Post: #2
Title: Re: كدي نتخيل الحفلة دي في أستاد القاهرة، بيروت، بغداد؟
Author: Abdulgadir Dongos
Date: 08-30-2007, 01:43 AM
Parent: #1
+
ما نشاهده هنا هو وجدان أهل أثيوبيا يناغمنا
ويرسل الرسائل تباعا بأنا شعب واحد وثقافة واحدة
رغم الأستلاب العربي الذي تمكن من صفوتكم الحاكمة. يرسلون
رسائل الوجدان دون تملق ونفاق وسياسة، دون شك موسيقي
وردي لامست أوتارا حساسة في المكون لشخصية هذا الجمع الغفير.
في دول أهل العزم مثل هذا الحدث يلهم السياسيين ليترجموا
هذا التلاقح الوجداني لمنفعة أرحب.
دنقس.
|
Post: #3
Title: Re: كدي نتخيل الحفلة دي في أستاد القاهرة، بيروت، بغداد؟
Author: tmbis
Date: 08-30-2007, 08:03 AM
Parent: #2
(+)
(-)
|
Post: #8
Title: Re: كدي نتخيل الحفلة دي في أستاد القاهرة، بيروت، بغداد؟
Author: Abdulgadir Dongos
Date: 08-30-2007, 03:51 PM
Parent: #3
+
طمبظ الدومة،
باين عليك فقدتني الفترة الفاتت.
أوعك من الملاحقة السمجـــة ينوبك ثواب.
دنقس.
|
Post: #18
Title: Re: كدي نتخيل الحفلة دي في أستاد القاهرة، بيروت، بغداد؟
Author: tmbis
Date: 08-30-2007, 08:29 PM
Parent: #8
Quote: طمبظ الدومة،
باين عليك فقدتني الفترة الفاتت.
أوعك من الملاحقة السمجـــة ينوبك ثواب. |
ملاحقة .. وكمان سمجــة ....؟
والله فعلا ما عندك ضمير .. ولا اي وازع حق ( زمالة ) ..
والله البوست بتاعك ده أقصد البطارية بتاعتك دي ( + ) ، ( - ) .. كان ما الصباح دخلته وشحنتو ليك .. كان الساعة ستة بالتوقيت العالمي .. تمشي تجيبو من ( فريق فنقــر )
والله لا تراجي الجميلة .. ولا صاحبك كودي البتنزل ليهو في افلامو شغال بيك ..
قال ملاحقة سمجه ...
ياخ انت مفترض ( تضبح ) عديل كدا الليلة جوك خمسة ستة أنفــار ..
أقول ليك حاجة....؟
حقو ( تبوس ) كيبوردك دا .. بطن وضهــر ..
بوس ماوسك دا وغير ليهو السفنجة الخاتيها تحتو دي ..
قال فقدتني الفترة الفاتت ..
ارخي ياخ ..
ارخينا
|
Post: #4
Title: Re: كدي نتخيل الحفلة دي في أستاد القاهرة، بيروت، بغداد؟
Author: الزوول
Date: 08-30-2007, 10:41 AM
Parent: #1
السلام عليكم
كذلك دعنا نتخيل أن هذه الحفلة أقيمت في استاد كمبالا أو لوساكا
هل سيكون لها نفس الأثر
لا أظن
هؤلاء الأحباش يعيشون في قلب افريقيا
هل سمعتهم يوماً يذكرون انهم أفارقة
هم جنس فريد يكتفون بوصف نفسهم بالحبش
وفرضوا على العالم مناداتهم بالحبش
....................
ربما نكون أقرب لهؤلاء العرب أو هؤلاء الأفارقة
ولكننا قطعاً لسنا منهم
نحن سودانيون
وسودانيون فقط
لسنا عرباً ... هذا صحيح
ولكننا أيضا لسنا أفارقة
لماذا لا نعتز بكينونتنا السودانية كما نحن
لا كما تريدون
استلابنا من عروبتنا المزعومة
لترمونا في افريقتينا المزعومة
التعديل للتوضيح
.............................
وما الناس إلا هالك وأبن هالك *** وذو نسب في الهالكين عريق
|
Post: #9
Title: Re: كدي نتخيل الحفلة دي في أستاد القاهرة، بيروت، بغداد؟
Author: Abdulgadir Dongos
Date: 08-30-2007, 04:37 PM
Parent: #4
+
تحية طيبة يا أيها الزول.
كتبت:
" السلام عليكم
كذلك دعنا نتخيل أن هذه الحفلة أقيمت في استاد كمبالا أو لوساكا
هل سيكون لها نفس الأثر
لا أظن"
طبعا لا غلاط لأني لم أر حفلا بتلك العواصم التي ذكرتها، لكن
أعلم يقينا أن نفر عظيم بتلك العواصم يجزمون أن أصلهم من السودان
النيلي وشرق أفريقيا، فلماذا لا نجرب حفلا آخر بتلك العواصم لنري مدي
التجاوب مقارنة بالربع الخالي.
