Post: #1 Title: السودان يهزم ليبيا بهدف مهند وينال كأس النفط Author: Rakoba Date: 08-22-2007, 09:17 PM
فاز الفريق القومي السوداني على نظيره الليبي بهدف دون مقابل، في المباراة الودية الدولية التي جمعت الفريقين مساء اليوم باستاد المريخ، على درع احتفالات تصدير النفط السوداني.
أحرز هدف السودان اللاعب مهند الطاهر في الدقيقة 79 من الشوط الثاني، من كرة ثابتة من خارج منطقة الجزاء، أرسلها قوية لأعلى مرمى حارس منتخب ليبيا سمير عبود، الذي لم يستطيع رغم محاولاته إبعادها.
وخاض منتخبنا هذا اللقاء استعداداً لمباراة تونس في التصفيات المؤهلة لنهائيات أمم أفريقيا، والتي يتصارع فيها منتخبنا مع نظيره التونسي على صدارة المجموعة، بعد ضمان بطاقة التأهل إلى غانا.
وقام الجهاز الفني لمنتخبنا بالدفع بعدد من اللاعبين بغية تجربتهم للاستفادة من خدماتهم مستقبلاً ، وعلى رأسهم علاء الدين بابكر وجيمي ناتالي، وحمودة بشير العائد من الإصابة، كما تم الدفع بالحارس بهاء الدين كحارس أساسي منذ إنطلاقة المباراة.
ولعب المنتخب الليبي مباراة جيدة واستطاع في أكثر من فرصة الوصول إلى مرمى منتخبنا، إلا أن سوء انهاء الهجمات وعدم خبرة عدد من اللاعبين الليبيين حالت دون إحرازهم الأهداف.
وتم تسليم كأس المباراة الودية إلى منتخب السودان، وجوائز عينية للفريق الليبي.
لعب لمنتخبنا في هذه المباراة: بهاء الدين في حراسة المرمى ، ريتشارد، سفاري، علاء الدين جبريل، مهند الطاهر، العجب(جيمي ناتالي) ، علاء الدين بابكر، هيثم مصطفى (أحمد عادل) ، مجاهد أحمد محمد( حمودة) ، قلق.
Post: #2 Title: Re: السودان يهزم ليبيا بهدف مهند وينال كأس النفط Author: keiga2000 Date: 08-22-2007, 09:25 PM Parent: #1
العزيز الرائع راكوبه
Quote: أحرز هدف السودان اللاعب مهند الطاهر في الدقيقة 79 من الشوط الثاني، من كرة ثابتة من خارج منطقة الجزاء، أرسلها قوية لأعلى مرمى حارس منتخب ليبيا سمير عبود، الذي لم يستطيع رغم محاولاته إبعادها.
هدف طبق الاصل من هدف باولينو في الاسماعيلي ؟؟؟؟؟
يعني في استفادة من الخبرة البرازيلية المريخية
تصبح على خير
ابومصطفى
Post: #3 Title: Re: السودان يهزم ليبيا بهدف مهند وينال كأس النفط Author: Rakoba Date: 08-22-2007, 09:30 PM Parent: #2
Post: #6 Title: Re: السودان يهزم ليبيا بهدف مهند وينال كأس النفط Author: Rakoba Date: 08-22-2007, 09:34 PM Parent: #2
ابومصطفى سلامات غايتو العملا فينا البرازيلي في كورة كوارا كانت كبيرة جداً، تسبب في هدفين واهدر هدف ونال بطاقة صفراء!
Post: #4 Title: Re: السودان يهزم ليبيا بهدف مهند وينال كأس النفط Author: gamal Date: 08-22-2007, 09:31 PM Parent: #1
سلام راكوبه مبروك للسودان بدايه موفقه
فييرا مالك فطيتو بالمناسبة
Post: #5 Title: Re: السودان يهزم ليبيا بهدف مهند وينال كأس النفط Author: Rakoba Date: 08-22-2007, 09:34 PM Parent: #4
والله ياجيمي كنت باخد في صور بداية المباراة، لمن جابو "شلاليت" وقفتا مسافة لا إرداياً لمن الصورة اتغيرت وواصلت الشغل!
Post: #7 Title: Re: السودان يهزم ليبيا بهدف مهند وينال كأس النفط Author: شهاب الفاتح عثمان Date: 08-23-2007, 02:50 AM Parent: #5
مبروك للجديـــان
Post: #8 Title: Re: السودان يهزم ليبيا بهدف مهند وينال كأس النفط Author: abuguta Date: 08-23-2007, 07:09 AM Parent: #7
هدف
لا سمح لا حاجة لانو ما جابو البلدوزر الكاس ذاتو من مباراة واحدة...
