Post: #1
Title: الوريف دكين
Author: اساسي
Date: 08-27-2007, 03:54 PM
لا اقوى علي ان اقول لك مرحبا ايها الوالج عالم لا يشبهك ولا تشبهه
تزرع شوكاً في " حلوق " القراء .. فيقولون عنك كلاماً بذيئا تفرح به مع انك لا تسمعه !
الامر الذي ما ظنناه ان سيغري بكري ان يهب لك من لدنه "مكتبة " تقول لعضو طائش مثلك : هيتلك !
ومع أن المكتبات المنحرفة لا تحتاج للإغراء لكي تغوي بوردابي لم يبلغ الحلم بعد ، إلا انك تتزين لها .. كعريس !؟؟
ما كان أحد ليصدق ذلك ..
للاسف فعلها بكري
وخابت توقعاتنا
اخشى ما نخشاه ان تتلاحق الكتوف ويقل المعروف
واظنها قاربت
ــــــــــ
بتصرف من سهيل
|
Post: #2
Title: Re: الوريف دكين
Author: تولوس
Date: 08-27-2007, 04:18 PM
Parent: #1
كبير القلب كثير المعروف وريف له اشواك سامة واشواق حادة انه دكين المكين الف مبروك يا شيخي... تحياتي يا اساسي الاساسي
|
Post: #6
Title: Re: الوريف دكين
Author: DKEEN
Date: 08-27-2007, 08:16 PM
Parent: #2
تولوس
الايام دي باين عليك سايق لوري في طريق ما..
غيابك كان مقلق ..اثلج سعدنا حضورك..
بت عجاج حاقدى ساي.. النيو لوك بتاعك فعلا ُتحفة..
|
Post: #3
Title: Re: الوريف دكين
Author: DKEEN
Date: 08-27-2007, 04:29 PM
Parent: #1
يا اساسي..
بعد خمسة سنة غربة بقى عندي تلاتة حاجات..
مكتبة في سودانيز ون لاين ..
وحبيبة في الغيب..
وبيت في حي الفيحاء..
قبل عامٍ في مثل هذا اليوم قال لي صديقي وان في كبينة هاتف في اطراف حي (سلطانة):انتا بقى عندك بيت في الفيحاء هسي يا عزيز..
بعد عام من مثل ذلك اليوم وانا في اطراف كبري الحديد..
تحركت صوب املاكي..في حي الفيحاء..
وصلتُ فما وجدت إلا عشباً وسهلا واهلاً..
الصورة اعلاه تم اخذها في حي الفيحاء غرب امدرمان في زيارتي الاخيرة..
والجبل الباين في خلفية الصورة هو المرخيات..
والباب هو تبرع من اخٍ سخي كريم السجايا..
ما اجمل ان يكونَ للمرءِ قطعة من الارض على ظهرِ الكرة الارضية..
غير قبره..
|
Post: #4
Title: Re: الوريف دكين
Author: ajaj
Date: 08-27-2007, 04:45 PM
Parent: #3
دكين صدق وقايل الصورة ليهو...... يا ديكو انت وجيه قدر دا
طيب ليه ما في واحدة اعجبت بيك 
تولوس وينك يا رجل
النيو لوك تحفة
----------------------------
اساسي سلام يا بتاع ملكات الهدوم وعارضات الجمال
|
Post: #12
Title: Re: الوريف دكين
Author: DKEEN
Date: 08-28-2007, 07:56 AM
Parent: #4
عجاج..بالجيم المعطشة..
| Quote: يا ديكو انت وجيه قدر دا |
ده حالتك بس شايفة ضهري..
| Quote: طيب ليه ما في واحدة اعجبت بيك |
طرطشة بنات بس..
البنات الزمن ه مابجرن ورا الوجاهة..بجرن ورا القروش بعيد عنك..
والمثل بقول:
القروش بتجي وتروح ..بس الضهر مابروح
|
Post: #5
Title: Re: الوريف دكين
Author: حمد فتح الرحمن
Date: 08-27-2007, 05:07 PM
Parent: #1
تستاهل و الله يا دكين
الباب ... الباب
موش المكتبة
|
Post: #13
Title: Re: الوريف دكين
Author: DKEEN
Date: 08-28-2007, 08:13 AM
Parent: #5
حمد
ده الباب البجيب الريح ..
|
Post: #7
Title: Re: الوريف دكين
Author: غباشي
Date: 08-27-2007, 09:36 PM
Parent: #1
دكين يا خطير
انت عارف امبارح إكتشفت أنك عملت مكتبة ... أسألني كيف؟
كل فترة و فترة بحب أقرا البوست بتاعك الإسمو "بت في هيلمانة" و كمان حافظو في الـ favorites أهاامبارح حنيت ليهو و كان نفسي أسمع غنية "عقلى انشغل" بصوت الرائع خدر ... المهم يا سيدي لما دست عليهو أبا يفتح معاي و أداني error , طولت سألت نفسي : أنت يا غباشي دكين ده يكون عمل مكتبة؟ فتحت اللينك بتاع المكتبات و عملت find DKEEN وطوالي لقطتك ... مكتبة عبد العزيز خيري شلال ...
