Post: #1
Title: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: تاج السر حسن
Date: 08-26-2007, 10:57 AM
Parent: #0
يا وليد .. روق وسيب الهلال فى حالو
حسدك .. بكتلك .. والقصار ما طالو
المتلك كتار .. غير الودار ما نالو
وكتين "داريو" شب وأخد شبالو
"الحضرى" انبرش .. و(ات) انبرش قبالو
اسحق "الكرنقو" ما فى قون برتالو
صاروخ انطلق قسما يمين، بشمالو
"سيدا" الأنيق .. قائد جميله خصالو
ولدنا "قودوين" ساق الدفاع بى حالو
"كلاتشى" انفرد وحظو عاند ابالو
"جاستن" يا الأواكس .. مغطى ديمه مجالو
"ود يوسف" نحل وراقى فى ارسالو
"ود جبريل" يا ملك، الحضرى (نقنق) مالو؟
الفاروق "عمر" .. النص ملاهو جلالو
"معز" .. حارس أمين ومافى مثالو
هلالنا فوق وما الذ جمالو
|
Post: #2
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: سامى عبد الوهاب مكى
Date: 08-26-2007, 11:00 AM
مزموفوبيا!!
|
Post: #4
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: طرقوش
Date: 08-26-2007, 01:11 PM
Parent: #2
|
Post: #3
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: تاج السر حسن
Date: 08-26-2007, 01:03 PM
يا وليد .. روق وسيب الهلال فى حالو
حسدك .. بكتلك .. والقصار ما طالو
المتلك كتار .. غير الودار ما نالو
|
Post: #5
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: abuguta
Date: 08-26-2007, 01:20 PM
Parent: #3
هلالنا فوق وما الذ جمالو
فى افريقا اسم الزعيم يحلالو
بطل القرن ما قدر اتصدالو
الاقوان الثلاثة بهدلت برجالو
اربعين عام مافى غلب هفالو
محللين الرياضة تغزلو فى حالو
عرب افارقة قالو مش امثالو
الشعب انتشى والفرح حالالو
الى الصبح تغلى امدر وشمالو
الولايات غنت هلا لى.. هلالو
فى الغربة كل زول لابس شالو
البورد لونو ازرق والبياض شفالو
بوستات كتبت فى الزعيم ودلالو
صحاف الصحف تغنى بدلالـو
يومين انغلب ونيتو ما تصفالو
قال ارهبناهم.... يفكى ودجالو
الهلتون مو سكن جميل للابطالو
الصحاف شطح والزعيم نشالو
تجتوج الحبيب فوقك ود بلالو *
غير جمال هلالك دموعى ما سالو
ابقوتة الراوى الطريق ضوالو
سودانا الوطن..للهموم حمالو
شوف نجيمك غاب والبدر هلالو
الحاشية:-
* ود بلال شيخ مشهور فى النيل الابيض ,له بنية
بالقرب من القطينة
|
Post: #6
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: تاج السر حسن
Date: 08-26-2007, 01:25 PM
طرقوش
مالك عاملها واحده وهن 3
|
Post: #7
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: تاج السر حسن
Date: 08-26-2007, 01:27 PM
شغلك نضيف يا ابو قوته
الصحاف فى قبولو أخد السيك
وزميلو قال مربوطه !!
|
Post: #8
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: تاج السر حسن
Date: 08-26-2007, 01:58 PM
حكمة اليوم:-
| Quote: ما أسهل اصطياد الحمام الميت !! |
قال "كوارا .. قال" !!
__________
اضاف الصحاف طبزه جديده الى طبزته السابقه حينما وصف (عصبه) لاعب المورده بأنه (حريف)!
كتب (الصحاف):-
| Quote: * تسرع إيدو في التسديد وعدم تركيزه أمام المرمى تكرر في عدة مباريات بطريقة تؤكد أن إشراكه كمهاجم متقدم يحتاج إلى إعادة نظر. |
الناس البتعرف كوره تعلم أن ايداهو لا ينفع الا راس حربه متقدم ولا فمكانه دكة البدلاء، لأنه لاعب اشتر و(هرد) ما عندو غير الجرى والشوت .. يعنى يلعب فى النص محل (سيدا) ؟؟
|
Post: #9
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: ود المايقوما
Date: 08-26-2007, 03:11 PM
همك الاول والاخير الشهرة ..
