Post: #1
Title: بعد فوز الإسماعيلي ..مريخ البعيوات في الباي باي ..
Author: عمر الفاروق
Date: 09-03-2007, 06:58 AM
Parent: #0
بعد أن حقق الإسماعيلي الفوز يوم أمس على الدلافين تأكد بما لا يدع مجالاً للشك أن مريخ بعيوات العرضة جنوب بقا في الباي باي والشغلانة واضحة وما دايرة درس عصر..
المريخ اللي بيقولوا حالياً متصدر ب 7 نقاط لن تدوم صدارته طويلاً بإذن الله وهي مسألة وقت لسة إلا ليعود المريخ لموقعه الطبيعي في وصافة الوصافة والشغلانة واضحة وما دايرة درس عصر..
وضع المجموعة حالياً كالأتي:
البعيو 7 نقاط.
دولفين 6 نقاط.
الإسماعيلي 5 نقاط.
كوارا 4 نقاط.
كل فريق باقي ليهو كورتين كويس معاكم ؟
المباراة القادمة للمريخ مع دولفين في نيجيريا ونتيجتها إن شاء الله واضحة الملامح فمريخ البعيوات لا يقوى على اللعب الخارجي وسيخسر أقل شئ ب أربعة أهداف دون مقابل أو بغض النظر عن النتيجة ولكن المريخ سيخسر ..
دولفين حا يبقا 9 نقاط والبعيوات لسة في محطة 7 ..
الإسماعيلي كورتو مع كوارا في الإسماعيلي والترشيحات تصب في مصلحة الإسماعيلي إن شاء الله ليحقق الفوز على كوارا..
الإسماعيلي حا يبقا 8 نقاط ويتجمد كوارا في ال4 نقاط ..
بعد هذه الجولة سيكون ترتيب الفرق إن شاء الله كالأتي :
دولفين 9 نقاط
الإسماعيلي 8 نقاط
البعيو 7 نقاط
كوارا 4 نقاط
حا تفضل جولة واحدة ونلاحظ خروج كوارا من حسابات المجموعة ..
الجولة الأخيرة حا تكون كالأتي :
المريخ والإسماعيلي في إستاد المريخ
دولفين وكوارا في نيجيريا
الإسماعيلي إحتمالات فوزه على المريخ واردة جداً وعلى أقل تقدير تعادلية ..
دولفين وكوارا نتمنى أن يطبخها النيجيريون في نار هادئة (وهو المتوقع) لتفطيس مغامرات الإسماعيلي أو المريخ دون الحوجة لمعرفة نتيجتهما معاً ليصل دولفين إلى ال12 نقطة ..
أحلام المريخ في بلوغ النهائي هي أحلام ظلوط وهم عارفين كده ..
فرفرة مذبوح ليس إلا ..
ويا يوم بكرة ما تسرع تخفف لي نار وجدي ..
تخريمة :
شفتو فوز الإسماعيلي ده جهجه البعيوات كيف؟؟؟
ويجو يقولوا ليك مبسوطين ..
جنس كضب هو لكن !!!
|
Post: #2
Title: Re: بعد فوز الإسماعيلي ..مريخ البعيوات في الباي باي ..
Author: abas
Date: 09-03-2007, 07:28 AM
Parent: #1
مبروك تاهل دولفين
مبروك يا ود الفاروق
|
Post: #3
Title: Re: بعد فوز الإسماعيلي ..مريخ البعيوات في الباي باي ..
Author: alsngaq
Date: 09-03-2007, 07:31 AM
Parent: #1
عمر الفاروق يا فردة
الحاصل شنو عليك الايام دي؟؟؟؟؟؟
معتز صباحي بغني افضل من عثمان حسين!!!!!
واسي فوز الاسماعيلي جهجه المريخ!!!!!!!
دا شنو يا عمر ؟؟؟؟؟؟؟
انت بتكاااااوي سااي صح؟؟؟؟؟؟
|
Post: #4
Title: Re: بعد فوز الإسماعيلي ..مريخ البعيوات في الباي باي ..
Author: محمد عبدالرحمن
Date: 09-03-2007, 07:35 AM
Parent: #3
| Quote: معتز صباحي بغني افضل من عثمان حسين!!!!! |
المريخ مابعرفو لكن لو قال دى حقو ينجلد فى ميدان عام
|
Post: #5
Title: Re: بعد فوز الإسماعيلي ..مريخ البعيوات في الباي باي ..
