الأفراح عند جمهور المريخ مصطنعة ..

جمهور المريخ وإعلام المريخ بقوا زي الشفّع الصغار ليلة العيد يوم الوقفة إنتظار توزيع هدوم العيد ومن ثمّ المقارنة السريعة بينها والشربكة والسلبطة ده حقّي ولييي ده أسمح من ده وسعدية بت جيرانا جابو ليها فستان أسمح من حقي وحمّودي جابو ليهو لبسة جيش انا عايز لبسة جيش وهمبوكة وتأجروا لي عجلة وتجيبوا لي مسدس والمسدس ما مرخص والبموت بالليل مرصص ونار شوق غرامي والبحوم بالليل حرامي..
الحضور الجماهيري الغفير جداً لتمارين الهلال واللي فاق قبل كل مباراة كبيرة وفي التمرين الختامي أكثر من 25 الف متفرج (كنت حضوراً فيها"جت عليها") أصاب المريخاب بي " نار الغيرة " وزي ما بتقول ورد الجزائرية " جرّب نار الغيرة "ولا هي منو ما عارفا ..
فما كان من إعلام المريخ أن حرّض جمهور المريخ تحريضا لدخول التمارين والمعروف إنو التمارين ما عايزة ليها عزومة الزول برااااااااهو بيمشيها والأغرب إنو التلفزيون عرض جانب من إعداد المريخ في التمرين الختامي ووضح إنو الجمهور كان قليل جداً لتفاجأنا "الصدأ " إنو تمرين المريخ حضره أكثر من 15 الف متفرج !!!!
غايتو جنس ختا ولخبتة !!!!!
قلنا ما مشكلة الناس ديل حارقم في حشاهم تميّز جمهور الهلال ووقفته الصلبة مع الفريق وعايزين يحاكونا " ماااااااا شفّع وكده " وصدّقناهم وعفينا ليهم لله والرسول ..
أها قاموا طلعوا بي فن جديد يا جمهور المريخ تعال لابس أصفر عشان تظهر ..يا جمهور المريخ تعالوا بي الطبول والدفوف والدلاليك والرق والبنقز ..
يا جمهور المريخ عندنا ليكم مفاجأة الرسووووووووووول فوقكم كان تجو..
تجو ولّا نجي في مطار أبو ظبي ...!!
عندنا هدايا ويا عمّ هدايا أدينا هدايا ..
عندنا شاشة إلكترونية وعندنا سحب على جائزة وعندنا عيش ولغيف وسنو وسنو وسنو وحادات تتاااااااااااااار بس إنتو تعالوا..
وجات مرضة الدخل والمقارنة بين دخول مباريات الهلال ومباريات المريخ وإعلام الفسيخ يكتب :
يا جماعة نحن إستادنا أكبر من إستادهم بي كتييييييير طيّب ليييي يا جماعة قروشهم بتجي أكتر وجمهور الهلال يكسّر في الإرقام براهو شي 300 مليون والللي بعدو 350 مليون واللي بعدو 400 مليون والشي ماشي لي نص مليار
قول يا ستّار .. سوبر إستار ..
ومسكو في الشطر الميّت :
راقبوا الدخل ..
راقبوا قراصنة التزاكر..
يا شيخ حسن عبد السلام أقيف في الباب ..
يا جمال الوالي راقب البوابة الرئيسية ..
يا إبراهومة أقيف في بوابات الشعبي ..
يا فاروق جبرة (ولّا ده ما زول شدايد )..
وبعد ده كلّو الحال في حالو والدخل ماشي في النازل ويجو يضربو كف بي كف وإلعام الفسيخ يجي بكريتو يكتب:
الإستاد ما كان فيهو موطئ قدم ..
الإستاد لو رميت فيهو إبرة ما بتلقى ليها حتّة ..
الملعب كان مكتظ بالسكّان (عفواً الجمهور)
الجمهور إتشعلق في الكشّافات ..
اللي رجعوا من برّة الإستاد أكتر من اللي جوّة الإستاد ..
القروش ويييييييييييييييييين ؟؟
انا سرقو ؟؟ ولّا مين سرقو ؟ هذا سرقو ..
ونرجع لي حجوة أم ضبيبينة ..
والنفخة الكدّابة تظهر ..
والحقيقة المرّة تنكشف..
والمستخبي يبان ..
أو كما قال عادل إمام :
" لأ حجّميني .. يعني حطّيني في وضعي "
وده كلّو كوم ومحاولة إظهار التشجيع الحضاري ده كوم براهو !!!
المريخاب أول من أدخلوا الأمواج المكسيكية للسودان ومشهورين بيها ..
ولمن تخش الإستاد ولاااااااااااا موجة واحدة ما بنشوفا اللهم إلا موجة ال FM 104 وموجة الغضب العارمة من اداء موسى الزومة وبهاء الدين ملوص ..
والأغرب إنو جمهور الهلال بيعمل الأمواج المكسيكية دي زي ما الله خلقا وانا متأكد الموضوع ده حارق المريخاب في حشاهم وانا سمعت مشجع مريخي يصرح من داخل إستاد الهلال يا جماااااااعة انا بجي أستمتع بي كورتكم وتشجيعكم شي "أمواج" وشي "أوزون" وشي "الحاتّي"..
أها لمّن حكاية الأمواج ما ظبطت قالوا نجرّب " الموجات" الصوتية وهاك يا كوراك وأهتفوا وردّدوا " سيد البلااااااد ..سيد البلد" لأنو نحن إعلام المريخ من أدخل هذا اللقب ..
وللأسف والله جمهور المريخ بيغلبوا يهتف بيها لأنها ما جاية معاهو واللي بيحاولوا يهتفوا بيها بتطلع نشاز في محاولة تقليدية فااااااااشلة لمحاكاة جمهور الهلال حين يردّد بصوت واحد :
"سيد البلاااااااااااااااااااااد ..سيد البلد" ..
فترتعد الخصوم ويتهمونا بالإرهاب والكباب..
ده كلّو كوم وحكاية الملصقات واللافتات دي كوم تاني:
