Post: #1
Title: DKEEN (يتمخطر) بمكتبته بسودانيز أون لاين ........ مبروك
Author: عمران حسن صالح
Date: 08-27-2007, 02:55 PM
Parent: #0
وذلك إعتباراً من تاريخ اليوم27 أغسطس 2007
صار لـ DKEEN مكتبة :
مكتبة عبد العزيز خيري شلال
على هذا الرابط
http://www.sudaneseonline.com/cgi-bin/sdb/2bb.cgi?board=232
ومبروكـ يا وغد ........
شـلال دي حا تفتح فيك شلالات من البورداب 
|
Post: #2
Title: Re: DKEEN (يتمخطر) بمكتبته بسودانيز أون لاين ........ مبروك
Author: بكري الصايغ
Date: 08-27-2007, 03:25 PM
Parent: #1
الأخ الـحـبيـب الـحـبوب،
عـمـران،
تـحـية الـود والأعـزاز والشـكر لك عـلي الـخبـر السـعـيـدالـمـفرح.
وألـف ألـف تـهـنئة للـكاتب الـمبـدع دكـيـن،
والشـكـر لبـكري ابـوبـكر،
مـلـوحـظة ياعـمـران:" انا زعـلان انك سـبقتـني فـي هـذا السـبق الـصحـفي والـتهـنـئة!!!".
تـحـياتي ومـودتـي.
|
Post: #6
Title: Re: DKEEN (يتمخطر) بمكتبته بسودانيز أون لاين ........ مبروك
Author: عمران حسن صالح
Date: 08-27-2007, 04:10 PM
Parent: #2
العزيز : يكري الصايغ
| Quote: مـلـوحـظة ياعـمـران:" انا زعـلان انك سـبقتـني فـي هـذا السـبق الـصحـفي والـتهـنـئة!!!". |
( السبق ) ده يا بكري عطية من أحد الأخوان ... خصاني به ( يعني الموضوع فيه واسطة) ....
الزول ده يا بكري ما تكتروا ليه السكر ...
والله الرياض دي يمسخه علينا ...
..
تشكر يا حبيب
|
Post: #3
Title: Re: DKEEN (يتمخطر) بمكتبته بسودانيز أون لاين ........ مبروك
Author: humida
Date: 08-27-2007, 03:31 PM
Parent: #1
يا شلام ياخي و.. الود العثل دا يثتاهل والله اكتل من تدا ..!!
|
Post: #8
Title: Re: DKEEN (يتمخطر) بمكتبته بسودانيز أون لاين ........ مبروك
Author: عمران حسن صالح
Date: 08-27-2007, 04:28 PM
Parent: #3
حميدة كيفنك
| Quote: يا شلام ياخي و.. الود العثل دا يثتاهل والله اكتل من تدا ..!! |
(لجنتك) حامضــــــــــة ............
|
Post: #4
Title: Re: DKEEN (يتمخطر) بمكتبته بسودانيز أون لاين ........ مبروك
Author: عبد السلام أبوشنب
Date: 08-27-2007, 03:37 PM
Parent: #1
ألـف ألـف تـهـنئة للـكاتب الـمبـدع دكـيـن،
والله دكين يستاهل
يلا شد حيلك مسئولية وانت قدرها يا دكين
|
Post: #9
Title: Re: DKEEN (يتمخطر) بمكتبته بسودانيز أون لاين ........ مبروك
Author: عمران حسن صالح
Date: 08-27-2007, 04:34 PM
Parent: #4
الأخ : عبد السلام
كيفنك
دكين (قدرها دي) أنا خايف منها
إنشاء الله ينستر بس ....!!!!!!!!
|
Post: #5
Title: Re: DKEEN (يتمخطر) بمكتبته بسودانيز أون لاين ........ مبروك
Author: الزوول
Date: 08-27-2007, 03:45 PM
Parent: #1
السلام عليكم
يستاهل
وما الناس إلا هالك وأبن هالك *** وذو نسب في الهالكين عريق
|
Post: #7
Title: Re: DKEEN (يتمخطر) بمكتبته بسودانيز أون لاين ........ مبروك
Author: اساسي
Date: 08-27-2007, 04:15 PM
Parent: #5
بيعت المبادئ
|
Post: #12
Title: Re: DKEEN (يتمخطر) بمكتبته بسودانيز أون لاين ........ مبروك
Author: عمران حسن صالح
Date: 08-27-2007, 04:42 PM
Parent: #7
أساسي
لك الود
يا خوي ما تجيب تارك ده بعيد !!!!!!!!