بس ... تلقاها عند الغافل
مرة واحد جرب تكتب بدون ذكر سيد البلد ومزمل والوالي والعجب ..
حتجي تلقى بوستك في اسفل السافلين ..
تفكيرك دهـ مثل تفكير داريوكان لمان فكر يحاور العجب ..
هلالابي آآآآآل
|
Post: #10
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: تاج السر حسن
Date: 08-26-2007, 04:19 PM
ود الما يقوما
هاك رساله الى صاحبكم الذى جضمه المريخابى الأصيل وليد المنصورى:-
Quote: وكتين "داريو" شب وأخد شبالو
"الحضرى" انبرش .. و(ات) انبرش قبالو |
|
Post: #11
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: sheba
Date: 08-26-2007, 05:06 PM
لغوياً، فوبيا (Phobia) كلمةً يونانية الأصل وتعني "الخوف من" ، وقد دخلت اللغات الأوروبية، ومنها الإنكليزية، ككلمةً موصولةً مع ما يُراد وصف حالة الخوف المرَضي منه، مثلا كالخوف من الركوب الطائرات (planephobia). ثم أخذت هذه الكلمة استقلالها في اللغة الإنكليزية
من الطبيعى ان يصاب البعض بفوبيا اسمها " مزمل فوبيا " muzamelphobia واصبح اسم مزمل لوحده يشكل " شبحاً " حقيقيا لهم
لازم نشوف اخصائى المرة دى لانو الحالة بقت مستعصية و انا خبرتى فى الطب قليلة .. زى فهمك فى الكورة كدة ... وعلى الطلاق ماتقول حاجة .. الحساب والكشف والفحوصات واجرة الاخصائى والدواء كلها على حسابى
لازم نعمل شوية تحاليل وفحوصات عشان نتاكد – سلامتك وبعد الشر عليك ..تبرا انت من المرض يابا .. انشاء الله عدويك..
لكن على ما اعتقد انو المرض ده ما خطير وما معدى حسب علمى .. رغم انو بيعاود نشاطو كل فترة .. واظن قبل كدة اصبت بى فوبيا مزمل ابو القاسم ... وعالجناك منها ... وليك زمن طويل ما جبت سيرة مزمل ..لكن ظاهر عليك ما كملت العلاج عشان كدة انتكست تانى والحالة رجعت وبصورة اعنف المرة دى ... اللهم احفظنا …
وكمان والله صدقنى زعلان منك لان كمية الاساءات والشتائم في بوستاتك تكاد ان تماثل كل الاساءات والشتائم الموجودة في البورد مجتمعة .ولا اعتقد ان هناك شيئا سيغير طبعك بعد عمرك الطويل هذا والدليل خلافاتك المتكررة التى يعقبها طرد فى كل المنابر.بدءاً بسودانيز اون لاين "هاتريك"..منتدى المشاهير .. منتدى الهلال .. سودانيز اوف لاين و دوت اورغ ... العدد كتير
"سوبر هاتريك " فى الطرد " يا عينى عليك ايه دة ؟؟؟ " زى ما بقول المعلق احمد الطيب فى الجزيرة الرياضية
مسكين .. وتستحق الرثاء كمان ... ... معليش والله ما قصدى اساءة ولا حاجة
|
Post: #12
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: تاج السر حسن
Date: 08-26-2007, 05:16 PM
كتب أحد شرفاء المريخ واسمه "و ليد المنصورى" فى منتدى المريخ ما يلى:-
