روضة الحاج (اميرة الشاعرات) و قاب قوسين او ادنى من لقب امير الشعراء

هنيئا لروضة الحاج وهى الشاعرة الوحيدة التى تصل لنهائيات مسابقة امير الشعراء .هنيئا لكى وانت تتجازين المراحل المرحلة تلو المرحلة.
هى بلاشك فخر للسودان وفخر للنساء عامة ولنساء السودان بصفة خاصة. فقد وصلت الى النهائيات . وحق لهاذلك.
ومن تداعيات حلقة الامس :-

(نقلا عن موقع امير الشعراء)
ضوء روضة الحاج....


رابع متسابقي الأمسية فكانت الشاعرة روضة الحاج والتي جاءت قصيدتها بعنوان "ضوءٌ لأقبية السؤال" ذكر فيها الشاعر نايف رشدان أنها مؤثرة تعبر عن حقيقة صراع تعيشه الشاعرة رغم مكانتها الكبيرة في الحركة الشعرية، وهناك حيرة لضوء تفرغ إليه الشاعرة من خلال ذكر الدهاليز والأخبية، وقال د.صلاح فضل، إن الشاعرة تحمل خارطة مجسدة لعلاقة المرأة الشاعرة، فهي تجمع التضاد ولا تتحمل الذوبان فيه كما أنها تصور في إبداع نسيج الشراكة الزوجية وتقدم تجربة ذاتية بالغة الصدق والتدفق بمنظور شاعرة ثاقبة الرؤية لكنها تختزل الرجل في مجرد شهريار، وأشار د.علي بن تميم، أن روضة تسألت داخل النظام المفروض على البشر لتحريره من أصوله وتقرر التاريخ بدل أن تقع ضحيته وتحدد في نصها الأشكال والمفردات وشمال السودان عن جنوبه والمرآى عن المرايا وهو تنوع لفظي ، وأكد د.عبدالملك مرتاض على تناول الشاعرة في بنية عميقة مجموعة من القضايا والأسئلة الواقعية التي تشف عن صوت أنثوي ثائر هادر مكبوت حزين كما أن هناك استدعاء لصوت المرأة وذكائها ومكرها في لغة شعرية متألقة وتصوير فني بديع ووصف عنوان القصيدة بأنه أجمل العناوين في الأمسية، وذهب الفنان غسان مسعود إلى قدرة الشاعرة على إحكام النص وشموله على فكرة أنثوية منفتحة على الآخر وجمعها لأقطاب الكون لتكوين دراما الحياة.

سلامات يا روعة ...

أمبارح الحصل شنو ؟!! وليه ما أعلنو نتيجة الترشيحات ؟!!

في إشاعات كتيرة حول الموضوع دا .. وطبعا في أقاويل عن مؤامرة وكدة ..


عندك أي معلومة ؟؟!!!

الموامرة بدت بنفض الشاعر الفلسطيني .. وسوف تكون اكبر في المرحلة الاخيرة

نتمنى لها ان تكون اميرة الشعراء

روضة فخر لكل السودان

روضة لسان اهل السودان الذي هضم في كل المحافل
الأفريقية والعربية والدولية

روضة أمل مدهوسي السودان

لك التحية أختي الفاضل
سقطت التاء نأسف يا روعة

وفق الله روضة

خالد محجوب

اسفين واشد من شديد

متأسفين شديد

في الآخر الأمير حايكون كريم معتوق
و المسألة وضحت أمس عقب تأجيل عرض نتائج ترشيحات جمهور مسرح شاطىء الراحة
لمزيد من تسبيك الطبخة

Quote: لك التحية أخي الفاضل

يا خالد أخوي
روعة دي بنية
اي نعم بعشرة رجال لكن بنية
كدي شوف جنس الماجستير الياباني ده في زول صبقا عليهو؟؟؟

الاخ
ِALGARADABI
كلامك صاح والله عملوها ظاهرة شديد . بس زيتنا فى بيتنا
لكن بعد ده املنا فى الله وفى تصويت الجمهور خلال هذا الاسبوع كبير
*****
بى ماجستيرى بتاع اليابان ده قاعدة عاطلة لسة ما لامة لى فى شغل الم لى شوية قريشات. صور مقلوبة صاح (الحمدلله على كل حال)

الاخ خالد محجوب انا اول شفتها اسمك قايلاك خالد الصحافة

صحى فى شوية زمزغة حاصلة والحكام عملها ظاهرة الظاهر عليهم حسبوها قالوا اخير نضمن مقاعدنا دى نقعد فيها للمسابقة القادمة الامير بمشى وبجى.

...

بلامس حصلت رودا على اقل الدرجات من اللجنة حيث حصلت على 41 % لتتزيل قائمة المتسابقين..

الاخ هاشم

دى تصويت الحكام ويبقى تصويت الجمهور وارى ان نسبة روضة 41% ليست بعيدة من نسبة المعتوق وهى 47 % يعنى هذا النتيجة تمثل النصف ولسة فى نسبة الجمهور وانشاءالله الجمهور يقف مع رودا.