Author: عمر الفاروق
Date: 09-03-2007, 07:35 AM
Parent: #1
أخونا عباس :
الله يبارك فيك ياخ..
كويس إنو ممكن نستلف شريط مباراة المريخ ودولفين في الخرطوم من نادي المريخ عشان ندرس فريق دولفين لمباراة السوبر الأفريقي إن شاء الله ..
|
Post: #6
Title: Re: بعد فوز الإسماعيلي ..مريخ البعيوات في الباي باي ..
Author: عمر الفاروق
Date: 09-03-2007, 07:39 AM
Parent: #5
سنجكنا:
حاشا لله ياخ ده كلام شنو ده ..
انا ما قلت معتز صباحي يغني أفضل من الفنان الرقم عثمان حسين لكن قلت معتز تغنى بربيع الدنيا بتوزيع موسيقي واداء تطريبي أفضل من عثمان حسين ودي وجهة نظر وكدي حاول أسمع شريط "صدّاح" ..
لكن معتز صباحي وتجيب معاهو تاني دستتين معتز ما ممكن يكونوا غنّايين أكتر من عثمان حسين ..
لكن موضوع الإسماعيلي ده صدقني ما فيهو هظار ..
أحب الدلافين وأمووووووت في الدلاقين ..
|
Post: #7
Title: Re: بعد فوز الإسماعيلي ..مريخ البعيوات في الباي باي ..
Author: Abomihyar
Date: 09-03-2007, 07:41 AM
Parent: #5
ياعمر الفاروق كلامك القلتو هنا دا فارغ
انت ما عارف جدول المباريات ما تتشالق ساي.
Match Date/Time Result
Dolphins/Kwara 22 / 07 / 2007 2-0
Ismaili/Merrikh 22 / 07 / 2007 1-1
Kwara/Ismaili 04/ 08 / 2007 1-1
Merrikh/Dolphins 04/ 08 / 2007 6-1
Dolphins/Ismaili 19 / 08 / 2007 2-0
Kwara/Merrikh 18/ 08 / 2007 2-1
Ismaili/Dolphins 31 / 08, 01, 02, / 09 / 2007
Merrikh/Kwara 31 / 08, 01, 02, / 09 / 2007
Kwara/Dolphins 21, 22, 23 / 09 / 2007
Merrikh/Ismaili 21, 22, 23 / 09 / 2007
Ismaili/Kwara 05, 06, 07 / 10 / 2007
Dolphins/Merrikh 05, 06, 07 / 10 / 2007
أها هاك النساعدك عشان تصلح تحليلك وتشوف ليك مخارجة.
|
Post: #8
Title: Re: بعد فوز الإسماعيلي ..مريخ البعيوات في الباي باي ..
Author: bukhary el amin
Date: 09-03-2007, 07:46 AM
Parent: #1
عمر الفاروق مجرد سؤال : أنت انصار سنة ؟؟
|
Post: #10
Title: Re: بعد فوز الإسماعيلي ..مريخ البعيوات في الباي باي ..
Author: عمر الفاروق
Date: 09-03-2007, 07:49 AM
Parent: #1
ولا تزعل يا أبو مهيار نعدّل كلامنا ..
أو في الحقيقة مش نعدّلوا بس نعيد ترتيبو لأنو الكلام ياهو نفس الكلام ..
كل الحا يحصل إنو غلب الإسماعيلي للمريخ حا يكون قبل غلب دولفين للمريخ ..
وكورة دولفين كوارا بدل تتباع دولفين حا يغلب ساي بدون باااااااااع وميييييع ..
بس ده كل التعديل ...
لكن الحال في حالو ..
|
Post: #11
Title: Re: بعد فوز الإسماعيلي ..مريخ البعيوات في الباي باي ..
Author: عمر الفاروق
Date: 09-03-2007, 07:52 AM
Parent: #1
| Quote: عمر الفاروق مجرد سؤال : أنت انصار سنة ؟؟ |
شكّل لينا (سنة) دي عشان نقدر نرد عليك وما يتلخبت علينا الإختساس ..
|
Post: #12
Title: Re: بعد فوز الإسماعيلي ..مريخ البعيوات في الباي باي ..