شكلك قاصد إنها ما ملح يعني ؟؟؟:
بكري ابو بكري يتجلي في لحظة صفاء مع نفسه ويهديني مكتبة (ملح)
وما تخلينا نمشي نجيب (غزلك) في DKEEN
(بدون تهديد) ...........
|
Post: #10
Title: Re: DKEEN (يتمخطر) بمكتبته بسودانيز أون لاين ........ مبروك
Author: عمران حسن صالح
Date: 08-27-2007, 04:36 PM
Parent: #5
الزوووول
أنا برضو قلت يستاهل ( بس خايف) !!!!!!!!
وتشكر للمرور
|
Post: #11
Title: Re: DKEEN (يتمخطر) بمكتبته بسودانيز أون لاين ........ مبروك
Author: محمد البشرى الخضر
Date: 08-27-2007, 04:39 PM
Parent: #10
اجي يا دكين
جبت المتين دولار من وين
أوعى تكون فكيت الشيلة
|
Post: #13
Title: Re: DKEEN (يتمخطر) بمكتبته بسودانيز أون لاين ........ مبروك
Author: DKEEN
Date: 08-27-2007, 05:36 PM
Parent: #1
ابو حمودي
طبعا انا بصراحة لامن بكري رسل لي في المسنجر الداخلي افتكرتا انو ده انذار ..
فاذا به كان كريماً فياضاً..
وطلع اكبر من حسن ظني..
ولامن عرفتا انو في مكتبة قتا ياخ عمران ده ساسق وراها اكتر مني..
تقول عندو فيها التلت..
والحق يقال يا بو حمودي
انا في بوستات هنا ما كنتا متذكرها واسعدني وجودها..
قريتها واكتشفتا انو انا مفروض يكون عندي مكتبة في البيت الابيض ظاتو..
مع انو واحدة صحبتي لامن نقلت ليها الفكرة دي قالت لي انتا مفروض يكون عندك مكتبة في بيت الادب..
وزادت وقات لي بكري ده حقو يفتحو فيهو بلاغ في شرطة امن المجمتمع..
جاهلة وسغيرة..معليش انا عذرتها..
ثم قالت
ده شنو ياعزيز:
مكتبتك كلها كسير وبكاء..
مرة سناء ومرة سارة ووينك ياعزاز ووينك يامرسوم الكدرو..
فضحتنا..
وقفلت السماعة في وشي لامن مالقت اسمها..
المهم (على قول سمرية)
ُيقال انو عمران هو من باع دهب ام حمودي وتبرع بدفع تكاليف المكتبة..
ويقال انو ده حيدر حسن بالاتفاق مع منظمة غير حكومية..وبت حكومية..
ويقال انو ديل جماعة من المُُـداح عابري السبيل ..
وجاء في بعض الاشاعات انها حبيبة قديمة ضللت عنها السبيل لفرط غشامتي وضيق افقي
والتشبث بما لافائدة ُترجى من ورائه..
وقالو ديل ناس محطة ابو نعامة حين ارتفع منسوب النيل عالياً هذا العام..
والقصد بوست احوال الزوال بصعود نجم البهاء..
والراجح في هذا الامر انو بكري اتبرع بيها ساي لوجه المولى..
الشكر الجزيل لبكري واللخو عمران ..
وللذين ماعرفناهم..
|
Post: #14
Title: Re: DKEEN (يتمخطر) بمكتبته بسودانيز أون لاين ........ مبروك
Author: Emad Abdulla
Date: 08-27-2007, 06:02 PM
Parent: #13
.
Quote: حتى خلت المنازل من ساكنيها فلا تكاد تجد هاتفاً ثابتا يعمل..
وأُكلت اموالُ ُ بالباطل، وذهبت فضائلُ الأعمال، وقل المعروف بين الناس
فتكثفت ظلمات الانفسِ إلى ظلماتٍ تغشت الابصار والبصائر، طبقاتٍ فوق طبقات..
وظُلم الناس ظلماً عظيما..
فخرجت دعوات المظلومين وشواهد الاحوال في ثلث الليل مثقلة بالانات والبكاء والتضرع من ارض الخرطوم إلى سماوات الله ..
وتصاعدت اليها كما مشاهدِ العارف محي الدين بن عربي ..
