Post: #1
Title: يا مريخاب البورد ....واتس اب؟
Author: محمد البشرى الخضر
Date: 08-28-2007, 09:32 AM
Parent: #0
المتابع لحال الوصيفاب بعد فوز الزعيم على الأهلي , يستبين له بوضوح مدى رعبهم من إحراز الهلال لكاس البطولة
فقد إختفت النبرة الواثقة و الشماتة في خروج الزعيم من دور المجموعات و حلوله طيشا للمجموعة , و ضمان نقاطه لبقية الفرق.
و طفت على السطح الأيام دي نغمة نحن صفوة و من غيرنا و ما عارف إيه
و بدلا عن الحديث عن المريخ و مشواره و تطلعاته لبطولة الكونفيدرالية تفرغوا للحديث عن إخفاقات الزعيم و تاريخه
و نسمع كل يوم عن ماكينة النجيلة و الإستاد العالمي و الكاش و بلا بلا بلا
طيب هل الإستاد العالمي دا هو الحيجيب ليكم الكاس لوحده
اللوحة الإلكترونية دي حتسجل اهداف للمريخ في شباك خصومه عجز مهاجميه عن إحرازها
ولا الكاش البيقلل النقاش حيقلل عدد الكور المملوصة من بهاء الدين
أعتقد أن إنصرافكم عن المريخ و تفرغكم للحديث عن الزعيم و تنكيت حوادث ليها عشرات السنين مبررها الوحيد هو الخوف الذي إعتراكم من فكرة حصول الهلال على الكأس
و لعمري إنها لمصيبة شديدة على من كان كرهه للزعيم يفوق حبه للوصيف
|
Post: #2
Title: Re: يا مريخاب البورد ....واتس اب؟
Author: نيازي عبدالله مرحوم احمد
Date: 08-28-2007, 09:39 AM
| Quote: المتابع لحال الوصيفاب بعد فوز الزعيم على الأهلي , يستبين له بوضوح مدى رعبهم من إحراز الهلال لكاس البطولة |
ابدا والله لم ولن نرتعب من فوز الهلال بالكاس فربما ربما تتساوي وتتلاحق الكتوف لكن لما يجي واحد زي تاج السر ويقلل من عظمة وتاريخ وانجازات المريخ العظيم قطع شك بنزعل وزعلتنا حارة وهي في الاخر مكايدات ....ان شاءالله تفوزوا اصلوا الهلال عمرو ما فرح جماهيروا
|
Post: #4
Title: Re: يا مريخاب البورد ....واتس اب؟
Author: محمد البشرى الخضر
Date: 08-28-2007, 09:52 AM
Parent: #2
يا نيازي تاج السر لا من الليلة لا من أمس بيقلل من شأن المريخ
لكن لا حظ لكمية البوستات الإتكتبت بعد مباراة الأهلي , طيب خليك من دا
إنتوا لاعبين في بطولة مهمة برضو و جاياكم نباراة كوارا , هل في أي حد كتب عنها
البوست الوحيد الجاب سيرة البطولة إتحدث عن مباراة الإسماعيلي - قفز على مباراة كوارا- و حتى البوست دا لم يتناول الشأن الفني , بل تحدث عن إستقبال بورود و بطيخ , أي تعريض بفوز الزعيم على الأهلي و الأحداث المصاحبة له
أنا عارف من حسي لو الهلال شال الكاس حتسموهو " كاس الأرهاب " على طريقة تسمية كاس المجاعة
|
Post: #3
Title: Re: يا مريخاب البورد ....واتس اب؟
Author: محمد البشرى الخضر
Date: 08-28-2007, 09:41 AM
إذا كان دا حال الوصيفاب في البورد مع القدر العالي من تعليمهم و فهمهم و كدا
طيب باقي الوصيفاب الما إتعلموا يسووا يشنو ؟
جنس البفلقوا الموردة وهم غالبينها ديل , اظن لو الهلال شال الكاس - إن شاء الله - حنسمه بي حالات كوما و صدمات سكري و ضغط حمراء
إنها فوبيا الزعيم
و الخوف من سقوط ورقة التوت الوحيدة اللتي يستر بها الوصيفاب عجزهم عن التفوق على الزعيم
في بعض الوصيفاب لو خيروا , بين فوز المريخ بالبطولة الحالية و خسارة الهلال لرجحوا كفة خسارة الزعيم على حساب آمالهم في البطولة
|
Post: #5
Title: Re: يا مريخاب البورد ....واتس اب؟
Author: حمزاوي
Date: 08-28-2007, 10:09 AM
اخي البشرى
مسكاقمي
