Post: #1
Title: حلفتك يا قلبي خليهو الغرام ** الوصية** الفنان عمر جعفر
Author: Haytham Abdulaziz
Date: 09-01-2007, 04:23 AM
حلفتك يا قلبي حلفتك بربي خليهو الغرام
إتنكر لحبك وريهو الخصــــام
ليه تتهان يا غالي ليه والذل حرام
تتعذب لوحدك ليل والناس نيام
إن جاك يوم يصالحك قول ليهو الكلام
أوع يعـود حنينك و ترد السلام
أوع يا قلبي تنسى في لحظة الوصية
أنا عرفك حنين بتشمت عليــا
أوع يا قلبي تنسى أوع يا قلبي
حلفتك يا قلبي الخانك تخونو
والفايت غرامك أوعك يوم تصونو
وزي ما بكى عيني سهر لي عيونو
أوع تقولي تاني ما بنعيش بدونو
أيه في الحب لقيناغير همّو وشجونو
أوع يا قلبي تنسى أوع يا قلبي
حلفتك يا قلبي حملتك أمانة
الفاتك عهودو ما تبكي عشانة
حلفتك تقول لي إيه آخرة بكانا
الدنيا الجميلة والحزن الحدانا
الطير في غصونو الساجعة في حنانا
كل الناس تغني ليه نحن الهم طوانا
ليـــه ... لــيه يا قلبي لــيه
ليه يا قلبي ليه قول لي بأمانة
أوع يا قلبي تنسى أوع يا قلبي
أوع يا قلبي تنسى في لحظة الوصية
أنا عارفك حنين بتشمت عليــا
أوع يا قلبي تنسى أوع يا قلبي
|
Post: #2
Title: Re: حلفتك يا قلبي خليهو الغرام ** الوصية** الفنان عمر جعفر
Author: Haytham Abdulaziz
Date: 09-02-2007, 09:43 PM
Parent: #1
وييين النــاس السميعـة و الذواقــة .... يا أخــوانا الشــاب دا ما عجبكم في أداء الأُغنية دي و لا شنووو؟
|
Post: #3
Title: Re: حلفتك يا قلبي خليهو الغرام ** الوصية** الفنان عمر جعفر
Author: ياسر الامير ابوجكة
Date: 09-02-2007, 10:40 PM
Parent: #1
ياحبيبو ،،،، كلك روعة
الناس ما نست الزمن الجميل ،،،وأصبحنا نسمع الهابط لانو طرب خمجان
ولكن تسلم أناملك الرقيقة في البحث الجميل والتطريب الذوق
لنا لقية
ود الامير
|
|