اهلين كلكم شرفتونا

الحلقة قبل الأخيرة من برنامج "أمير الشعراء" كانت بالامس الجمعة .

الشاعر الفلسطينى بعد نفضوا الجمهور انقذوا وعليه يكون المتنافسين الشعراء الستة المشاركون في مسابقة أمير الشعراء والمتأهلين من المرحلة الثانية للتصفيات النهائية، وذلك لساعة الحسم، وهم..

جاسم الصحيح(السعودية)

روضة الحاج(السودان)

محمد ولد الطالب (موريتانيا)

حازم التميمي(العراق)

عبدالكريم معتوق (الإمارات)

تميم ابرغوثى (فلسطين)

والذي تم اختياره بعد الكشف عن تصويت الجمهور له

الاخ ناذر مبروك العرس شوفتك فى تلفزيون النيل الازرق يوم العرس وقبلوا بى اسبوع (العروس ما شاءالله جميلة ربنا يحفظها ) اظنك لسه فى شهر العسل ليك حق تكون ما متابع الحاصل فى التلفزيون.

.

!!!!!!!!!!

Quote: بلامس حصلت رودا على اقل الدرجات من اللجنة حيث حصلت على 41 % لتتزيل قائمة المتسابقين..

رودا دي منو كمان ؟؟!!

يا هاشم ....

أملأ خشمك وأنفخ جضومك وقول رووووووضة ..!!!
مالك داير تجيب لي روحك المشاكل ياخ ؟!!!

ياناذر فى مشاركة جديدة لى حصلت نفسى وكان ختيتنى انت بفلفيلك دا عوجة ما بتجينى الا لكن طبظة وكشفتها للناس الله يجزى محنك
وبعدين ياصاحبة البوست امبارح حصلت دربكة والمذيع نقص متنافس وبعد الناس بدءات التصويت قال المرخج قال ليهو داخل فى التصويت واعاد قراءت الارقام مرة اخرى اعتقد ان الامر فيهو ان

Quote: دى تصويت الحكام ويبقى تصويت الجمهور وارى ان نسبة روضة 41% ليست بعيدة من نسبة المعتوق وهى 47 % يعنى هذا النتيجة تمثل النصف ولسة فى نسبة الجمهور وانشاءالله الجمهور يقف مع رودا.

وطبعا فى الشريعة للرجل مثل حظ الأنثيين, يعنى نسبة المعتوق 94%, ولا اقتنعتو نتطوير التشريع؟!!

Quote: وانشاءالله الجمهور يقف مع رودا.

الجمهور يقيف معاها وين؟, وهى كانت واقفة فى ياتو خندق فى الجنوب؟
هى كانت مع الجمعية التأسيسية؟ ولا مع الدبابة؟

الشاعرة روضة الحاج المجاهدة, هل اشعرت من وراء حجاب حسب الآية ورأى الشريعة, وإذا سألتموهن متاعا فسألوهن من وراء حجاب ذلكم أطهر لقلوبكم وقلوبهن, ولا خلعت حجاب الشريعة واشعرت من غير حجاب, وقال صلى الله عليه وسلم: ( إن المرأة عورة، فإذا خرجت استشرفها الشيطان) رواه الترمذي, ولا اقتنعت بتطوير التشريع

وده حديث, عن نبهان عن أم سلمة قالت : { كنت قاعدة عند النبي صلى الله عليه وسلم أنا وحفصة فاستأذن ابن أم مكتوم فقال النبي صلى الله عليه وسلم : احتجبن منه فقلت : يا رسول الله , إنه ضرير لا يبصر قال : أفعمياوان أنتما لا تبصرانه , } رواه أبو داود
ولا اقتنعتوا بتطوير التشريع..

لطفى

الاخ ازميل
Abu Eltybe
اول شكرا ليك على المرور والمشاركة ولو انو لا ادرى من مشاركة المعنى القريب ام المعنى البعيد
ولكن سوف احول ان اعلق على كلامك
والله كل الذى يعنينى ويهمنى من امر روضة اولا شعرها حقيقة هى شاعرة وتنساب منها الكلمات ندية وتجبرك على الاستماع لها والقراءة لها .
والامر الثانى انها بنت بلدى السودان بغض النظر عن توجهها السياسى او انا كانت لها مواقف سابقة ياخذها عليها الناس
وحقيقة انا ضد ان يكون المبدع والفنان مربوط بتنظيم او جهة معينة
وقديما قلت انا ضد ان يربط الفنان مصطفى سيداحمد بالشيوعية

فالفنان والابداع للجميع
وياليتنا لانضيق على انفسنا ونستمتع ونشجع الابداع اينما كان

واخيرا لك لطفى وزد عليها مودتى

روعه

بنقول سلامات

Abas

اهلينات
البركة فيك فى نسيبك الفنان العطبرواى وربنا يجبر كسركم.
شايفك زاتك اعتزلت الكتابة والنت فترة ياريت ترجع لمشاركاتك الثرة