وكتبت:
"هؤلاء الأحباش يعيشون في قلب افريقيا
هل سمعتهم يوماً يذكرون انهم أفارقة
هم جنس فريد يكتفون بوصف نفسهم بالحبش
وفرضوا على العالم مناداتهم بالحبش
ربما نكون أقرب لهؤلاء العرب أو هؤلاء الأفارقة
ولكننا قطعاً لسنا منهم "
حيثك هذا طق حنك، لأن الأحباش
هم من يمثلون شرق أفريقيا مع
معية السودان في أروبا وأمريكا
أو بلاد الغرب عموما. يمثلون الكنيسة
الأفريقية والمطبخ الأفريقي والفنون
الأفريقية بعمومها، أغلب أصدقائي
من الجنسين من الأحباشوما سمعته منهم
اتهامهم لتوجه بلاد السودان العربي.
يا ريت تتابع أخبارهم عن كثب وحتما
ستجدهم أكثر الأفارقة حبا لأفريقيا.
ثم نحن نشاهد ونسمع تلاقح الوجدان
أمامنا، ما الذي جعلك قاطع بأنا
لسنا منهم؟ ان كنت تتحدث عن نفسك
ليس هناك ما يضير، لكنك تتحدث بالفم
الملئ يقينا نفس اليقين الذي قاد أمثالك
لحملات الجهاد العروبي لا يقودنا الا لمهالك أخري.
ليتك أبعدتنا عن الحديث الجمعي بهذه الطريقة المخلة.
دنقس.
|
Post: #5
Title: Re: كدي نتخيل الحفلة دي في أستاد القاهرة، بيروت، بغداد؟
Author: حسن الجيلى سعيد
Date: 08-30-2007, 02:14 PM
Parent: #1
Quote: نحن سودانيون
وسودانيون فقط
لسنا عرباً ... هذا صحيح
ولكننا أيضا لسنا أفارقة
لماذا لا نعتز بكينونتنا السودانية كما نحن
لا كما تريدون |
I LOVE YOU MAN
|
Post: #6
Title: Re: كدي نتخيل الحفلة دي في أستاد القاهرة، بيروت، بغداد؟
Author: ابوالقاسم ابراهيم الحاج
Date: 08-30-2007, 02:22 PM
Parent: #1
العزيز;عبدالقادر دنقس.
لك التحية والإحترام.
الموسيقى لغة غير كل اللغات أنغامها تتسرب فى دواخل ووجدان كل إنسان طبيعى بالفطرة والسليقة.
حينما يسافر فنانينا الى إفريقيا متجولين بلحن وغناء شجى يلتف حولهم كل الأفارقة بإعجاب ومودة صافية لا تشوبه شائبة من الكدر والنخز.
نغنى بالعربى يطرب الإفريقى ويستفهم العربى دا بيبرطم بقول إيه??.
الفرق هو الإستعداد وقابلية قبول الآخر!!!.
أنظر للمشارك الزول! وتضايقه مماذا??!! وأدرس الضمائر والدفوعات وخلاصة ما تخرج به صفر ورموز تمبس الرياضية??.
مع التحية
|
Post: #12
Title: Re: كدي نتخيل الحفلة دي في أستاد القاهرة، بيروت، بغداد؟
Author: Abdulgadir Dongos
Date: 08-30-2007, 06:13 PM
Parent: #6
+
الجميل المحترم ابا القاسم الحاج, تحية وود
حديثك عن انسياب الموسيقي وكيف انها لغة غير, هو ما دعاني
لاكتب هذا البوست. دون شك انك محق واذا كان هناك مثل الاستاذ
وردي يستنطق هذا الكم الهائل طربا - رغم ان الغالبية منهم لا
يعون كلمات الاغاني- لماذا وردي والفن السوداني محل سخرية في
الغالب العظيم من دول الاعراب ?
الانتشاء الروحي لا يعرف السياسة او الدين او العرق لذا عند
الذين يفقهون لابد وان يكون جزء اصيل من تكوين الدولة الحديثة,
وهكذا اوجدت اروبا الشعوبية دولها وهكذا توحدت اوبا كقوة سياسية
يحسب لها الف حساب.
عظيم الود والاحترام سيدي.