Author: ثابت محمد
Date: 09-03-2007, 07:56 AM
Parent: #1
عمر الفاروووووق
سلااااام وتحييييية
| Quote: دولفين وكوارا نتمنى أن يطبخها النيجيريون في نار هادئة |
 
المريخ سبعة نقاط .. تبقت له دولفين والإسماعيلي
دولفين ستة نقاط .. تبقت له كوارا والمريخ
الإسماعيلي خمسة نقاط .. تبقت له كوارا والمريخ
كوارا أربعة نقاط .. دولفين والإسماعيلي
(1) المريخ هو الفريق الوحيد في هذه المجموعة المتاح له الوصلول لمحطة (13) نقطة
(2) المريخ ( لو ) تعادل في النقاط مع دولفين أو كوارا فالصدارة للمريخ
(3) المريخ ودولفين يمكنهما التأهل بدون إنتظار نتائج الفرق الأخرى
الإسماعيلي إن أراد الصدارة فعليه هزيمة المريخ وكوارا بشرط أن يتعثر دولفين
مباراة المريخ ودولفين هي لآخر مباراة في المجموعة.. ( للعلم فقط )
الظاهر عليك يا عمر ح تركب ( التونسية ) قريييييب 
|
Post: #15
Title: Re: بعد فوز الإسماعيلي ..مريخ البعيوات في الباي باي ..
Author: محمد عمر الفكي
Date: 09-03-2007, 08:24 AM
Parent: #12
ما بنى على باطل فهو باطل وما بنى على احلام تفرتقه اول طرفة صحيان للعين وصحوة العين بتشوفها يوم 22/09 ان الله حيانا، بس انشاء الله اليوم داك نشوفك وما تغطس في زاويا ولا تجي تقول لينا نانسي عجاج ما بتعرف تغني
|
Post: #41
Title: Re: بعد فوز الإسماعيلي ..مريخ البعيوات في الباي باي ..
Author: Ali Alameen
Date: 09-03-2007, 01:39 PM
Parent: #12
| Quote: (3) المريخ ودولفين يمكنهما التأهل بدون إنتظار نتائج الفرق الأخرى |
الاخ ثابت اصحح ليك معلومة
في الكونفدراليه يتاهل فريق واحد من كل مجموعه للمباراة النهائية مباشرة
رغم هلاليتي اتمنى ان يكون هذا الفريق هو المريخ
|
Post: #13
Title: Re: بعد فوز الإسماعيلي ..مريخ البعيوات في الباي باي ..
Author: bukhary el amin
Date: 09-03-2007, 08:13 AM
Parent: #1
يا عمور ( أنصار سنة ) السين بالضمة
|
Post: #14
Title: Re: بعد فوز الإسماعيلي ..مريخ البعيوات في الباي باي ..
Author: عمر الفاروق
Date: 09-03-2007, 08:17 AM
Parent: #1
والنون ؟
|
Post: #16
Title: Re: بعد فوز الإسماعيلي ..مريخ البعيوات في الباي باي ..
Author: ود المايقوما
Date: 09-03-2007, 08:27 AM
Parent: #1
حالتك بقت حالة ..
والكونفدرالية للمريخ سيد البلد ...
تحياتي ياحاقد ..
|
Post: #17
Title: Re: بعد فوز الإسماعيلي ..مريخ البعيوات في الباي باي ..
Author: abuguta
Date: 09-03-2007, 08:38 AM
Parent: #16
عمر حل الغلوطية دى
درويس غلب دلقون
درفون هزم عواره
درويش بااع لدرفون
دلفون مارى بكبرى عواره
دلقون لاعب فى الحارة
كدى يادرفون ورينا الشطارة
واكسب تذكرة سفر لحضور الفاينال
فى قلعة الاقمار
|
Post: #18
Title: Re: بعد فوز الإسماعيلي ..مريخ البعيوات في الباي باي ..
Author: اساسي
Date: 09-03-2007, 08:45 AM
Parent: #17
اسمع يا ود الفاروق
الليلة بقيت زي ام العروس تفلق وتداوي
ما قلت لي غناي شكر الله ولا رقاص طه سليمان؟؟
خليك في عرفتك يا اخوي وسيب سيد البلد لي شغله المدروس
اسمع في قيدومة ورقيص عروس للهلال بمناسبة النقطة الاخدها في دوري المجموعات من الترجي في بلده
اوع تقول ما عزموك؟
|
Post: #19
Title: Re: بعد فوز الإسماعيلي ..مريخ البعيوات في الباي باي ..
