريخ ولم يجرب الفرحه العرمه بعد الهدف الذى
يسجله نجمك المحبوب والخروج من المباراه منتصرا تصرخ ودون ان تستحى من هذا او ذاك
ولافرق بين كبير وصغير بينما يبتسم انصار الطرف الاخر بخجل وحياء وترتسم الغضبه النبيله
على محياهم وتراهم يسيرون كما المخدرين لا يعون اى درب يسلكون
فمن لم يجرب مثل هذه الاحاسيس اعده انا مسكين ويفقد واحده من متع الدنيا

اما الدخول للمنطقه الحمراء
وتخريب مثل هذه المشاعر وان توضع مكانها مشاعر الحقد والكره
فهذا ما نرفضه لنفسنا ولغيرنا
والى هذا قصدت

Quote: اما الدخول للمنطقه الحمراء وتخريب مثل هذه المشاعر وان توضع مكانها مشاعر الحقد والكره فهذا ما نرفضه لنفسنا ولغيرنا

كلام جميل
يامحمد على

طيب هل تستطيع ان تمنع من قبلك من يسىء لغيرك
حتى غيرك يمنع من قبله من يسىء لفريقك

انا استطيع ذلك...هل انت تستطيع؟؟؟؟؟

وفي مرة قادمة تاني ياابوقوتة ؟؟
هارد لك المرات القادمة الزعيم هو من سيلعب في بطولة الاندية ..
لان الممتاز السنة دي انشاء الله لزعيم الكرة السودانية ..
ولو مامصدق انتظر مباراة القمة القادمة في الرد كاسل . ومن ثم اعادة المباراة .....

حلم الجعان عيش

بعد الشفتو شوف العين في مباراة الاهلي ومن المقصورة الرئيسية...والملعب كلو قدامي


الهلال دا كبييييييييييييييييييييييييييييييييييييييييييييييييييييييييييير

كبرا لامن خلانا نرقص في نص الظلط...عشرة بلدي...وتميناها قدّام الهيلتون...

انا شخصيا اكتفيت من المباراة ديك...تاني لو سمعت بأن الهلال غلبوه عشرين صفر...برضو
حا يفضل كبيييييييييييييييييييييييييييييييييييييييييييييييييييييييييييييييييييير


يا عالم اللعيبة ديل عملو في الكورة العايزنو...ونحن وناس الاهلي نتفرج...

دا فش ليه غبينة بلد بي حالها...

الأخ علي بشير

كلامك عن تغيير انفسنا أولا كلام جميل وعشان كدا أطلب منك الا تجاري من وصفته بالمريض وتختار من الكلمات والتعابير ما تستطيع به الرد عليه وعلي غيره .عموما لم أقرأ لهذا الشخص والله يسامحه اذا تجني لأحد أو للمريخ ويبدو انو ما بيشبه شعب الهلال وهو استثناء لن يجد له مكانا بين أمة الهلال مهما تعصب للهلال.

وخلي روحك رياضية يا ود البشير.

والهلال والمريخ فريقان كبيران لمن يعرف وصغيران لمن لا يعرف مثل اخونا المذيع.

وهلال بدون مريخ لا يصير ومريخ بدون هلال أيضا لا يصير .

أما ما ذكره المذيع عن الهلال فلو كان عن المريخ صدقني كنت ساكتب نفس الكلام مع تغيير اسم الهلال الي اسم المريخ.

اما عن دور الهلال المعروف ابان عهد الاستعمار فقصدت منه أنه نادي متكامل وليس كورة فقط وأنه لعب دورا في دحر الاستعمار وخروجه من أرض الوطن وهو دور تاريخي سيظل يذكره الناس الي الأبد.

أما عن الباصات فهما حصل فالهلال هلال الوطن وهلال الشعب وليس هلال أفراد او أنظمة زائلين مهما طال الزمن والذي سيبقي هو الوطن وهو الهلال وهو شعب الهلال.

مع مودتي لك وللأحبة المريخاب والهلالاب.

سؤال

هـل الأستاذ كمال حامد مريخابـــــــي ؟؟؟

طبعاً كمال حامد مريخابي، وهو من محبي نادي المريخ، ونحن نحترم الانتماءات

الاخ بدرالدين

تحياتي وأكيد كلنا بنحترم الانتماءات ولكن لا نحترم العصبية خاصة من صحفي مثل كمال حامد.

هل سمعت حديثه عن الهلال مع مذيع البي بي سي ؟؟

حسن

مريخابي أنا ولكن سيظل الهلال كبيرا في نظري حيثما هزم فرق يشار إليها بالبنان بإسم السودان وكلما نعته المستعلواتية من ضيقي الأفق من غير السودانيين وغيرهم بالصغير نعم سيظل كبيراً في نظري

 

 

 

 

الاخ عثمان محمدين

وبفكرك وتفكيرك دا أيضا انت كبير ذو افق واسع .

مع مودتي لكم.

حسن

الاخوة راكوبة ، علي محمد علي بشير ، حمزاوي ، ود المايقوما ، كيجا 2000

تحياتي لكم جميعا.

عندما كتبت البوست عن مذيع البي بي سي ، قصدت كشف تجنيه غير المبرر علي فريق الهلال للجميع للرد عليه بالحقائق ولم يكن في البال اجراء مقارنة بين الفريقين الكبيرين الهلال والمريخ . فذاك مقام آخر .

ومع ذلك :

ما رأيــــــكـــــم؟؟

الهلال في التصنيف العالمي للأندية رقم 112 والمــريــخ رقـم 397

الهلال الخامس عربيا وافريقيا المريخ خارج العشرة الأوائل عربيا وافريقيا

ودمتم ،،،