Post: #1 Title: شكراً بكري ابوبكر شكراً بورداب الخرطوم Author: هاشم أحمد خلف الله Date: 08-25-2007, 09:14 AM Parent: #0
في لفته بارعة وشوق دفين وحب عميق تم الإحتفاء بنا نحن بورداب الخارج في السودان , فكان مشهد تدمع له العينان وتقشعر له الأبدان .
الشكر للمهندس بكري ابوبكر الذي خلق هذا التواصل وهذا الإندماج واستطاع جمع كافة اهل السودان بمختلف أعراقهم ومختلف توجهاتهم في بوتقة واحدة الأ وهي بوتقه سودانيز اون لاين , فكم كنت سعيداً جداً بلقاء إخوة وأخوات كنت أعرفهم فقط بأسمائهم وكتاباتهم ومداخلاتهم واليوم أراهم إمامي حقيقة واقعة وهم كثر ولا أريد أن أقول أسماءهم خوفاً من سقوط اسم احدهم سهواً وتفاديا للحرج, ولكن البرامج التي قدموها لنا كانت بمثابة الحلم الجميل شي لا يوصف ولا أخفيكم سراً إن قلت أن العلاقة التي ربطت البورداب بعضهم بعض قد تجاوزت كل حدود وتحدت العلاقات العائلية وسارت معها كتف بكتف وربما تزيد وهذه حقيقة قد لمستها وأحسستها بنفسي .
اللقاء الأول كان في منزل المهندس / بكري ابوبكر في الحلفاية ( بحري ) والثاني في منزل الأخت منال عوض خوجلي والثالث كان في قندهار . فكان لكل لقاء جمعنا مع بورداب الداخل والخارج له طعم ومذاق مختلف عن الأخر أما اللقاء الرابع فكان رحلة جبل اولياء والذي لم احظي به نظراً لانقضاء عطلتي السنوية والعودة مرة أخري إلي المملكة العربية السعودية – الرياض .
شكراً بكري ابوبكر شكراً بورداب الخرطوم شكراً مني خوجلي وشكراً إلي كل من يمت بصلة رحم إلي الأخت مني خوجلي والتي جسدت الروح الإنسانية بكل تفاصيلها والشكر للمثلث الذهبي المتمثل في الأخوات إنعام حيمورة وإنعام عبد الحفيظ وإشراقة حيمورة والشكر موصول ايضاً للاخوان ناجي الملك , عصام عبد الحفيظ , خالد ماسا , السمؤال , كرفس , طلال عفيفي , شذي بله , عبد المنعم سليمان , محمد عثمان , ملاسي , محمد عكاشة , تبلدينا, مطر قادم , ناذر الخليفة , وصال عالم , وديدي , محمد المرتضي , مهند حيمورة وعذراً لتجاهلي بعض الإخوان والأخوات وهذا ما كنت اخاف منه وشكراً بورداب الخارج علي المشاركة مع بورداب الخرطوم والشكر ايضاً لاصدقاء سودانيزاون لاين ومتابعيه .
Post: #2 Title: Re: شكراً بكري ابوبكر شكراً بورداب الخرطوم Author: انعام حيمورة Date: 08-25-2007, 09:25 AM Parent: #1
الاخ هاشم خلف الله ..
الف حمد لله على السلامة .. تمنياتي لك بعودا حميدا مرة اخرى ..
