Post: #1
Title: معركة الشعب(الخاسرة) مع الناموس.! و الذباب..ورائحة الادبخانات..من هو المسئول!!؟
Author: TahaElham
Date: 08-24-2007, 07:17 PM
طبعا نحن شعب استاذ و ناس مثقفين كبار ... و نحن اسيادها!!!!؟ و نوع كثير من مثل هذا الكلام المميز .. و هو كلام انسان جريح و مهمش و منفي انسان يفقد انسيانته كل يوم .. في معاركه مع الفقر و توابعه الزلزالية شديدة الفتك
طبيعة المسكن السوداني .. بيت ملك او بيت ايجار .. المهم طبيعته .. تتنوع ما بين الحوش و نص البيت و خلف خلاف و فيلا و شقة الي اخره من انواع السكن
انواع المنافع( وهي دورات المياه) ادبخانة حفرة ... مصاص ... سايفون ... او جردل .. حمامات دش .. لاخذ الshawer انواع ايضا منها حمام زنك و حمام براميل المهم و في بعض نواحي البلاد هناك حمام مسور بالقصب و معروش بالقش حوض اسمنتي بلا لون .. بحواف واطية .. و مصرف .. من هذه المصارف ما يفتح في الشارع و بس ..
وفي بعض الانحاء يختزل الحمام ال .. طشت ta#### و ليست هناك ادبخانة في البيت الناس بتسهل امورها في الخلاء العريض
كل ما اسلفت هو من مترتبات غياب انظمة الصرف الصحي او المجاري .. يا شعب عديم المجاري ... كيف تعيش هذه المدن ..ربك عليم
معركة مواطن القضارف مع الحشرات
ضبان بالنهار
و في المساء معارك مع الجنادب في بداية الليل و معارك مع الناموس طوال الليل.. المقتدرين يمتلكون الناموسيات
الفقر
التهميش
و الاذلال
في كل مكان .......
نحنا و نحنا الشرف الباذخ
دابي الكر شباب النيل
طه جعفر الخليفة طه
|
Post: #2
Title: Re: معركة الشعب(الخاسرة) مع الناموس.! و الذباب..ورائحة الادبخانات..من هو المسئول!!؟
Author: Abdelmoniem ALHAJ
Date: 08-24-2007, 07:49 PM
Parent: #1
صديقنا الزمان
طه جعفر
أول شيئ بركة اللقينا خبرك
تاني شئ أخر شي تفكر فيهو حكومتنا الفالحة دي .. الصحة
هي العاصمة كلو يوم مجاريها طافحة بلا مطرة
خليك من القضارف البعيدة دي
و... إزي الصحة
منعم حسن
|
Post: #3
Title: Re: معركة الشعب(الخاسرة) مع الناموس.! و الذباب..ورائحة الادبخانات..من هو المسئول!!؟
Author: TahaElham
Date: 08-25-2007, 06:58 PM
Parent: #2
الحبيب منعم الحاج
نورت البوست .. و شكرا .. والله زمان .. اشتقنا للجريف ..الاهل جميعا و الاخت هويدا ..و الحبيب الفنان صلاح المر و الاخت دارالسلام
ليكم وحشة تاريخية و شوق عظيم لذلك الزمان الجميل
.. سؤال احدهم عن سبب فقر الناس في مكان ما .. فقال انهم يسبون الريح و ذلك سبب فقرهم
علي الشعب السوداني اجمعين .. ليحقق الانتصار علي الحشرات و يتخلص من رائحة الادنخانات ان يتوقف عن سب الريح .. و يتجه مباشرة بمطالبه العاجلة من اجل نظام صرف صحي منضبط و بيئة صالحة للعيش الانساني عليه ان يتوجه بالشكية لله و هو ابو ايدا قوية
و ربنا يعين
طه جعفر الخليفة
|
Post: #4
Title: Re: معركة الشعب(الخاسرة) مع الناموس.! و الذباب..ورائحة الادبخانات..من هو المسئول!!؟
Author: Adam Omer
Date: 08-25-2007, 09:35 PM
Parent: #3
اخى الكريم بتعرف ان العاصمة الوحيدة فى العالم الى هدا اليوم بدون شبكة صرف صحى هى الخرطوم ونحن فى القرن الواحد والعشرين ويتبجحو تجار الدين والبنزين ان الخرطوم عاصمة الثقافة العربية فى حرب حزب اللة واسرئيل ارسلت عاصمة الثقافة العربية 12 سيارة اسعاف مجهزة بكامل التجهيزات والتكليفة 140الف دولار فقط لاغير و حضر اسماعيل هنيةالى السودان وخرج وهوى حامل 25 مليون دولار فقط لاغيرنقدا لماد لا نتبول ونتبرز فى غارعة الطريق
لك من الود اردب
|
Post: #5
Title: Re: معركة الشعب(الخاسرة) مع الناموس.! و الذباب..ورائحة الادبخانات..من هو المسئول!!؟
Author: jini
Date: 08-25-2007, 09:49 PM
Parent: #4
Quote: كل ما اسلفت هو من مترتبات غياب انظمة الصرف الصحي او المجاري .. يا شعب عديم المجاري ... كيف تعيش هذه المدن ..ربك عليم
معركة مواطن القضارف مع الحشرات
ضبان بالنهار
و في المساء معارك مع الجنادب في بداية الليل و معارك مع الناموس طوال الليل.. المقتدرين يمتلكون الناموسيات
الفقر
التهميش
و الاذلال
في كل مكان .......
نحنا و نحنا الشرف الباذخ
دابي الكر شباب النيل
طه جعفر الخليفة طه |
بصراحة انت زول فاضى وما عندك موضوع!
البلد مستهدفة وانت تقول ناموس وملاريا وتا يفود انشاء الله يموت نصكم عشان النص الباقى يعيش كريم!
نيابة عن حسين ملاسى
تحياتى يا طه
جنى
|
Post: #6
Title: Re: معركة الشعب(الخاسرة) مع الناموس.! و الذباب..ورائحة الادبخانات..من هو المسئول!!؟
Author: ABDELMAGID ABDELMAGID
Date: 08-25-2007, 11:27 PM
Parent: #5
| Quote: معركة الشعب(الخاسرة) مع الناموس.! و الذباب..ورائحة الادبخانات..من هو المسئول!!؟ |
Quote: الناموس ! اللقطع لحمكم !
الملاريا ! التكسر عضامكم !
نقول ليكم مشروع حضارى !
تقولو لى ! ناموس ! و ملاريا ؟؟؟
الزبير محمد صالح |
الله اطراو بالخير ! شيخ الزبير !!!
|
|