وجرت نحو السماءِ جريانِ النيلِ في فصولِ الخريف عند محطة ود الماحي ..
فصعد اول ما صعد من ليل الخرطوم الظلم وشهدت له الاحوال،ثم صعدالذل فشهد له الاضطرار، وصعد القهر فشهد له اليتامى، وصعد التسول فشهد له السوق العربي، وصعدت الرشوة فشهد لها القطاع الحكومي، وصعد الخوف فشهد له البوليس في الشوارع، وصعد الضنك فشهد له الإعراض عن ذكرِ الله، وصعد الفُـسقُ فشهدت له الشقق المفروشة، وصعد النزوح فشهد له الاجتياح، وصعد الندب وشهدت له الارامل، وصعد بيع الذمم فشهدت له عمارة ساجدة، وصعدت قلة الحيلة وهوان الناس فشهدت لها الامراض، وصعد التشرد فشهدت له دارفور، وصعد زيف المصالح فشهدت لها اعمال قادة الحركات المسلحة، وصعد النهش في الاعراض فشهدت له قوالات ومقالات، وصعدت النجاسات فشهد لها فيضان النيل، وصعد الفقر المدقع فشهدت له مخصصات أولى الأمر، وصعدت مسؤولية الراعي فشهدت لها قوات الامم المتحدة، وصعد اكل مال الناس بالباطل وشهدت لها جهاز شؤون المغتربين، وصعد الضيم وشهدت له جباية المحليات، وصعد ظلم ذوي القربى فشهد لها النوبيين ..
فما تزال البلايا تتصاعد والشواهد تترداف ثقيلة تنوء بحملها السماوات حتى فُــتح لها ابواب تقبل الدعاء مُـشرعاتٍ بلا حُجب ..
فإذا ماهمَّ الله بأخذ البري بذنب المسي، والقاصي بذنب الداني، والرعية بذنب الراعي، والغرير بفعائل المترصد القاصد، ودارفور باعمال مسلحيها، والحِـلة بذنب المحلية ..
حتى اذا ما كل ذلك ...إذا ببهاء الطلعةِ وحسنِ الصورةِ وصفاءِ الفؤادِ يصعدون مصاعد السماء على مهل..جليلاتُ ُ يُـضئن بحُـسنهن ليلَ الصعود الداجي، ويُـزلن بصفائهن آثار غواشي الذنوب العالقة بين السماء والأرض ..
فاذا بالموكلين بالشواهد عند أبواب التقـبُـل يسالونهم :
من يشهدُ لكم من ارضٍ يُـوشك الله ان يحِـق بأهلها العذاب من أفعال مترفيها؟! |
و نِعم بالله ..
أسعد الخلق بهذا الفتح أنا ..
من بعد عمران و حزبه .
.
|
Post: #16
Title: Re: DKEEN (يتمخطر) بمكتبته بسودانيز أون لاين ........ مبروك
Author: DKEEN
Date: 08-27-2007, 08:10 PM
Parent: #1
لشدما اسعدني
اني تاني حاقدر احصر عدد الجكس الحبيتهم في هذه المكتبة ..
عشان ما اغلط في العدد اواكرر واحدة اكتر من مرة..
|
Post: #17
Title: Re: DKEEN (يتمخطر) بمكتبته بسودانيز أون لاين ........ مبروك
Author: عمران حسن صالح
Date: 08-28-2007, 03:40 AM
Parent: #16
Quote: لشدما اسعدني
اني تاني حاقدر احصر عدد الجكس الحبيتهم في هذه المكتبة ..
عشان ما اغلط في العدد اواكرر واحدة اكتر من مرة.. |
تبــــــــــاً لك !!!!!!!!!
|
Post: #18
Title: Re: DKEEN (يتمخطر) بمكتبته بسودانيز أون لاين ........ مبروك
Author: حيدر حسن ميرغني
Date: 08-28-2007, 03:48 AM
Parent: #17
حأمشي أفتح فرع للمكتبة في كل فرح يقام لجمع رأسين في الحلال
أو تحت اي شجرة تظلل النوار ابو (برتقال)
شكرا بكري
شكرا عمران
كده يادوب صديقتك ارتاحت يادكين
|
Post: #19
Title: Re: DKEEN (يتمخطر) بمكتبته بسودانيز أون لاين ........ مبروك
Author: عمران حسن صالح
Date: 08-28-2007, 04:13 AM
Parent: #18
تسلم يا حيدر
...
