|
الأسلحة الكيميائية وحقيقة استخدامها في السودان في منتدى ميديكس للحوار
|
|
 Re: فـقـدت الـذاكـرة فـي الـسـودان (Re: salma subhi)
|
| Quote: حمدالله على السلامة....بركة الرجعت بعد ده كله متذكرني يا أخ هاشم..أنا سلمى صبحي... |
المشاغبة الكبيرة سلمي والله ليك وحشة كبيرة واكيد متذكرة الان لكن في السودان كنت
ماسح اي حاجة لكن الحمد لله الذاكرة رجعت .
| |
 
|
|
|
|
|
|
|
|
Re: فـقـدت الـذاكـرة فـي الـسـودان (Re: هاشم أحمد خلف الله)
|
Quote: لا صبحية بيستنوا
ولا ضهرية بيهتموا
ولا عصرية بيتلموا
وفي الأسواق حاجة تحرق الأعصاب
لا تاجر معاك بصِدق وكل تجارتو بالشيكات
وفي بيتك تقول تتلم وما بتسلم
وكهربتك تشفط الدم
جـمـرة خبيثة سموها
وتدفع فيها دم قلبك
وما تقرح تقول كهربتي تضؤي البيت
وحات إسم الله تتبشتن وتشم الدم
وتلاجتك كمان تخرب !!
وتلفازك كمان يحرق !! |
وجوانا الجرح مكتوم
وخفنا جرحنا يفضحنا..
نص معبر جدا استاذ هاشم وواقعى .. يسلم الاحساس .. تقديرى ..
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: هند محمد)
|
أمثلك يفقد الذاكرة؟؟؟
رحلة الحياة أخي هاشم
برية وبحرية وجوية
تصَب في السودان
وكرم الضيف من العدمان
عنوان.. وقطار الشوق
يسابق.. يعبر الأزمان
وكان للألوان دي علبة
مغلقة ومغلفه عليها
ديباجه ..موضة .. وعولم
ماتحتار ...أوقد ..نار
كرم ..معلق ..للضيفان
وعفة ..نفس ..في المعدوم
والمامكسي ..هدوم
غاطاهوا.. الستره
والمهموم.. والمعدوم
ياهم أهلي ..وبطان بلدي
في الخيران .. مطر
وللأعشاب ..زرع أخضر
وتيراب ..في ..الأرض
مرشوش ..بكره..ينبت
ويحكم.. ويعدل..ويسود
ده..المعهود ..
وحكمة..يارب ..ورحمتك.
،،،،أبوقصي،،،،
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: مجدي عبدالرحيم فضل)
|
Quote: أمثلك يفقد الذاكرة؟؟؟
رحلة الحياة أخي هاشم
برية وبحرية وجوية
تصَب في السودان
وكرم الضيف من العدمان
عنوان.. وقطار الشوق
يسابق.. يعبر الأزمان
وكان للألوان دي علبة
مغلقة ومغلفه عليها
ديباجه ..موضة .. وعولم
ماتحتار ...أوقد ..نار
كرم ..معلق ..للضيفان
وعفة ..نفس ..في المعدوم
والمامكسي ..هدوم
غاطاهوا.. الستره
والمهموم.. والمعدوم
ياهم أهلي ..وبطان بلدي
في الخيران .. مطر
وللأعشاب ..زرع أخضر
وتيراب ..في ..الأرض
مرشوش ..بكره..ينبت
ويحكم.. ويعدل..ويسود
ده..المعهود ..
وحكمة..يارب ..ورحمتك.
،،،،أبوقصي،،،، |
ابو قصي الشفيف مشكور علي المرور لكن كدي جرب وامشي إجازة للسودان ما بقول
ليك السودان ما حلو لكن المعاناة كبيرة والمعيشة بقت صعبة شديد وبصراحة
ناس عايشة وناس دايشة وناس تطلع من صباح الرحمن وترجع يد قدام ويد وراء
ومافيش إنتاج , المسألة محتاجة إعادة نظر وانتا عارف انا مابتاع سياسة
لكن وانتا في السودان تلاقي نفسك معارض . وجايك تاني بالمهلة .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: هند محمد)
|
Quote: وجوانا الجرح مكتوم
وخفنا جرحنا يفضحنا..
