Post: #1
Title: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: على محمد على بشير
Date: 08-30-2007, 03:17 PM
Parent: #0
مدير جهاز الأمن يسير أربعة بصات لتونس لمساندة الهلال
أعلن الفريق مهندس صلاح عبدالله قوش مدير جهاز الأمن والاستخبارات عن دعمه اللامحدود للهلال في مشواره الافريقي وسلم الاستاذ عماد الطيب رئيس بعثته إلى طرابلس مبلغ 10 الف دولار نقداً دعماً منه لمسيرة الهلال ويعتزم سيادته تسيير أربعة بصات براً من ليبيا إلى تونس مع التكفل بتذاكر المشجعين لمناصرة الهلال في مباراة الترجي التونسي.. وقد وجدت هذه المبادرة المتفردة صدى طيباً في اوساط البعثة الهلالية.
|
Post: #2
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: Elbagir Osman
Date: 08-30-2007, 03:22 PM
Parent: #1
إذا صح
فهو تملق لجماهير الهلال
من يد ملوثة بدماء أبناء السودان
ومااااااااا بنفع
ثم
من أين لصلاح غوش هذه الأموال
لو صرف مدير الـ CIA آلاف الدولارات بهذه الطريقة
لسئل عن مصدرها سؤالا عسيرا
الباقر موسى
|
Post: #3
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: وليد محمد المبارك
Date: 08-30-2007, 03:25 PM
Parent: #2
الراجل طلع رشاشة
يخس عليكم يا هلالاب
|
Post: #4
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: على محمد على بشير
Date: 08-30-2007, 03:58 PM
Parent: #2
Quote: إذا صح
فهو تملق لجماهير الهلال
من يد ملوثة بدماء أبناء السودان
ومااااااااا بنفع
ثم
من أين لصلاح غوش هذه الأموال
لو صرف مدير الـ CIA آلاف الدولارات بهذه الطريقة
لسئل عن مصدرها سؤالا عسيرا
الباقر موسى |
الاخ الباقر موسى
تحيه على المرور والمشاركه
لقد جاء فى اخر الخبر الاتى : -
Quote: وقد وجدت هذه المبادرة المتفردة صدى طيباً في اوساط البعثة الهلالية.
|
|
Post: #7
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: على محمد على بشير
Date: 08-30-2007, 04:20 PM
Parent: #4
Quote: الراجل طلع رشاشة
يخس عليكم يا هلالاب |
|
Post: #21
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: على محمد على بشير
Date: 09-01-2007, 06:37 AM
Parent: #4
*
|
Post: #5
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: Elbagir Osman
Date: 08-30-2007, 04:06 PM
Parent: #1
إذا فرحت البعثة الهلالية..
ماذا عن الجماهير الهلالية؟
هذه الأموال من يد ملطخة بدماء سودانيين شرفاء
بعضهم معنا في هذا المنبر!!
ولا يزال السؤال:
من أين له آلاف الدولارات هذه؟
الباقر موسى
|
Post: #6
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: Ahmed Alrayah
Date: 08-30-2007, 04:09 PM
Parent: #1
خلاص يا علي بشير؛ الهلال ده ما قدرتو عليهو قلتو تمسـّـكو فيهو المناضلين؟!
خبرك ده احتمال يلحـّـق الهلال روضة الحاج!
_______________________________
ناقص بس كان تضيف: وأكد الهلال دعمه للمؤتمر الوطني في مواجهة قوى الصلف والاستكبار
|
Post: #8
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: على محمد على بشير
Date: 08-30-2007, 04:51 PM
Parent: #6
Quote: خلاص يا علي بشير؛ الهلال ده ما قدرتو عليهو قلتو تمسـّـكو فيهو المناضلين؟!
خبرك ده احتمال يلحـّـق الهلال روضة الحاج!
_______________________________
ناقص بس كان تضيف: وأكد الهلال دعمه للمؤتمر الوطني في مواجهة قوى الصلف والاستكبار |
احمد الريح
ياخ مشاقين عديل كدا
وبعدين يا احمد الخبر دا منشور فى الجرايد الصادره اليوم
وانا ما اضفت اى حاجه من عندى
وبعدين صلاح قوش مالو
ما هلالابى وبيدعم الفريق الذى يشجعه
|
Post: #9
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: kamalabas
Date: 08-30-2007, 05:13 PM
Parent: #1
الهلال غني برجالاته وجماهيره علي الدولة أن كانت تسعي لدعم الهلال حقا
أن تعمل علي أعادة أراضيه المنتزعة ......