دنقس.
|
Post: #21
Title: Re: كدي نتخيل الحفلة دي في أستاد القاهرة، بيروت، بغداد؟
Author: tmbis
Date: 08-30-2007, 08:54 PM
Parent: #6
| Quote: وأدرس الضمائر والدفوعات وخلاصة ما تخرج به صفر ورموز تمبس الرياضية??. |
.. دفوعات شنـو يا أبو القــاسم وصفــر شنـو ياخ ..؟
والله كان جـاب ليهو جدول .. ( لوغريثمات ) .. وكراس حســاب .. برضو بطلع الطيش ..
الطيش عديل كدا ..
|
Post: #7
Title: Re: كدي نتخيل الحفلة دي في أستاد القاهرة، بيروت، بغداد؟
Author: ابوالقاسم ابراهيم الحاج
Date: 08-30-2007, 02:26 PM
Parent: #1
Quote: (اذهبوا الى الحبشة فان بها ملك عادل لايظلم عنده احد)
.........
الفنان كمال ترباس بعمامته المهولة عند فندق (لالى بلا) يحدثنى عن الهجرة الاولى ويضيف من عنده بانهم= الاحباش= يستقبلوننا بالبشر والترحاب وبالصبا الغض...
ثم...
السيد صلاح ادريس يستقل طائرته ليحط عند قبر(المك) الذى ملأ الدنيا وشغل الناس لتضم رفاته ارض الحبشة وتحتويه وتوسده الباردة...تحفظ جزء عزيزا من تاريخنا والجدل مشتجر حول اتجاهاتنا صوب المتوسط وخليج العرب..
السودانيون.. خصوصا الذكور منهم تهفو قلوبهم تلقاء (اديس ابابا) وتحن.. وصديقى الفنان نادر خضر يحدثنى عن استقامة مزاجه واعتدال صحته وهو يغنى فى ارجاءها ومساءاتها و(النسيم الماش) ولاغرو..
فى جمعية الصداقة السودانية الاثيوبية شرفنى المحامى المخضرم عبدالمنعم عثمان بعضوية الجمعية ومسوولية امانة اعلامها والفنان عصام عبد الحفيظ فى الامانة الثقافية ليكون مشروعنا قبل سنوات ان نستنجز فلما وثائقيا (نبتة- آكسوم) نرصد عبر التاريخ والجداريات والفنون التشكيلية تلاقح حضاراتنا وتلامح الفنون بين بلدينا...
عصام عبدالحفيظ يعرف اديس ابابا جيدا وتعرفنا..
وهاانذا ألملم اطرافى ياعصام وطلال عفيفى واقول..
(اه منك يازمن النزوح) لاستكمل مشروع الفلم ...
اعود الى (ام در) والاثيوبية..رقيقة الحاشية ذات اعطاف نديانة وذات جيد بعيد مهوى القرط..ودودة...ساحرة..واشد فتنة واغراء..ناصعة المظهر نقية المخبر..تتلطف بى وبامثالى دون ان ترهقنى من امرنا عنتا ومشقة..قليلة الكلام سوى انها مبذولة فى العطاء..لاتتنكب الطريق ولاتخون..تحفظ مالك ونفسك والمواقيت..تمشى على مهل وتطيعك على عجل..
اما السودانية...حدث ولاحرج..!!
لكنى اعود الى الوطن فى صحبتها....الحبشية..
وتلك رفقة مأمونة..
بورداب الخرطوم...هل مايزال مكانى شاغرأ؟؟
مودتى وتقديرى |
|
Post: #10
Title: Re: كدي نتخيل الحفلة دي في أستاد القاهرة، بيروت، بغداد؟
Author: Tragie Mustafa
Date: 08-30-2007, 04:57 PM
Parent: #7
دنقس مشتاقين ومنور البورد
عارف من كم يوم قاموا لك على ندى القلعه قالوا في نيجيري اهداء ليها عربيه!!
وصحبنا الاسمه الزول ده بيكون قرأ الكلام ده هنا
الجاي يقول لك نحن ما شفنا ناس افريقيا كيف بستقبلوا اغانينا.
لاحظ مع انه ما بزلنا فيهم ربع المجهود البزلناهو عشان نحقق انتشار لموسيقانا عربيا!!
وفشلنا!!
بجيب لك الرابط ,تحياتي.
|
Post: #14
Title: Re: كدي نتخيل الحفلة دي في أستاد القاهرة، بيروت، بغداد؟
Author: Abdulgadir Dongos
Date: 08-30-2007, 06:41 PM
Parent: #10
+
تراجي الجميلة, وعلم الله الشوق بحر.
كيف حازم وسند?
اتمني ان تكونوا بخير وعافية.
كتبت:
"عارف من كم يوم قاموا لك على ندى القلعه قالوا في نيجيري اهداء ليها عربيه!!"
هل هو نفس النيجيري الذي كان يرمي فيها دنانير الاعراب?