كيفك وكيف الخور معاك

تشكري ياستي

وانشاء الله بينا اتصال

كل الود

Quote: الاخ خالد محجوب انا اول شفتها اسمك قايلاك خالد الصحافة

الفاضلة روعة
ازدات روعة أيامك .. خالد الصحافة مرة واحدة .. بس أنا سميت قبل منه
تصدقي بحب اسمع له كثير

مهما حدث من لجنة التحكيم سوف تظل روضة رياض لكل من نطق بالعربية
روضة ظهرت بمستوى لا ينكره رفاقها من الشعراء

صفق لها الشعب المورتاني الذي أعتبره يشرب ويأكل الشعر والكلم الجميل

عزانا المكانة التي أحتلتها في قلوب الكل من امتعوا سمعاهم بحلقات المسابقة

نقول لها وفقك الله بلبل بلادي المغرد ( بنت النيل )

ولك التحية روعة حتى تفصحي عن اسمك الحقيقي

خالد محجوب

الاخوة القراء الكرام

الله روضة دى نحنها مشجعنها قلبا وقالبا
و ياريت الناس تصوت بكل ما اعطيت من قوة وقدرة
الاخ خالد اسمى خالدة

كتبت عنها صحيفة الاهرام المصرية قبا اربعة ايام مقال رهيب ليتني حفظته

التحية لروضة اينما حلت

وصولها هذه المرحلة فوز ونجاح كبير لم يسبقها عليه أحد من شعراءتا

ررررررائعة كما النيل

Quote: الاخ خالد اسمى خالدة

طرب ربابو ( ومعناها بلغة الجْنْ هذا المرؤ كذابُ )

قول قول .. قول قول .. قول الحقيقة

لك التحية حتى تقري بالحق


خالد

القلب النابض
شكرا على المداخلة

ياريت تاتينا بهذا المقال .

Quote: روضة فخر لكل السودان روضة لسان اهل السودان الذي هضم في كل المحافل الأفريقية والعربية والدولية روضة أمل مدهوسي السودان

خالد.

ديل ياتو سودانين ديل؟

هل أنت تتحدث عن السودانين الذين كانت روضة الحاج تشجع الى قتلهم؟

لا لفوز هذا الانقازية روضة الحاج.


دينق.

Quote: روضة فخر لكل السودان روضة لسان اهل السودان الذي هضم في كل المحافل الأفريقية والعربية والدولية روضة أمل مدهوسي السودان

مش دي روضة بتاعة الميل اربعين ؟؟!!!

فلتذهب الى الجحيم هي وقصائدها

Quote: خالد. ديل ياتو سودانين ديل؟ هل أنت تتحدث عن السودانين الذين كانت روضة الحاج تشجع الى قتلهم؟ لا لفوز هذا الانقازية روضة الحاج. دينق.

الأخ الفاضل/ دينق
لك التحية والأحترام
بعيدة بيني وبينك المسافة فيما ذهبت إليه في تقيمك للشاعرة روضة الحاج.

أنا كما أحب شعر المتني رغم أنه عمد لمدح كافور وعاد فهجاه ... وكما أحب شعر الشاعر محجوب شريف الذي تغنى لنظام مايو الدكتاتوري .. وأحب شعر روضة الحاج رغم أنها تغنت للهاجس الذي ظل كثيرا على صدورنا الانقاذ دكتاتوري اس مليون .. روضة شاعرة وتمثل الآن السودان بعيدا عن تناحرنا الداخلي في محفل يجمع شعراء عددا وهي تمثل كل سوداني في هذا المحفل .. فلو كان معها شاعر سوداني آخر وحسب معيارك لم يتغنى في يوم للانقاذ لكان هناك معيار آخر علماً أن يكون هذا الشاعر في جمال كلم ما تنظمه روضة من اشعار أو يفوقها جمالاً .. أخي الفاضل أنا إنسان يعشق الشعر بعيد عن تناحركم وميلوكم السياسية .. وقد ذكرت من قبل ولا ضير أن أذكره مرة آخرى لقد كرهت حتى حرف السين لانه مكرر في كلمة ( سياسة ) وكرهت السمك والسجق والسبانخ والسليقة والسخينة وحتى السلج والسبروق.
أرجو أن تتفهم ما قصدت .. اني احب روضة لانها شاعرة وكلمها جميل لا كونها تغنت للانقاذ او شاعرة البلاط .. فمهما كانت لا يمكني ان انكر انها شاعرة وجميل كلمها

أرجو المعذرة لو كان كلامي قد مس مشاعرك ولو خدشا صغيرا ... ولك العتبى حتى ترضى اخي الفاضل دينق

لك التحية والاحترام والتحية لصاحبة البوست روعة

خالد محجوب

Quote: والامر الثانى انها بنت بلدى السودان بغض النظر عن توجهها السياسى او انا كانت لها مواقف سابقة ياخذها عليها الناس

شكرا يا روعة على ردك وطبعا حسن النية عندك متوفر, لكن كدى فكرى شوية هل النبى صلى اللة عليه وسلم كان حيقيف مع ابوجهل لانو من قريش ولا كان حيقيف مع بلال؟ او مع الحق اينما كان؟!! المسألة ما مسألة هلال و مريخ.. المسألة مسألة مبدائية.. وانك لا تجنى من الشوك العنب.. وان المنافقين فى الدرك الأسفل من النار..

