تعالوا نشوف حكاية الطاهر!

والطاهر عنده حكايه مهمه جدا..

وماطويله..ومتأكده بتعجبكم شديد لو جيتوا..

تعالوا نشوفها سوا في الفضاء الخارجي للمسرح القومي بأمدرمان...

يوم الثلاثاء 4 سبتمبر الساعه 9 مساء حتي العاشره مساء..

ويافرحنا بمحمد السني وهو مؤلف..مخرج وممثل لمسرحية الشخص الواحد "مونودراما"..

أكيد تجربه متميزه في كل شيء..

انتوا كلكم معزومين..

الغايب يكلم الحاضر..

فرصه نشوف مسرح سوداني جميل...

و الما في السودان يعمل شنو؟

خلاص كان الغايب مافي طريقه يكلم الحاضر..

خلوا الحاضر يكلم الغايب!

منتظرنكم قراء سودانيزأون لاين وعضويتها..

Quote: و الما في السودان يعمل شنو؟

شرحو يا مني !!

شرحو يا مني !!

ويا حليلك يا هاشم..
فاتتك حاجات كتيره بعد سفرك..
زي ما هاتفوتني بعد سفري!

فاتك التقارب المتزايد واخوه تزداد قوه علي أرض الطبيعة..
فاتت فرحة الأطفال واستكانتهم علي صدورنا في دار ايتام المايقوما..
ثم فاتك بالأمس رسومات نورالهادي الرصاصيه لبعص من ساكنات دار المسنات..
ورقصة أم محمد اختنا الباسمه علي كرسيها بسبب اعاقتها..علي غناء سيف
الجامعه واغنية يا نديدي!
وضاع عليك مشاركه امنا "...." طربها رقصها بمزاج علي اغنيه أخري من سيف..

وبكره يا "مسكين" يفوتك مساء جميل آخر!

Quote: والما في السودان يعمل شنو؟

تكون قسمته صعبه خلاص!
اقول ليك كلام يا أبوبكر؟

نطالب السني يجينا في لندن للعرض ده..ايه رأيك؟
فكر في المكان..بارك مفتوح فيه مسرح..
وهو براهوا يقدم العرض..
ابه رايك؟

يا سلام يا منى محمد السني دفع الله دا جميل خلاص انا اصلا من زمن جنة الاطفال بحبه.. أكيد حا امشي الماشي معاي منو ؟؟؟ ...

ولازم ناخد معانا سندوتشات طعمية بالجبنة قبل العرض والسمك في الموردة بعد العرض ..

Quote: ولازم ناخد معانا سندوتشات طعمية بالجبنة قبل العرض والسمك في الموردة بعد العرض ..

غايتو يا إنعام شلتي حالنا بالكلام دا

هسه يجينا زول ناطي يقول لينا

انتو من شية قندهار لسمك الجبل لسمك الموردة وساندوتشات الطعمية

انتو خلاص بقيتو من ذوات البطون ولا شنو؟

يجازي محنك ياخ

منى كيفنك
والمافي السودان ولا في لندن عشان العرض المفتوح
يعمل شنو
ما تجونا كلكم الرباط

Quote: منى كيفنك والمافي السودان ولا في لندن عشان العرض المفتوح يعمل شنو ما تجونا كلكم الرباط

وأصبحت الدعوه الآن الرباط ولندن..
وعلي الأستاذ السني وضع هذا في الاعتبار..

فقدناك يا طارق في الخرطوم..
لقد قرر العديد من بورداب الخارج علي التنسيق مع عدد كبير من بورداب الداخل
علي التنسيق في الأجازات القادمه..
وقد يحتمل الأمر اجازه بوردابيه منسقه بين الداخل والخارج لخارج السودان..
هذا وسيتم النقاش في هذا الموضوع لاحقا..
لآنه بصراحه بقي جبل أولياء وقندهار وكده مش كفايه
نكتب اسمك؟؟

تعال بكره أحضر حتي ولو بقلبك..

العرض بكرة ما تنسوا ..

الحمد لله منى ذاتا حا تحضر معانا العرض ..

سلام علي الحلوين كلللهم ..
زوله زوله وزول زول
أعرضوا لينا معاكم
وماتنسو اللبان ..
بساعد علي الهضم .

Quote: سلام علي الحلوين كلللهم .. زوله زوله وزول زول أعرضوا لينا معاكم وماتنسو اللبان .. بساعد علي الهضم .

ازيك يا سمسم..وحشتينا خالص..

عارفه نقعد كده في الصف الأول..
وكل واحده في خشمها لبانه أكبر من خشمها الكبير ذاته..
وبعدين أول مالسني يندمج في العرض كده..ويعيش الحاله..
نقعد نحنا ننفخ في اللبان ونطقه!