-رابطة أبناء المريخ بمدينة الكفتة يقفون خلف الفريق..
- أبناء ود أحيمر والقرى المجاورة جينا من الساعة تلاتة ..
- أبناء فداسي من أجل جمال الوالي أتينا ..
شي فوق الدعايات وشي مربوط محل العلم وشي أجّرو ليهو زول عشان يشيلو وشي وشويات ..
وده كلللللللللو كيّتاً في جمهور الهلال الما بيعرف يشجّع ده ..
وده كلللللو عشان يثبتو أكبر أكذوبة لموضوع الصفوة ..
والغريبة جمهورهم يخذلهم ..
فلا نسمع لهم صوتاً إلا عند الهدف ..
وانا كنت شهوداً على جمهور الصفوة يوم مباراة دولفين كيف يشجع لاعبيه ..
يوم أن احرز اللاعب الأشتر موسى الزومة هدف للمريخ فرفضت الجماهير تحيته لأنها قالت " ما بدّوروا " ..
إلعام المريخ يكتب لجماهيره وفي مخيلته مباراة الهلال والأهلي والتي لم يتوقف فيها التشجيع طيلة ال90 دقيقة ومن قبل المباراة وما بين الشوطين وإمتد التشجيع إلى ما بعد المباراة ..
وحكاية ما بعد المباراة دي موضوع تاني حارق المريخاب في حشاهم ...
جمهور الهلال عندما يحتفل بعد نهاية كل مباراة تكون المباراة فعلاً من الوزن الثقيل وحساسية المباراة تفرض على المشجّع أن يفرح لا شعورياً ودونما إتفاق وتجد كل الشوراع في كل انحاء السودنا ودون سابق إنذار ودون تنسيق طلعت وفي وقت واحد لأن الفرحة تستاهل والجمهور السوداني جمهور ذواق يعرف متى يفرح ومتى حتفل في الشارع ومتى يكتفي بالمنازل ..
مباريات الهلال التي خرجت فيها الجماهير كانت مباريات تحتاج فعلا للخروج للشارع والمريخاب كانوا بيطلعوا قبّالنا من الفرحة لأنها كانت مباريات بطعم الفوز ..
نعم خرج الجمهور يوم مباراة الأهلي القاهري لأنو يستاهل الخروج ..
وأسيك كمان يستاهل ..
والترجي يستاهل ..
ومباراة نساروا تستاهل..
لكن هل خرج جمهور الهلال يوم مباراة البوليس الزنزباري ؟؟
جمهور المريخ أمبارح عايز يصطنع الفرح وهو مدرك تماماً أن فرقاً مثل كوارا لمبور وكوارا فرفور زيّها زي الميرغني كسلا والرابطة كوستي فهل خرجت جماهير المريخ يوماً في مظاهرات عندما فازوا على الميرغني كسلا ؟؟؟
هل سدّوا الطرقات ونططوا من أجل فوزهم على الرابطة كوستي ؟؟؟
كل الموضوع وببساطة شديدة أن جماهير المريخ بقت زيها زي الأطفال الصغار عايزة تحاكي والسلام !!!!
الهلال فاز جمهوره فرح نطط زغرد هجّج
هم كمان عايزين يحاكو ينطّطوا ويفنجطوا ..
جمهور الهلال هتف سيد البلااااااااااد سيد البلد ..
هم يزعلوا ويقولوا هوووووووي الناس ديل عايزين يثبتّو اللقب ده ليهم خلّونا نفطّسوا ليهم ونكابسهم ..
بالأمس تأكدت لي عظمة جمهور الهلال " والعظمة له" بي مشهد وااااااااااحد بس أتمنى من المهتمين بي تسجيل المباريات يعملوا بيهو مقارنة عشان يعرفو منو الصفوة ومنو الكفوة !!!!
تتزكّروا لمن ريكاردو قام بي تغيير هيثم مصطفى في مباراة الأهلي القاهري في الخرطوم ؟؟
شفتوا هيثم حيّ الجمهور ده كيف ؟؟؟
متذكّرين جمهور الهلال ده عمل شنو ؟؟
شفتوا الجمهور ده حيّ هيثم ده كيف ؟؟
كل الإستاد وبي نفس واااااحد وبي حس واحد وصوت واااااااح وهو يصفق ردد:
" سييييييييييدا ..سيييييييييييدا..سييييييييييدا"
وهتفنا :
الله فوق سيييييييييدا ..يا حلاة سييييييدا "..
كان مشهد والله خرافي تقشعر له الأبدان وتدمع له الدموع ويا ريت يكون في زول مسجّل المشهد ده ..
نفس المشهد تكرر بالأمس ولكن بسيناريو باهت بلا طعم ولا نكهة ولا رائحة وياريت لو في زول مسجّل المشهد ده وهو المشهد التاني..
مدرب المريخ قام بتغيير اللاعب فيصل عجب قبل نهاية المباراة وحاول فيصل عجب تحية الجمهور ..
التحية باااااااهتة تماماً ..
تفاعل الجمهور كان أكتر بهتاناً ما فيهو أي نكهة ..
وداع أشبه بالإحباط ..
حتّى المدرب اتوفيستر ومازدا حاولوا يعملوا ليها توم وشمار وتحية لي اللاعب لكن دون جدوى وفي مخيلتهم تحية هيثم مصطفى لفوزي المرضي تحية الأبطال
واثق الخطوة يمشي ملكاً ..
أبلغ تشبيه يمكن أن أصف به هذا المشهد ..
وللمعلومية فقط أضيف إنو عملية التغيير اللي زي دي دوما ً المدربين العالميين بيقوموا بيها عشان يزيدو حماس الجمهور ويقوموا بي تحية القائد أفضل تحية وفيها عامل نفسي أكتر منه تكتيكي وفيها تكريم للاعب القائد فبدلاً من تحيته بعد المباراة وتكون تحية باهتة يفضل المدرب أن تحيي الجماهير القائد تحية الأبطال ورد الجميل ..
فهل أدت مفعولها مع العجب كما كانت مع هيثم ؟؟
إنها الفرحة المصطنعة ..

