والله يا الزومة تستاهل يشلخوك و يلصقو ليك طابعة بوستة ويرجعوك البلد!!

Quote: بين قوسين الشيوعيون والإحباط عبد الرحمن الزومة كُتب في: 2007-08-28 لعل الكثير منا يظنون ويصدقون النظرية الشائعة عن أن نشاط الحزب الشيوعي السوداني قد بدأ في السودان في منتصف الأربعينيات، وارتباط ذلك بالفترة التي كان الأستاذ عبد الخالق محجوب يدرس فيها بمصر، وكيف التقى بالشيوعي المصري اليهودي (هنري كوريل)، وكيف تم تجنيده هو وبعض من (الرفاق) الى صفوف الحزب الشيوعي، وكيف طلب منهم اليهودي المشبوه السفر الى السودان لنشر الأفكار الشيوعية... الخ (السيناريو) المعروف والذي كنت من ضمن الذين يؤمنون به. وبالرغم من ذلك فقد كانت لديّ نظرية تقوم على ركيزة أن الشيوعيين، وبعد كل هذا (النضال) والجهد المبذول والآمال التي عقدتها الشيوعية العالمية على هذا البلد وخططهم لتحويله الى (مخلب قط) للوثوب الى بقية دول العالمين العربي والإسلامي من أجل نشر الشيوعية، وفي ضوء الفشل الذريع و(قبض الريح) البائس الذي حققه الشيوعيون، فإن الرفاق هنا في الداخل وسادتهم من مخططي الحركة الشيوعية في الخارج لا بد أن يكونوا يشعرون بغير قليل من الحقد على هذا البلد المؤمن الذي استعصى عليهم وسفّه أحلامهم وقتل خيرة قادتهم وجعل (أفكارهم) التي كانت في يوم من الأيام أفكاراً جاذبة لملايين الشباب في العالم لكنها في السودان صارت (أضحوكة) ومصدراً للتندر والسخرية!. ولقد بنيت نظريتي هذه على أساس الفكرة السابقة، القائلة ببداية النشاط الشيوعي في منتصف الأربعينيات، حتى قرأت مقالة كتبها الأستاذ محمد خير البدوي في عدد (الجمعة) من هذه الصحيفةـ وهو العدد االمميز الذي يشرف عليه (الجنرال) أحمد طه. المهم في الموضوع (ان لم تخني الذاكرة) ان الأستاذ البدوي، وهو الإعلامي والمؤرخ والأديب، قد ذكر أن أول منشورات شيوعية قد تم توزيعها في السودان في العام 1920 أو في العشرينيات، وأرجو أن أتمكن من الرجوع الى ذات العدد للتأكد من المعلومة بشكل دقيق والتعرف على الإطار الذي كتب فيه الأستاذ البدوي هذا المقال ومعرفة الظروف التي تمت فيها عملية توزيع المنشورات الشيوعية في ذلك الوقت المبكر لأن المسألة (ان صحت) تحمل دلالات مهمة، وربما تشكف حقائق تاريخية مهمة عن علاقة الشيوعية بالسودان وبالتالي (آمال وإحباط) الشيوعيين، ذلك لأن الثورة الشيوعية قد نجحت في السيطرة على روسيا في العام 1917، وإذا ثبت أن الشيوعيين قد وزعوا منشورات في السودان في العام 1920 فمعنى ذلك أن أول بلد فكر فيه (البلاشفة) ووضعوا عينهم عليه لنشر الشيوعية هو السودان، بل ان هذا يعني أنهم فكروا في نشر شيوعيتهم في السودان حتي قبل العديد من دول أوروبا الشرقية والتي اجتاحتها الجيوش الحمراء الشيوعية بعد ذلك بوقت طويل. غير ان هذا، وأياً كان الأمر، يثبت نظرية (الحقد الشيوعي) على هذا البلد، بل ان نظرية (العشرينيات) تعمق من نظرية الحقد الشيوعي وتجعل التفكير فيها وفي مظاهرها التي نراها الآن أمراً بالغ الأهمية، لدرجة يجب أن تتولاه جهات (أمنية) عليا!. وإليكم مظاهر هذا الإحباط والحقد الشيوعي: ان الشيوعيين قد تفرغوا الآن تماماً لحبك الدسائس والمؤامرات وإثارة الفتن والقلاقل، فـ(أصابع) الشيوعيين موجودة في جسم كل حركات التمرد التي نشأت في السودان في الآونة الأخيرة، سواء في الجنوب أو الشرق أو الغرب، وليس خافياً على احد التغلغل الشيوعي في تنظيمات الحركة الشعبية وغيرها من الحركات المسلحة. ولقد استطاعت (الكوادر الشيوعية) ان تتبوأ مناصب وزارية من خلال (حصان طروادة) تلك الحركات، ولا استبعد دخولهم (القصر الجمهوري) عبر واحد من تلك الأحصنة! انها أماكن لم يكونوا في السابق يحلمون أن (يمروا بجبنها)! انظروا الى الفتن في كجبار والمناصير وفي الاتحادات المهنية والطلابية... انظروا الى كل هذا لتدركوا ما يمكن أن يفعله الحقد والإحباط، ثم ضعوا خطة للتعامل مع الحقد الشيوعي الأسود الدفين.