قولي لي ليه؟

علشان نشوفه لو اتقطع تفكيره بسبب الطقطقات بيتصرف كيف علي المسرح

منى سلامات يا ام اية انتى فى السودان؟
الطاهر ده منو؟ دخلت قلت اكيد بت عوض خوجلى بتتكلم عن الانسان الطاهر.
ما مهم نمشى نشوف المسرح ومحمد السنى هذا الانسان الذى يزرع البسمات الرائع وهو فعلا الطاهر.
شكرا منى
انتى قلتى معزومين كلكم يعنى شنو متكفلة بالتزاكر؟ انا بتك يا عوض خوجلى
يديك العافية يا جميلة
اظننى ساحجز كامل المقصورة وكنبات الشعب لانى اريد ان اضحك حتى البكاء والعويل لانثر حبات ادمعى على الرمال علها تثمر شجرة امل فى غدا
نجلاء الماحى

Quote: منى سلامات يا ام اية انتى فى السودان؟ الطاهر ده منو؟ دخلت قلت اكيد بت عوض خوجلى بتتكلم عن الانسان الطاهر. ما مهم نمشى نشوف المسرح ومحمد السنى هذا الانسان الذى يزرع البسمات الرائع وهو فعلا الطاهر. شكرا منى انتى قلتى معزومين كلكم يعنى شنو متكفلة بالتزاكر؟ انا بتك يا عوض خوجلى يديك العافية يا جميلة اظننى ساحجز كامل المقصورة وكنبات الشعب لانى اريد ان اضحك حتى البكاء والعويل لانثر حبات ادمعى على الرمال علها تثمر شجرة امل فى غدا نجلاء الماحى

يا زوله انا اتعتقت في السودان!

معقوله ياخ؟!!
اقعد من أول سبعه ولسه قاعده؟؟
ومعقوله ياخ تساليني اسه بعد حذائي البني ما اصبح قيد أنمله من التمزق؟
الجمله الأخيره دي علشان "الصفوه" في المنبر يعني وكده!
أنا في السودان قدمت لدرجة اسه الجماعه لما يشوفوني يفطوني ويسلموا علي الباقيين وبعدين يرجعوا يسلموا علي!
ده سؤال تسأليني ليه يا نجلاء؟
اقول ليك كلام؟
ولا مافي داعي!

شوفي

Quote: انتى قلتى معزومين كلكم يعنى شنو متكفلة بالتزاكر؟ انا بتك يا عوض خوجلى

ده كلام صحيح 100%100

بس الحقيقه الدعوه مجانيه..
علشان كده أنا بجي أديكم ورق دعوات مافيه قيمه ماليه!

وكدي النرجع لأول البوست نؤكد ان الدعوه من محمد السني شخصيا..

واشوفك بكره في الموعد..ومافينا تأخير..

سلامات كتيره لغاية بكره يا نجلاء

Quote: وماتنسو اللبان .. بساعد علي الهضم

المأكول ولا الما مأكول !!

البقرا كلامكم ده .. يقول خلاص
الدنيا في السودان بقت منى واحلام

ومحمد السني دفع الله .. كمان

يالله وين حكاية الطاهر بالصوت والصورة

Quote: وأصبحت الدعوه الآن الرباط ولندن.. وعلي الأستاذ السني وضع هذا في الاعتبار..

الظاهر عليكم ما ناويين تعملوا عُمْرَة !!!

الطاهر طلع طاهر!
وبلغة الغير مثقفاتيه..أو ربما الذين يدعون انهم مثقفاتيه..أو المثقفاتيه البتلقاهم ماشيين سرحانين في الشارع..او امكن الماسمعوا حتي بالمثقفاتيه..
أو السمعوا بيها وماعارفين ليها شرح..حيث أن الكلمه أصبحت ممطوطه ومرنه خالص
عند البعض..وهي مغلقه حتي الخنقه زي الخنقه بتاعة الكرفته في رقبه سمينه عند البعض الآخر..
يبقي الكلام كده..

الطاهر طلع طاهر..
وابن ستين طاهر!

Quote: المأكول ولا الما مأكول !!

ويا سمسم ونعومي..لو قتلوني تاني ما بشحتكم لبان !

والله جد..

المسرحيه اسمها "حكاية الطاهر"

والاستاذ محمد السني مقدم ليكم كلكم دعوه مجانيه..

يعني انتو بس اتكفلوا بأجرة مواصلاتكم..

خلاص كويس؟؟

منى خوجلى
طيب الدراما اللى نحنا عايشين فيها
دى منو البطلعنا منها
السنى جارى فى الدوحة ولمن يجى حنعمل
( مينى دراما )
ونشوف الطاهر ده حكايتو شنو

أنا في السودان قدمت لدرجة اسه الجماعه لما يشوفوني يفطوني ويسلموا علي الباقيين وبعدين يرجعوا يسلموا علي!ده سؤال تسأليني ليه يا نجلاء؟
اكون فطيتك يا منى وانا ماعارفة؟ معليش اصلى كنت برة البلد
وسلام مربع اكتر من الاول
اسمعينى الدعوات دى وين؟ شايفاك ساكتة بيها وبعدين ليه ما تكون بالقروش بس يعنى حاجة كدة نقدر نلتزم بيها وما دام اخونا الجدع جدا والمرهف الطاهر متبرع نقوم نعمل بيها حاجة لى زول محتاج فعلا للمؤازرة رايك شنو يا ام اية الاية؟ عارفاك ما بتقصرى انا جادة فى الحكاية دى انشاء الله نقدمها للمدرسة القربت تنهار على رؤوس بناتنا.
عميق الحب
نجلاء الماحى

وحكايتي حكاية مكان ..