وعليها أن كانت تسعي لدعم الرياضة حقا أن تعييد ميادين وملاعب الروابط
والاحياء التي صادرتها وأن تكف عن ا لاستيلاء علي الملاعب
وأن تقلل الجمارك علي مدخلات الرياضة ومعداتها وأن تدعم الاندية بأن تلغي
الضريبة علي التذاكر حتي يرتفع عائدالاندية وأن تكف عن التدخل في
أهلية الحركة الرياضية....
وأن تدعم الفريق الوطني وتقيم له المعسكرات الخارجية والتدريب الجيد
بدلا عن الارتجال ولملمة الفريق قبل أيام من قيام المباريات وأن تدعم
الناشئين والفرق السنية ولايفوتني هنا أن أرفد هذا البوست بأفادة
للدكتور شداد ينعي علي الدولةالقصور في دعم الرياضة
Quote: .......Alsahafa
2007/01/21
بعد فتوى شيخ الأزهر
د. شداد يطالب بعودة «توتو كورة»
قال دكتور شداد في المؤتمر الصحافي الذي عقده امس ان الدولة مقصرة في دعم الرياضة خصوصاً المنتخبات الوطنية وإذا استمر الحال على ماهو عليه فإني اقترح عليها إعادة «توتو كورة» مرة أخرى لأنها تحقق عائداً مادياً كبيراً لكرة القدم وقال عند زيارتي الاخيرة لمصدر تلقيت فتوى من شيخ الازهر تفيد بجواز «توتوكورة» واستند على انها تأتي نتيجة للتفكير والتقدير لذلك لا مانع منها وقال شداد ان الذي طلب الفتوى هو السباح المصري ابو سيف. |
Re: مباراة الأهلي و الهلال في سوق القمار العالمي
أما قوش فنقول له أن كنت تريد خيرا بالهلال فأبعد عنه ولاتركب موجة
أنتصاراته أو تحاول تسويق وتلميع آجهزتك الامنية بالتظاهر بدعم الهلال
000بعدين صلاح قوش ذاتو تلقاهو مريخابي مندس ساكت.. عامل فيها بدعم في
الهلال!!!!!!
كمال
|
Post: #10
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: على محمد على بشير
Date: 08-30-2007, 05:20 PM
Parent: #9
Quote: وعليها أن كانت تسعي لدعم الرياضة حقا أن تعييد ميادين وملاعب الروابط
والاحياء التي صادرتها وأن تكف عن ا لاستيلاء علي الملاعب
وأن تقلل الجمارك علي مدخلات الرياضة ومعداتها وأن تدعم الاندية بأن تلغي
الضريبة علي التذاكر حتي يرتفع عائدالاندية وأن تكف عن التدخل في
أهلية الحركة الرياضية....
وأن تدعم الفريق الوطني وتقيم له المعسكرات الخارجية والتدريب الجيد
بدلا عن الارتجال ولملمة الفريق قبل أيام من قيام المباريات وأن تدعم
الناشئين والفرق السنية |
وااله ياكمال عباس
الجزء دا من مداخلتك قوى وفى الصميم
وليت الدوله فعلت ماجاء فى حديثك
وان اثمن كلامك هذا
Quote: 000بعدين صلاح قوش ذاتو تلقاهو مريخابي مندس ساكت.. عامل فيها بدعم في
الهلال!!!!!! |
|
Post: #11
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: kamalabas
Date: 08-30-2007, 07:52 PM
Parent: #1
شكرا ياعلي
|
Post: #12
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: Ahmed musa
Date: 08-30-2007, 08:15 PM
Parent: #1
Quote: الراجل طلع رشاشة
يخس عليكم يا هلالاب |
ده تغويص ياعمك !!!
