|
Re: الاخ هجو الاقرع رجاء الاتصال بي سريعا (Re: معتز القريش)
|
Quote: كمبو الري يا ابوحميد بعد ده بهكر مريخاب بس..!! مريخاب وفرانكلي اصلوا المريخاب (كوم) وفرانكلي كوم
انت ذاتك يا صحبي مشروع كوم يستحق فرزه فاحسن ليك (تصلح) هلاليتك |
يا اخوى كيكى
احنا ما عندنا هلاليه عشان نصلحا ولكن عندنا انتماء للجمال اينما كان والجمال الاصلى فى سودان المريخ
وداير اسالك يا اخوى انتا او معتز انتوا كمبو الرى دا موش الجمب قرية ابو عشر ؟
| |
|
|
|
|
|
|
Re: الاخ هجو الاقرع رجاء الاتصال بي سريعا (Re: على محمد على بشير)
|
Quote: يا اخوى كيكى
احنا ما عندنا هلاليه عشان نصلحا ولكن عندنا انتماء للجمال اينما كان والجمال الاصلى فى سودان المريخ
وداير اسالك يا اخوى انتا او معتز انتوا كمبو الرى دا موش الجمب قرية ابو عشر ؟ |
يازول معتز شن عرفوا بالكنابو والحتات الموغلة في الدهشة دي.. دي زول حنكوش ساكت ما تشوف الفصاحة دي.. لا يا محمد الجنب ابوعشر ده اسمو(كنبو الصنيت) ولكن كمبو الري ده في النيل الازرق في المنطقة الواقعة ما بين الدمازين وسنجة ولو مريت علي البوست بتلقي وصف مكاني بالتفاصيل... .... قناعاتي يا محمد اي سوداني عندو (حبة هلالية) الا ايش نسوي مع قوة الراس بتاعتك دي... ونصيحتي ليك اوع تفرض في حقك الهلالي يازول استهدي بالله وبطل اللولوة دي
| |
|
|
|
|
|
|
Re: الاخ هجو الاقرع رجاء الاتصال بي سريعا (Re: عبدالكريم الامين احمد)
|
Quote: يازول معتز شن عرفوا بالكنابو والحتات الموغلة في الدهشة دي.. دي زول حنكوش ساكت ما تشوف الفصاحة دي..لا يا محمد الجنب ابوعشر ده اسمو(كنبو الصنيت) ولكن كمبو الري ده في النيل الازرق في المنطقة الواقعة ما بين الدمازين وسنجة ولو مريت علي البوست بتلقي وصف مكاني بالتفاصيل...
|
الحمد لله براءة مش قلت ليك يا علي
| |
|
|
|
|
|
|
Re: الاخ هجو الاقرع رجاء الاتصال بي سريعا (Re: عبدالكريم الامين احمد)
|
Quote: ولكن كمبو الري ده في النيل الازرق في المنطقة الواقعة ما بين الدمازين وسنجة |
سلام يا صديقي حكاية الكمبوهات دي مع المساحين شنو .... سنة 2004 كنت في مأمورية بمدينة كنانة في النيل الأبيض ... تخيل كنا ساكنين ويييييييين؟ الطرف الشمالي الشرقي لكمبو 4 .. أي نعم كنا بعيدين عن الأدغال و لكنا ياعزيزي في النهاية من قاطني الكمبو و أذكر ان كمبوهات كنانة كانت كثيرة و 4 و 4.5 و 5 و طبعا كلهم في العشوائي الا كمبو 5 الذي قيل انه تابع لمحلية ربك و يقيم فيه عمال مصنع كنانة المتزوجين و لم يتوفر لهم سكن بواسطة المصنع .... تعرفنا على أهل الكمبو فهم كغيرهم من خلق الله طيبين و مسالمين و مواكبين لأحدث التقليعات ولكن القى بهم القدر في العشوائي مثلهم مثل سكان "مانديلا " و "أبوجا" و "الحكومة مافي " , و كنت استعين بهم و أعينهم للعمل معي في تلك الفترة تحياتي لكم جميعا تراجي معتز كيكي
| |
|
|
|
|
|
|
Re: الاخ هجو الاقرع رجاء الاتصال بي سريعا (Re: معتز القريش)
|
Quote: بس ما تشوف ليك جكس هوب ناحيتنا تجي بي ريحة مريستك دي تتحكحك |
بافتراض انك ما قاصد تراجي.. تراني اقول انو جكس الزمن ده البهوب ناحيتك ده الا يكون (المسي جور) قام بيهن ساكت وجكس بهوب ناحيتك ده بكون جكس (نعسان) ساكت وحمام ميت
| |
|
|
|
|
|
|
Re: الاخ هجو الاقرع رجاء الاتصال بي سريعا (Re: عبدالكريم الامين احمد)
|
Quote: لا يا محمد الجنب ابوعشر ده اسمو(كنبو الصنيت) ولكن كمبو الري ده في النيل الازرق في المنطقة الواقعة ما بين الدمازين وسنجة ولو مريت علي البوست بتلقي وصف مكاني بالتفاصيل...
|
والله ياكيكى لكن لقيتك خطير وصف الواحد لو تابعه بدقه يلقى نفسه تووش فى الكمبو غايتو لكن وصافا قرد
| |
|
|
|
|
|
|
Re: الاخ هجو الاقرع رجاء الاتصال بي سريعا (Re: على محمد على بشير)
|
Quote: تعرفنا على أهل الكمبو فهم كغيرهم من خلق الله طيبين و مسالمين و مواكبين لأحدث التقليعات ولكن القى بهم القدر في العشوائي مثلهم مثل سكان "مانديلا " و "أبوجا" و "الحكومة مافي " , و كنت استعين بهم و أعينهم للعمل معي في تلك الفترة |
يا سلااام ياغباشي كمبوهات كنانة دي اظرف كنابو في الشرق الاوسط وكمبو 5 بالتحديد ملان ملية بشخوص وعالم من النبل الرهيب نادس (بره وكديس الخلاء وعشة لبط).. ودائما يا غباشي الناس ديل طيبين طيبة مبالغة ومخلصين ووفيين شديد وسخيين وفقراء بهامة عالية.. وكما قلت انت فعلا المساحين والناس الشغاليين في الاطراف لهم علاقة وثيقة مع هولا القوم فدائما ما تنشاء علاقة مكانية مابين معسكرات الخلاء والكنابو ولهم كل التحايا والاشواق ناس منضرة وكاويك وكرجول وكديس العرب
| |
|
|
|
|
|
|
|