لك تقديرى وما اثرته من اسئلة يحتاج لبوست لوحده

لطفى

المجرمة روضة الحاج كانت تدفع الشباب الشمالي الى قتل أهل الجنوب بأناشيد حماسية فهي لم تكن داعية سلام. مثل هذا الروضة يجب أن تعاقب أدبيا. أما قصة أنها تمثل السودان فهذا عزر أقبح من الذنب نفسه. كيف نسمح لمثل هذا الانسانة التي تحمس في الشباب لقتل الابرياء بأن تمثل السودان أصلا؟
فلتذهب روضة الحاج الى الجحيم وأتمنى له أن لا تفوز بأي جائزة أدبية في حياتها أبدا. أنها وصمة عار ويجب أن تعاقب أشد عقاب.


دينق.

بـل فـالـيـذهب من يرفـض روضــة الحـاج المـبدعـة السودانيـة
من الصعاليك و شواذ الآفاق الى الجحيم
روضة مبدعة و باقية و ابداعها اسطع من نور الشمس رضي منكري
النور- عن سقم- ام ابوا!

الى الأمام روضــة السودان..

إلى الأمام روضة الحــاج ..
فليستأسد عليك من يستأسد ..
من قتلو بالخنجر أو بالمدفع .. أو بالنصب والاحتيال .. من مزقو اجساد المناضلين وبلوزات الطالبات وعبثوا بشرفهن ..
الآن ..الان يجلسون في القصر .. ليطبل لهم .. عبيدهم هنــا وماسحي جوخهم ..

سيري روضة الحــاج .. ومزيدا من اعلام السودان .. وبيارق النصر لترفع في كل سارية وترفرف ..

روعة:
ما حققته روضة الحاج .. عجز عنه الكثيرين .. وهذا أمر طبيعي أن يتكالب عليها من يتكالب .. بالأمس هتفوا هنا بالفم المليان .. تسقط روضة الحاج وتفننوا في كتبابتهم .. فكان رد روضة .. ورد أخواتها واخوانها أن اكتسحت الجميع بثبات .. صفقت لها لجنة التحكيم .. وارتعب منها الكثيرين .. لا يضير، أن تحاك ضدها المؤامرات من اي لجنة كانت فقد تعودنــا على هذا النوع ,.. لكن ما يهمني انها اولا وأخيرا هزمت كل هذه الفئة المحبطة التي ترى الفيل وتطعن في ضله وتستأسد على روضة الحاج .. وينسون أنفسهم ..

الله ياروضة

الله .. الله

يا جماعة ختوا الكورة واطة جيتونى نمتها وقمتها لقيتكم جيتونى بعدكم وعتادكم
حا ارد عليكم بالجملة لانوا لو رديت قطاعى ذلك سوف يأخذ منى الجهد والوقت لا ابخل بهما عليكم لكن برضوا ماشة اقرا وارد على بوستات تانية نشوف الحاصل شنو و عشان ما يكون الزول اليوم كلوا قاعد فى البوست بتاعوا
ناس البورد ديل يكفيهم رب العالمين

اولا المعانا (رابطة مشجعى روضة الحاج)

ملكة سبا
سعد الين
تمبيس

اشكركم على مداخلاتكم وياريت ترسلوا مسجات انتم وكل من تعرفون حتى تحصل روضة على نسبة تصويت عالية.

ثانيا المع التانين (رابطة غير مشجعى روضة الحاج)
الاخوان ابو الطيب ودينق ومحمد ابوبكر
قالوا ياجماعة الكلام الطيب طيب
بعدين ياجماعة هى مسابقة شعر يعنى البهمنا فى الموضوع الناحية الادبية . قبلى كدا لو مدحت ولها هجت زيد ولها عبيد هذا لايمنع من تذوقنا لقطعها الادبية
لو ما عاجبكم الكلام بتاع الميل الاربعين والدبابين والدبابات ده عنده قصايد تانية فى الحب والغزل وغيره من ضروب الشعر
هى لم تقل قصيدة الميل اربعين وسكتت
بل بالعكس اشتهرت بقصائد اخرى كقصيدة ( فى موسم المد جزر جديد)التى استهلت بها ديوانها "عش للقصيد" . التى ارى عن نفسى ان هذه القصيدة هى قصيدة لم تكتب لا قبلها لا بعدها ابلغ واجمل منها.