Author: فيصل محمد رشوان
Date: 09-03-2007, 09:00 AM
Parent: #18
والله يا الهلالاب حالتكم تحنن بدون صبغة
بعد ما قزازة السمن أتكشحت والأمنيات بتصدر المجموعة ومقابلة الإتحاد الليبي والنهائي يكون في السودان وبعد داك بتموها زي ما عارفين إرهاب وكباب و حمار مدفون وكده ....
بعد ما أصطدمتو بالنجم 2 وإنتو مجننكم هنا النجم الأصلي (الزعيم) بقيتوا تفتشوا لحظوظ المريخ ....
نحن أسياد الشئ ذاتووووووووووو .....
|
Post: #20
Title: Re: بعد فوز الإسماعيلي ..مريخ البعيوات في الباي باي ..
Author: MOHAMED EL-BEELI
Date: 09-03-2007, 10:05 AM
Parent: #1
دولفين هو المتأهل بأذن الله
|
Post: #21
Title: Re: بعد فوز الإسماعيلي ..مريخ البعيوات في الباي باي ..
Author: haroon diyab
Date: 09-03-2007, 10:47 AM
Parent: #20
| Quote: دولفين هو المتأهل بأذن الله |
باذن الله نتاهل والنهائي في استادنا التحفة مش في زريبة الب....! بعدين حتي لو مافزنا نحنا عندنا رصيد ... انتو يارشاشات عشمكم عشان تجيبو ليكم كاس .......!؟ من بره عشم ابليس في الجنة اولاد فوزية حالفين ليكم لو جيتو القاهرة تاني الا اكان تمرقوا بي كرامة البليلة ... والتابوت العملتو للحضري حيدفنوكم جواهو .
هارون دياب
|
Post: #23
Title: Re: بعد فوز الإسماعيلي ..مريخ البعيوات في الباي باي ..
Author: الصادق صديق سلمان
Date: 09-03-2007, 11:03 AM
Parent: #21
Quote: اولاد فوزية حالفين ليكم لو جيتو القاهرة تاني الا اكان تمرقوا بي كرامة البليلة ... والتابوت العملتو للحضري حيدفنوكم جواهو .
هارون دياب |
يا هارون دياب
كيف الحال؟
بالله شفت ليك سوداني خاف من مصري وجرى خلى ليهو الكورة والبلد (بلدو)
جدي عبدالرحمن النجومي مشى ليهم ساكت بالنسوان والأطفال ولو ماربك عندو
تصريف آخر للدنيا دي كان زمان (إستعمرنا مصر دي)
نحن لانخاف الأهلى حتى لو كانت المباراة داخل نادي الأهلي ولا في بيت عصام الحضري
نحن جاهزين لهم.
أبوفتحية
|
Post: #22
Title: Re: بعد فوز الإسماعيلي ..مريخ البعيوات في الباي باي ..
Author: رقم صفر
Date: 09-03-2007, 11:02 AM
Parent: #20
Quote: المريخ سبعة نقاط .. تبقت له دولفين والإسماعيلي
دولفين ستة نقاط .. تبقت له كوارا والمريخ
الإسماعيلي خمسة نقاط .. تبقت له كوارا والمريخ
كوارا أربعة نقاط .. دولفين والإسماعيلي |
ثابت ،،
المريخ امله كبير في التأهل ، وطالما المر بيده ، فهذه محمدة ، وبالمناسبة
طالما الفريق يأمل في الفوز بالبطولة ، فما لازم يخاف من الفرق ، بل العكس من الذي فاز ببطولة
ولم يلاقي الكبار....
اقول يا ثابت ـ حاولت احسب النتيجة ، ووجدت ان حتمال التعادل في النقاط بين دولفين والمريخ مستحيل ...
كدي احسبها تاني معاي ،،، وصححني لو اخطأت ....
لو فاز المريخ بمبارة الاسماعيلي ، ح يبقي له 10 نقاط
ولو فاز دولفين بمباراته مع كوارا ح يكون 9 نقاط والمباراة الاخيرة مع بعض ...
صاح
لو خسرو الاثنين مباراتهم القادمة ، يظل فارق النقطة بينهم ايضا ، (ولكن في هذه الحالة قد يـتأهل الاسماعيلي)
لو تعادل دولفين وفاز المريخ سيصبح الفرق اربعه نقاط ، وهنا لا يمكن التعادل,,,
ولو العكس اي فاز دولفين وخسر المريخ(لاسمح الله) سيصبح الفرق نقطتين) ووهنا ايضا ليس هناك مجال لتعادل النقاط ...