طبعا سمعت انه دبلوماسي بدولة الامارات حيث قام بالرجل
بتلبية الدعوة لانه يعشق الفن السوداني.
والله الراجل ما قصر.
دنقس.
|
Post: #15
Title: Re: كدي نتخيل الحفلة دي في أستاد القاهرة، بيروت، بغداد؟
Author: Abdulgadir Dongos
Date: 08-30-2007, 06:42 PM
Parent: #10
+
تراجي الجميلة, الفيدو ده هدية ليك والمتداخلين.
="movie" value="http://www.youtube.com/v/wVIRDtkzSug">
دنقس.
|
Post: #11
Title: Re: كدي نتخيل الحفلة دي في أستاد القاهرة، بيروت، بغداد؟
Author: الزوول
Date: 08-30-2007, 05:02 PM
Parent: #1
السلام عليكم
الأخ عبدالقادر
ربما لم تفهم ما أريد أن أقول ، وربما لم أكتب ما أريد بصورة واضحة
بترت الجملة التي تتحدث عن الأحباش وقرنتها مع الجملة التي تتحدث عن العرب والأفارقة
وأدى ذلك لضياع المعنى تماماً
Quote: هؤلاء الأحباش يعيشون في قلب افريقيا
هل سمعتهم يوماً يذكرون انهم أفارقة
هم جنس فريد يكتفون بوصف نفسهم بالحبش
وفرضوا على العالم مناداتهم بالحبش |
انتهى الكلام عن الأحباش وبدأت جملة أخرى تتكلم عن علاقتنا كسودانيين مع الأعراب والأفارقة..
Quote: ربما نكون أقرب لهؤلاء العرب أو هؤلاء الأفارقة
ولكننا قطعاً لسنا منهم
نحن سودانيون
وسودانيون فقط
لسنا عرباً ... هذا صحيح
ولكننا أيضا لسنا أفارقة
لماذا لا نعتز بكينونتنا السودانية كما نحن
لا كما تريدون
استلابنا من عروبتنا المزعومة
لترمونا في افريقتينا المزعومة |
أتمنى أن أكون أوضحت قصدي
.............
تخريمة:
شكراً لإتفاقك معي أخي حسن الجيلي
....................
وما الناس إلا هالك وأبن هالك *** وذو نسب في الهالكين عريق
|
Post: #17
Title: Re: كدي نتخيل الحفلة دي في أستاد القاهرة، بيروت، بغداد؟
Author: Abdulgadir Dongos
Date: 08-30-2007, 08:10 PM
Parent: #11
+
الزول، التحية مجددا.
كتبت:
"نحن سودانيون
وسودانيون فقط
لسنا عرباً ... هذا صحيح
ولكننا أيضا لسنا أفارقة
لماذا لا نعتز بكينونتنا السودانية كما نحن
لا كما تريدون"
لا أدري من الذين تقصدهم بالضمير "نحن"
حتما لا تقصدني ولا تقصد نوير اثيوبيا
وأنجواكها، ليتك تفصح عن نحن تلك.
أراك تكتب بعاطفة لا مكان لها بالواقع الذي
نعيش. الذي دعاني لأكتب هذا البوست هو الواقع
الثقافي، السياسي والأقتصادي الجديد لبلادنا.
حالما ركنا للديمقراطية كأساس للحكم وحالما فطنا
أن الحروب والمحارق لا تصنع الوجدان أو تعيد صياغته،
لابد لنا ونهج آخر.
هذا البوست دعوة لؤلوا الألباب لأن ينأوا
قليلا بالخيال ليدونوا لنا تصورهم حتي نتفادي
حروبا قادمات بقارتنا المكلومة.
أنا هنا لا أبشرك أن تكون أفريقي رغم أنفك.
أنا سوداني، أفريقي، بجوانحي حب عارم لأفريقيا
وأهلها. شئ كالذي صنعه أستاذ وردي باستاد
أديس أبابا ألهب بنفسي تاريخ وارث عظيم مازال
بوجدان الكثيرين لذا أرفض تعبير "لسنا أفارقة" هذا
وليتك جعلت الأشياء تكون علي طبيعتها. فأن أختار
نوير الشرق مع جزء عظيم من الأنجواك والتبويسا والبرون
الأنضمام لأثيوبيا لأن مصالحهم ووجدانهم ارتبط بأديس أبابا
من أين لك حق أن تقول لهم لستم أثيوبيون؟ خاصة اليوم الجميع يبش
ر بالأنتماء الطوعي وحق تقرير المصير.
