الى حبيبتى زينب/اغنية الحضور

الضحكهــــــ

بالله
من وين بتجيب الضحكه
وكيف؟
وتقدر
من وين
تطلع بعيونك مبتسمه
مع
انو مشاكل الدنيا كتيره
وبتختلف السكه عن السكه
ومرات بتقيف
بالله
من وين
بتجيب الضحكه
وكيف؟
نلقـــــــــــاك ضاحك
شائل ورده
لابس ابيض
وب كيف
ماشى وممهول
روحك ملكه
وفى نعيم
ذى صوت الحاجه البتنم
متوالفـــــه
وما عارف
من وين
صوتها بيتحف
بالله
من وين
بتجيب الضحكه
وكيف؟
قول لى
ورينى طريق
كيفن نعرف
للروقه...
مساحه
ونتفكه
من
كل ما متعب
ومتعصب
هائج
وعنيف
من
كل ما... شائك ولاهى
وكبران فى نفسو
ومتباهى
فتران
فتُر
رغباتنا المحتكه
ورينا محل
يسمح
يرفعنا
من
الزحمه وضيق الايام
ونلقاهو نضيف
بالله
ورينى وقول لى
من
وين
بتجيب
الضحكه
وكيف؟