يازول راسي جاط / كدي راجعها ، واملنا ان ينتصر المريخ في كل مبارياته وبالتالي ، يجيبها بي
عضلوا ....
المشكلة بصراحة دفاع المريخ لا يطمئن ...
والمشكلة الثانية هي ثقة المريخ في مباراة الاسماعيلي ،،،، وهي مشكلة كبيرة ، اخاف ان يفاجئ الاسماعيلي المريخ في المباراة ...
وربك يهون
|
Post: #24
Title: Re: بعد فوز الإسماعيلي ..مريخ البعيوات في الباي باي ..
Author: نيازي عبدالله مرحوم احمد
Date: 09-03-2007, 11:21 AM
Parent: #22
اب راس فارغ عمر الفارغ
نحن ما بنقول زيك باي باي هلال بعد تعادل الامس لكن بينا الايام والنشوف كلامك
|
Post: #25
Title: Re: بعد فوز الإسماعيلي ..مريخ البعيوات في الباي باي ..
Author: MOHAMED EL-BEELI
Date: 09-03-2007, 11:32 AM
Parent: #1
والله يا مريخاب كترتو المحلبية خالص !!!
على الطلاق تتاهلوا انا شنبى ده يقوم فى جدادة 
|
Post: #26
Title: Re: بعد فوز الإسماعيلي ..مريخ البعيوات في الباي باي ..
Author: نيازي عبدالله مرحوم احمد
Date: 09-03-2007, 11:37 AM
Parent: #25
| Quote: على الطلاق تتاهلوا انا شنبى ده يقوم فى جدادة |
خلي جدادتك جاهزة يا اب شنب
|
Post: #27
Title: Re: بعد فوز الإسماعيلي ..مريخ البعيوات في الباي باي ..
Author: abuguta
Date: 09-03-2007, 11:53 AM
Parent: #26
Quote: درويس غلب دلقون
درفون هزم عواره
درويش بااع لدرفون
دلفون مارى بكبرى عواره
دلقون لاعب فى الحارة
كدى يادرفون ورينا الشطارة |
نيازى لما تقراء كلامى الفوق دا
بعترف مين الراسو فاضى...
ياخى اعلام المريخ ضضللكم
فريقكم دا ما حصل غلب خارج حديقة الحيوان
من بداية الدورة.انت متابع ولا نجيب ليك الارشيف
كل الفرق التى لعب معها المريخ غير معروفة فى خارطة الكرة
لو اخرجنا الشباب التنزانى والاسماعيلى المصرى
|
Post: #28
Title: Re: بعد فوز الإسماعيلي ..مريخ البعيوات في الباي باي ..
Author: MOHAMED EL-BEELI
Date: 09-03-2007, 12:03 PM
Parent: #1
| Quote: المشكلة بصراحة دفاع المريخ لا يطمئن ... |
الدفاع بس ؟؟!!!
ياخى ده الفريق كلو دلاقين !! دفاع ونص واطراف وهجوم .. كلو شوربة
فريق القطن التشادى يديهو اتنين وكوارع النيجرى اتنين والشلف واحد .. ده عليك الله فريق؟؟!!
بعدين ؟؟ حارسكم الملوص ده مع الاسماعيلى خايفو يملص فنيلتو وشرابو و ...... ظاااتو !!!
|
Post: #29
Title: Re: بعد فوز الإسماعيلي ..مريخ البعيوات في الباي باي ..
Author: وليد محمد المبارك
Date: 09-03-2007, 12:06 PM
Parent: #28
الحضري قالو جهز الطبلة من هسع
هاهاهاهاهاهاهاهاهاهاهاهاهاهاهاها
ويا عشرة بلدي
الدور ده في القاهرة اها شوف ليكم جمهور يرهبهم
|
Post: #30
Title: Re: بعد فوز الإسماعيلي ..مريخ البعيوات في الباي باي ..
Author: Zomrawi Alweli
Date: 09-03-2007, 12:13 PM
Parent: #29
Quote: يا هارون دياب
كيف الحال؟
بالله شفت ليك سوداني خاف من مصري وجرى خلى ليهو الكورة والبلد (بلدو)
جدي عبدالرحمن النجومي مشى ليهم ساكت بالنسوان والأطفال ولو ماربك عندو
تصريف آخر للدنيا دي كان زمان (إستعمرنا مصر دي)
نحن لانخاف الأهلى حتى لو كانت المباراة داخل نادي الأهلي ولا في بيت عصام الحضري
نحن جاهزين لهم.
