|
خلي.........العيش حرام
|
بسم الله الرحمن الرحيم
قال الله تعالى: "والذين إذا أصابتهم مصيبة قالوا إنا لله و إنا إليه راجعون".
بعد الرضاء بقضاء الله و قدره و التسـليم بحكمه وإرادته نرجوا أن نتقدم للشعب السوداني بالعزاء في وفاة مطرب الأجيال و فنان الفنانين الأستاذ المرحوم بإذن الله:
خليل إسماعيل فضل الله
و الذي حدثت وفاته صباح اليوم الإربعاء 22 أغسطس 2007 بمستشفى أمدرمان أثر علة لم تمهله كثيرا. للفقيد الفنان الرحمة و لإسرته و الزميل حمد إسماعيل صادق العزاء.
اللَّهُمَّ اغْفِرْ لَه وَارْحَمْه ، وَاعْفُ عَنْه وَعَافِه ، وَأَكْرِمْ نُزُلَه ، وَوَسِّعْ مُدْخَلَه ، وَاغْسِلْه بِالمَاءٍ وَالثَلْجٍ وَالبَرَدٍ ، وَنَقِّه مِنْ الْخَطَايَا كَمَا يُنَقَّى الثَّوْبُ الأَبْيَضُ مِنْ الدَّنَسِ ، وَأَبْدِلْه دَارًا خَيْرًا مِنْ دَارِه ، وَأَهْلا خَيْرًا مِنْ أَهْلِه، وَقِه فِتْنَةَ الْقَبْرِ ، وَعَذَابَ الْقَبْرِ وَعَذَابَ النَّارِ.
الموسيقيين السودانيين بالمنافئ و المهاجر و الشتات.
|
|
|
|
|
|
|
|
Re: خلي.........العيش حرام (Re: Azhari Nurelhuda)
|
... ... ..لكم الصبر..اسرة الخليل ..حسن العزاء لكم فيه اخى حمد اخى ازهرى ولعركى الثبات العظيم وهذا الفقد الجلل.. ... ليتنى كنت معكم هناك لاتجرع حنظل الفجيعه وفداحة الغياب ... ستبكى دار الفنانين اليوم ستنتحب كل الدور جميل الصبر لك يابلد ...
| |
|
|
|
|
|
|
Re: خلي.........العيش حرام (Re: Azhari Nurelhuda)
|
احى يا ازهرى وا مرى واحنضلى يا خليل اخر مرة لاقيتو فى السودان اتفقنا نمشى ليهو فى البيت انا وعركى والتجانى حاج موسى ما مشينا جانا هو فى نادى الفنانين قعدنا اتونسنا وضحكنا كالعادة كانت اخر مرة واتواعدنا وكترنا الوعود ما كنت حارياها ليهو قلت ليهو يا خليل الصحة كيف ؟ قال لى حديد وسافرت وسافر خليل السفر الابدى قال ل حترجعى متين ؟ الواحد بقى فى كف عفريت قلت ليهو ربنا يديدك الصحة والعافية لمن اجيك واحنضل جبل مرة واسف الامانى العذبة وبنات الكمبا واولاد السودان الكان بغنى ليهم لك الرحمة يا خيل الكلام ورنين الغنا البقى حزين يا حليلك ياخليل وزمن الضحكة وزمن الغنا لك الرحمة ولنا حسن العزاء بفقدك وهو فقد جلل فقد لوتعملون اصاب لهاتنا باليباس وحلوقنا بالحزن الابدى
| |
|
|
|
|
|
|
Re: خلي.........العيش حرام (Re: Azhari Nurelhuda)
|
لا حول ولا قوة الا بالله العلي العظيم
الهم أرحمه واكرمه واحسن اليه فلقد أحسن وأجاد في فنه
فأسعد خلقك التعساء وأدخل الفرح في نفوسهم.