حالة هزيان اخري
اكثر من ثلاثه صفحات لموضوع مفروض يكون غير مهم بالنسبة ليك لكن حقد القلوب السوداء زي سكن الصاج
فرحتكم دايما لاتكتمل الا بهزيمة سيد سيدكم المصيبة انكم موهومون فريق رياضي عمره 77 عاما ولم يحقق اي انجاز خارجي لا كاس ولا شمومة خليكم عايشيين علي الوهم
انصرف يا وهم ل لكهلك العجوز الهلال ودعك من المريخ فنحن اعظم من يحددنا مثلك
الحمدلله نحن فرحانيين دائما المشكلة في الجنازة الساكنها 77 سنه وما ضغتوا للفرحة طعم.....
امشي غسل راسك بموية باردة واشرب قهوة تقيلة بعدين تعال يمكن توعي ل حجمكم الضيئل والرهيف ايها الموهومون الجدد
بعدين يا ود الخاله انت لو عندك فهم وما اظن... فوز المريخ علي كوارا مسالة عادية ما بتفرح فرح شديد باعتبار نتائج المريخ السابقة لكن نعمل شنو مع الناس المخها مخاط وشوفها مشوش وحقدها اعمي
ملحوظه اخيرة
اليوم هلالك لاعب حقو تتكلم عنو بدل الهبل البنجيبوا نفسك