ألف مبروك يا حبيب و الله من زمان كنت مستغرب ليه ما عندك مكتبة؟؟؟
تحياتي
|
Post: #8
Title: Re: الوريف دكين
Author: ناذر محمد الخليفة
Date: 08-27-2007, 10:52 PM
Parent: #7
سبحن الله يا غباشي .!!
والله العظيم أمبارح كنت بفتش في بوست (الحنان العظيم) بتاع دكين (لغرض في نفس يعقوب) ، غايتو لمن لقيت دكين عندو مكتبة وبي إسمو الحقيقي فرحت ليه بالجد .
صنفرة :
مبروك يا دكين .. تتربى في عزك .. عقبال محمد E سليمان الحبشي .!
|
Post: #9
Title: Re: الوريف دكين
Author: ترهاقا
Date: 08-27-2007, 11:19 PM
Parent: #8
إنشاء الله المكتبة دى تعرس ليك يا دكين عروس بيضاء زى اللمبة زى ما بيقول حبيبنا العطبراوى
بدل ما إنت لافى كدة فى شارع مافى
آآآآآفيلقو
|
Post: #15
Title: Re: الوريف دكين
Author: DKEEN
Date: 08-28-2007, 08:43 AM
Parent: #8
| Quote: بتاع دكين (لغرض في نفس يعقوب) |
لووووووووووووووووووولوز
قالو يعقوب كان نفسو في حنة ..والمرة ابت ليهو..
حليلك يانيزو..متين صبحت؟؟
|
Post: #14
Title: Re: الوريف دكين
Author: DKEEN
Date: 08-28-2007, 08:22 AM
Parent: #7
| Quote: كل فترة و فترة بحب أقرا البوست بتاعك الإسمو "بت في هيلمانة" و كمان حافظو في الـ |
حليلك ياغباشي
حرم عندي صورة تخريج لي دفعتك ..لو شفتها حتبكي واقف..
فيها حسس مبالغة..
انا لو كانت ديك دفعتي ما كان اتحيرتا وفتحتا بوست الحيرة داك..
اوعك تقول لي رسل لي الصورة
براك اتخيل فيها منو..
|
Post: #10
Title: Re: الوريف دكين
Author: ملكة سبأ
Date: 08-28-2007, 07:23 AM
Parent: #1
عبدالعزيز خيري شلال
(( عـزو))
وحاة النبي يستاهل
|
Post: #11
Title: Re: الوريف دكين
Author: abuguta
Date: 08-28-2007, 07:54 AM
Parent: #10
| Quote: وبيت في حي الفيحاء.. |
يافترى
انا قايلك فقير مثلنا
|
Post: #16
Title: Re: الوريف دكين
Author: وليد محمد المبارك
Date: 08-28-2007, 08:58 AM
Parent: #11
| Quote: وبيت في حي الفيحاء.. |
معلم والله
يعني طلعت حريف قروش كمان
مبروك المكتبة وتستاهلها
وربنا يلمك في حبيبة دنقلاوية لسانها اغلف وسفيه وقلبها ابيض وشجاع تصونك وتصون بيتها
|
Post: #17
Title: Re: الوريف دكين
Author: غباشي
Date: 08-28-2007, 09:25 AM
Parent: #1
| Quote: حرم عندي صورة تخريج لي دفعتك ..لو شفتها حتبكي |
جبتها من وين يا ولد ؟؟
انت عارف اني يوم التخريج ما كنت متخرج مع الدفعة في النادي و الحفلة و الربة ديك ....
كنت عامل فيها مهندس جديد و مافاضي ... (يعني الود يومو كلو في السايت) 
كنت قافل على التخريج بتاع الشؤن العلميةالبيعملوهو في الميدان الشرقي أسألني ليييييه؟
أخوك كان عندو جائزة من الكلية (نظام الود شاطر وكدة) قمت قلت اخير اتخرج في بتاع الجامعةو قد كان ... و صورتي مع بروف عبد الملك مدير الجامعة آنذاك .....
وهسع لو دايرني أبكي ممكن تشوت لي صورة البروفات اللائي لم أتشرف بمجاورتهن  ....
|
|