Quote: رضيتم ام ابيتم .. لله والتاريخ اسجل رائى ( المريخ فاااااااااشل فى تسجيلات المحترفين برتبة مشير ) -- جمال الوالى لا يتعظ من الاخطاء -- كل شى كلفت كلفت -- هو رجل منفق وسخى ولا يبخل على المريخ بشئ هذه حقيقة لا ينكرها الا جاحد ومكابر .. لا خير فيكم ان لم تقولوا الحق ..لا خير فيكم ان دفنتم رؤؤسكم فى الرمال وجلستم تدافعون بالباطل وعن الباطل .. هذا المنتدى لكم ولسماع صوت الحق الجهور منكم فلا تخشوا فى الحق حرجا ... الريس جمال الوالى لا يتعظ من الاخطاء .. اقرب الاقربين اليه سماسرة ومرتزقة يتكسبون منه ومن المريخ .. الجميع يعرفهم والشئ اللى بحير انهم واهمين الناس انهم اهل الوجعة فى المريخ ... افتحوا ملف الفساد فى المريخ بقوة .. اسالوا انفسكم بالله عليكم وبضمير عن الفرق بين محترفى الهلال والمريخ .. عن سر كل الصفقات الخاسرة ( شيكورا ..نيتو ..نجاد ...ابالو ..باولينو ..واخيرا تانا ) ماذا استفاد المريخ من كل هؤلاء ؟ عن دلال اوتوفيستر المبالغ فيه ؟ عن عناده واصراره على الخطا وتهميشه لكل من حوله ؟ رمضان والمكابرابى ما بنحبهم .. بنكرهم لانهم هلالاب حاقدين على المريخ حتى وان تدثر المكابرابى بعباءة المريخ بس كلامهم صاح ( اها تانا طلع مصاب جد جد ) بعد دة مزمل مصر يكضب علينا ويضللنا ويقول دة اصابة ما ليها علاقة بكلام الصحف ( طيب جاتوا من وين ؟ اصيب وهم نايم فى المعسكر ؟ بعدين كذاب اللى بيقول انو ما لاحظ من اول مباراة لاليجا انو الكورة فى راسو فى ولعاب وبيلعب بعقل بس بيتحاشى الالتحامات ؟ طيب من شنو ؟ والله اللى بيحصل فى المريخ دة شى يمغص ويحير ... حرااااااااااام يا بشر اتقوا الله فينا
ولا حول ولا قوة الا بالله. |
وكتب :-
Quote: بعد شوية يطلعوا ليك جمعية محامى مزمل ابو القاسم واصحاب المنافع الخاصة عشان يردوا بالباطل ويواصلوا فى التضليل .. وما بعيد يحرمونا المنتدى دة ذاتو كرهتونا الاحتراف ذاتو .. ارزقية وسماسرة ما بيشبعوا اكلوا مال الريس والمريخ وشبعونا خوازيق .. شمتوا فينا الهلالاب ... ابالو وبولينو وتانا ياخى رووووحوا منعول ابو الاحتراف لو زى ده.
والله باولينو دة لو جاب ماية قووون برضوا ما نافع وابالو دة كان مرقين الف برضو خازوق ما تلعبوا بعواطف الناس وتغشوهم كفاية كفاية كفاية حراااااااااااااااااااام يا بشر. |
|
Post: #13
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: تاج السر حسن
Date: 08-26-2007, 05:19 PM
مع تحياتى (للصحاف) :-
Quote: يا وليد .. روق وسيب الهلال فى حالو
حسدك .. بكتلك .. والقصار ما طالو
المتلك كتار .. غير الودار ما نالو |
|
Post: #14
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: تاج السر حسن
Date: 08-26-2007, 05:35 PM
Quote: تاج السر حسين
عضو هلالي استشاري
عضو هلالي نشط |
- أتشرف وأعتز بمكانى هذا فى منتدى الهلال !!!!!!!!!!!!!!!
|
Post: #15
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: تاج السر حسن
Date: 08-26-2007, 07:23 PM
Parent: #14
منو المنبرش ده ؟؟
الحضرى .. ولا الصحاف ؟؟؟؟؟؟؟؟؟؟؟؟؟
|
Post: #16
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: ABDELMAGID ABDELMAGID
Date: 08-26-2007, 11:46 PM
Parent: #15
و منو كمان ( جه ! )؟؟؟؟؟؟؟؟؟؟؟
كسرة :
|
Post: #17
Title: Re: قصيدة حب مهداة الى (مزمل ابو القاسم) .. برعاية (ابو قوته) !!!!!!!!!!!
Author: abuguta
Date: 08-27-2007, 08:16 AM
Parent: #16
الظاهرة دى شنو يا تاج السر
بوستك برعاتى بقى بوستين
الحكاية شنو
يكونو المريخاب هكرو للبوست فطلع بوستين
بركاتك ياهلال
|
|