وهكذا عاد الشاعر هاشم خلف الله من إجازته يحمل إكليلاً من الذكريات الجميلة مع بورداب الخرطوم الأجمل ،،، وقد أفاض بالحديث عن الألفة والحميمية التي ربطته بتلك الكوكبة الرائعة ،، لقد سعدت حقا بالأستماع الى تفاصيل جلسات السمر وسعدنا برؤية بعض البورداب من خلال الصور التي حكت وروت جمال تلك اللقاءات ألف حمداً لله على سلامة الوصول لهاشم
Post: #30 Title: Re: شكراً بكري ابوبكر شكراً بورداب الخرطوم Author: هاشم أحمد خلف الله Date: 08-26-2007, 08:25 AM Parent: #14
Quote: وهكذا عاد الشاعر هاشم خلف الله من إجازته يحمل إكليلاً من الذكريات الجميلة مع بورداب الخرطوم الأجمل ،،، وقد أفاض بالحديث عن الألفة والحميمية التي ربطته بتلك الكوكبة الرائعة ،، لقد سعدت حقا بالأستماع الى تفاصيل جلسات السمر وسعدنا برؤية بعض البورداب من خلال الصور التي حكت وروت جمال تلك اللقاءات ألف حمداً لله على سلامة الوصول لهاشم
صديقي اللدود عادل , حقاً مهما قلت ومهما حكيت ما حااكون وفيت فبورداب الخرطوم رغم المعاناة ورغم
ضيق الوقت إلا انهم يعملون من أجل إسعادك وإظهار الوجه المشرق دائماً فلهم التحايا كيمان كيمان
والشكر للرجل الذي وطدت علاقات البورداب بعضهم ببعض شكراً صديقي عادل جبارة شكراً بكري ابوبكر .
Post: #29 Title: Re: شكراً بكري ابوبكر شكراً بورداب الخرطوم Author: هاشم أحمد خلف الله Date: 08-26-2007, 08:12 AM Parent: #13
Quote: هاشم العزيز
إحتمال الوقت ما كان كافي عشان الناس تتلاق كتير ، لكن جميل إنو الناس في الحياه دي تشوف بعض ..
حمدلله على سلامتك ووصولك ..
الوجيه طلال عفيفي صدقني كان الوقت كافي جداً لمشاهدتكم عن قرب والتمتع بأحاديثكم الشيقة اللذيذة
وانتم تحملون هموم الوطن في داخلكم وفقكم الله وسدد خطاكم فبدونكم السودان قاسي الملامح , شكراً جزيلاً
طلال وشكراً بكري ابوبكر علي منبرك الرائع الذي جمعنا بهؤلاء الشباب الجميل .
Post: #27 Title: Re: شكراً بكري ابوبكر شكراً بورداب الخرطوم Author: هاشم أحمد خلف الله Date: 08-26-2007, 07:54 AM Parent: #12
و حمداً لله بسلامة العودة إلى المملكــة ... كنت أتمنى أن ألاقيك في الخرطوم و لكن نسبة لظروف قاهرة تم تأجيل سفــري ... لكن أتمنى من المولى عزُ وجل أن يجمعنـا في ساعة حب و سرور طالما نحن على وجه البسيطة... و برضو زي ما قلت "شكراً بكري ابوبكر شكراً بورداب الخرطوم" حفظكم الله..
و لكم جميعاً كــل الــود....
Post: #17 Title: Re: شكراً بكري ابوبكر شكراً بورداب الخرطوم Author: هاشم أحمد خلف الله Date: 08-25-2007, 08:29 PM Parent: #16
Quote: اخى هاشم حمد لله على السلامة
بصراحة كل اوردته هنا بالاضافة الى ما قلته لى عن بورداب الخرطوم
يجعلنى احس بأن لى اسرة اخرى حقيقية ولم التقى بها حتى الان
الحبيب الغالي احمد العمار تحياتي القلبية لك ولجميع افراد اسرتك الطيبة وصدقني كل ما قلته عن
علاقة البورداب هي حقيقية بس الناس تسمح النية والله السودانيين ديل وخاصة البورداب زي العسل .
Post: #32 Title: Re: شكراً بكري ابوبكر شكراً بورداب الخرطوم Author: هاشم أحمد خلف الله Date: 08-26-2007, 08:58 AM Parent: #16
Quote: الأخ الجميل هاشم عســاك طيب.......