نص معبر جدا استاذ هاشم وواقعى .. يسلم الاحساس .. تقديرى .. |
هند الجميلة مشكورة علي المداخلة وفعلاً هذا النص كتبتو من واقع الحياة
المعاشة في السودان ولم التزم فيه بالقافية ولا الأوزان الشعرية واعتبرتها
زي حكاية شعبية , وذلك بحكم مخالطتي بأهل السودان المغلوبين علي أمرهم
وربنا يفرج عليهم وعلينا نحنا من الغربة العصيبة .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: هاشم أحمد خلف الله)
|
| Quote: لكن وانتا في السودان تلاقي نفسك معارض . وجايك تاني بالمهلة . |
اها يا ابو قصي جيتك تاني صاد, تخيل يا ابو قصي عدد الخريجين من الجامعات واخص منهم المهندسين
اين موقعهم من اٌلإعراب !! بلد زي السودان ينتج كميات كبيرة من البترول ومن مشتقات البترول قول لي
ماهي خطته للاستقادة من الخريجين ؟؟ والله شاهدتهم بام عيني سائقين رقشات او سيارات امجاد او اعمال
خاصة ويا ريت لو تكفي الواحد نفسه, والله مآسي ماشه في الشارع والشاب تقول عمره مائة سنة من الهم
والغم وليس هناك إي تفكير في الزواج إطلاقاً , هو الواحد قادر يصرف علي نفسه شان يجيب ليهو روح
تانية ؟؟ وناس السودان ديل عايشين بقدرة قادر , قصدي حيين !!! انا شخصياً إتلخبطت لخبطة شديد
هو فقد الذاكرة دا بالساهل كده ؟؟
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: هاشم أحمد خلف الله)
|
ألأخ/هاشم/////
الحمد لله إنك فقدت الذاكرة فى السودان وسط أهلك وأخوانك والحبان..
الناس أنماط مختلفة....فى ناس بتفقد الذاكرة مثلك..وفى ناس بتجن عديل..وفى ناس بتعيش الفرح ...
مرتين....ومن حقك التعبير وأنت عكست واقع عايشتو....
نعم الظروف صعبة..والمعيشة غالية وطاحنة ولكن لها لذة من نوع تانى...
دعنا نغنى للحب ....إنه إكسير الحياة به تزول الصعاب ومنه ينبع ألأمل..
إسماعيل محمد احمد عباس..........
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: ismeil abbas)
|
Quote: يشيلو قروش من السودان
يوزعوا فيها في كل مكان
لا بيهتموا للتعبان ولا المرضان
ولا العائش دوام فقران
يحكموا الناس بإسم الدين
يقولوا للعلم تامين!!
ايه وفرتو للغائبين !!
شفطتو دمانا يا باردين
قلعتو حقوقنا حُمرة عين
بدون خدمات بدون تامين |
هاشم ايها الحبيب
فقدان الذاكرة يا صديقي
والتوهان الذى عدت وعدنا
به من السودان !!!
يمثل مرحلة خطيرة يجب أن
نتجاوزها 00
حتى لا نعود للمربع الأول
والسؤال البرئ 00
أين يكمن الحل 00؟؟
مع مودتي 000
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: محمد على طه الملك)
|
Quote: عارف يا هاشم قصيدتك دي
عكست لي الحالةالإجتماعية والإقتصادية والسياسية الراهنه في السودان..
صدق من قال.. قلب الشاعر مرآة. |
ود الملك سلامات والله ياها دي الحالة اللي انا حسيتها في السودان وطبعاً انا لمن امشي للسودان بزور
كل الناس الجيران اولاً والاهل والأصدقاء ثانياً والناس ياها الناس بس كلهم جارين جري الوحوش ولكن بكل
اسف بدون فائدة دائماً ما يرجعون يداً وراء ويداً قدام والله عالم بالحال . نسأل الله الفرج القريب .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: عثمان سيد أحمد)
|
Quote: هاشم ايها الحبيب
فقدان الذاكرة يا صديقي
والتوهان الذى عدت وعدنا
به من السودان !!!
يمثل مرحلة خطيرة يجب أن
نتجاوزها 00
حتى لا نعود للمربع الأول
والسؤال البرئ 00
أين يكمن الحل 00؟؟ |
المسرحي الفذ عثمان سيد أحمد مرورك من هنا يعني إنك تتفق معي أن المعاناة في السودان لا حدود لها
نسأل الله أن يتجاوز السودان محنته هذه , وسؤالك أين يكمن الحل سؤال قائم نأمل إيجاد إجابة له .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: ismeil abbas)
|
Quote: ألأخ/هاشم/////
الحمد لله إنك فقدت الذاكرة فى السودان وسط أهلك وأخوانك والحبان..
الناس أنماط مختلفة....فى ناس بتفقد الذاكرة مثلك..وفى ناس بتجن عديل..وفى ناس بتعيش الفرح ...
مرتين....ومن حقك التعبير وأنت عكست واقع عايشتو....
نعم الظروف صعبة..والمعيشة غالية وطاحنة ولكن لها لذة من نوع تانى...
دعنا نغنى للحب ....إنه إكسير الحياة به تزول الصعاب ومنه ينبع ألأمل..
إسماعيل محمد احمد عباس.......... |
العزيز الغالي إسماعيل مشكور علي المرور وإنشاء الله تكون بخير وصحة جييدة وكذلك العيال
| Quote: ومن حقك التعبير وأنت عكست واقع عايشتو.... |
فعلاً انا بحكي عن معايشة لاهلي الغبش عن قرب ولا أدعي بطولة والعايز يجرب يمشي إجازة للسودان
ويشوف بعينه ويحس بالناس الحوليه , هي مجرد أحاسيس غالبتني حتي مرقت بره , شكراً إسماعيل .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: عبدالله داش)
|
صديقي الشاعر هاشم
كويس إنك فقدت الذاكرة بس
في ناس فقدت أعصابها عديييل !!!