وبعد ده ياليتكم تمنيتم و قلتم كما قال رسول الله ( لو اعز الله الاسلام باحد العمريين) . وله ما كدا يا ابو الطيب.
عموما شكرا على مداخلاتكم

الاخ يسرى مصطفى
شكرا ليك انك نزلتها قصيدة
بس ياراريت تنزل لينا قصيدة اخرى من قصايده وياريت لو بقت القصيدة الاخيرة "ضوء لااقبية السؤال"
لانوا قصيدة الميل الاربعين دى قاعدة تجيب المشاكل والتشابك بالايدىوالارجل والعصى
ونحنا ناس حساسين وما بندور المشاكل وبنريد القعدة الطيبة

روعة سلام شديد

Quote: رابع متسابقي الأمسية فكانت الشاعرة روضة الحاج (السودان) والتي جاءت قصيدتها بعنوان "ضوءٌ لأقبية السؤال" ذكر فيها الشاعر نايف رشدان أنها مؤثرة تعبر عن حقيقة صراع تعيشه الشاعرة رغم مكانتها الكبيرة في الحركة الشعرية، وهناك حيرة لضوء تفرغ إليه الشاعرة من خلال ذكر الدهاليز والأخبية، وقال د.صلاح فضل، إن الشاعرة تحمل خارطة مجسدة لعلاقة المرأة الشاعرة، فهي تجمع التضاد ولا تتحمل الذوبان فيه كما أنها تصور في إبداع نسيج الشراكة الزوجية وتقدم تجربة ذاتية بالغة الصدق والتدفق بمنظور شاعرة ثاقبة الرؤية لكنها تختزل الرجل في مجرد شهريار، وأشار د.علي بن تميم، أن روضة تسألت داخل النظام المفروض على البشر لتحريره من أصوله وتقرر التاريخ بدل أن تقع ضحيته وتحدد في نصها الأشكال والمفردات وشمال السودان عن جنوبه والمرآى عن المرايا وهو تنوع لفظي ، وأكد د.عبدالملك مرتاض على تناول الشاعرة في بنية عميقة مجموعة من القضايا والأسئلة الواقعية التي تشف عن صوت أنثوي ثائر هادر مكبوت حزين كما أن هناك استدعاء لصوت المرأة وذكائها ومكرها في لغة شعرية متألقة وتصوير فني بديع ووصف عنوان القصيدة بأنه أجمل العناوين في الأمسية، وذهب الفنان غسان مسعود إلى قدرة الشاعرة على إحكام النص وشموله على فكرة أنثوية منفتحة على الآخر وجمعها لأقطاب الكون لتكوين دراما الحياة.

من موقع انباء الشعر العربي

روضة الحاج ممتلئة شاعرية إلى حد التدفق.. إنها روضة من رياض الشعر وهبها الله للسودانيين علهم يشكروه.

فدوى
اهلين شديد
بركة الجيناكم وجيتونا
شكرا لزيارتك لينا هنا

يعنى لبدتى لى وله كيف
هههههههههههي
ياستى من موقع انباء الشعر العربى ما فى مشكلة
مرحب بيك

الأخت روعه

سلامات

قولك

Quote: وبعد ده ياليتكم تمنيتم و قلتم كما قال رسول الله ( لو اعز الله الاسلام باحد العمريين) . وله ما كدا يا ابو الطيب. عموما شكرا على مداخلاتكم

بس المشكلة هى بقت عمر التانى, عمر ابوالحكم فى الجاهلية, حكيم العرب, صار ابوجهل فى الأسلام.. وبرضو حسن النية مازال عندك متوفر ولكن حسن النية وحده لايكفى.

تقديرى

لطفى

اخوى ابو الطيب خت الرحمن فى قلبك وخليك متفائل انت ما تتمنى الحاجة السمحة جارى على ابو جهل مالك .
بعدين روضة دى ما قصرت وقالوا الواضح ما فاضح خليكم واضحين هى قدرت تحقق وتنجز وتصل مرحلة شعراء ومتشاعرين ما قدروا يصلوا ليها. صاح ولها ما غلط.
بعدين قالوا السترة والفضيحة متباريات هسع فضل اسبوع واحد للنهائيات استروا واقيفوا مع بنت بلدكم . لو شالت اللقب ولها جلت منو الوقف معاها وقف والاتفضح اتفضح
حسن النية برضك فى

اخ محمد الامين موسى شكرا على المداخلة قالوا : خير الكلام ما قل ودل.

ألأخت /روعة


شكرآ لهذا البوست..

ونأمل أن تفوز روضة الحاج..لآنها ببساطة تمثل السودان..


أتمنى يا روعة أن لابفقد هذا البوست روعته..

مودتى..

إسماعيل محمد أحمد عباس.............