دنقس.
|
Post: #22
Title: Re: كدي نتخيل الحفلة دي في أستاد القاهرة، بيروت، بغداد؟
Author: الزوول
Date: 08-30-2007, 09:08 PM
Parent: #17
السلام عليكم
يا عزيزي عبدالقادر
نحن التي أقصدها هي نحن السودانيين
وفهمي للسوداني
هو من يعتز بسودانيته
ولا يكون تابعاً للعرب ولا للأحباش ولا للأفارقة
فإذا كان لديك فهماٌ آخر للسوداني فالرجاء طرحه
Quote: لذا أرفض تعبير "لسنا أفارقة" هذا
وليتك جعلت الأشياء تكون علي طبيعتها. فأن أختار
نوير الشرق مع جزء عظيم من الأنجواك والتبويسا والبرون
الأنضمام لأثيوبيا لأن مصالحهم ووجدانهم ارتبط بأديس أبابا
من أين لك حق أن تقول لهم لستم أثيوبيون؟ خاصة اليوم الجميع يبش
ر بالأنتماء الطوعي وحق تقرير المصير |
.
ما تقوله هو أس البلاء في هذا البلد
أن تحس بقربك من أجنبي أكثر من قربك من السوداني ( اينما كان)
أن يحس الزغاوي أن زغاوي تشاد أقرب إليه من الهدندوي .. هذه مصيبة
أن يشعر نوبي حلفا أن الأسواني أقرب إليه من المسيرية .. هذه مصيبة
هذه التقسيمات الجهوية لن تقيم دولة..
نعم لكل منطقة مميزاتها و خصوصيتها
ولكن لا بد من مكان مشترك يعيشون فيه وتندمج فيه ثقافاتهم
إذا أردناها دولة مواطنة بحق وحقيقة
فالسوداني اينما كان وحيثما كان موطنه هو من يجب أن يكون أقرب إلي من أي ( أجنبي) آخر
هذا هو فهمي للوطنية
وهذا هو فهمي لدولة المواطنة
إذا أخلص الشخص لمكان آخر غير وطنه
فهو ليس جديراً بأن يحمل اسمه
وإذا أحست منطقة ما أن انتماها لدولة أخرى أقوى من الدولة الراهنة
فيجب أن تنضم لمكان اخلاصها
.......
أيضاً ما لم أفهمه من كلامك ويحتاج تفسيراً
Quote: أنا سوداني، أفريقي، بجوانحي حب عارم لأفريقيا
وأهلها |
لا أعرف أحداً يعشق قارة
هل يا ترى
الحب العارم هذا
يشمل المغاربة والموريتانيين والجزائريين والليبيين والمصريين وبيض جنوب افريقيا؟
اذا كانت اجابتك بلا
فأنت تقصد بعشقك لأفريقيا عشقك للسحنة الزنجية
وهذا بلا شك سقوط في درك عنصرية اللون
....................
وما الناس إلا هالك وأبن هالك *** وذو نسب في الهالكين عريق
|
Post: #31
Title: Re: كدي نتخيل الحفلة دي في أستاد القاهرة، بيروت، بغداد؟
Author: Abdulgadir Dongos
Date: 08-31-2007, 05:56 PM
Parent: #22
+
الزول، تحية طيبة،
كتبت:
"نحن التي أقصدها هي نحن السودانيين
وفهمي للسوداني
هو من يعتز بسودانيته
ولا يكون تابعاً للعرب ولا للأحباش ولا للأفارقة
فإذا كان لديك فهماٌ آخر للسوداني فالرجاء طرحه"
طبيعة الأشياء في عالمنا هذا فرضت
أن يكون هناك أوروبي، أمريكي، آسيوي
ودون أي جدل عقيم لابد وأن يكون هناك
أفريقي. هذا أولا.
ثانيا: الحب القاري ليس فرية ابتدعها عبدالقادر دنقس،
هناك الشعوبيون بأوروبا فيهم الكتاب والشعراء
الذين سكبوا المداد لعكس حلمهم ووحدة قارتهم، فيهم
الأقتصاديون وأصحاب رؤوس الأموال الذين عملوا بجد ومثابرة
ليواكبوا تغيرات العالم وتكتلاته الأقتصادية فكانت وحدتهم
التي زينها اليورو في البورصة العالمية، وهوية الأتحاد الأوروبي
والتي تجعل من الأوروبي بن بطوطة زمانه ان أراد أو أرادت التسفار
ببلدان أوروبا. هذا الحدث العظيم الذي عاصرناه، لم يلهب غيرة تجعل
غلواء المجاهدون في السودان ن يكفوا عن تقتيل الناس دون ذنب جنوه.
ذنبهم الوحيد أنهم يعتزون بواقعهم ولا رغبة لهم في مناطحة الأعراب
في نسب مهول خارج قارتنا التي فطرنا عليها الرب الأله.
