Post: #1
Title: عديلة
Author: zumrawi
Date: 08-25-2007, 12:12 PM
خلى العصافير تشبهك
افتحيلا الباب تخش
تملأ بيناتنا الحنين
تضوى امال الغبش
اسمحيلا تنادى ليك الانتظار
تعيد مواسمك فى الرحيل
الدخرى
والامل البهار
تكونك انت تغنى ليك
ياعديلة الشوق جمح
ياعديلة الليل طمح
تبتديك من اول الهمش المباشر
لى اخر النغم الحنين
والمشاوير البياض
انتباه ...................
خلى العصافير تسمعك
احكيلا عن سيرة غناك
عن وقفتك وكت الضلام نزل ضيوفو
على الدواوين الفساح
والمسافات العدم
عن ضحكتك فى وش عدوك
وبهجتك ماتنتهى
الا اليموت فينا العشم
ونباهى بالفكرة اللى فيك
وين مقلتيك بتلفت
دى السكة عايزة الانتباه
والوعر منها بينمحى
بى شوفة الشوق للشجر
بى تكية النهر المسافر
فى الدجى الساكن
وبالو الانتظار
الفتيحاب 5\2007
|
Post: #2
Title: Re: عديلة
Author: zumrawi
Date: 08-26-2007, 10:37 AM
Parent: #1
فوق
|
|