قصيدة تعبر عن الحال وتطرح السؤال
متى وكيف وأين نجد الحلول .. توزع
أبناؤنا بين المنافي وضاقت بنا السبل
وتشعبت ..
لا نملك سوى أن نسأل الله الفرج ،،،
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: عادل جبارة)
|
Quote: صديقي الشاعر هاشم
كويس إنك فقدت الذاكرة بس
في ناس فقدت أعصابها عديييل !!!
قصيدة تعبر عن الحال وتطرح السؤال
متى وكيف وأين نجد الحلول .. توزع
أبناؤنا بين المنافي وضاقت بنا السبل
وتشعبت ..
لا نملك سوى أن نسأل الله الفرج ،،، |
صديقي العزيز عادل جبارة , نعم نسال الله الفرج لكن كمان نسال المسؤولين عن البلد الاوضاع دي عاجباهم
؟؟ إذا كانت عاجباهم نحنا والله ما عاجبانا , والغريب في الأمر وانتا في الغربة تشوف السودان عبر
التلفزيون تقول والله أجمل بلد واحسن حكومة لكن تخش جوه تشوف العجب والما مصدق يمشي السودان ويحوم
يعني ما تقضي إجازتك في بيتك او بيت اهلك وتخلف رِجل علي رِجل وتقعد تتونس , وشوف الناس دي حالتها
كيف وياريت لو تبداء بأهل بيتك اولاً ثم الجيران ثم الأهل ثم بقية أهل السودان .
الحالة صعبة شديد والبلد غالية غلاء مبالغ فيهو والله انا لسع محتار الناس دي عايشة كيف ؟ وبعد ده
كلو قول ربنا يبعد عنهم المرض ده غير مصاريف الدراسة اما الأكل والشراب فحدث ولا حرج , زمان الناس
كانت تفرح لو جاها ضيف لكن الليلة الناس بقت تخاف لو جاءها ضيف , الله المستعان وبرجع ليك تاني يا
عادل جبارة وإنشاء الله أقدر اوصل رسالتي دي لكل الناس .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: عبدالله داش)
|
Quote: وياهو دا الســــــــــودان
حمدا لله على سلامتك
إذا على الذاكره هينه
هاشم المرح
مودتى |
مرحب بالشاعر الفذ داش , انتا عارف يا داش لازم تاخد ليك إجازة للسودان وتعايش اوضاع الناس هناك
كيف ؟ والله الإنسان لو ما بنفسه سافر وجرب ماممكن يتقتنع ابداً بس نقول يا مسهل . مشكور علي المرور
والقاء التحية .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: هاشم أحمد خلف الله)
|
Quote: نعم الظروف صعبة..والمعيشة غالية وطاحنة ولكن لها لذة من نوع تانى...
دعنا نغنى للحب ....إنه إكسير الحياة به تزول الصعاب ومنه ينبع ألأمل..
إسماعيل محمد احمد عباس.......... |
أخي هاشم
قصيدتك دى وقفت الحركة في السودان ..
يوم كنا في شارع بيت إشراقة حيمورة
طيب لوفقدت الذاكرة هناك أتذكر إنك عرفتنا هنا.
إسماعيل عباس إزيك ..انت وين ؟
فعلا الحياةفى السودان لها طعم خاص
أنا مشيت السودان وجيت أعاين لك متل هلال الشهر
أرجو أن تكون بخير
تحياتى
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: المسافر)
|
Quote: آآآآآآآآزوووووووووووووووول
أركزززززززززززززز ساي
الفقد واحد..
واتحمدل
في ناس فقدت روحها... |
لو عرفتا يا مسافر كان معاك اليوم بسافر
لمدن مليانة بهجة ولحقوق الناس تجاهر
احسن الله عزاءكم يا اخي .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: سمية الحسن طلحة)
|
Quote: أخي هاشم
قصيدتك دى وقفت الحركة في السودان ..
يوم كنا في شارع بيت إشراقة حيمورة
طيب لوفقدت الذاكرة هناك أتذكر إنك عرفتنا هنا. |
اختي العزيزة الغالية سمية , حمداَ لله علي سلامتك اولاً انا لن أنساكم ابداً ولكن معاناة اهل السودان
إختزنت في ذاكرتي وليس من الساهل ان أتجاهلها , مشكورة علي المرور .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: هاشم أحمد خلف الله)
|
ألأخ/العزيز هاشم..
شوف دائمآ بوستك بلم الناس الطيبة الجميلة الراقية الحنينة..ما إنت قطعة سكر....
تحياتى عبرك للملكة سمية الحسن طلحة..ألتى من شيمها الكرم وألأصالة الما بتنسى الناس..ست ألأحساس..
حقيقة ألأخ/هاشم وصل لينا سلامك الحار وهو سعد بلقياك فى الخرطوم وكم تمنيت أن أكون معكم..ولكن إنتى الواحد إلآ يقصدك عديل يا بت الملوك...
