Post: #1
Title: إستلام ماكينة قص النجيل المقدمة كهدية من رابطة أهل الهلال من جدة - صُور
Author: Haytham Abdulaziz
Date: 08-27-2007, 09:35 PM
الأخ عثمان الأحمر الإعلامي الهلالي وعضو المنتدى والأخ عبد الله أبو صباح عند استلام الماكينة صباح هذا اليوم..
مرفق لكم طيه صور لماكينة قص النجيل ماركة هوندا فرنسية الصنع موديل 2620 ذات سكاكين مذدوجة القطع تعمل على عدة مسارات واشكال عند القص والقطع .. وهي تأكيد لعظمة الهلال ورجالات الهلال وهي حجر نسقطه على رأس ذلك الصحفي المريخي الحاقد والذي لا هم له الا استفزاز اهل الهلال ومحبيه وفي الطريق باذن الله اللوحة الالكترونية والخاصة بتغيير اللاعبين ومعها اجهزة تلفزيون بلازما حديثة لتزين مقصورة الاستاد المقصورة ليشاهد بها ضيوف المقصورة المباريات مباشر
وهذه بعض المعلومات عن الماكينة:
تقوم بعمل القطع بطرق متعددة اشكال واذا وجدت مهندس وخبير زراعي ممتاز بالسودان يمكن استفادة منها بصورة جيدة جدا نظرا مكانتها العالية خاصة في قطع وقص الحشيش بصور متعددة اشكال
تعمل بالبنزين مع الدفع العادي اضافة الي ان المحرك هيدرولكي
يا ناصر بس اللون دا لو ادوه طلاء يكونو اهل الهلال فى جده ما قصروا
وهناك مفاجاءه من اهل الهلال بامريكا وهى عباراة عن ماكينه لقص النجيل وشباك فسفوريه .....
كما تم دعوه البطل العالمى مايك تايسون لحضور مباراة للهلال كضيف شرف وقد وافق على الدعوه الموجهه له وقد قال مازحا سوف العب مباراة مع فريق الهلال ..... الدعوات هلال الملايين بالنصر المؤزر
على حسب علمي هذا الأمر من الصعوبة بمكان تحقيقه لأن هذا شعار الشركة والماكينة مصنوعة من الفايبرجلاس ويصعب طلاءه بلون غير الأحمر ولا أعتقد بأن اللون يشكل عائق لهذا الغرض خاصة وأن عملية القص ستتم في وقت غير مشاهدة وحتى ولو كانت هناك مشاهدة لا أتوقع أن العصبية قد تقودنا إلى رفض الهدية أو حتى شراءها المهم مصلحة الهلال وهاهم أبناء الهلال يضربون الأمثال في المساهمة الحقيقة لرفعة الهلال وفعلاً أخي عبودي موضوع الشباك الفسفورية حقيقة وستصل في غضون الأيام القليلة القادمة كما وعد تايسون بحضور النهائي لو تأهل الهلال وحتى لو لم يتأهل وعد بزيارة للسودان وحضور احد مباريات الهلال عبودي ستتواصل المفاجآت في الأيام المقبلة إن شاء الله...
منقول كماهو من هذا الموقع:
http://www.almshaheer.com/forums/showthread.php?t=16653
الذي قام بنقله احد الأعضاء من موقع الهلال الالكتروني...
|
Post: #2
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: Frankly
Date: 08-27-2007, 09:41 PM
Parent: #1
مبرووووووووووكة
شفتوا أنتو بتحبو الأحمر الوهاج كيف؟؟؟؟؟؟
بطّلوا زعل وارجعوا لأحضان الأحمر الوهّاج
المريخ العظيم
|
Post: #3
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: yasir Abdelgadir
Date: 08-27-2007, 10:03 PM
Parent: #2
| Quote: وهي تأكيد لعظمة الهلال ورجالات الهلال وهي حجر نسقطه على رأس ذلك الصحفي المريخي الحاقد والذي لا هم له الا استفزاز اهل الهلال ومحبيه |
تحياتي لكل من ساهم في هذا العمل العملاق....
اهلنا زمان بيقولوا...الخلاء ولا الرفيق الفسل...
ياخي الجماعة ديل شعارهم نجمة ..وبيلعبوا يوم السبت ...تتوقعوا منهم شنو غير كدا؟
|
Post: #4
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: jini
Date: 08-27-2007, 10:55 PM
Parent: #3
التحية لصديفنا وجبيبنا عبدالله ابوصباح والذى لم يبخل بجهده وماله متعه الله بالصحة والعافية ولن ننسى حبيبنا وصديقنا طيب الذكر عمادالدين موسى الذى لم يبخل على الهلال العظيم بجهده وماله ووقته ونسأل الله ان يجعل الجنة متقلبه ومثواه
جنى
|
Post: #16
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: Haytham Abdulaziz
Date: 08-28-2007, 11:15 PM
Parent: #3
Quote: تحياتي لكل من ساهم في هذا العمل العملاق....