لن أنسى خالتي المرهفة زينب وهي تلفت انتباهي لأغنية
(سليم ذوقك جميل كلك) وتعلق:
( الرسول شوف طعامة الغنا ده)
ألف رحمة ونور لك يا خليل
وألف رحمة ونور تتغشاك يا خالتي في رقدتك الأبدية.
| |
|
|
|
|
|
|
Re: خلي.........العيش حرام (Re: Omer Abdalla)
|
من حسن الحظ أن نتزامل في المعهد خليل (عليه الرحمة) في خامسة (متخرج) و كانت دفعتنا في سنة أولى (لنج من الورقة)
أول محاضرة كورال و أوركسترا.... المشروع كان (دمعة الشوق) أوشان في الوسط صاحب المقترح شرح ماذا يعني الشوق بالليل موسيقيا (بعدين كل زول هنا ماشي براي براي) ما معناه تتفرق كل أقسام الأوركسترا و الكورال لتدرب على عملها منفردة ثم إجتمعنا و أعطى مستر أوشان أشارة الدخول برزانة و ثبات و ابتدرتها الوتريات في تدرج رهيب من الكونترباص ثم الشيلو فالفيولا و الكمان الثاني ثم الكمان الأول لتصدر صوتا بقوس متقطع سريع‘ يخرج من وسطه و ليحلق فوقه صوت (الأبوا) و الذي سكب فيه عمر الخزين روحه مصورا عظمة ورهبة الليل.... وتدرجت دمعة الشوق الحارة سائلة... حتى وصلت إلى نهايتها و التي كانت عبارة عن ترديد للجزء الذي يقول:
(و أنا شوقي مهما إزداد برضي شايفه قليل...) في شكل (صولو) آداء فردي لكل مغني ليستعرض فيه مقدراته الغنائية في أربع كلمات فقط:
أنا شوقي مهما إزداد
ليجاوب الكورال في ثلاث أخرى:
برضي شايفه قليل
إجتمعـت لآدائه أعظم أصوات الغناء السودانية...
و كانت مباراة فاز فيها فنان الفنانين:
خليل.... الجميل (عليه الرحمة)
| |
|
|
|
|
|
|
Re: خلي.........العيش حرام (Re: Azhari Nurelhuda)
|
العزيز أزهرى
العزاء لك ولنا وكل من زامل فنان الفنانيين خليل إسماعيل لا شك أنه سيترك فراغا كبيرا فى الوسط الفنى حيث لم يكن هناك أحد إلا واحب خليل
والصبر والسلوان للاخ حمد والاسرة بالابيض وعزاء خاص لرفيق دربه الاسناذ أبو عركى
وإنا لله وإنا إليه راجعون
| |
|
|
|
|
|
|
Re: خلي.........العيش حرام (Re: maia)
|
لكثرما رددت فى خاطرى اليافع تلك الاغنية التى تبعث الامل وتشد من العزيمة
بكرة تتحقق امانى .... والرياحين تملى دربى ...... والسعادة تكون جزاء صبرى وصنيعى
رددتها فى حلمى وفى عشقى ، وفى كثير من فجيعتى وصدماتى
ورددها الكثيرون مثلى فى سرهم الغض وحزنهم الغامض
فاليرحمك الله ياخليل اسماعيل
فقد خففت عنا كثير من معاناتنا الانسانية
بابكر زيكو
| |
|
|
|
|
|
|
Re: خلي.........العيش حرام (Re: Azhari Nurelhuda)
|
الأخ أزهري الخليل إسماعيل تشرفت بالوقوف خلفه لاعبا للجيتار أكثر من مره .. وقد قلت في مكان ما في هذا المنتدي بانه في تقديري وتقدير كثير من الموسيقيين الذين اعرفهم بأنه مطرب المطربين بدون تقليل من شأن أحد ... له الرحمه واتقدم بمناشده لكل أعضاء سودانييز ون لاين بتبني حمله توثيق لهذا الإنسان وكذلك الهرم عبدالله إبراهيم (أميقو) الذي إنتقل لرحمه مولاه قبلا .. ولكل المعزيين والمواسيين البركه فيكم وفي السودان
| |
|
|
|
|
|
|
Re: خلي.........العيش حرام (Re: yasir yousif faragallah)
|
ياخى دا فنان عجيب
مشهور بسجن الاغانى ومشهور بالترفع عن الصغائر والصغائر هى ما ممكن يغنى لاى زول الا مكان يجد فيه نفسه وما ممكن يطلع اغنية من السجن الا ان تاتى مناسبتها
عشان كدا عائشة الفلاتية قالت ليه انت مسحور وعاوزة توديه لشيوخ مايرنو وسبب سحرو انه بجوه الناس عشان يطلع حفلات برفض
دا ياخى عائش للفن فقط مش للدنيا الا رحم الله ابو الخل
| |
|
|
|
|
|
|
|