عمرك شفت ليك امنجي صدق في إنتماءه
ده مؤشر وإشارة إلي أنوا صهيوني {لط}
|
Post: #16
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: على محمد على بشير
Date: 08-31-2007, 02:53 PM
Parent: #12
| Quote: ده تغويص ياعمك !!! |
غايتو يا احمد يا ود موسى
تعليقك دا اثبت لى انو الخبر دا وجعك خالص
|
Post: #13
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: Elmuez
Date: 08-30-2007, 10:05 PM
Parent: #1
الإنتخـابات ... الإنتخـابات
أصحـوا يا بريشـاب !!!
أوقفوا الإستهـانة بتنظيمات الجبهجية فهم لم و لا و لن يعيروا صرخاتنا أدنى اعتبار أو معنى ..
ربما أراد صلاح قوش أن يسحب البساط من البشير مستقبلا .. باللتي هي أسهل !
جهزوا نفسكم لدعومـات حكومية/إنتخابية قادمة للكثيرين في مختلف المجالات
و المريخ ظااااتو يجهز نفسه للدعم .. ده لو سوا ليهو إنتصاراتا و بطولاتا تستحق يركب موجتها صلاح قوش !
و خلونا إحنا في : أحسن نجيلة المريخ ولا الهلال , و الشاشات الإلكترونية عند منو .. و زريبة العيش وو ....
بعدين الخبر ده ما عندو مصدر ?!
|
Post: #14
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: tmbis
Date: 08-31-2007, 11:06 AM
Parent: #13
Quote: والمريخ ظااااتو يجهز نفسه للدعم .. ده لو سوا ليهو إنتصاراتا و بطولاتا تستحق يركب موجتها صلاح قوش !
وخلونا إحنا في : أحسن نجيلة المريخ ولا الهلال , و الشاشات الإلكترونية عند منو .. و زريبة العيش وو ....
بعدين الخبر ده ما عندو مصدر ?! |
يدعموهو أكتر من كدا كيف يا معز .. ؟
والله بعد كدا جمال الوالي .. إلا يشتري ليهم طيارة ( رش )
طبعا عشان ( يرشو ) بيها .. نجيلة ( الرشاشات )
عشن يجو كمان يقولو ليك:
والله نحن كتلنا ليكم الباعوووضة بتاعتكم .. وجبنا ليكم الشبكات .. وولعنا ليكم اللمبات، حتين قدرتو تغلبو الأهلي تلاتة وترقصو الحضري على واحدة ونص ..
مصدر شنو يا معز..؟
ياخي في واحد قبل كم يوم قال عيسى حياتو قال ما كورة الهلال والأهلى ح تتلعب بدون جمهـور عشان خايف قال جماهير الهلال ترقص الحضري .. برضو على الواحده ونص ..
أقول ليك حاجة ..؟!
في واحد قال:
الهـلال زاتو ما صاعد وحيات الخــوة ( ياهنداك ) البوست بتاعو مشرور والرشاشات ( كاردنو ) وهو عــامل نايم..
غايتو ياعلي سمعت تحت تحت كدا إنو الهلال انسحب عشان ما يلاقي الترجي ..
أهــا:
شيل الخبـر دا .. وملين أحمـــر ما عايزو منك..
قصرت معاك..؟
|
Post: #15
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: على محمد على بشير
Date: 08-31-2007, 02:50 PM
Parent: #14
Quote: غايتو ياعلي سمعت تحت تحت كدا إنو الهلال انسحب عشان ما يلاقي الترجي ..
أهــا:
شيل الخبـر دا .. وملين أحمـــر ما عايزو منك..
|
هو انت مقصر من الليله والا من امبارح !