ها نحن نشاهد تركيا بكل تاريخها الأمبريالي
تدمي أنفها لأجل الأنتماء لوحدة أوروبا،
وهذا أمر يتفهمه من يعقل.
تسائلت:
"لا أعرف أحداً يعشق قارة
هل يا ترى
الحب العارم هذا
يشمل المغاربة والموريتانيين والجزائريين والليبيين والمصريين وبيض جنوب افريقيا؟
اذا كانت اجابتك بلا"
هنا أنا أيقنت أنك لا تتابع مجريات الأحداث
بالمغرب العربي. بالمغرب ثار الأمازيغ الي أن أثبتوا
بالدستور المغربي حقهم اللغوي في التعبير عن ماهيتهم،
تلك الدعوي زحفت شرقا الي أن حلت بليبيا التي أعلن
عقيدها للصحافة المحلية والأقليمية والعالمية
بأنه وبلاده أفارقة علي المستويين الرسمي والشعبي.
هذه أحداث نذكرها لك من " باب علم نفسك".
دعوانا لأفريقيا ليست لونية، لكنها تشخص الفهوم
دعوتنالتوحيد أفريقيا أدب ورثناه من أنبياءنا
أمثال كوامي نكروما وجومو كنياتا وسامورا مشيل
ونلسون ماندلا وجون قرنق دي مبيور وباتريسلوممبا.
دون شك نحن موعودون بمستقبل أرحب.
دنقس.
|
Post: #13
Title: Re: كدي نتخيل الحفلة دي في أستاد القاهرة، بيروت، بغداد؟
Author: حسن الطيب يس
Date: 08-30-2007, 06:27 PM
Parent: #1
الاخ عبد القادر
البوست ده ناقصه
الاستاذ المبدع
لؤي شمت
املي اراه في هذا الإبداع
|
Post: #16
Title: Re: كدي نتخيل الحفلة دي في أستاد القاهرة، بيروت، بغداد؟
Author: Abdulgadir Dongos
Date: 08-30-2007, 06:57 PM
Parent: #13
+
الأخ أستاذ حسن الطيب، تحية وود.
وشكرا علي المرور البهي .
التحية عبرك لأستاذ لؤي.
دنقس.
|
Post: #19
Title: Re: كدي نتخيل الحفلة دي في أستاد القاهرة، بيروت، بغداد؟
Author: tmbis
Date: 08-30-2007, 08:39 PM
Parent: #16
أقول ليك حاجة..؟:
إنت أكتب .. وأنا ( بشحــن ) ليك..
|
Post: #20
Title: Re: كدي نتخيل الحفلة دي في أستاد القاهرة، بيروت، بغداد؟
Author: kamalabas
Date: 08-30-2007, 08:42 PM
Parent: #1
كتب الزول
| Quote: كذلك دعنا نتخيل أن هذه الحفلة أقيمت في استاد كمبالا أو لوساكا |
الاجابة في تقديري لا ولـكن عندناحضورفني أكثف في تشاد ونجيريا وبعض الغرب
الافريقي
وكتب الزول
Quote: هؤلاء الأحباش يعيشون في قلب افريقيا
هل سمعتهم يوماً يذكرون انهم أفارقة
هم جنس فريد يكتفون بوصف نفسهم بالحبش
وفرضوا على العالم مناداتهم بالحبش
....................
ربما نكون أقرب لهؤلاء العرب أو هؤلاء الأفارقة
ولكننا قطعاً لسنا منهم
نحن سودانيون
وسودانيون فقط
لسنا عرباً ... هذا صحيح
ولكننا أيضا لسنا أفارقة |
ونحن والاحباش أفارقة ( وأقصدبالافريقية هنا الدم الافريقي) .....أفارقة في السحنات والملامح والانوف والشعر
والايقاع الخ
نعم هناك أختلافات نسبية بين أفارقة غرب القارة ووسطها وجنوبها وغربها
من هنا تجدنا أقرب لشعوب شرق أفريقيا -الصومال جيبوتي وأثيوبيا وأرتريا
...وتجدبعضنا يتأثر ثقافيا ولغويا بشمال القارة والعرب وبعضنا
متأثر بغرب القارة -دارفور مثلا وبعضنا متأثر بوسط القارة الجنوب
الخ
كمال
|
Post: #23
Title: Re: كدي نتخيل الحفلة دي في أستاد القاهرة، بيروت، بغداد؟
Author: tmbis
Date: 08-30-2007, 09:26 PM
Parent: #20
البوست بتاعك دا:
كان وصلت ( سلك نحاس ) من ردي الأول .. وردي الأخيــر .. ودقيت ليهو مسمارين في خشبة وجبته لمبة ( بيان )..
عادي جدا .. ممكن ( يولع )..