أبوفتحية |
ابو فتحية كلامك سمح خلاث
|
Post: #31
Title: Re: بعد فوز الإسماعيلي ..مريخ البعيوات في الباي باي ..
Author: الزبير صالح الزبير
Date: 09-03-2007, 12:21 PM
Parent: #30
مريخ بعيوات العرضة جنوب بقا في الباي باي والشغلانة واضحة وما دايرة درس عصر..
يا اخوي البيعو اليقيف ليك في حلقومك
|
Post: #32
Title: Re: بعد فوز الإسماعيلي ..مريخ البعيوات في الباي باي ..
Author: نيازي عبدالله مرحوم احمد
Date: 09-03-2007, 12:30 PM
Parent: #30
Quote: فريقكم دا ما حصل غلب خارج حديقة الحيوان
من بداية الدورة.انت متابع ولا نجيب ليك الارشيف |
الافريقي التونسي
البنزرت
الملعب التونسي
الترجي
اسيك
الاشانتي
الوداد
الجيش الملكي
الصفاغس
الرجاء
الزمالك
الاسماعيلي
الشباب التنزاني
قورماهيا
بندل يونايتد
كل فرق شرق ووسط افريقيا
الفرق دي لما لاقينها انت كنت تتطلش 5 6 7
وجيب اي ارشيف نتحداك ونتحدي اي هلالي
تاريخ مشرف وناصع 3 كاسات في بطولات لعب فيها ذات الهلال الذي تتحدث عنه وذات الفرق المغمورة
ثم بذات المنطق انت انهزمته من فريق اسمه نثارو 3/0 وخرج الفريق بضربات الجزاء بالخرطوم ولم نسمع بثارو ومع ذلك نحترم مثل هذا الفريق علما بان فريق كوار هزم نثارو 2/0 بنيجيريا وتعادل معه 0/0 بارضه
اضف الي ذلك كله الم تسمع بالكورة النيجيريه
دا منطقكم الاعوج المغطس حجركم
وانا في انتظار الارشيف
|
Post: #34
Title: Re: بعد فوز الإسماعيلي ..مريخ البعيوات في الباي باي ..
Author: abuguta
Date: 09-03-2007, 12:43 PM
Parent: #32
Quote: كل الفرق التى لعب معها المريخ غير معروفة فى خارطة الكرة
لو اخرجنا الشباب التنزانى والاسماعيلى المصرى |
ياخى افهمك كيف
ياريت تجيب لى ناسك المواكبين
انت زول جديد..فى الشغلة دى..كلامى الفوق دا واضح
ام لا
ناس بنازل الفيل المقاتل ووناس دولفين من الاولى نازل
ناس بطناطح بطل القرن وناس مع كوارا القيد حرن
ياخوى انت راكب من المحطة الاخيرة . اسوى ليك
نحن فترنا من دروس العصر
حصل سمعت بقطن,,شلف , كواورا , شباب تنزانى دولفين فريق درجة تانية ,
ديل كلهن هزمن المريخ خارج ارضه..فهمت ,,
وبعدين اسيك دا ما شال منك كاس الكاف ارض ارض,,وجميع الروساء حضور
لانه فريق قوى,,,نحن جبناه بدون فلوس وخلصنا ليك حقكم يابعوين
ياخوى والله فترت والله فترت..انت جيت متاخر,,انت شهادة عربية وجيت الجامعة متاخر
وتسلم...
|
Post: #33
Title: Re: بعد فوز الإسماعيلي ..مريخ البعيوات في الباي باي ..
Author: MOHAMED EL-BEELI
Date: 09-03-2007, 12:39 PM
Parent: #1
| Quote: ثم بذات المنطق انت انهزمته من فريق اسمه نثارو 3/0 وخرج الفريق بضربات الجزاء بالخرطوم ولم نسمع بثارو |
ناصراوا ده بطل نيجريا يا بتاعين الحمام ..
وشئ طبيعى انكم ماتسمعوا بيهو لانكم ما بتلاقوا الابطال ..
