البشير بيغني ويقول ليكم

سمير بيقول ليكم :


نلف الدنيا كلها ... والناس تنتج وتزرع ... وتحصد وتصنع ... الا نحن الشعب السوداني ... كثرة الكلام وقلة العمل ... لا خطط ولا حلول .. والناس كلها عايزه البشير يدخل علي بيوتها بي قفة الخضار واللحمه وبطيخه سناريه وعلبة أنناس .... صدق خير القائلين عندما قال ... كلكم راع ...

ورحم الله استاذنا عبد المنعم العقيلي الكان بيدرسنا ويقول لينا ... الوقت كالسيف ان لم تقطعه قطعك ..

اكسبوا زمنكم .... والقومه ليك يا ريسنا ويا فارسنا



والبشير بيغني ويقول ليكم ..

وما في مناتل يجي يقول لي انت انقاذي وكوز والاغنية الادمنوها لاحاسين الصحانه الدوليه والمعسلين في سراير اللجوء السياسي العالمي لا شغل ولا مشغله .....


... علي الطلاق انا ما محسوب الا علي الخالقني رب العالمين ..........

سمير سلمات
غايتو لو غناها البشير
يبقى بالغ
إلا لو يغنيها من باب إن الضد بالضد يظهر!
أصبح الصبح رمز الانتفاض على الطواغيت اللي البشير منهم
وحتى النص الأصلي لقصيدة الفيتوري
أبداً ما هنت يا أفريقيا يوماً علينا
القصيدة كانت تلهب وتلهم حركات التحرر الأفريقية في الستينات حينما كان جلد أفريقيا السوداء يلتمع تحت شموس الخلاص و الحريات و العز و السؤدد

والقومه ليك اختنا لنا ... وتسلمي ...

يا بت اخوي النضال اليوم اصبح مصدر رزق لناس كثيره ... المناضلين الجد عايشين في بطن الخرطوم وبيكتبوا وبيتكلموا بكل حريه .... لكن المصيبه ناس قرع ود العباس ... المهندس فيهم رمي البرجل والمسطره وادمن نضال الكمبيوتر ... والدكتور فيهم اصبح دكتور مع وقف التنفيذ ودكاترتنا المناتلين يا بت اخوي نسوا حتي ربط الجروح بالشاش وكلهم عايشين علي قفا النساوين ... منعول ابو النضال البيخلي الرجال يعيشوا علي قفا النساوين ..

ما قلنا ليهم النقاش عن الوطن غلط ... لكن بنقول ليهم اذية البلد غلط ... والعطالة غلط .. والناس ترمي شهادتها الجامعية وتنسي مهنتها وتصاقر الكمبيوتر اربعة وعشرين ساعه غلط ....

والمصيبة ناس عايزه تناضل من افريكانا القاهرة ... وناس عايزه تناتل وبتفطر قشطه وبتتعشي بيتزا ..

الفرق كبير يا بت اخوي بين النضال والنتال ... والله يكفينا شر عقوق الوالدين وعقوق الوطن ...

وبرضوا بنذكرهم بقول الشاعر السوداني ...

يا بلادا حوت ماثرنا كالفراديس فيضها منن
فجر النيل في اباطحها يكفل العيش وهي تحتضن
رقصت تلكم الرياض له وتثنت غصونها اللدن
وتغنى هزارها فرحا كعشوق حدا به الشجن
حفل الشيب والشباب معا وبتقديسه القمين عنوا
نحن بالروح للسودان فدا فلتدم انت ايها الوطن

Quote: أصبح الصبح رمز الانتفاض على الطواغيت اللي البشير منهم وحتى النص الأصلي لقصيدة الفيتوري أبداً ما هنت يا أفريقيا يوماً علينا القصيدة كانت تلهب وتلهم حركات التحرر الأفريقية في الستينات حينما كان جلد أفريقيا السوداء يلتمع تحت شموس الخلاص و الحريات و العز و السؤدد

الشكر الجزيل يا بت اخوي لنا علي المعلومات عن قصيدة شاعرنا الفيتوري ... وربنا ينور بصرنا وبصيرتنا نحن شعوب افريقيا الغبش ...

لكن البشير الله يخليهو لسودانا الجوا وجدانا ... ويا بت اخوي البشير لو كان رئيسا كعب ما كان جلس المده دي كلها .. والمصيبه نحن رجل الشارع البسيط ما بنصدق المناتلين العاملين فيها مناضلين ...

اخر مناضل ولاجي سياسي في الولايات المتحده الامريكيه ولاية مينسوتا ... طلع مناتل بعد ما ظهر لينا في ندوه عامه في البال توك ... كان بيحكي لينا انو امن البشير رماهو في السجن وعذبوا واتهموه بالتعاون مع المخابرات اليابانيه ضد السودان ... لمن حققنا معاهو وناقشناهوا لقيناهوا استاذ مشهور وكان عندوا كم مدرسه خاصه ومطلوب في قضيه تهمتوا .. اغتصاب التلاميذ .. واقامة الليالي الحمراء علي ادراج التلاميذ بعد ساعات العمل الرسمية ..... قال تواجدوا في المدرسه بعد ساعات العمل الرسمية كان بيصحح كراريس التلاميذ ...

الله غالب يا لنا ... ويهدي الجميع ...