ربنا إنشا ءالله يجمعنا فى بلدنا الحبيب ويرد غربتنا جميعآ....
تسلمى على السؤال يا رائعة..
لكم جميعآ مودتى.
إسماعيل محمد أحمد عباس.............
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: ismeil abbas)
|
Quote: ألأخ/العزيز هاشم..
شوف دائمآ بوستك بلم الناس الطيبة الجميلة الراقية الحنينة..ما إنت قطعة سكر....
تحياتى عبرك للملكة سمية الحسن طلحة..ألتى من شيمها الكرم وألأصالة الما بتنسى الناس..ست ألأحساس.. |
العزيز الغالي سمعه وانت احد الناس الطيبين , شكراً جميلاً والشكر عبرك موصول للاخت الملكة سمية .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: انعام حيمورة)
|
Quote: قصيدة حلوة جدا ومعبرة عن الوضع والحال ..
بس صاحبك علاء الدين كان جاء برضو بطش من بيتهم ..
نتمنى لك عودة بالسلامة |
العزيزة الغالية واختي الحبيبة إنعام حيمورة والله السودان حلو بناسو فقط وإنشاءالله الظروف كمان
ما تغيرهم والحال يغني عن السؤال , اما زولك علاء الدين اظنو نسي اسمو ظاتو , بس اصبروا عليهو
شوية ويجيكم بالمهلة .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: انعام عبد الحفيظ)
|
Quote: هاشم العزيز
وكيف ما تفقد الذاكرة!!!
وحال السودان يغني عن سؤاله
ولهم ولنا الله
يكفيك أنك كنت بين الأهل والحبان |
اختي الحبيبة الغالية إنعام عبد الحفيظ , حمداً لله علي سلامتك ليك مدة بعيدة عن المنبر لكن رجوعك
امتعنا كوني بخير والسودان لو لا انتم لما كان كما كان , والبركة في الشوفة .
يكفيني بس انا حِنكم وانا منكم
عشمان ادندن بالغناء العندكم
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: هاشم أحمد خلف الله)
|
Quote: فقدت الذاكرة في السودان
بقيت تائه بدون عنوان
وفي السودان بتبقي غريب
تشوف الناس عِلب الوان
|
أولاً حمداً لله على السلامة يا أبو أحمد على العودة لأرض المملكة.. و رجوع الشبكة بعد إنقطاع إجباري و إن شاءالله تكون إستمعت بالإجازة ... يعني الواحد ما يرجع السودان و لا شنووو؟ و الله كان أتمنى أن أقابلك يابو أحمد لكن زي ما بقولو (الحي مصيروا يلاقي طال الزمن أو قلا)... و لك عاطر التحايا....
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: Haytham Abdulaziz)
|
الاخ العزيز هاشم ،،،
لقد لخصت حال البلد الحقيقية فى كلمات مبسطة ومعبرة ،،،
ولكن ،،،
من الفارقات زمان كان المغتربين البجو إجازات للسودان بعرفوهم من العربات الراكبنها ،،
ومن اللبس الشياكه الماموجود زيه فى البلد ،، ومن الدفع بسخاء فى المناسبات ،،
ومن البذخ فى الصرف فى الاعراس والمآتم ،،،
أما اليوم بقوا يعرفوك مغترب لما تستنكر وتندهش ،،،
تجى تشترى حاجه أو تدفع لبتاع التاكسى ، ويقول ليك بى كده ،،،
تقوم تستغرب ،، وتندهش ،، وتقول ليه !!
يعرفوك مغترب طوالى ،،،
الناس فى السودان إعتادت على تلك الاوضاع من خلال معايشتها اليومية للتغيرات التى تحدث ،،
والتى تنزل عليها تباعا دون توقف ،، فلا تكاد تستفيق من كارثة الا وتنزل عليها الاخرى ،،،
وفى النهاية اضطرت تتكيف مع تلك الاحداث ،، وتجاريها ،،،
فأصبحت بالنسبة ليها عادية ، ولا يتوقفون عندها كثيرا ،،،
ولعل الغالبية سئمت من التذمر ، والشكوى ،، وفوضت أمرها لله ،،،
واصبحت تتقبل الواقع على علاته ،،،
عشان كده أصبح من الصعب تفرق بين الناس ،،،
مين فيهم المغلوب على أمره ،، ومين فيهم المرتاح ،،،
مع عاطر التحايا
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: الفاتح الجنيد)
|
Quote: وفي السودان ناس لا ضاقت المُرة
ولا زازت فردِ مرة
ولا بتعرف كمان تعرق
ولا بتعرف تصٌر الوش
يشيلو قروش من السودان
يوزعوا فيها في كل مكان
لا بيهتموا للتعبان ولا المرضان
ولا العائش دوام فقران
يحكموا الناس بإسم الدين
يقولوا للعلم تامين!!
ايه وفرتو للغائبين !!