|
Post: #18
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: على محمد على بشير
Date: 08-31-2007, 03:01 PM
Parent: #17
|
Post: #19
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: ثابت محمد
Date: 08-31-2007, 04:51 PM
Parent: #1
علي محمد علي
سلااااام
قبل مدة فتحت بوست بتاع الحكم الجزائري
Quote: سؤال عام ، لكل الناس
ليه انتو ناس الحكومة( ومؤيديها ) ديل مريخاب ؟؟؟؟ |
جااني ليك أخونا ( رقم صفر ) ناطي ووجه لي السؤال أعلاه
واليوم أسأله عن رأيه ..قوووووش عديل قلت لي ؟؟ وفي الصحف
بيني وبين نفسي ( ماكتبتها ليهو ) قلت مادام رقم صفر لازم يشجع نادي الصفر الدولي
قلت لي قوش وبصات ودولارات ؟؟ مخابرات والله
|
Post: #20
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: على محمد على بشير
Date: 08-31-2007, 05:59 PM
Parent: #19
| Quote: جااني ليك أخونا ( رقم صفر ) ناطي |
هو ياثابت
اخونا رقم صفر دا متعود ينط وبالجوز كمان
انا قبلك فتحت بوست غاضب للذين يحاولون تشويه سمعة المريخ وللذين يخرجون عن الحلق
الرياضى القويم .. جانى رقم صفر دا ظاااطو .. جانى ناطى جوز فى البوست وقال لى اعمل
لينا احصائيه وشنو كدا ما عارف وانو انتا زى الكيزان فى الاركان والبمبان وحاجات
كتيره كدا
قمت قلت ليهو يازول قول بسم الله وامشى راجع بوستات كل المريخاب المفتوحه عقب كورة
الهلال والاهلى وستجدنى قد رديت رد معقول دفاعا عن ابو الهل وبعد دا كلو جبيت ليهو
روابط البوستات زى ماهو طلب وعملت ليهو اكوات من ردودى
وقلت ليهو دا ما قصدنا من البوست دا القصد هو استخدام لغه يعف اللسان عن زكرها ضد
المريخ وقادته وتفريغ انتصاراته من جهد رجالاته وعرق ابناءه ونسبهل للمال والدولار
وجبت ليهو كميه من الكوتات وسالته عن رايه وسالته هل سبق وان استنكرت انت مثل هذه
الكتابات قبل ان تاتى وتستنكر كتابات المريخاب التى لا تعدو كونها مناكفات ومكايدات
رياضيه .....
ووالله ياثابت من يوم سالتو السؤال دا لليوم ماشفته تانى
لا ناطى جوز ولا خاتى الكوره فى الواطه
|
Post: #22
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: ثابت محمد
Date: 09-01-2007, 10:01 AM
Parent: #1
UP
للتوثيق 
أو إلى أن يتكرم أحد بني الأزرق بإعطاء إجابة واضحة للسؤال
مارأيكم في دعم* صلاح قوش للهلال ؟؟
* دعم مركّز : دولارات .. حافلات نقل .. عشاء فاخر
وربما معلومات وكورسات عن كيفية تعذيب الخصم
ننتظركم ونرجو الإجابة المباشرة
|
Post: #23
Title: وجمال الوالي دة كان حزب أمة؟؟!!
Author: lana mahdi
Date: 09-01-2007, 10:07 AM
Parent: #1
طبعاً جماهير الهلال لم و لن تكون مبسوطة بعطايا قوش المشبوهة!
لاكين كدي يا مريخاب مسعولين من الخير:جمال الوالي دة كان حزب أمة أمانتن في ذممكم ؟؟؟!!!!
ياربي دة كيل بي كم مكيال؟@@@
|
Post: #25
Title: Re: وجمال الوالي دة كان حزب أمة؟؟!!
Author: على محمد على بشير
Date: 09-02-2007, 08:36 AM
Parent: #23
Quote: لاكين كدي يا مريخاب مسعولين من الخير:جمال الوالي دة كان حزب أمة أمانتن في ذممكم ؟؟؟!!!!
|
لا يا لنا
جمال الوالى جعلى من حوش بانقا بس
|
Post: #24
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: ثابت محمد
Date: 09-01-2007, 10:24 AM
Parent: #1
Quote: طبعاً جماهير الهلال لم و لن تكون مبسوطة بعطايا قوش المشبوهة!
لاكين كدي يا مريخاب مسعولين من الخير:جمال الوالي دة كان حزب أمة أمانتن في ذممكم ؟؟؟!!!!