حبابك ما غريب الدار ....

فيديو .. أهداف المريخ في كوارا يونايتد النيجيري

مبارة المريخ اما كوار والاستاد شبه خالي من المشجعين او كمال قال شيخنا عمر الفارغ اقصد عمر الفاروق

Quote: كان مشهد والله خرافي تقشعر له الأبدان وتدمع له الدموع ويا ريت يكون في زول مسجّل المشهد ده .. نفس المشهد تكرر بالأمس ولكن بسيناريو باهت بلا طعم ولا نكهة ولا رائحة وياريت لو في زول مسجّل المشهد ده وهو المشهد التاني..

يا ود الفاروق

تحياتنا ،،، وينك انت ،،،، بفتش ليك والله منذ مباراة الاهلى ،، واعتذر

واسميها مباراة ،، لانها كانت شئ فوق الخيال ما عارف اسميها ايه

على العموم ،،، خلينا من عوارا وكوارا ،، ودولفين وناس ما عارفين وصديق الموج

استحلف بالله ان تكتب لنا عن نصر الهلال ،، ارجوك رجاء خاص ،، هات لنا بكل

ما عندك لانك عشت الحدث بموقعه ،، ارجوك لا تخذلنى

Quote: وللمعلومية فقط أضيف إنو عملية التغيير اللي زي دي دوما ً المدربين العالميين بيقوموا بيها عشان يزيدو حماس الجمهور ويقوموا بي تحية القائد أفضل تحية وفيها عامل نفسي أكتر منه تكتيكي وفيها تكريم للاعب القائد فبدلاً من تحيته بعد المباراة وتكون تحية باهتة يفضل المدرب أن تحيي الجماهير القائد تحية الأبطال ورد الجميل .. فهل أدت مفعولها مع العجب كما كانت مع هيثم ؟؟ إنها الفرحة المصطنعة ..

الفاروق

تحليلاتك بقت زى قصائد اسمامة الخواض

ياخى والله جننتها جن...انا نفسى علقت على طلوع العجب يس كنت متوقع منو يتزمر لكن ضحك فى اخر لحظة واظاهر مناكفة تاج السر له نحست حظو... يا اخى الناس ديل كويسين خليهم يفرحو..
بس التاهيل بقى عند غيرهم...
عموما قلوبنا معهم...لكن الزول لو رضى بوضو بكون كويس لكن مهما دفعت من فلوس لا يمكن تشترى قلوب الناس ...لكن ايه رايك فى هدف كوارا

من اجل المريخ اتمنى نصر الهلال..تعرف ليه عشان يرتقى الى للابطال..

زولكم ده يا رشاشات!!!
يا مجنون !
يا !
غمران !!!
أحسن ليكم !
تدخلو الضل !!!

الفاروق الجميل ...
تحية واحترام ..
وحمد الله الف على السلامة ..
عندي ليك سؤال بس ياريت ردك يكون بلا او نعم ..