اهلنا زمان بيقولوا...الخلاء ولا الرفيق الفسل...
ياخي الجماعة ديل شعارهم نجمة ..وبيلعبوا يوم السبت ...تتوقعوا منهم شنو غير كدا؟ |
yasir Abdelgadir
نعم خالص التحايا لكل من قــدم يـد العــون و نسأل الله أن يكون في ميزان حسناتهم....
|
Post: #14
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: Haytham Abdulaziz
Date: 08-28-2007, 11:08 PM
Parent: #2
Quote: مبرووووووووووكة
شفتوا أنتو بتحبو الأحمر الوهاج كيف؟؟؟؟؟؟
بطّلوا زعل وارجعوا لأحضان الأحمر الوهّاج
المريخ العظيم
|
يـا كمـال الله يبارك فيك.... و إنت عارف اللون الأحمر لمن يشوف الأزرق قدامو بحصل ليهو شنو...
و بعـدين اللون دة شعــار الشركة و إنت عارف كدة نقوووم نقول ليهم غيرو عشان خاطر الوصيفاب و لا شنو؟؟؟
طيب زماااان لمن جيتو تينو الجامع .. قام نميري قطعا ليك في رأسكم و قال ليك طيب مافي مشكلة أها حا تختو في المئذنة شنوووو؟؟؟
|
Post: #5
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: Nasr
Date: 08-27-2007, 11:01 PM
Parent: #1
فريق يشتري لاعب ب 500000 دولار ولا يستطيع شراء ماكينة قص نجيلة ب5000 دولار؟؟
وليه الرياضة ما تتخلف والسودان ذاتو ما يتخلف؟؟؟
|
Post: #6
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: jini
Date: 08-27-2007, 11:11 PM
Parent: #5
Quote: فريق يشتري لاعب ب 500000 دولار ولا يستطيع شراء ماكينة قص نجيلة ب5000 دولار؟؟
وليه الرياضة ما تتخلف والسودان ذاتو ما يتخلف؟؟؟ |
العافية درجات بس شيل الصبر
جنى
|
Post: #7
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: Rakoba
Date: 08-28-2007, 01:47 AM
Parent: #6
الطريف أن ماكينة المريخ قد اصابها العطب بعد العمل في زريبة العيش ذات الأرض القاسية!
وهذه ضريبة دفع الزكاة مقدماً يا مجلس الإدارة 
هيثم بالله كلمهم يشتروا شبكات كمان ! 
|
Post: #8
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: Rakoba
Date: 08-28-2007, 02:01 AM
Parent: #7
he largest and most powerful lawn tractor we make, the HF 2620 HTE is the ultimate gardening machine.
قبل كده جبتو club car قلنا ليكم عربات الجولف والتنزه ما بتبقى عربات إسعاف ملاعب، بس ده كلو عشان تحاكونا مشيتوا جبتوا دفار قلتوا عربية اسعاف ملعب.
وهسي مكنة بي 5 ألف دولار يعني 18 الف ريال تستخدم للحدائق المنزلية تبقى ماكينة لقص عشب الملاعب، الحكاية لو كده الأرباب ما كان بقصر!
ماكينة المريخ ثمنها 200 ألف ريال.
بعد المحاكاة في عربة الاسعاف وماكينة القص الدور هسي على الشاشة الإلكترونية، أمشوا اشتروا شاشة 30 بوصة وتعالوا قولوا جبنا شاشة!
وسمحة المقدرة!
|
Post: #13
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: Frankly
Date: 08-28-2007, 04:00 PM
Parent: #8
Quote: قبل كده جبتو club car قلنا ليكم عربات الجولف والتنزه ما بتبقى عربات إسعاف ملاعب، بس ده كلو عشان تحاكونا مشيتوا جبتوا دفار قلتوا عربية اسعاف ملعب.
وهسي مكنة بي 5 ألف دولار يعني 18 الف ريال تستخدم للحدائق المنزلية تبقى ماكينة لقص عشب الملاعب، الحكاية لو كده الأرباب ما كان بقصر!
ماكينة المريخ ثمنها 200 ألف ريال.
بعد المحاكاة في عربة الاسعاف وماكينة القص الدور هسي على الشاشة الإلكترونية، أمشوا اشتروا شاشة 30 بوصة وتعالوا قولوا جبنا شاشة!
وسمحة المقدرة! |
|
Post: #17
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: Haytham Abdulaziz
Date: 08-28-2007, 11:23 PM
Parent: #7
Quote: الطريف أن ماكينة المريخ قد اصابها العطب بعد العمل في زريبة العيش ذات الأرض القاسية!