ياربي دة كيل بي كم مكيال؟ |
لنا مهدي الأنيقة
كيف الحال .. لكن تصدقى الأزرق ما راكب عليك
ده الكيل بمكيال واااااحد يا لنا بت المهدي
قبل يومين أتهمني ( رقم صفر ) بأن كل مريخابي هو مؤيد للجبهة
وانا كتبت ليهو اني أنا حزب أمة جناح الصادق
قال لالالا .. كل مريخابي جبهجي
سكتنا وأكلناها في المصارين
جمال الوالي ما عارفو إنقاذي ولا شئ تاني
وحتى لو كان إنقاذي فلوسو برضو مافي زول بقدر يحسم أنها إنقاذية
بس صلااااااااح قووووووش ده شئ تاني خاااااالص
قوووووش قروووووش ومخابرات ودعم بالحافلات وبالدولار .. دي أكييييد قروش حكومة
أنا في إنتظار تمبسكوورفيقه في الهلال رقم صفر للإجابـــة
عاملين ماشايفين
أصلو تمبس ده صاحبي مما تزنقوا في الطريق السريع بتاع الكورة
طوااااالي بزوغ منك بزقاق الفن بتاع عافية حسن ونانسي عجاج
|
Post: #26
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: محمد البشرى الخضر
Date: 09-02-2007, 12:38 PM
Parent: #1
أبوعلوة يا عمك
كيفك , مبروك ضربتوا الحمام الميت جد جد
قاليك يا عمك كمان تحت تحت كدا لعيبة الهلال حا ياخدوا رتب في الجهاز
حمودة إخصائي تعذيب جماهير الوصيف و إدارته
علاء الدين يوسف حيمسك الفيش و التشبيه و( البصمة)
البرنس ملف الشخصيات الهامة
قودوين حيدوهوا الجواز و يلحقوهوا بإدارة التعذيب النفسي
أما كرنقو فناس المدفعية عايزينه
غايتو يا علي أسمح لي أقوليك دا بوست من عينة ناس بقال و محمد عادل.
مالك الليلة؟
|
Post: #28
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: على محمد على بشير
Date: 09-04-2007, 07:18 AM
Parent: #26
يا ود البشرى
كمان مالى ؟
يا اخوى الخبر دا منشور فى الجرايد
وانا نقلته هنا للاطلاع فقط
فيها شنو دى كمان
والا الشينه منكوره
|
Post: #27
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: Ahmed musa
Date: 09-02-2007, 08:49 PM
Parent: #1
Quote:
Quote: ده تغويص ياعمك !!!
غايتو يا احمد يا ود موسى
تعليقك دا اثبت لى انو الخبر دا وجعك خالص |
غايتوا يا {علي} يا {محمد علي بشير} قعدت أقرأ في كلامك
وأعاين لي زولك الماسك علم ده وماشي
لا قدرت أصل للشئ الإنت دايروا
ولا زولك وصل بكانوا
كلامي باينّوا زي كلامك
لكن عموماً أديك الحقيقة الكُنا داسينها وأُخدها مني ما تأخدها بدل ما تاخدها من مُخابرات الدول الأجنبية
الحاصل هو ما يلي
الجهاز بغضِهِ وغضِيضِهِ دعم الزميل المريخ {تِحت تِحت} قام الزعيم , سيد البلد بإستخباراتوا اللي هي , كشف الملعوب وإلتف الشُرفاء حول {سيدالبلد} قام الجهاز غِضِب وفي رواية تانية{أكثر صِدقية} خاف وفي رواية تالتة {شاذة وغير مُعْتد بِها} حِزن
أجتمعوا
إتناقشوا
شوري بينهم
ووصلوا للآتي {ندي الهلال ده 100.000 دولار} عشان الناس يقولوا الهلال ده أمنجي
قام رئيس الجهاز فكر
وفكر تاني
وتالت
وقال {والله 100.000 دولار دي كتيرة بالجد} وبدون رجوع للجماعة قام دفع الـ 10.000 دولار
لأنوا عارف {الصهاينة} هوّالين وحيتموا الباقي موية
وقد كان
|
Post: #29
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: على محمد على بشير
Date: 09-04-2007, 07:20 AM
Parent: #27
Quote: الجهاز بغضِهِ وغضِيضِهِ دعم الزميل المريخ {تِحت تِحت} قام الزعيم , سيد البلد بإستخباراتوا اللي هي , كشف الملعوب وإلتف الشُرفاء حول {سيدالبلد} قام الجهاز غِضِب وفي رواية تانية{أكثر صِدقية} خاف وفي رواية تالتة {شاذة وغير مُعْتد بِها} حِزن