ياخى كوارا ودولفين ديل قاليك ناس نيجريا ظااااتم ما سمعوا بيهم الا السنة دى
هاكم القطن ده !!!
|
Post: #35
Title: Re: بعد فوز الإسماعيلي ..مريخ البعيوات في الباي باي ..
Author: وليد محمد المبارك
Date: 09-03-2007, 12:51 PM
Parent: #33
انتو يا جماعة ناصاروا ده موش طيروا دولفين الحمام الميت من بطولة الكونفدرالية
؟؟؟؟؟؟؟؟؟؟؟؟؟؟؟؟؟؟
ناساروا ده موش ياه الغلب الهلال 3 وجا الهلال تماها هنا جمهور وربيط ووبلنتيات لحدي ما اتخارج منو
اها ناساروا ده دولفن طيروا من الكونفدرالية
يعني دولفن لو كان قابل الهلال كان لحقو امات طه
ودولفن ده الغلب ناساروا الغلب الهلال 3 وجرسو
المريخ غلبو 6
يعني المريخ لو قابل ناساروا كان اداه 9
ولو لاقا الهلال بديه 12
موش غالب الفريق الغالب الغالبكم 3 صفر
حي انااااااااااااااااا
|
Post: #36
Title: Re: بعد فوز الإسماعيلي ..مريخ البعيوات في الباي باي ..
Author: نيازي عبدالله مرحوم احمد
Date: 09-03-2007, 12:51 PM
Parent: #33
خلاص ياود الخاله انا زول حماااااااااااررر عديل كده وجديد لنج
المريخ عندو ثلاثة كاسات خارجية
1 سيكافا
2 دبي
الكوؤس الافريقية
ممكن تورينا خلال 77 عاما ماهو انجاز
وببببببررررررررراااااااااحه علي يا سيد الفهم
|
Post: #37
Title: Re: بعد فوز الإسماعيلي ..مريخ البعيوات في الباي باي ..
Author: abuguta
Date: 09-03-2007, 01:00 PM
Parent: #36
1Quote: سيكافا
2 دبي
الكوؤس الافريقية |
كدى اسال ناس الكاف هل الدورات دى مجسلة عندهم
او اسال ناس الفيفيا هل سمعتو بكاسات زى دى
الناس ديل بعترف فريق واحد بس بعلب فى الابطال اسمه الزعيم وسيد البلد
فى هذه الدورة تقدم 14 نقطة فى تنصيف الفيفا
اها كاساتك دى امشى سوق النحاس ولمعها وختها
فى الساحرة حقتكم تانى...الى ان ياتى احتفال الفيفا
خسارة كاس الكاف مرور 50 سنة عليها الذى اخذه اسيك
منكم وما بعرف ختاه وين لانه كاس من مباراة واحدة زى كاس دبى
كان ممكن تتفاخرون به...ليش ما جيتو حمام ميت وغلبتوه ما انتو الدافعين
فتك عافية
|
Post: #38
Title: Re: بعد فوز الإسماعيلي ..مريخ البعيوات في الباي باي ..
Author: نيازي عبدالله مرحوم احمد
Date: 09-03-2007, 01:28 PM
Parent: #37
Quote: كدى اسال ناس الكاف هل الدورات دى مجسلة عندهم
او اسال ناس الفيفيا هل سمعتو بكاسات زى دى |
اها في دي وماتزعل مني انت ما بتفهم خالص خالص لييييييييييييييه
قول لي ليه
مسالة بطولات معروفة او غير معروفة دا خليها جنبه لانو الظاهر والله يعلم ان الكوؤس الافريقية وضعها الاتحاد الاسيوي زممممممان
السؤال وارجو الاجابة كم مرة انت لعبت في الكوؤس ولم تحصل علي سجم خشمك؟؟؟؟؟ولما المريخ يحصل عليها دي بطولات ما مسجلة انت المسجلة عملتها فيها شنو والله الهلالاب ديل غايتو؟؟؟؟
بعدين شايفك مريت مرور الكرام علي 77 عاما من التاريخ الخالي من اي كاس اللهم الا كاس 87 92 ضد الاهلي والوداد البضاوي
|
Post: #39
Title: Re: بعد فوز الإسماعيلي ..مريخ البعيوات في الباي باي ..