مني ..سلامات

أنتي ..ماممكن..تتنقل ..علي الهواء مباشرة

وبي كده ..نضحك ..معاكم. وبس

وتاني ..كلام ..عادل جبارة ده مابتحققوا لينا

،،،،أبوقصي،،،،

الاستاذ محمد السني دفع
شذرات من تجربته
ولد بمدينة ود مدني الجمال
تخرج في المعهد العالي للموسيقي والمسرح- تمثيل واخراج
تخرج في المعهد العالي للموسيقي والمسرح-مسرح العرائس
دراسات عليا بالقاهرة
مدير مسرح الثقر بورسودان

كان ضمن كوكبة المحطة الاهلية وقدما من خلالها الكثير اذكر منها (حملان في الحيشان) وهي التجربة التي اشاد بها الاعلامي حمدي بدر الدين واعتبرها احدي انعكاسات النجاح لبرنامجه الزائع الصيت فرسان في الميدان.ايضا كانت شخصية(ضجة ازعاج)التي قدمها الاستاذ عمر فاروق (شفاه الله) والذي يسعي الاستاذ السني في الدفع بمساهمات لحملة علاجه مع الاستاذة رابحه حماد التي شاركت الاصدقاء في (متاعب)

ايضا لاننسي ادواره مع فرقة الاصدقاء المسرحية المشهورة وقبلها العديد من البرامج للاطفال وخلافها

بالقاهرة قدم العمل الشهير (دخلت نملة اخذت حبة وخرجت والذي جعل المخرج سعيد حامد يطلبة لدور مهم في فيلم (الارهاب والكباب)مع النجم عادل امام واخرين.فضلا عن عدة ادوار في مختلف الاعمال منها فيلم (بيضة الديك) وهو فيلم مهرجانات وحقق نجاحات والذي عرف باسم فيلم(حب في الثلاجة)

في الجمهورية العربية السورية عمل الاستاذ السني مع ملك الفيديو كليب(فواز جابر) والم عن قرب بتجربة التعامل مع الفيديو كليب ومع الاغنية ..والخ

في قطر شارك مع الاساتذة السليطي وعبدالعزيز جاسم معظم المواسم المسرحية التي نالت ادواره فيها الاستحسان والرضا وايضا عمل مدربا لمسارح الشباب والطلاب فضلا عن قيامه بوضع منهج كامل مسرحي للطلاب

موعد المشاهدين معه في هذه الايام سجل لقناة النيل الازرق برنامج (الكاميرا الخفية) ليعرض في رمضان.واربع حلقان للفضائية السودانية باسم سهرة مع النجوم وبرنامج اخري لتلفزيون الجزيرة

الاستاذ السني هذه الايام يرتب ويعد في مشروع كبير وخلاق يطلق عليه(مشروع استنهاض حب الوطن)دشن بداياته في الايام الماضية وهو ماض به دفعا الي الامام.

هذه عرض مبتسر ونذر قليل من تجربة الاستاذ السني الفنية والابداعية قدمتها في عجالة ومن الذاكرة وهي لمحات فقط من تجربته الثرة والكبيرة بالسودان والخارج لنصل معا الي ذهابنا اليوم لمشاهدة عرضه بباحة المسرح القومي بام درمان وفيه سيحكي وسيغني وسيرقص فالي هناك.

نمشي هنا نلقاكم هناك
نمشي هناك نلقاكم هنا!!


ربنا يزيد و يكتر في الهنا ..


قلنا نمر و نسلم و نتمنى ليكم أيام طيبة ..


أهة العرس كيف ؟؟

Quote: فيلم (بيضة الديك) وهو فيلم مهرجانات وحقق نجاحات والذي عرف باسم فيلم(حب في الثلاجة)

وهو فيلم غرائبي (فانتازي) وقد كانت بداية التعامل مع المخرج شريف عرفة

سلامات يا منى
ليك ولاستاذنا السني كل التحية
آسف لتأخير الصور
وكان الطاهر بحيوية عالية قد بدأ يروي حكايته ...
حيوية نابعة من جسد عالي المقدرة على التجسيد ..
ووجدان عالي الحس..
ومن معاناة الطاهر..



حياة كاملة بأجيالها ، فرحها،حزنها،تغيراتها...
ليست مجرد مونودراما.. ربما ملحمة

...
حاج الطاهر


والعهدة على..!!

"إستمتعت كثيراً"


والجمهور الكريم


...
...


كما قال كابو

"ناسف للتأخير"

كيف يا ملك
كان عاجباني وقفة السني جنب الوشاح (البلو) وكنت بعيد ولما شفت ايمن حسين واقف قريب جدا ومامنتبه قربت اصرخ ليهو : صور صور
الحمدلله انك جبتها

قام الدكتور الماحي والفنانة آمنه أمين بالمساعدة في الموسيقى والمؤثرات




والسني يروي بكلياته كل الشخصيات وكل الاحداث






والجمهووووووووووووووووووور