و حمداً لله بسلامة العودة إلى المملكــة ... كنت أتمنى أن ألاقيك في الخرطوم و لكن نسبة لظروف قاهرة تم تأجيل سفــري ... لكن أتمنى من المولى عزُ وجل أن يجمعنـا في ساعة حب و سرور طالما نحن على وجه البسيطة... و برضو زي ما قلت "شكراً بكري ابوبكر شكراً بورداب الخرطوم" حفظكم الله..
و لكم جميعاً كــل الــود....
الرجل الظريف هيثم عبد العزيز مشتاقين كتير يا رجل تخيل وانا في السودان اشيل واضرب ليك في الرقم
المسجل في البروفايل حقك ومتخيلك في السودان وفي النهاية خلاس قنعتا وقلت ناس السودان ديل كل يوم
يغيروا في ارقام جوالتهم , لكن الان فقط عرفت انك خارج السودان وياريت لو كنت في السودان حاجة تمام
ألف حمد لله على السلامة يا أبو أحمد و ان شاء الله تكون قضيت إجازة سعيدة في ربوع الصحافة ..
Post: #33 Title: Re: شكراً بكري ابوبكر شكراً بورداب الخرطوم Author: هاشم أحمد خلف الله Date: 08-26-2007, 09:13 AM Parent: #21
Quote: ألف حمد لله على السلامة يا أبو أحمد و ان شاء الله تكون قضيت إجازة سعيدة في ربوع الصحافة ..
حسام الدين الجميل شكراً علي السؤال والحمدلله الإجازة كانت حلوة بسبب بورداب الخرطوم والصحافة بخير
مازالت تسبح في برك من الماء , افتقدنا الخيران الزمان لتصريف المياه , شكراً حسام الدين شكراً
بكري ابوبكر إذ جعلت التواصل ممكناً وسهلاً سهل الله لك كل امور الدنيا والاخرة .
Post: #22 Title: Re: شكراً بكري ابوبكر شكراً بورداب الخرطوم Author: ناذر محمد الخليفة Date: 08-25-2007, 11:18 PM Parent: #1
والله يا هاشم ما عارف قول ليك شنو !
الواحد زي القصر معاك كدة .. لكن أمكن جيتي إتزامنت مع مغادرتك رغم فارق الزمن لكن والله ما قدرت أقابلك لأنو كان قدامي رحول وترتيب بيت وحاجات تانية حامياني ..
غايتو أمسحا لينا في وشنا .. والبركة في الما قصرو معاك ..
ألف حمدلله على سلامة الوصول وإنشالله قضيت إجازة سعيدة وسط الأهل هنا !..
Post: #37 Title: Re: شكراً بكري ابوبكر شكراً بورداب الخرطوم Author: هاشم أحمد خلف الله Date: 08-26-2007, 06:46 PM Parent: #22
Quote: والله يا هاشم ما عارف قول ليك شنو !
الواحد زي القصر معاك كدة .. لكن أمكن جيتي إتزامنت مع مغادرتك رغم فارق الزمن لكن والله ما قدرت أقابلك لأنو كان قدامي رحول وترتيب بيت وحاجات تانية حامياني ..
غايتو أمسحا لينا في وشنا .. والبركة في الما قصرو معاك ..
ألف حمدلله على سلامة الوصول وإنشالله قضيت إجازة سعيدة وسط الأهل هنا !..
العريس ناذر والله ابداً مافي إي تقصير ياخي تكفي شوفتكم والحديث معاكم عن قرب , إنتو والله احلي ناس
وربنا يجعل المحبة شعارنا جميعاً لكن التقصير كان مني انا ما جبت ليك هدية الزواج بس المرة الجاية
إنشاء الله تكون هدية المولود والزواج مع بعض شكراً ناذر شكراً بكري ابوبكر علي هذا الحب والود .