بدل ( السلك ):
جيب ( مشط ) ( وسرح ) بيهو.. شوفــو كان ما ( لقط ) ليك الورق .. أنـا ما تمبس ..
دي كهــرباء ساكنة ياخ ..
|
Post: #24
Title: Re: كدي نتخيل الحفلة دي في أستاد القاهرة، بيروت، بغداد؟
Author: tmbis
Date: 08-31-2007, 10:51 AM
Parent: #23
وين يا:
( رتينة )..؟
|
Post: #25
Title: Re: كدي نتخيل الحفلة دي في أستاد القاهرة، بيروت، بغداد؟
Author: الزوول
Date: 08-31-2007, 03:38 PM
Parent: #20
السلام عليكم
الأخ كمال عباس
شكراً على تعليقك
Quote: ونحن والاحباش أفارقة ( وأقصدبالافريقية هنا الدم الافريقي) .....أفارقة في السحنات والملامح والانوف والشعر
والايقاع الخ
نعم هناك أختلافات نسبية بين أفارقة غرب القارة ووسطها وجنوبها وغربها
من هنا تجدنا أقرب لشعوب شرق أفريقيا -الصومال جيبوتي وأثيوبيا وأرتريا
...وتجدبعضنا يتأثر ثقافيا ولغويا بشمال القارة والعرب وبعضنا
متأثر بغرب القارة -دارفور مثلا وبعضنا متأثر بوسط القارة الجنوب
الخ
كمال |
أنا لا أنفي تقاربنا جميعاً كسودانيين مع شرق إفريقيا
ولا أنفي تقارب قبائلنا الحدودية مع امتداداتها الحدودية (الأجنبية)
ولكني أرى أن ما يجمعنا كسودانيين يجب أن يكون أكبر من كل إشكال التقارب الأخرى
كما إنني لا أومن بالتقارب القاري الذي يدعو له الأخ عبد القادر كأفريقيا
فلو كان المقصود هم الشعوب السوداء وبمعزل عن الأفارقة غير السود الآخرين كالمغاربة والموريتانيين ...الخ
فهذا سيقودنا للعنصرية اللونية السيئة الذكر.
............
وما الناس إلا هالك وأبن هالك *** وذو نسب في الهالكين عريق
|
Post: #26
Title: Re: كدي نتخيل الحفلة دي في أستاد القاهرة، بيروت، بغداد؟
Author: على محمد على بشير
Date: 08-31-2007, 04:27 PM
Parent: #25
Quote: أوعك من الملاحقة السمجـــة ينوبك ثواب.
|
والله يا تمبس انتا زول ما عندك رحمه اصلو
الراجل كب ليك الجرسه من قولة تيت
وانتا برضو مصر تطارده
ياخ خليهو
سيبه يعمل فيها محب للفن والتداخل بين الشعوب وشنو كدا ما عارف
دا دور جديد هو داخل فيهو
خليهو يستمتع شويه
|
Post: #29
Title: Re: كدي نتخيل الحفلة دي في أستاد القاهرة، بيروت، بغداد؟
Author: tmbis
Date: 08-31-2007, 04:45 PM
Parent: #26
Quote: ياخ خليهو
سيبه يعمل فيها محب للفن والتداخل بين الشعوب وشنو كدا ما عارف
دا دور جديد هو داخل فيهو
خليهو يستمتع شويه |
.. والله يا علي كان خليتو أهـو زي ما شايف .. يدخل ليك وردي في بنفسجي .. في أصفــر ..
وتسكت تخليهو .. تقوم عليهو ( الكاروشة ) .. ويفتش ليك ( بالفتاشة ) .. واليوم كلــو ( يبقبق ) ( ويولع )
يعني بي إختصار شديد:
تجيهو يكورك .. تخليهو .. يكورك ليك..
ومع الكواريك يخت ليك ( وشين ) عاملات كدا ..
عليك الله الزول ده ما ببالغ ..؟
|
Post: #27
Title: Re: كدي نتخيل الحفلة دي في أستاد القاهرة، بيروت، بغداد؟
Author: حسن الطيب يس
Date: 08-31-2007, 04:28 PM
Parent: #1
تملس عليك الله القاطع فيك شريان
ده منو البتصور فيهو وماشغال بينا
ادينا نظرة ياظريف
|
Post: #28
Title: Re: كدي نتخيل الحفلة دي في أستاد القاهرة، بيروت، بغداد؟
Author: على محمد على بشير
Date: 08-31-2007, 04:31 PM
Parent: #27
| Quote: الأستلاب العربي الذي تمكن من صفوتكم الحاكمة |
انتا اصلو لو ماجبت سيرة البحر ما بترتاح ؟
|
Post: #30
Title: Re: كدي نتخيل الحفلة دي في أستاد القاهرة، بيروت، بغداد؟
Author: tmbis
Date: 08-31-2007, 05:05 PM
Parent: #27
Quote: تملس عليك الله القاطع فيك شريان
ده منو البتصور فيهو وماشغال بينا
ادينا نظرة ياظريف |
كيف ما شغال بيكم يا حســن ..؟
والله اريتك شفت الشافتو العدسة دي .. والله نفسك كان اتقطع خليك من الشريان الساهـل دا.