الاخ جني

الزول ده كرهني قناة الجزيرة وبقيت لما اشوف اسم نادوس او لقمان
في المنبر عيوني بزغللن ورأسي بيوجعني لاني على طول ( حسب نظرية
الارتباط) بتذكر قناة الجزيرة واستضافاتها المتكررة للزومة.

اما جريدة السوداني بقيت ازوغ من عموده ولولا بقية من مودة بيني
وبين الصحيفة لطلقتها بالثلاثة كراهة في الزومة. اكيد يوم الفراق
قريب.

وصيتي ليك، اذا رأيت اسمه... ففر منه فرارك من مجذوم.

Quote: الاخ جني الزول ده كرهني قناة الجزيرة وبقيت لما اشوف اسم نادوس او لقمان في المنبر عيوني بزغللن ورأسي بيوجعني لاني على طول ( حسب نظرية الارتباط) بتذكر قناة الجزيرة واستضافاتها المتكررة للزومة. اما جريدة السوداني بقيت ازوغ من عموده ولولا بقية من مودة بيني وبين الصحيفة لطلقتها بالثلاثة كراهة في الزومة. اكيد يوم الفراق قريب. وصيتي ليك، اذا رأيت اسمه... ففر منه فرارك من مجزوم.

دا المحيرنى غايتو ناس قناة الجزيرة الا بكونوا قاعد يكشفوا ليهو الأسئلة الفورية الفى تنشراتهم الاخبارية!
بجيني احساس لمن الزومة دا يقول سافرنا بالطيارة لى وين كدا بتخيلوا مع العفش كارقو!
مستحيل يكون بحس او بشعر!
والله يا زول واحد لو ماعملت حسابك من الزومة دا الا تبقى زولين!
جنى

Quote: واللهى يا زول واحد لو ماعملت حسابك من الزومة دا الا تبقى زولين! جنى

ما ده الجنن بوبي ذاتو

قبل يومين، النهار كلو و 2/1 الليل انا بكلم نفسي، والسبب الزومة.
على ذمة واحد صاحبي قال لي: انو الزومة كتب بعد زيارة الفاشر وركوب
الطايرة مع مجلس الوزراء ان الكنافة الدارفورية عجبته وقرر ان يعود
مرة تانية للفاشر عشان يأكل منها.

يعني البلد ما فيها شيء بيعجب غير الكنافة.

يا اخوانا ناس الحركات ، اشحنوا كراتين من الكنافة للراجل ده،
لانو لو قرر يسافر كتير لدارفور من اجل الكنافة فانا واخوي جني
سنكره دارفور والطيارات وكردفان ومطار الخرطوم. ممكن اخوي جني يجن.

البلادة و عرفناها كمان دنئ وبطينى يا ود الزومة!!

لانو زل متخلف لو بفهم كان يتكلم عن المصنوعات الجلدية والاحذية والمراكيب ومهارة صانعيها وامكانية تطويرها!
لكين همو فى بطنو والغبيان ما عارف الكنافة جاية معاهو فى طيارتو!
جنى

والله يا جني أنا جيت بدري من الشغل عشان أعمل ليك بوست وأنزل فيهو المقالة دي وأقول ليك تعال شوف صحبك وتنظيراتو في موضوع الشيوعيين !