Post: #35 Title: Re: شكراً بكري ابوبكر شكراً بورداب الخرطوم Author: Dr. Moiz Bakhiet Date: 08-26-2007, 09:33 AM Parent: #34
ألف حمد الله على سلامتك
أيها الرجل النبيل..
Post: #36 Title: Re: شكراً بكري ابوبكر شكراً بورداب الخرطوم Author: خالد المحرب Date: 08-26-2007, 10:11 AM Parent: #35
الاخ هشام فعلا حصل تواصل جميل عبر سودانيز اون لاين فى كل انحاء المعموره ودا شى جميل بالتاكيد التحيه للاخ بكرى والتحيه لبورداب الخرطوم والداخل فى جميع الولايات والسنه الجايه ا>ا ربنا احيانا ناخدهم رحلة الى ارض البطانة فى خريف 2008 انشاء الله التحيه لك ولهم وربنا يديم التواصل دوما بيننا وشكرا ماشفت صاحبى حبيب نوره فى اجازتك دى .؟؟
Post: #43 Title: Re: شكراً بكري ابوبكر شكراً بورداب الخرطوم Author: هاشم أحمد خلف الله Date: 08-27-2007, 06:38 AM Parent: #36
Quote: الاخ هشام فعلا حصل تواصل جميل عبر سودانيز اون لاين فى كل انحاء المعموره ودا شى جميل بالتاكيد التحيه للاخ بكرى والتحيه لبورداب الخرطوم والداخل فى جميع الولايات والسنه الجايه ا>ا ربنا احيانا ناخدهم رحلة الى ارض البطانة فى خريف 2008 انشاء الله التحيه لك ولهم وربنا يديم التواصل دوما بيننا وشكرا ماشفت صاحبى حبيب نوره فى اجازتك دى .؟؟
اخوي ابو أحمد , حقيقة التواصل الذي تم بين البورداب اصبح شئ جميل جداً والناس بقت اكتر من اهل
شكرا لفتح هذا البوست لنزجي لبورداب الخرطوم الشكر كل بوردابيات الخرطوم بهمتهن العالية و كرمهن الفياض و الحفاوة المتناهية
أما أنا فقد كان لقائي بهم الأول في حدائق المطار أمام نادي إتحاد التنس و الثاني كان معك في منزل الأخ بكري كنت أتمنى زيارة كل واحد في بيته أو مكان عمله و لكن في الخرطوم تشعر أن بساط الوقت ينسحب من تحت أقدامك دون أن تقوم بكل واجباتك الأسرية و الإجتماعية
حقيقة سعدنا جدا بهذه اللقاءات
أسفت لأنني لم أتمكن من لقاء بقية بورداب الخرطوم فبلا شك لكل واحد ظروفه الخاصة و مشغولياته.
كنا نود أن تكون معنا في رحلة جبل أولياء.. وخاصه العصريه لما نزلنا بالكراسي مع المويه! وطبعا دي لأنك زول شاعر وكنت أكيد هاترجع بقصيده أو اتنين.. فاتتك حاجات حلوه كتيره.. أولا بورداب كتار حضروا.. وود النعيم ماقصر معنا ..صباحنا أشرق بصوته.. أما الصديقه مني..فهي تغني وتريخ اعصابك.. وفي انتظار السمك المقلي غنينا مع سيف يمزاج.. وعلي فكره.. وامكن نرجع قندهار..علشان الضبان وحشنا
والباقي تلقاه في مكان تاني..
وكنت أنا محظوظه جدا يا هاشم بأني أقابلك.. وكاني كنت اعرفك من سنين.. والمره الجايه هويدا لازم تكون في معاك.. علشان عدد الأخبه الأتلاقوا يزيد..شوق وحب كبير.. لك ولهم.. ولكل انسان قلبه بيحس بقيمة المحبه والموده..
Post: #47 Title: Re: شكراً بكري ابوبكر شكراً بورداب الخرطوم Author: هاشم أحمد خلف الله Date: 08-27-2007, 01:33 PM Parent: #45
Quote: حمدلله علي سلامتك يا هاشم..والشوق أكوام أكوام..