أجتمعوا
إتناقشوا
شوري بينهم
ووصلوا للآتي {ندي الهلال ده 100.000 دولار} عشان الناس يقولوا الهلال ده أمنجي
قام رئيس الجهاز فكر
وفكر تاني
وتالت
وقال {والله 100.000 دولار دي كتيرة بالجد} وبدون رجوع للجماعة قام دفع الـ 10.000 دولار
لأنوا عارف {الصهاينة} هوّالين وحيتموا الباقي موية
وقد كان |
الله يجازى محنك يا ود موسى
غايتو تنفع سينارست ياحبه
|
Post: #30
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: عامر تيتاوى
Date: 09-04-2007, 07:47 AM
Parent: #29
الناس الشفناهم فى المدرجات ياعلى مابجيبو ولا بص واحد
من باصات البعيو الزمان ديك
بعدين انا قريت الخبر وجاء فيهو دعم المريخ ايضا رايك شنو
|
Post: #31
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: على محمد على بشير
Date: 09-04-2007, 08:27 AM
Parent: #30
Quote: الناس الشفناهم فى المدرجات ياعلى مابجيبو ولا بص واحد
|
يا تيتاوى
انتا كمان ما تبالغ
دا دعم من جهاز الامن والمخابرات
اها ح يظهروا ليك فى الشاشه كيف ؟
| Quote: بعدين انا قريت الخبر وجاء فيهو دعم المريخ ايضا رايك شنو |
دى مكنه قديمه خالص
وبقت ما بتقسم عندنا
الدور والباقى عليكم انتوا يا اخوى
بقيتوا تنتصروا باموال ودعم صلاح قوش
وشابكننا هلال الحركه الوطنيه وشنو كدا ما عارف
غايتو تانى الحركه الوطنيه دى ما بتقسم عندنا
يا ماكلين اموال الشعب السودانى
بعدين مسعول من الخير
انتا لمن لعبتوا نهائى افريقيا مع الوداد المغربى
الصلح ليكم استادكم منو وعمل ليكم المقصوره الطائره الكنتوا قادننا بيها ؟
جاوب من غير حرج
وشكرا على المرور الجميل
|
Post: #32
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: على محمد على بشير
Date: 09-06-2007, 04:31 PM
Parent: #31
المبادرة التي قام بها الفريق صلاح قوش رئيس جهاز الأمن والمخابرات تجاه فريق الهلال بالجماهيرية وتحفيزه لنجوم الفريق قبل أن يغادروا الى تونس والاهتمام بكل أفراد البعثة وجدت الإشادة والتقدير من رئيس النادي الأرباب صلاح إدريس، وكافة أعضاء المجلس وجماهير الفريق المليونية الممتدة في مشارق الأرض ومغاربها.
* مبادرة قوش (الشخصية) أكدت أن الانتصارات الهلالية في البطولات الأفريقية كانت وستظل محل تقدير كبار المسئولين في البلد .
* وقد أكد ذلك اتصال نائب رئيس الجمهورية برئيس الهلال صلاح إدريس عقب نهاية مباراة الفريق مع الأهلي المصري مباشرة لتهنئته بالانتصار.
* ونأمل أن يتواصل دعم الدولة بشكل مستمر ووفق آلية معتمدة كتخصيص ميزانية خاصة للفرق المتفوقة أفريقيا وللمنتخب الوطني الذي تأهل لنهائيات أمم أفريقيا بعد 32 عاماً من الغياب.
|
Post: #33
Title: Re: صلاح قوش مدير جهاز الأمن يسير أربعة بصات لتونس لمساندة الهلال ,, ويدعم الهلال بالدولار !!
Author: على محمد على بشير
Date: 09-09-2007, 03:04 PM
Parent: #32
| Quote: المبادرة التي قام بها الفريق صلاح قوش رئيس جهاز الأمن والمخابرات تجاه فريق الهلال بالجماهيرية وتحفيزه لنجوم الفريق قبل أن يغادروا الى تونس والاهتمام بكل أفراد البعثة وجدت الإشادة والتقدير من رئيس النادي الأرباب صلاح إدريس، وكافة أعضاء المجلس |
|
|