شفطتو دمانا يا باردين
قلعتو حقوقنا حُمرة عين
بدون خدمات بدون تامين |
وشنو تاني ممكن يتقال؟
بعد أكل لحمنا وشرب دمنا؟؟
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: Muna Khugali)
|
أبوأحمد صديقي
ياأخوي أنت أكرب بطنك ساكت أحمد بربطك بقادي
لكن أنا ياأخوي شايف المعانه دي بصور التحويل
الشهر للوالدين هم وبس تقول معاهم عشرين شخص الله
يكون في عونك يابلد حقوا تتغير الأغنية تاني ماجايك
يابلد تبقي هجرة بلا عوده ولا الراي شنو ياأبوأحمد الأب دييت
عندك لسع نيو ودايره قعده الحكاية.
،،،،أبوقصي،،،،
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: مجدي عبدالرحيم فضل)
|
Quote: أبوأحمد صديقي
ياأخوي أنت أكرب بطنك ساكت أحمد بربطك بقادي
لكن أنا ياأخوي شايف المعانه دي بصور التحويل
الشهر للوالدين هم وبس تقول معاهم عشرين شخص الله
يكون في عونك يابلد حقوا تتغير الأغنية تاني ماجايك
يابلد تبقي هجرة بلا عوده ولا الراي شنو ياأبوأحمد الأب دييت
عندك لسع نيو ودايره قعده الحكاية.
،،،،أبوقصي،،،، |
صديقي الحيبب ابو قصي والله السودان حالو يغني عن سؤالو انتا بس جرب وامشي شوف والمصاريف البترسلها
لاهلك انتا بتشوفها كتيرة لكن والله مع الوضع الحالي ده تقول معذورين والإنسان لو ما بنفسه جرب ومشي
وشاف شوف العين ما بيقتنع بذلك ابداً والله بس يكون في العون .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: Muna Khugali)
|
Quote: وشنو تاني ممكن يتقال؟
بعد أكل لحمنا وشرب دمنا؟؟ |
والله يا مني انا قلت كتير ويكفي اني فقدت الذاكرة عديل كده , الباقي علي الناس البتشوف في الغلط
وساكتة , مشكورة علي المرور ويكفي إنك مررت من هنا والفقد واحد زي ما بيقولوا .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: الفاتح الجنيد)
|
شاعرنا الكبير الفاتح الجنيد , تحية إجلال وإحترام وبزيارتك بوستنا نور , كان بإلامكان الإكتفاء بما
كتبته في مستهل حديثك ( Quote: لقد لخصت حال البلد الحقيقية فى كلمات مبسطة ومعبرة ،،،
) |
ولكن بعد لكن وجب إنزال مداخلتك كاملة أدناه :-
الاخ العزيز هاشم ،،،
لقد لخصت حال البلد الحقيقية فى كلمات مبسطة ومعبرة ،،،
ولكن ،،،
Quote: من المفارقات زمان كان المغتربين البجو إجازات للسودان بعرفوهم من العربات الراكبنها ،،
ومن اللبس الشياكه الماموجود زيه فى البلد ،، ومن الدفع بسخاء فى المناسبات ،،
ومن البذخ فى الصرف فى الاعراس والمآتم ،،،
أما اليوم بقوا يعرفوك مغترب لما تستنكر وتندهش ،،،
تجى تشترى حاجه أو تدفع لبتاع التاكسى ، ويقول ليك بى كده ،،،
تقوم تستغرب ،، وتندهش ،، وتقول ليه !!
يعرفوك مغترب طوالى ،،،
الناس فى السودان إعتادت على تلك الاوضاع من خلال معايشتها اليومية للتغيرات التى تحدث ،،
والتى تنزل عليها تباعا دون توقف ،، فلا تكاد تستفيق من كارثة الا وتنزل عليها الاخرى ،،،
وفى النهاية اضطرت تتكيف مع تلك الاحداث ،، وتجاريها ،،،
فأصبحت بالنسبة ليها عادية ، ولا يتوقفون عندها كثيرا ،،،
ولعل الغالبية سئمت من التذمر ، والشكوى ،، وفوضت أمرها لله ،،،
واصبحت تتقبل الواقع على علاته ،،،
عشان كده أصبح من الصعب تفرق بين الناس ،،،
مين فيهم المغلوب على أمره ،، ومين فيهم المرتاح ،،،
مع عاطر التحايا |
نعم أستاذ الفاتح لا غبار علي حديثك ولكن الناس اصبحت تخاف المرض حتي لا تبدد فلوسها في العلاج حيث
هناك طلبات كثيرة في إنتظارهم واهمها تعليم الأولاد وتوفير الطعام والملبس وحق الموصلات وحق الكهرباء
وحق البلدية ( والبلد ترفل في القمامة حتي أخمس قدميها والذباب خير دليل علي ذلك ) وحق الإيجار هذا
بالنسبة للناس الما عندهم بيت ملك وإذا كان عندك بيت ملك اها حق العتب والصيانة كيفما إتفق .