صنفرة :

تعرف يا جني .. لقيت إنو ما في فرق بينك وبين عبد الرحمن الزومة قول لي كيف ؟!!
الزومة بيكتب في مساحة عمود كلام خارم بارم وكان من الممكن الجريدة تستفيد من المساحة بتاعتو دي .، وإنت بتكتب كل يوم بوست عن كتابات الزومة وكان من الممكن زول تاني يستفيد من الباندويث الإنت مهرقو دا

Quote: تعرف يا جني .. لقيت إنو ما في فرق بينك وبين عبد الرحمن الزومة قول لي كيف ؟!! الزومة بيكتب في مساحة عمود كلام خارم بارم وكان من الممكن الجريدة تستفيد من المساحة بتاعتو دي .، وإنت بتكتب كل يوم بوست عن كتابات الزومة وكان من الممكن زول تاني يستفيد من الباندويث الإنت مهرقو دا

طيب انت ما كنت حتنزلها لو ما سبقتك!
ولا كنت داير تنزلها فى كرتلة!!
انا حاتشاشيهو ليك لمن اقلع ليك نعالو من السودانى!
جنى

Quote: الشيوعيين قد تفرغوا الآن تماماً لحبك الدسائس والمؤامرات وإثارة الفتن والقلاقل، فـ(أصابع) الشيوعيين موجودة في جسم كل حركات التمرد التي نشأت في السودان في الآونة الأخيرة، سواء في الجنوب أو الشرق أو الغرب، وليس خافياً على احد التغلغل الشيوعي في تنظيمات الحركة الشعبية وغيرها من الحركات المسلحة. ولقد استطاعت (الكوادر الشيوعية) ان تتبوأ مناصب وزارية من خلال (حصان طروادة) تلك الحركات، ولا استبعد دخولهم (القصر الجمهوري) عبر واحد من تلك الأحصنة! انها أماكن لم يكونوا في السابق يحلمون أن (يمروا بجبنها)! انظروا الى الفتن في كجبار والمناصير وفي الاتحادات المهنية والطلابية... انظروا الى كل هذا لتدركوا ما يمكن أن يفعله الحقد والإحباط، ثم ضعوا خطة للتعامل مع الحقد الشيوعي الأسود الدفين.

عبد الرحمن الزومة يدعو اجهزة الامن لضرب الحزب الشيوعى. ويدعو السلطة لمنع نشاط الشيوعيين!

Quote: عبد الرحمن الزومة يدعو اجهزة الامن لضرب الحزب الشيوعى. ويدعو السلطة لمنع نشاط الشيوعيين!

الزومة يعانى من عمى الشيوعيين يا عادل وهو فى النقس الوقت يزعم انه لا وجود للشيوعيين وانهم انتهوا ثم ياتى ليطالب بطردهم ومنع نشاطهم!
دى نظرية الزومة مضايقى !
جنى

!!!!!!

Quote: لكين همو فى بطنو والغبيان ما عارف الكنافة جاية معاهو فى طيارتو!

هو بالله الكنافة جات معاو في طيارتو وهو قايلا دارفورية

والله يا جني أنا فكرت نعمل إعتصام ونسير مظاهرات لحدي جريدة الشوداني ونطالب بي فصل الزومة دا منها


عبد الرحمن الزومة : كرهتنا جريدة السوداني والجرايد المجاورة ؟!!

ياجنى, سلام

والله قرأت هذا المقال/أو على الأصح القوالة الركيكة, ولم أصدق أن صحيفة قومية بمكن أن يكتب فيها هذا الهراء. أكاد أجزم أن قردا من تلك التى هربت من جنينة الحيوانات( و لم تجد مكانا فى أشجار الجامعة بشارع النيل) يمكن أن تكتب أفضل من هذاالزومة أو البومة زى النعيق المزعج.

لابد من ترشيح هذا التعيس لدخول كتاب قينيس ليكون أغبى كاتب على ظهر الأرض, وأكيد حيفوز بدون منازع.

تبا للإنقاذ وكتابها...ويا للبؤس

انت يا جني ما عندك شغل غير ود الزومة دا 00 يا اخوي خلي الخلق لي خالقا 00 بعدين الحزب الشيوعي دا بينضرب كم مرة وكان ضربوهو انت مالك ومالو 00

يا كافي البلا





ود الباوقة

فولة وانقسمت اتنين!
يخلق من الشبه أربعين!
روحكم واحدة واتقسمت قسمين يا ظلاميين!
جنى

Quote: تبا للإنقاذ وكتابها...ويا للبؤس

الجواب من عنوانو!
وعلى القدر أهل العزم تأتى العزائم!
جنى

Quote: عبد الرحمن الزومة : كرهتنا جريدة السوداني والجرايد المجاورة ؟!!

يضع سره فى أضعف خلقو!
جنى