انت ياراكوبة الكاس دا ارض ارض ولا بسموه شنو
وبعدين عاوز من انتزاع اعتراف كاس الابطال الملعوب فى زيبة العيش دا سوف يعترف به ولا الحكم كان ظالم وتحامل على اسيك العالجى
وبعدين من اسى الكاس دا اسمه ارض ارض لكن نحن همنا كلو 14 نقطة + 5 = 19 نقطة يعنى نحن ناس تصنيف ساى
ياحبيب والله مشتاقين القون ما فتح ماعى
Post: #10 Title: Re: السودان يهزم ليبيا بهدف مهند وينال كأس النفط Author: Rakoba Date: 08-23-2007, 11:40 AM Parent: #8
ابوقوته تحياتي والله المنتخب فاقد القناص مرعب الحراس " هيثم طمبل" وبعودته سوف تزداد مقدمة منتخبنا قوة وضراوة في دك حصون المنافسين، بالأمس حاول علاء الدين "شطارة" وأثبت أنه لاعب مهم مهما حاول إعلام "الضلال" التقليل منه، وربنا يشيفه من مرض الخوف من الطائرات ليستفيد منه المريخ أكثر فأكثر في المباريات الأفريقية المهمة المتبقية له.
Post: #9 Title: Re: السودان يهزم ليبيا بهدف مهند وينال كأس النفط Author: Rakoba Date: 08-23-2007, 11:05 AM Parent: #7
د. شهاب سلامات والمباراة كانت متوسطة ويبدو ان الاجهاد أثر على لاعبي الفريق القومي الذين يمثلون المريخ والهلال، خاصة لاعبي المريخ الذين وصلوا أمس الأول عقب 10 ساعات طيران. نتمنى أن يرتقي الأداء في مباراة تونس المهمة على صدارة المجموعة المؤهلة لغانا 2008
Post: #11 Title: Re: السودان يهزم ليبيا بهدف مهند وينال كأس النفط Author: yasir Abdelgadir Date: 08-23-2007, 12:59 PM Parent: #9
والله زمااااااان يا راكوبة
سلامات..ان شاء الله خير
انتو تلفزيونكم دا بقي محلي ولا اضانكم بقت طرشاء مابتسمع الشينة
ولا احسن خليك عشان ضغطكم ما يرتفع تاني اصلو يادوبو قلت لي ابتدا ينزل بعد معركة زريبة العيش النقلتها كل القنوات الافريقية والعربية والعالمية....الا قناتكم لسة الخبر ماوصلها
ماعلينا...قلت لي
Quote: حاول علاء الدين "شطارة" وأثبت أنه لاعب مهم مهما حاول إعلام "الضلال" التقليل منه، وربنا يشيفه من مرض الخوف من الطائرات ليستفيد منه المريخ أكثر فأكثر في المباريات الأفريقية المهمة المتبقية له
.
دا العلاج منو معروف ياخوي...انتو ماسمعتو الكاش البيقلل النقاش...ولا انتو قايلين نفسكم اشتريتوهو...لاياخوي دا بيتأجر ..وباليوم كمان زي الشقق المفروشةوالدفع مقدما
علاء طيارة بتاع الساعة كم...عليك الله دا لاعب كورة وكمان مهاجم...كتر خير اتوبفيستر الرجعو وراء...انا لو محلو الا يقعد في اخر كنبة
Post: #12 Title: Re: السودان يهزم ليبيا بهدف مهند وينال كأس النفط Author: Rakoba Date: 08-23-2007, 02:34 PM Parent: #11
د. ياسر سلامات الرجل مريض ويتلقى العلاج فعلاً، ومهاراته لا عليها كلام حتى من (الضلاليين).
Post: #13 Title: Re: السودان يهزم ليبيا بهدف مهند وينال كأس النفط Author: yasir Abdelgadir Date: 08-23-2007, 04:22 PM Parent: #12
طيب زمااان ماقلنا انو عنده مشكلة مع ركوب الطائرات ...واعلام الضلال بتاعكم قال مرضو في الهلال بس و انتهي بمجرد انتقاله للمريخ...الجد شنو تاني
Post: #14 Title: Re: السودان يهزم ليبيا بهدف مهند وينال كأس النفط Author: Rakoba Date: 08-23-2007, 05:23 PM Parent: #13
أكيد حالتو وهو في (الضلال) كانت سيئة للغاية، ومع انتقاله للمريخ سافر البلدوز مع الفريق القومي حتى موريشص وكان قبلها هنا في الدوحة. كونه وارد " زريبة العيش" دي براها دايرا ليها علاج، الزول من دخل استاد المريخ ليهوا شهر بعاين في السيراميك والنجيلة!