Author: إيهاب محمد مصطفى
Date: 09-03-2007, 01:29 PM
Parent: #1
عمر الفاروق
إنت قايل المريخ ده (شروق أبو الناس)
ياكافي البلاء لا عارف الجدول فيهو شنو؟ ولا المباريات متين؟
طوالي جاي تبرطع وتحسب كيف المريخ يجي الطيش
والله إنت وتاج السر نكتة البورد ده والله
كدي عليك الله أحسب لينا سنة 2011 الكاس ح يشيلوا منو ؟؟
ختري لكن !!!
|
Post: #40
Title: Re: بعد فوز الإسماعيلي ..مريخ البعيوات في الباي باي ..
Author: abuguta
Date: 09-03-2007, 01:32 PM
Parent: #39
| Quote: اها في دي وماتزعل مني انت ما بتفهم خالص خالص لييييييييييييييه |
عاد ياخوى لو دا كلامك
نحن قفلنا المدرسة حقتنا..خلاص خليك مع اعلام الضلال حقك
الذى صور لك هذا الوهم الخرافى..انا بقولك اسال اهل العلم
تقول لى حبوبتى قالت...
فتك عافية...
|
Post: #42
Title: Re: بعد فوز الإسماعيلي ..مريخ البعيوات في الباي باي ..
Author: نيازي عبدالله مرحوم احمد
Date: 09-03-2007, 01:50 PM
Parent: #40
Quote: عاد ياخوى لو دا كلامك
نحن قفلنا المدرسة حقتنا..خلاص خليك مع اعلام الضلال حقك
الذى صور لك هذا الوهم الخرافى..انا بقولك اسال اهل العلم
تقول لى حبوبتى قالت...
فتك عافية... |
كالعادة ولا نتسغرب الهروب من حتي الكلام والمنطق وانت خليك في اوهامكم وامانيكم وخيالاتكم وخليكم مع اكبر دعاية في التاريخ صلاح ادريس
وسلام يا صحبي ونتلاقي في الفاينال بتاع الكونفدراليه هنا في الخرطوم وان شاءالله الكونفدراليه تكون مسجلة في الاتحاد الافريقي
|
Post: #43
Title: Re: بعد فوز الإسماعيلي ..مريخ البعيوات في الباي باي ..
Author: abuguta
Date: 09-03-2007, 02:05 PM
Parent: #42
| Quote: وسلام يا صحبي ونتلاقي في الفاينال بتاع الكونفدراليه هنا في الخرطوم وان شاءالله الكونفدراليه تكون مسجلة في الاتحاد الافريقي |
يازول ما قلنا ليك انت جديد ساى ..حتى حساب رسول الله دا انت ساقط فيه
اها دا وهم الصدى القاعدة تسوق ليه
كدى ارجع وعيد الكرة
انا يازول قاعد هنا من 2003 ما هربت زمن الخمسات والستات
اهرب لما بقينا نتصدر المجموعات من ضهرا بدرى
كدى ارجع وذارك الارشيف
ونتقابل لما يكون عندك فهم كروى
سلام ياجميل
|
Post: #44
Title: Re: بعد فوز الإسماعيلي ..مريخ البعيوات في الباي باي ..
Author: عمر الفاروق
Date: 09-03-2007, 03:32 PM
Parent: #1
أجمل ما في الموضوع إنو المريخاب إقتنعوا إننا حا نتأهل للنهائي بإذن الله وبقوا يقولوا لينا أها الأهلي حا تلاقوهو في مصر في النهائي حا تسوو شنو ؟؟؟
* حييييييينا ما قلتو نوبة والهلال بيطير من قولة تيت !!!!
|
Post: #45
Title: Re: بعد فوز الإسماعيلي ..مريخ البعيوات في الباي باي ..
Author: عمر الفاروق
Date: 09-03-2007, 03:38 PM
Parent: #1
| Quote: المريخ امله كبير في التأهل ، وطالما الامر بيده ، فهذه محمدة |
لأ وإنت الصادق ليس الأمر بيده ..
المريخ لا قدّر الله ممكن يلقاها جااااااااهزة لو النيجيريين ما لعبوها صاح !!!
ناس كوارا العوارة لو غلبو دولفين والمريخ غلب الإسماعيلي يبقا المريخ ضمن التأهل مباشرة دون الحوجة لي المباريات الباقية ويبقا كوارا هو اللي متحكم في مصير المريخ وليس الأمر بي يد المريخ ..
وصدقوني دولفين لو فاز على كوارا المريخ مش في الباي باي وبس لالالالا حا يكون في الشاشة الغشاشة ..
|
|