Quote: تتزكّروا لمن ريكاردو قام بي تغيير هيثم مصطفى في مباراة الأهلي القاهري في الخرطوم ؟؟ شفتوا هيثم حيّ الجمهور ده كيف ؟؟؟ متذكّرين جمهور الهلال ده عمل شنو ؟؟ شفتوا الجمهور ده حيّ هيثم ده كيف ؟؟ كل الإستاد وبي نفس واااااحد وبي حس واحد وصوت واااااااح وهو يصفق ردد: " سييييييييييدا ..سيييييييييييدا..سييييييييييدا" وهتفنا : الله فوق سيييييييييدا ..يا حلاة سييييييدا ".. كان مشهد والله خرافي تقشعر له الأبدان وتدمع له الدموع ويا ريت يكون في زول مسجّل المشهد ده .. نفس المشهد تكرر بالأمس ولكن بسيناريو باهت بلا طعم ولا نكهة ولا رائحة وياريت لو في زول مسجّل المشهد ده وهو المشهد التاني.. مدرب المريخ قام بتغيير اللاعب فيصل عجب قبل نهاية المباراة وحاول فيصل عجب تحية الجمهور .. التحية باااااااهتة تماماً .. تفاعل الجمهور كان أكتر بهتاناً ما فيهو أي نكهة ..

لوكانت المباراة بين الهلال و فريق موريتاني وقام المدرب بهذا التغيير , هل نفس المشهد كان حيتكرر ؟؟؟؟؟
وهل الفريق النيجيري ( كوارا )مثل الاهلي المصري ؟؟





كل كلامك ده بيتوقف على المباراة من حيث قوة المنافس وموقف الفريق في الروليت ..
اما عن هيثم مصطفى والعجب فصدقني مافي اي مقارنة وعندنا في المريخ اهم شى الاخلاق فقارن لتعرف .




وبجيك تاني اكيد ..
تحياتي يازول يارائع

صلاح قوش مدير جهاز الأمن يسير أربعة بصات لتونس لمساندة ...م الهلال بالدولار !!

الزعيم سيد البلد !!!!!!!!!!

في لوحة تانية المدرجات الخلفها مليانة أكتر من كدة يا على ....!!!!!!!!!

مافضل الا يجيبو واحدة مكتوب عليها ( الهــلال)

Quote: اليوم هلالك لاعب حقو تتكلم عنو بدل الهبل البنجيبوا نفسك

يا نيازي شفت المرجلة دي كيف؟؟؟
الهلال لاعب في بطولة الأندية الأفريقية ولأول مرة تكون مباراة أداء واجب ليس إلا ..
الهلال اللي لمن المجموعة دي أعلنها الإتحاد الأفريقي جيتو زغردتو وهللتو وكبرتو ليها وكتبتو فينا ما لم يكتبه مالك في الخمر ..
المجموعة القلتو لينا حا نكون فيها تلاقيط الفرق الباقية عشان يعملوا بينا نقاط ..
الهلال كان أول المتأهلين في ال8 فرق وخالف رجل فوق رجل يا طبطب يا دلّع ..
الهلال اليوم يواجه طيش المجموع وما هامّانا النتيجة فزنا بالثلاثة خسرنا بالخمسة فزنا بالثنائية خسرنا بالدستة تعادلنا زغنا نطّينا لعبنا بي سبعة لاعبين لعبنا بي الأشبال الهلال متأهل متأهل ..
لك الحمد يا الله وهلال العزة ينتزع نقاطه بيده ويكفينا شر السؤال لتدور الدوائر ويقع أخونا بعيوات العرضة جنوب في فخ الحسابات ..
الإسماعيلي يفوز على دولفين يقوم دولفين يتعادل مع كوارا تقوم كوارا تغلب الإسماعيلي يقوم المريخ يغلب دولفين تقوم القيامة ..
دولفين يتعادل مع كوارا المريخ يشتري الإسماعيلي (عفواً يفوز على الإسماعيلي) كوارا يغلب الإسماعيلي المريخ يغلب دولفين ودولفين يقع في فخ الفار المريخ يتأهل..
لالالالا كوارا يغلب شرارة وشرارة يغلب كلابالا وكلابالا يا جميل ..

عبد الماجد:

Quote: حبابك ما غريب الدار ....

غريب الدار..
إنت جميل جمال ودّار..
جميل جداً لكن غدّار..