بروفايلك كان وجهو (ملائكي) ..
غيرتو ليه
|
Post: #20
Title: Re: DKEEN (يتمخطر) بمكتبته بسودانيز أون لاين ........ مبروك
Author: ولياب
Date: 08-28-2007, 05:54 AM
Parent: #19
التحية لدكين الكتاب خالص
وعقبال ما نشوف فروعك في مكتبة الملك فهد ومكتبة العبيكان ومكتبة جرير .
|
Post: #22
Title: Re: DKEEN (يتمخطر) بمكتبته بسودانيز أون لاين ........ مبروك
Author: عمران حسن صالح
Date: 08-28-2007, 07:52 AM
Parent: #20
العزيز ولياب
لك التحية
| Quote: وعقبال ما نشوف فروعك في مكتبة الملك فهد ومكتبة العبيكان ومكتبة جرير . |
الرياض كده بتضيق علينا يا أستاذنــــــــــا
|
Post: #21
Title: Re: DKEEN (يتمخطر) بمكتبته بسودانيز أون لاين ........ مبروك
Author: حمزاوي
Date: 08-28-2007, 07:39 AM
Parent: #1
حسع دا اسم
تقول شنو امك لصاحباتها اسم راجلي خيري شلال
أنا كمان اسمي مركب معدي جنب شلال
لا حول ولا قوة الا بالله
حسع الاسم لو ما كان مجان كان سمو أبوك شنو
|
Post: #23
Title: Re: DKEEN (يتمخطر) بمكتبته بسودانيز أون لاين ........ مبروك
Author: عمران حسن صالح
Date: 08-28-2007, 07:53 AM
Parent: #21
Quote: حسع دا اسم
تقول شنو امك لصاحباتها اسم راجلي خيري شلال
أنا كمان اسمي مركب معدي جنب شلال
لا حول ولا قوة الا بالله
حسع الاسم لو ما كان مجان كان سمو أبوك شنو
|
|
Post: #24
Title: Re: DKEEN (يتمخطر) بمكتبته بسودانيز أون لاين ........ مبروك
Author: salma subhi
Date: 08-28-2007, 07:53 AM
Parent: #21
مبروووووووووووووووووك يا دكيييين تستاهل
تقديرنا.......
|
Post: #25
Title: Re: DKEEN (يتمخطر) بمكتبته بسودانيز أون لاين ........ مبروك
Author: ابو جهينة
Date: 08-28-2007, 08:13 AM
Parent: #24
عمران
سلام
قال دكين الوغد
Quote: المهم (على قول سمرية)
ُيقال انو عمران هو من باع دهب ام حمودي وتبرع بدفع تكاليف المكتبة..
ويقال انو ده حيدر حسن بالاتفاق مع منظمة غير حكومية..وبت حكومية..
ويقال انو ديل جماعة من المُُـداح عابري السبيل ..
وجاء في بعض الاشاعات انها حبيبة قديمة ضللت عنها السبيل لفرط غشامتي وضيق افقي
والتشبث بما لافائدة ُترجى من ورائه..
وقالو ديل ناس محطة ابو نعامة حين ارتفع منسوب النيل عالياً هذا العام..
والقصد بوست احوال الزوال بصعود نجم البهاء..
والراجح في هذا الامر انو بكري اتبرع بيها ساي لوجه المولى.. |
أنا برشح ناس محطة ابو نعامة حين ارتفع منسوب النيل عالياً هذا العام.. فبوستات دكين تشجع على عمل المتاريس
|
Post: #26
Title: Re: DKEEN (يتمخطر) بمكتبته بسودانيز أون لاين ........ مبروك
Author: DKEEN
Date: 08-28-2007, 01:11 PM
Parent: #21
Quote: تقول شنو امك لصاحباتها اسم راجلي خيري شلال
أنا كمان اسمي مركب معدي جنب شلال
لا حول ولا قوة الا بالله
حسع الاسم لو ما كان مجان كان سمو أبوك شنو |
خيري دي الدمغة بتاعة الدناقلة يا حمزاوي..
يعني فتش في اسمك لو خيري دي مافي نوديك العفاض..
بعدين موش اخير امي تقول لي صحباتا انو اسم زوجها خيري بدل ماواحد صاحبنا
يجي يقول انا اسم امي (حمزاوي)
زول امو اسمها حمزاوي!!
زول ده ولا شجر طرفة؟
|
|