Quote: معذرة حذفت قصيدة الميل أربعين لسوء فهم مقصدى التحية لجارتى فى كسلا روضة الحاج

يسرى معتصم

سلامات

المسألة مسألة مبدأ ولا مسألة جيرة؟ وبرضر رأيك مهم فى قصيدة الأربعين ميل! ممكن نعرف؟ ودايرين نعرف القصيدة حزفتها ليه؟

مع فائق تقديرى

لطفى

Quote: لعب هلال مريخ عشرات المرات فى كأس الإنقاذهل تركنا تشجيعهم

ابدا ما تركنا تشجيعهم.. لكن لم الميل اربعين يكون عبارة عن كورة بين اسلام وكفر حنوقف التشجيع وبنقيف مع الحق بلا خوف ولا وجل

لطفى

الأخ / لطفى
السلام عليكم ورحمة الله وبركاته
تم الحذف بناء على طلب صديق عزيز وأرسل لى الآتى
/////////////
السؤال :
هل صوت المرأة عورة‏؟‏


المفتي: صالح بن فوزان الفوزان
الإجابة:

نعم؛ المرأة مأمورة بتجنب الفتنة، فإذا كان يترتب على سماع صوتها افتتان الرجال بها؛ فإنها تخفيه‏:‏
ولذلك فإنها لا ترفع صوتها بالتلبية، وإنما تلبي سرًّا‏.‏
وإذا كانت تصلي خلف الرجال وناب الإمام شيء في الصلوات؛ فإنها تصفق لتنبيهه؛ قال صلى الله عليه وسلم‏:‏ "إذا نابكم شيء في صلاتكم؛ فلتسبح الرجال، ولتصفق النساء‏" ‏[‏رواه مسلم في ‏‏صحيحه‏]‏‏.‏
وهي منهية من باب أولى عن ترخيم صوتها وتحسينه عند مخاطبتها الرجال لحاجة؛ قال تعالى‏:‏ ‏{‏فَلا تَخْضَعْنَ بِالْقَوْلِ فَيَطْمَعَ الَّذِي في قَلْبِهِ مَرَضٌ وَقُلْنَ قَوْلًا مَّعْرُوفًا‏}‏ ‏[‏سورة الأحزاب‏:‏ آية 32‏]‏‏.‏
قال الإمام ابن كثير رحمه الله‏:‏ ‏"‏ومعنى هذا أنها تخاطب الأجانب بكلام ليس فيه ترخيم؛ أي‏:‏ لا تخاطب المرأة الأجانب كما تخاطب زوجها‏".

الاخ يسرى صوت المرأة عورة اذا ارادت به ذلك . اى انما الاعمال بالنيات ولكل امرئ مانوى.
و عندك نساء كتار زمن الرسول (ص) كانوا يخطب فى الجمع .
والسيرةالنبوية ملانا بالامثلةوالقراءن فيها دلالات عى ان المرأة لها ان تتحدث وتجادل كيفما شاءات .
قال تعالى (قد سمع الله قول التى تجادلك فى زوجها....الخ الاية ) سورة المجادلة الاية 1.
الله العلى القدير سمع صوتها. الرسول الكريم . ومن بعده عمر بن الخطاب .

كمان بعد ده
ناس زعيط ومعيط كمان يجوا يتفلسفوا يقولوا صوت المراة عورة وما نسمعوا
عموما ده موضوع تانى يمكن يتفتح ليهوا بوست لوحدة للفائدة العامة . بس الكلام جاب الكلام زى ما بيقولوا.
وشكرا ليك .
طلب بسيط:-
لو سمحتها نزل لينا قصيدة تانية غير الاربعينية دى لو عندك

روضه شاعره
ولكن ليست اشعر الناس
زمان كنا ندرس اشعار سامى البارودى والشابى على قدم وساق مع اشعار التجانى وجماع فما كنا نلقى لاوطان اين منهم بالا.....
وما ضجيجكم هنا من يرفع شاءن روضه لانها سودانيه .. ومن ييقلل من شاءنها ايضا لانها سودانيه ذات اتجاه سياسى
وجارى المورتانى عندما سالته اقر برغبته للتصويت للمشارك المورتانى دون ان يسمع بيت شعر واحد لا من الموريتانى ولا السودانيه روضه........
والمسابقه عباره عن تكريس للعنصريه والجهويه وحتى القبليه
فمن منكم يعرف لابوالطيب بلد او ابو نواس قبيله
والفائز فى تلك المسابقه من له قوم يصوتون له بكثافه.. ومافى سودانى حيصوت لى فلسطينى
وصدقونى لو جاء صينى واشترك فى المسابقه لفاز بالمركز الااول ... فعدد سكان الصين ربع سكان العالم
روضه كوزه .. والكيزان قد تبراء الشيطان من افعالهم ( قال ابليس زاتو ما عمل كده )
لكن لا ينقص هذا شيئا من شاعريتها ...
فهى بحق شاعره ولكن ليست اشعر الناس

الاخ يوسف الولى ما خلاص الزمن الفات ده فات . بعدين انت داير تعيش زمانك وزمان غيرك كل زمن بشعرائه . ما حنقيف بس على اطلال الجماعة الفاتوا ديك . بعدين زمان لا كان فى فضائيات لا انترنيت لا تلفونات . هسع دى الطرق المباح لينا وفى واقع اتفرض علينا . بعدين قالوا ليك زمان احمد شوقى دى لقبوا ناس الملك فاروق كان صاحب الملك زاتوا يعنى اخير هسع فى شوية عدل وتصويت وكدا.