رايت عجائب وغرائب ومحن ومصائب , ربنا يكشف الضر ويعدل المعوج ويصلح الغلط لانو الناس عجزت عن إي
تغير , عارف ليه لانو ما عندهم زمن حتي للتفكير والله الناس ماشة في الشوارع زي خيال الماتة المحنط .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: Haytham Abdulaziz)
|
| Quote: أولاً حمداً لله على السلامة يا أبو أحمد على العودة لأرض المملكة.. و رجوع الشبكة بعد إنقطاع إجباري و إن شاءالله تكون إستمعت بالإجازة ... يعني الواحد ما يرجع السودان و لا شنووو؟ و الله كان أتمنى أن أقابلك يابو أحمد لكن زي ما بقولو (الحي مصيروا يلاقي طال الزمن أو قلا)... و لك عاطر التحايا.... |
الحبيب البعيد الما قريب هيثم إنشاء الله انتا بس عافية وجميع الأهل والأقارب والأصدقاء والإجازة بصراحة
لو لا بورداب الخرطوم كانت حاتكون كارثة عديل كده , ولازم ترجع السودان يا هيثم تشوف اهلك واصدقائك
وتشوف حال البلد الواقف , يعني ببساطة كده يا هيثم تدفع او تشتري الكهرباء مقدماً وبعد داك كمان
يقطعوها مِنك اها هسع دي يحلوها كيف ؟؟ وفي موضوع تاني ولو إنو عايز ليهو بوست خاص كمية السيارات
الدخلت البلد مع الطرق الما معروفة وين !! ياخي والله زحمة تحير الواحد عديل كده !! ولا جوه الخرطوم
انا لحدي هسع ما عارف ليه الناس دي مٌصرة علي انه هو العاصمة .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: الرشيد شلال)
|
ابو الشوش العزيز
حمد الله الف على السلامة
دي ملحمة عديل كده دي ما قصيدة..كويس انك وريتني الحاصل شنو اصلي نازل في اجازة..بعد عيد رمضان ومن هسي بجهز لي مضاد لفقد الذاكرة..
الف تحية ليك..وان شاء الله فقدان الذاكرة لي عدوينك
محمد
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: mohmed khalail)
|
Quote: ابو الشوش العزيز
حمد الله الف على السلامة
دي ملحمة عديل كده دي ما قصيدة..كويس انك وريتني الحاصل شنو اصلي نازل في اجازة..بعد عيد رمضان ومن هسي بجهز لي مضاد لفقد الذاكرة..
الف تحية ليك..وان شاء الله فقدان الذاكرة لي عدوينك
محمد |
تسلم كتير يا محمد اخوي علي المرور والفنان قال ( ما اصلو الباقي باقي )
ولو لحقتا ليك شوية مطرة يمكن شوية تنعشك وتجي بعدها الباعوضة تنشفك وفي
الصباح الضبان كتير يجضمك , يازول ها خليها علي الله , لكن تصدق يا محمد
إكتشفتا انو الشمس هي فعلاً اكتر جهه خيرية في السودان تعمل بلا مقابل !!!!
وبحرارتها دي بتقتل في كمية كبيرة من الحشرات الزاحفة والطايرة .
لكن برضو الباقي باقي واصلو دنيا الناس مشاغل , لا حب ولا يحزنون ابحث عن
المال بإي طريقة وبإي إسلوب هذا هو قانون السودان الجديد .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: الرشيد شلال)
|
Quote: حمدالله على السلامة العزيز هاشم ، وارجو تحمدالله كثيرا على احتفاظك بزاكرتك لكى تكتب ماوصفت ، تناقض غريب ومفارقات تمتد معها مساحات من الحزن، متى ننعم بما نحلم ؟
لك الود والتحية0 |
الاخ العزيز الرشيد تحياتي والله حتي الحلم اصبح مستحيل في هذا الزمن العجيب والبلد
الرهيب , والحزن في قلبي اصبح شئ طبيعي .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: ghariba)
|
Quote: هاشم
حمد الله على السلامة
مشكلتنا باننا نفقد الذاكرة في اليوم أكثر من مرة
ولكنها اخي هاشم
انها ذاكرة من نوع خاص قابل للمسح في ابسط الظروف
اما ذاكرتنا وذاكرة الوطن فهي ثابة ولا تمحو تحت أي ظرف كان |
اخي صلاح غريبة مشكور علي المداخلة وفقد الذاكرة بمعناها العميق هو الرفض
التام لما يدور في البلد من جهوية والتسلق علي اكتاف الغير للوصول لغايات
دنيوية بحتة , اشكرك مرة اخري علي المداخلة .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: هاشم أحمد خلف الله)
|
العزيز / هاشم أحمد خلف الله ،،،،، تحياتي وأشواقي
الذاكرة المفقودة دي كلها في الحلة الجديدة ،،،، ووسط الخلاوي ،،،ولا هجيت الاقاليم
زمان ما كان كدا ياهاشم ،،، كان زمن جميل ،،، والذاكرة دائما حاضرة ،،،والناس كلهم حلوين
الله يدي العافية
ود الامير