كنا نود أن تكون معنا في رحلة جبل أولياء.. وخاصه العصريه لما نزلنا بالكراسي مع المويه! وطبعا دي لأنك زول شاعر وكنت أكيد هاترجع بقصيده أو اتنين.. فاتتك حاجات حلوه كتيره.. أولا بورداب كتار حضروا.. وود النعيم ماقصر معنا ..صباحنا أشرق بصوته.. أما الصديقه مني..فهي تغني وتريخ اعصابك.. وفي انتظار السمك المقلي غنينا مع سيف يمزاج.. وعلي فكره.. وامكن نرجع قندهار..علشان الضبان وحشنا
والباقي تلقاه في مكان تاني..
وكنت أنا محظوظه جدا يا هاشم بأني أقابلك.. وكاني كنت اعرفك من سنين.. والمره الجايه هويدا لازم تكون في معاك.. علشان عدد الأخبه الأتلاقوا يزيد..شوق وحب كبير.. لك ولهم.. ولكل انسان قلبه بيحس بقيمة المحبه والموده..
مني خوجلي انت الجمال كله وكفي , شكرً بكري ابوبكر ان جعلتني اتعرف والتقي اطهر وانقي واظرف انسانة
في هذا الزمن الغابر الشين .
Post: #46 Title: Re: شكراً بكري ابوبكر شكراً بورداب الخرطوم Author: هاشم أحمد خلف الله Date: 08-27-2007, 01:19 PM Parent: #44
Quote: الأخ العزيز هاشم
تحياتي
شكرا لفتح هذا البوست لنزجي لبورداب الخرطوم الشكر كل بوردابيات الخرطوم بهمتهن العالية و كرمهن الفياض و الحفاوة المتناهية
أما أنا فقد كان لقائي بهم الأول في حدائق المطار أمام نادي إتحاد التنس و الثاني كان معك في منزل الأخ بكري كنت أتمنى زيارة كل واحد في بيته أو مكان عمله و لكن في الخرطوم تشعر أن بساط الوقت ينسحب من تحت أقدامك دون أن تقوم بكل واجباتك الأسرية و الإجتماعية
حقيقة سعدنا جدا بهذه اللقاءات
أسفت لأنني لم أتمكن من لقاء بقية بورداب الخرطوم فبلا شك لكل واحد ظروفه الخاصة و مشغولياته.
كل إجازة و الكل بخير
الريس ابو جهينة شكرً علي الإطلالة الجميلة بعد طول غياب وشكراً بكري ابوبكر .
Post: #48 Title: Re: شكراً بكري ابوبكر شكراً بورداب الخرطوم Author: عثمان سيد أحمد Date: 08-27-2007, 10:20 PM Parent: #46
ألف حمد لله على سلامتكم يا هاشم يا شفيف
والشكر مضاعف لبورداب الخرطوم 00
لقد فاتتنا مثل هذه اللقاءات الظريفة
ومرحب حبابك يا أب أحمد في رياض الخير 00
مع مودتي 000
Post: #49 Title: Re: شكراً بكري ابوبكر شكراً بورداب الخرطوم Author: هاشم أحمد خلف الله Date: 08-28-2007, 06:30 AM Parent: #48
Quote: ألف حمد لله على سلامتكم يا هاشم يا شفيف
والشكر مضاعف لبورداب الخرطوم 00
لقد فاتتنا مثل هذه اللقاءات الظريفة
ومرحب حبابك يا أب أحمد في رياض الخير 00
والشكر الكتير ليك كمان ايها المسرحي الرائع عثمان سيد أحمد وبورداب الخرطوم ناس حلوين وجميلين
شكراً بكري ابوبكر علي هذه المساحة الحرة والتي قربت الناس بعضهم بعض رغم إختلاف الأراء .