|
Post: #32
Title: Re: كدي نتخيل الحفلة دي في أستاد القاهرة، بيروت، بغداد؟
Author: tmbis
Date: 08-31-2007, 11:39 PM
Parent: #30
(+)
،
(-)
( لمبـــه) ترجع بالسلامة
|
Post: #33
Title: Re: كدي نتخيل الحفلة دي في أستاد القاهرة، بيروت، بغداد؟
Author: Abdulgadir Dongos
Date: 09-07-2007, 02:52 AM
Parent: #30
+
ظمبظ بطل هرجلة انت وصاحبك الراعي ده
ما عندي زمن كفاية.
دنقس.
|
Post: #34
Title: Re: كدي نتخيل الحفلة دي في أستاد القاهرة، بيروت، بغداد؟
Author: tmbis
Date: 09-07-2007, 09:28 PM
Parent: #33
 (+) (-)
|
Post: #36
Title: Re: كدي نتخيل الحفلة دي في أستاد القاهرة، بيروت، بغداد؟
Author: محمدين محمد اسحق
Date: 09-07-2007, 10:05 PM
Parent: #34
العزيز دنقس ..مرحبأ بالعودة الي افريقيا مجددأ ..
| Quote: كدي نتخيل الحفلة دي في أستاد القاهرة، بيروت، بغداد؟ |
دا ما حيحصل لسبب بسيط ..
الشعب الاثيوبي بيقدس الفنان الفن السوداني قداسة عديل كدا..
شعب زي شعب القوراقي - فيهو نسبة عالية من المسلمين-
اهم شئ عندهم المسجد و القات و شريط سوداني ..
يعني قدام المسجد تلقاهم جالسين بمسجل بيطلع منو
صوت وردي او الكابلي وقدامهم حزمة قات ..
تجي تقول لي وردي ذاتو في استاد (ماسكال) قلب اديس
ما في مقارنة بالمرة دنقس ..
-----------
تمبس العزيز ..
Danani ..كدي بال Nattey و بAmlak ب Agzebier فهمني حاجة
و لا اقول ليك ..تمبس ..Zurbay و بكلام اهلنا ديل Wadza
وكن بخير ..
|
Post: #37
Title: Re: كدي نتخيل الحفلة دي في أستاد القاهرة، بيروت، بغداد؟
Author: Tragie Mustafa
Date: 09-07-2007, 10:20 PM
Parent: #36
Quote:
تراجي الجميلة, الفيدو ده هدية ليك والمتداخلين.
|
البنيه عسل يا عبد القادر
انت يا اخوي الاثيوبيات بيجيوا الرقه دي من وين كده؟؟
|
Post: #38
Title: Re: كدي نتخيل الحفلة دي في أستاد القاهرة، بيروت، بغداد؟
Author: tmbis
Date: 09-08-2007, 09:04 AM
Parent: #36
| Quote: ولا اقول ليك ..تمبس ..Zurbay و بكلام اهلنا ديل Wadza |
محمدين ..
امسقن آلووو  ... ومشتاقين
بعدما كبرنــا يا محمدين فكت مننا وبخرنــا كل حاجة ..
وين فردتك ما ظاهــر ..؟
سمعتو الا جابو ليكم..؟
|
Post: #39
Title: Re: كدي نتخيل الحفلة دي في أستاد القاهرة، بيروت، بغداد؟
Author: محمدين محمد اسحق
Date: 09-09-2007, 10:24 PM
Parent: #38
اخوي عبد القادر دنقس..اسمحنا لينا مع اخوي تمبس ..
Quote: محمدين ..
امسقن آلووو ... ومشتاقين
بعدما كبرنــا يا محمدين فكت مننا وبخرنــا كل حاجة .. |
يا اخوي تمسقان قيتايي Tamaskan Geta..بعد دا كلو و نسيت ..
ما فضل ليك الا تتكلم لغتو القديمة ديك قآآيز Gaiaz ..
Quote: وين فردتك ما ظاهــر ..؟
سمعتو الا جابو ليكم..؟ |
زولك ظهر ..كاما جابو كنا جبناهو ..
مشي طلعنا اي كلام مع الاجانب ..
--------
دنقس اتمني ان تواصل ..
و سامحنا علي جوطة البوست ..
|
|