وهذه ضريبة دفع الزكاة مقدماً يا مجلس الإدارة
هيثم بالله كلمهم يشتروا شبكات كمان ! |
يـا ود البدري إنت ما شفت الكلام الفوق دا:
Quote: وهناك مفاجاءه من اهل الهلال بامريكا وهى عباراة عن ماكينه لقص النجيل وشباك فسفوريه .....
|
أهـا رأيك شنو؟ يا راكوبة
|
Post: #15
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: Haytham Abdulaziz
Date: 08-28-2007, 11:12 PM
Parent: #6
Quote: العافية درجات بس شيل الصبر
جنى
|
فعــلاً يا جني قول لي Nasr دة يصبر و القــادم أحـلـى...
|
Post: #9
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: Deng
Date: 08-28-2007, 05:08 AM
Parent: #1
والله السودان ده بلد مسكين جدا.
مكنة زي دي ممكن أن يملكها مواطن سوداني عادي في أمريكا وثمنها لا يفوت مبلغ ألفي دولار.
نحن في أشد الحاجة الى معرفة وتعلم الاشيائ من العالم الاول وليس العالم الثالث(الدول العربية)
دينق.
|
Post: #10
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: سامى عبد الوهاب مكى
Date: 08-28-2007, 05:20 AM
Parent: #9
دينق وراكوبا !!
حرام عليكم!!
العافية درجات!!
يعني بالطريقة دي ممكن بعد 10 سنة يشتروا ليهم مكنة عديلة!!
واهو نرتاح من الشحدة وقوة العين دي!!
وزي ما قال الصحفي اللذيذسلك((يا دحية الله يجازيك اديتم مكنتنا تاني نحلق بيها كيف))
|
Post: #18
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: Haytham Abdulaziz
Date: 08-28-2007, 11:47 PM
Parent: #10
كتب سامي مكي:
Quote: دينق وراكوبا !!
حرام عليكم!!
العافية درجات!!
يعني بالطريقة دي ممكن بعد 10 سنة يشتروا ليهم مكنة عديلة!!
واهو نرتاح من الشحدة وقوة العين دي!!
وزي ما قال الصحفي اللذيذسلك((يا دحية الله يجازيك اديتم مكنتنا تاني نحلق بيها كيف)) |
يا سامي عليك الله بطل كذب و تلفيق و أقرأ كلام برجاس قال شنو في جريدة الصدى عدد يوم الإثنين على ما أذكر ..
وقال برجاس إن كمال دحية تبرع بتحويل شباك إستاد المريخ لإستاد الهلال مقابل شبكة يملكها الهلال فيها لون أحمر.... و إنت بتقول شحـدة ياااخ يوم واحد خليك صادق مع نفسك..يعني كلامك الفوق دة بأكد إن كمال دحية هو من تبرع و ليس الهلال الذي شحد الشبكة... بالطريقة دي بتجيك ذبحة كضبية مريخية توديك التوج... إرفق بنفسك لا عزاء و أرفع ناظريك ... يا حبيب...
|
Post: #11
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: sheba
Date: 08-28-2007, 06:13 AM
Parent: #1
ماكينة المريخ ثمناها 200 الف ريال يعني 100 مليون
تقول لى خمسة الف دولار ؟؟؟
غايتو طالما لونها احمر واللون دة حارقكم
ممكن نعمل نشتريها منكم هسة كاش دوان ونربحكم كمان .. اصلو اتوفيستر محتاج لى واحدة زي دي عشان
يتسلى ويهذب النجيلة بتاعتو فى الفيلا بحي الصفا
|
Post: #12
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: م. سيد احمد قدورة
Date: 08-28-2007, 08:58 AM
Parent: #11
والله لفتة بارعة لكن أول جاجة لازم تغييروا اللون ازرق
|
Post: #19
Title: Re: إستلام ماكينة قص النجيل المقدمة كهدية من رابطة أهل الهلال من جدة - صُور
Author: Haytham Abdulaziz
Date: 08-28-2007, 11:53 PM
Parent: #11
Quote: ماكينة المريخ ثمناها 200 الف ريال يعني 100 مليون
تقول لى خمسة الف دولار ؟؟؟
غايتو طالما لونها احمر واللون دة حارقكم
ممكن نعمل نشتريها منكم هسة كاش دوان ونربحكم كمان .. اصلو اتوفيستر محتاج لى واحدة زي دي عشان
يتسلى ويهذب النجيلة بتاعتو فى الفيلا بحي الصفا
|
الكلام ما اللون لأنه ماركة مسجلة لشركة معروفة ... و الله فكــرة يا شيبـا نبيعها ليكم و أهو ممكن واحـد من الصبية بتاعنكم الكضابين ديل إشتغل جنايني لمستر أتوفيستر... و الحساب على الوالي.. لأنه بدفع طوالي....
|
|