و جارك المورتانى لو ما سمع نحنا سمعنا. وانا القدامك دى واحدة من الناس لمن كان اسبوع تميم البرغوثى عشان يصوتوا ليهوا صوتها ليهوا.

بعدين انت مابتدعى للعنصرية وتجى تقول روضة دى كوزة
طيب شعراء الجاهلية الزمان ديل ما كانوا وثنيين ومنهم كفار عديل مالك قريت ليهم .

المهم فى الموضوع الناحية الادبية من الموضوع ده كلوا.

اخيرا
شكرا على المرور والمشاركة

كيفك Ro3ah
وأقول كما قلت

Quote: هنيئا لروضة الحاج وهى الشاعرة الوحيدة التى تصل لنهائيات مسابقة امير الشعراء .هنيئا لكى وانت تتجازين المراحل المرحلة تلو المرحلة. بلاشك فخر للسودان وفخر للنساء عامة ولنساء السودان بصفة خاصة.

جوهر الموضوع هى فخر للسودان

كل التقدير روعة

Salama

شكرا على المرور والمشاركة

بعدين ياجماعة
ارجعوا واقروا عنوا ن البوست ده تانى
يعنى القصة كلها تحصيل حاصل
انا كتبتها (روضة اميرة الشاعرات ) ودى فعلا الحصل هى المرأة الوحيدة الوصلت للنهائيات .
وقاب قوسين او ادنى من لقب امير الشعراء ودى برضوا حاصل لانهم فضلوا 6 بس يعنى وصلت المربع الذهبى بلغة ناس الكورة او المسدس هنا بمعنى اصح. بعد ده لو فاز تميم وله كريم ولها غيروا هى ما قصرت وحققت نجاح لحدى المرحلة دى ورفعت رايه ناس كتار غلبن يصلوا ليها.
هى كوزة ولها موزة دى ناحية فكرية وتوجه سياسى بهمها هى ما عندوا علاقة بالشئ الحاصل . بس قالوا الناس فى شنوا والحسانية فى شنوا . الحكاية ومافيها مسابقة شعر ما مسابقة سياسة .

هاهاهاهاهاهاهاها

بقيتي تختي الكورة واطه

انا شخصيا من اللابدين في الكنبه

قاعد اعاين

بعيوني

Abas

شكرا على المداخلة مرة اخرى .
شكلك كدا جنك كورة بس ما نجيب سيرة الكورة تجينا بصوررتك . اظنك هلالابى على السكين (رشاشات ).

بس كمان برضك الشعر مهم لا يقل اهمية عن الكورة .ولها ماكدا.

Quote: بـل فـالـيـذهب من يرفـض روضــة الحـاج المـبدعـة السودانيـة من الصعاليك و شواذ الآفاق الى الجحيم

الأخ سعدالدين عبدالرحمن

احترامى وتقديرى لشخصكم مع عدم احترامى لما خطه قلمكم, فمثل هذه العبارات لا سوق لها فى المنابر الحره, فهى سلعة بائره, ارجو لك مخلصا ان ترتفع لمستوى النقاش والا فالصمت احسن... عن الحسن عن ابى الحسن عن جد الحسن ان احسن الحسن الخلق الحسن.

تقديرى

لطفى

Quote: اخوى ابو الطيب خت الرحمن فى قلبك وخليك متفائل انت ما تتمنى الحاجة السمحة جارى على ابو جهل مالك .

الأخت العزيزة روعة

تحياتى

كما قلتى انتى فى الحديث النبوى اللهم انصر الأسلام بأحد العمرين..
فأحدهم سيدنا عمر بن الخطاب وحقت النبوة هنا
والثانى عمر بن الحكم الذى صار ابوجهل لاحقا لانو فاز بيها ابن الخطاب
انا جارى لابو جهل لأنها هى عداءة الأميال وبالذهبيه (40 ميل)

تحياتى

لطفى

Quote: الأخ / لطفى السلام عليكم ورحمة الله وبركاته تم الحذف بناء على طلب صديق عزيز وأرسل لى الآتى ///////////// السؤال : هل صوت المرأة عورة‏؟‏ المفتي: صالح بن فوزان الفوزان الإجابة: نعم؛ المرأة مأمورة بتجنب الفتنة، فإذا كان يترتب على سماع صوتها افتتان الرجال بها؛ فإنها تخفيه‏:‏ ولذلك فإنها لا ترفع صوتها بالتلبية، وإنما تلبي سرًّا‏.‏ وإذا كانت تصلي خلف الرجال وناب الإمام شيء في الصلوات؛ فإنها تصفق لتنبيهه؛ قال صلى الله عليه وسلم‏:‏ "إذا نابكم شيء في صلاتكم؛ فلتسبح الرجال، ولتصفق النساء‏" ‏[‏رواه مسلم في ‏‏صحيحه‏]‏‏.‏ وهي منهية من باب أولى عن ترخيم صوتها وتحسينه عند مخاطبتها الرجال لحاجة؛ قال تعالى‏:‏ ‏{‏فَلا تَخْضَعْنَ بِالْقَوْلِ فَيَطْمَعَ الَّذِي في قَلْبِهِ مَرَضٌ وَقُلْنَ قَوْلًا مَّعْرُوفًا‏}‏ ‏[‏سورة الأحزاب‏:‏ آية 32‏]‏‏.‏ قال الإمام ابن كثير رحمه الله‏:‏ ‏"‏ومعنى هذا أنها تخاطب الأجانب بكلام ليس فيه ترخيم؛ أي‏:‏ لا تخاطب المرأة الأجانب كما تخاطب زوجها‏"