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: ياسر الامير ابوجكة)
|
Quote: العزيز / هاشم أحمد خلف الله ،،،،، تحياتي وأشواقي
الذاكرة المفقودة دي كلها في الحلة الجديدة ،،،، ووسط الخلاوي ،،،ولا هجيت الاقاليم
زمان ما كان كدا ياهاشم ،،، كان زمن جميل ،،، والذاكرة دائما حاضرة ،،،والناس كلهم حلوين
الله يدي العافية
ود الامير |
ود الأمير إنشاء الله دائماً تامي ولامي وفقد الذاكرة دي حكايتها حكاية أقراء النص مرة تانية وثالثة
وبتعرف براك الحاصل شنو ؟ والله انا أعتقد انو الأقاليم ارحم من الحالة اللي انا شفتها بام عيني
واحسستها بكل مشاعري , غايتو نقول الله غالب .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: هاشم أحمد خلف الله)
|
Quote: فقدت الذاكرة في السودان
بقيت تائه بدون عنوان
وفي السودان بتبقي غريب
تشوف الناس عِلب الوان
فقد الذاكرة حقيقة تحير الإنسان
وفي السودان قدر محتوم
وخط مرسوم
وفي واقع حياتنا لزوم |
اخى العزيز هاشم
عارف انا لمن لقيت نفسى غريبة فى بلدى قررت بطوعى واختيارى انى افقد الذاكرة الى ان يقضى
الله امرا اخر والى حين وفقدتها اكتر لمن رجعت لاول مرة بعد اربعتاشر سنه من خروجى من السودان مع جثمان الخليفة عليه رحمة الله حسيت بالغبن والحزن والغربة اكتر والله العظيم لى اكتر من سنتين ونص روحى معلقة علشان اجى ازور الخليفةالف رحمة ونور عليه لكنى ماقادرة اكسر الحاجز الجواى وكل مااحدد واقول خلاص ماشية
مابقدر والله العظيم غربتى بحس بيها من هنا قبل مااتحرك وبلقى نفسى ماقادرة امشى وبقوم ماامشى ، كان الله فى عون السودان وناس السودان الجوة والبرة هم متساون فى الهم وهم الاحساس انك غريب فى بلدك اسوء انواع الغرية.
تحياتى اخى العزيز
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: الطيب شيقوق)
|
Quote: وحياة ديني يكون ادوك عين على نورتك دى في غندهار - انت يمكن ما قريت آية الكرسي
كيف وليداتك |
وحياة ديني رجوعك للمنبر من جديد يرجع الذاكرة أكان في السودان ولا غيره
تسلم علي المرور يا اصيل يا ابن السودان البار .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: ماجدة عوض خوجلى)
|
Quote: اخى العزيز هاشم
عارف انا لمن لقيت نفسى غريبة فى بلدى قررت بطوعى واختيارى انى افقد الذاكرة الى ان يقضى
الله امرا اخر والى حين وفقدتها اكتر لمن رجعت لاول مرة بعد اربعتاشر سنه من خروجى من السودان مع جثمان الخليفة عليه رحمة الله حسيت بالغبن والحزن والغربة اكتر والله العظيم لى اكتر من سنتين ونص روحى معلقة علشان اجى ازور الخليفةالف رحمة ونور عليه لكنى ماقادرة اكسر الحاجز الجواى وكل مااحدد واقول خلاص ماشية
مابقدر والله العظيم غربتى بحس بيها من هنا قبل مااتحرك وبلقى نفسى ماقادرة امشى وبقوم ماامشى ، كان الله فى عون السودان وناس السودان الجوة والبرة هم متساون فى الهم وهم الاحساس انك غريب فى بلدك اسوء انواع الغرية.
تحياتى اخى العزيز |
اختي الحنينة المثقلة بهم البلد هذا قدرنا ان نكون غرباء في ارضنا ويا ليت توقف لحدي هنا حتي
المعاملة تغيرت ولا ينظرون إلا إلي الفلوس التي معاك , آهـ وتاني آهـ يا بلد ورحم الله الخليفة واسكنه
فسيح جناته مع الشهداء والصديقين .
وفقد الذاكرة انواع منها الدائم ومنها المؤقت ولكن نقول حسبنا الله ونعم الوكيل .
مشكورة اختي الحنينة ماجدة علي المرور والبوح عن ما يجوش في الصدر من هموم وعبرات وزفرات .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: هاشم أحمد خلف الله)
|
الاخ هاشم...
سلاااام
رغم غياب الذاكرة تظل فى دواخلنا ذكرياات
تفرض وجودها فى تجاويف الشعور
لقد كانت معرفتكم و بقية الاخوان اضافة
لن ننساها ابدا...
و حتما ستعود الذاكرة لتحكى عن واقع جديد....
او كما قيل ليس.......يحيا الانسان
ربما..
او لربما البعد عن الوطن دايما يورث فقدان الذاكرة
ايقاع الحياة اصبح سريعا جدا و التغيرات اسرع من ذلك
و الانسان كما هو....!!!
فقدت الذاكرة فى السودان نقلت احساساتك كما حسيتها
فكانت تعبير صادق رسم صورة حقيقية لمشاهد صارت
كما لم تكن من قبل...
تحياتى...