| Quote: هو الخوف الذي إعتراكم من فكرة حصول الهلال على الكأس |
ياتو كأس يا اللخو
|
Post: #6
Title: Re: يا مريخاب البورد ....واتس اب؟
Author: محمد البشرى الخضر
Date: 08-28-2007, 10:17 AM
Parent: #5
حمزاوي ياعمك
مسكاقمك ...إسي قي تاري
أكيد ما كاس الدوري لأنوا جلدكم تخن فيهو و بقى ما هاميكم , كان أربعو ولا خمسة و لا ستة سنة, عادي بقت ما بتفرق معاكم - طالما بهاء الدين في
أنا يا بوي قاصد كاس الأندية الأبطال - ركز لي مع الأبطال دي بالله , يعني الزعماء الجد
|
Post: #7
Title: Re: يا مريخاب البورد ....واتس اب؟
Author: حمزاوي
Date: 08-28-2007, 10:51 AM
اخوي البشرى
مسكاقمي
| Quote: أنا يا بوي قاصد كاس الأندية الأبطال - ركز لي مع الأبطال دي بالله , يعني الزعماء الجد |
أنت كدا يا اللخو زعلت ماما منك ( هي قاعدة جنبي وقالت الولد دا مالو )
دفعة واحدة كدي دايرين تجيبوا كاس ابطال افريقيا
انت ما سممعت ابوجريشة قال ليكم شنو
اكرر ليك قال ليكم اول حاجة يا الهلالاب عشان تجيبوا كاس محمولة جواً
أمشوا ابدوا من سيكافا
وتعالوا ماشين خطوة خطوة
عشان تحاكو المريخ صاحب البطولات المحمولة جواً
أنتهى كلامه ( اقصد ابوجريشه )
أهلنا المحس يا اللخو عادة بيقولوا مبروك لمن يشوف الحاجة حقيقة
يعني اماني العرب والناس البيتكلمو عربي هم ما معاهم ولا مع احلامهم
وكمان بيقولوا للواحد يكون احلامك قدر امكانياتك
ولكن تجاوزاً انا حاقول ليك احلم
هو الحلم بي فلوس
واهو بنقول ليك كمان تلك امانيهم
قصرنا معاك
|
Post: #8
Title: Re: يا مريخاب البورد ....واتس اب؟
Author: محمد البشرى الخضر
Date: 08-28-2007, 01:04 PM
Parent: #7
| Quote: هلنا المحس يا اللخو عادة بيقولوا مبروك لمن يشوف الحاجة حقيقة |
أها و اهلك المحس ديل قالوا لمن الحاجة تقرب تبقى حقيقة بتمسكم أم هلاهلا
و بقعدوا زي المجانين كدا إحنا و إحنا و إنتوا و إنتوا
يا خي اهلك المحس ديل ماعندهم كورة بعد يومين تلاتة و عندهم أمل في كاس جديد
أمانة عليك من وسط خرطمية بوست أحمر الهوى طلع لي كلمة واحدة عن الإستعداد لمباراة كوارع
البوستات كلها
الهلال فعلتك الهلال تركتك
الشبكة
المكنة
الإرهاب
علاء الدين يوسف
هضربة شديدة بالزعيم , حكاية يشيل الكاس دي عاملة ليكم حمى طالعة في الراس
يا ترى حتكتبوا عن شنو تاني ؟
و سلم لي على الماما القاعدة جمبك
|
Post: #9
Title: Re: يا مريخاب البورد ....واتس اب؟
Author: اساسي
Date: 08-28-2007, 03:33 PM
Parent: #8
اخي مريخابي
سافر الي القاهرة لمساندة فريق الاهلي في مباراته امام الهلال
وفي الخرطوم وقف بشراسة مع الاهلي ضد الهلال
اتصلت عليه صباح اليوم وسالته اين انت قال يكمل في اجراءات سفره لتونس
سالته ومالك ولتونس ؟؟
قال فريق الترجي بحاجة لمساندة قوية لحفظ ماء وجهه في البطولة الافريقية؟؟
والله بالجد
قال لي انت عار علي فريق المريخ بعد ان قرأ كتاباتي في هذا المنتدي وتمنياتي المتواضعة للاهلي المصري بالفوز
وتمنياتي البائسة للترجي في مقابلته مع الهلال السابقة
وقال لي الافضل ان تتحول لتشجيع الهلال مباشرة بدلا عن هذه الوقفة التعيسة التي وقفتها مع الهلال
|
Post: #10
Title: Re: يا مريخاب البورد ....واتس اب؟
Author: محمد البشرى الخضر
Date: 08-28-2007, 11:09 PM
Parent: #9
يعني اخوك دا كان لاقى دكتور شهاب في ملف ضيق
الدكتور إلا يمرقنو كرعينه وكدا
ولا كيف؟
|
|