الأخ العزيز يسرى معتصم

تحياتى

صاحبك العزيز ده ما عمل فيك خير.. وحأجيك راجع ان شاءالله للموضوع ده تانى عشان اوريك ناس الفتاوى ديل شنو وعلاقتهم بالسلطان شنو منذ الفتنة الكبرى وحتى اليوم ما عندهم مواقف مشرفه.. هؤلاء يأكلون الدين بالدنيا ويستبيحون اموال اليتامى واموال توتو كوره.. لاحقا ان شاءالله

لطفى

يا اخوى يا
ِAbu Eltybe
الظاهر عليك انت زول بتاع حجج
يفكك الحله بالله اخ سعد الدين.

شكرا جزيلا

Quote: يا اخوى يا ِAbu Eltybe الظاهر عليك انت زول بتاع حجج يفكك الحله بالله اخ سعد الدين. شكرا جزيلا

الأخت روعه


هل قرأتى ما خطه قلم الأخ سعدالدين؟, ما رأيكم؟
وايضا لك شكرى وتقديرى

لطفى

الأخ ابوالطيب

Quote: فمثل هذه العبارات لا سوق لها فى المنابر الحره, فهى سلعة بائره, ارجو لك مخلصا ان ترتفع لمستوى النقاش

بل مثل هذه العبارات هي ماء وهواء هذا المنبر و عملته الصعبة
جاءت مداخلتي التى اوردتها اعلاه في الرد تحديدا على
من يقول : فالتذهب روضـة و شعرها الى الجحيم.
لا نملك لهم سوى هذا النوع من الخطاب لأن قلة الادب ما بقروش!
فلا تنزعج بها إن لم تكن قلت مثلهم.



و الى الامام روضـة السودان

Quote: بعدين انت مابتدعى للعنصرية وتجى تقول روضة دى كوزة طيب شعراء الجاهلية الزمان ديل ما كانوا وثنيين ومنهم كفار عديل مالك قريت ليهم . المهم فى الموضوع الناحية الادبية من الموضوع ده كلوا. اخيرا شكرا على المرور والمشاركة

يبدو ان كلمه كوزه لديها حساسيه عاليه عندك
حقيقه لم اهتم بانتماء ها السياسى او الفكرى .. فهى شاعره ( كوزه ولا ما كوزه دى ما مشكله ) ولكنها ليست اشعر الناس ( العباره دى رددتها مرتين )
واذا كنا نريد ان نواكب الزمن كما طلبتى منى فلماذا تتم المسابقه بالغه العربيه الفصحى والشعر المقفى والوزن وووو والكلام ( الفارغ ) الكان بيعملوه ناس زمان قبل ما الناس تبقى سودانين و سعودين ومريتانين
اما شعراء الجاهليه هم شعراء ظهرو فى فتره جاهليه دينيه وليست ادبيه وروضه والشعراء الباقون ( لاحظى ختيتها مع الشعراء عشان فى كلمه كوزه جايه بعد شويه ) قلت روضه والشعراء الباقون يجتهدون لكى يصلو لفصاحتهم ويكتبو شعرا مثلهم
الموضوع ادبى زى ما قلتى وروضه كوزه ( الكلمه جات ) وعبد الخالق شيوعى والبعثين عندهم شعراء ( بالمناسبه ما سمعته بانو ناس الامه عندهم شاعر )
يا عزيزتى لا تدعى كلمه كوزه تلك تعميك عن باقى الاسطر
واسمحى ان اقول لك بانن الحلقه القبل الاخيره برهنت بوضوح ان روضه شاعره ولكن البرغوثى اشعر منها
لن تنال روضه الجائزه...ولا حتى من هو اشعر منها سوف ينال تلك المليون درهم .. لن ابوح باسمه حتى لا افسد المفاجاءه
واخيرا
شكرا على تكبد المشاق فى الرد على مداخلتنا الادبيه ( الشفتوها سياسيه )

اخوى يوسف الولى
المصريين بيقولوا ( يا خبر اليوم بفلوس باكر يبقى ببلاش)

بكرة الجمعة دى بتتضح الروية ونشوف الفائز.
كلامك كويس.
شكرا ليك .

اليوم موعدنا مساء .يا خابت يا صابت . الله كريم