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: محمد عثمان)
|
Quote: الاخ هاشم...
سلاااام
رغم غياب الذاكرة تظل فى دواخلنا ذكرياات
تفرض وجودها فى تجاويف الشعور
لقد كانت معرفتكم و بقية الاخوان اضافة
لن ننساها ابدا...
و حتما ستعود الذاكرة لتحكى عن واقع جديد....
او كما قيل ليس.......يحيا الانسان
ربما..
او لربما البعد عن الوطن دايما يورث فقدان الذاكرة
ايقاع الحياة اصبح سريعا جدا و التغيرات اسرع من ذلك
و الانسان كما هو....!!!
فقدت الذاكرة فى السودان نقلت احساساتك كما حسيتها
فكانت تعبير صادق رسم صورة حقيقية لمشاهد صارت
كما لم تكن من قبل... |
الرجل الأنيق مهندس محمد عثمان صدقني انا السعيد بلقاك ومعرفتك في السودان والتعبير الصادق لا ياتي
من فراغ بل من مجريات احداث حقيقة لامست وتر القلب وجرت مع الشراين مجري الدم .
دمت اخي محمد وفي امان الله وحفظه .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: الطيب شيقوق)
|
Quote: وحياة ديني المنبر ده غيرك خلاء سااااااااااااااااااااااااى - ارجوك تعمل بوست لابي بكر سيد احمد الرطاني وفاروق حامد تحلف عليهما للعودة وتقول اليهما في عنوان بوستيك
( عودوا الينا يا الرطاني ابو بكر وفاروق ود حامد فلا طعم لود شيقوق دونكما )
لك مودتي |
انت بس آمرُ يا ود البلد وانا علي التنفيذ .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: حبيب نورة)
|
Quote: بركة الشفناك طيب !!
وحمدا الله علي السلامة |
حبيب نورة بركة الجيت بركة الجيت , حلو انتا وبسكويت , بس انا زعلان منك يعني اجي السودان ومااشوفك
بس بالتلفون , يا راجل عيب عليك انا قابلت جميع بورداب الخرطوم إلا انتا, وعلي كل حال انشاء الله
المرة الجاية نشوفك هنا في السعودية .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: salma subhi)
|
Quote: مرور للاطمئنان
هل عادت الذاكرة؟؟
كيفك استاذ هاشم ! |
سلمي المشاغبة وهل بعد مروركم الكريم للمرة الثانية أفقد الذاكرة , مشكورة
يا صاحبة الركن الجميل الهادي وبشكرك علي السؤال والله اني حاسس بإنك اختي
عايز اقول الصغيرة اخاف بعدين تطلعي اكبر مني وعلي كل حال إنتِ اختي الشقيقة
ظاتو ايه رايك !!!
| |
|
|
|
|
|
|
|
|
 Re: فـقـدت الـذاكـرة فـي الـسـودان (Re: الشيخ صاح محمد)
|
Quote: الأخ العزيز الغالي هاشم ود خلف الله
إجازة سعيدة.. وألف حمدالله على السلامة
مع تحياتي،،، ،،، |
الشيخ صالح كيفنك يا رجل والله مشتاقين كتير لكن الظروف بقت صعبة شديد وخاصة في السودان بس قول
يا مهون , انشاء الله نتقابل قريب , مشكور علي المرور بهنا .
| |
|
|
|
|
|
|
|
|
|
Re: فـقـدت الـذاكـرة فـي الـسـودان (Re: غادة عبدالعزيز خالد)
|
Quote: تحايا للسودان
ولذاكرتك التي فقدت فيه
حمد الله على السلامة يا هاشم
كيف المدام صاحبتنا
ودي
غادة |
اختي العزيزة الغالية غادة , تحايا من الأعماق لمرورك الزاهي النضير ولسؤالك الوافي الجميل , اما
عن السودان فالتحايا لهم ولإستبسالهم وهم ما زالو ينضالون من اجل البقاء علي قيد الحياة والذاكرة
أخرجت ما في داخلها وخربت والمدام برضو بتسملم عليك كتير وقالت ليك انتي ما شغالة بيها لانها قبل
الأن سألت عليك وطلبت مهاتفتك وانتي طنشتي منها , معليش عتاب بسيط واكيد ظروف الحياة صعبة وإذا في
عمر يمكن تتلاقو في السودان او إي مكان اخر في هذه الدنيا الضيقة .
| |
|
|
|
|
|
|
| |
هاشم أحمد خلف الله
salma subhi
هند محمد
مجدي عبدالرحيم فضل
ismeil abbas
عثمان سيد أحمد
محمد على طه الملك
المسافر
Alsa7afa_30
انعام حيمورة
انعام عبد الحفيظ
Haytham Abdulaziz
الفاتح الجنيد
Muna Khugali
الرشيد شلال
mohmed khalail
ghariba
ياسر الامير ابوجكة
ماجدة عوض خوجلى
الطيب شيقوق
حبيب نورة
غادة عبدالعزيز خالد
د.محمد حسن
فيس بوك
تويتر
انستقرام
يوتيوب
بنتيريست