Post: #1
Title: ودشيقوق عندى ليك اخبار .
Author: خالد المحرب
Date: 08-21-2007, 11:15 PM
الاخ العزيز الطيب لدى اخبار كتيره جدا من خريف 2007 والله زى حجة الجمعة الجماعة كلهم فاتو بى غادى ....
سميه واحمد يوسف وعلى النعيم ديل البتعرفهم انت....... وندماى بى غادى كل يوم يغازلونى باخر الاخبار من ارض البطانه عبر هاتف الثرياء وبحكوا لى الواقع بان البطانه من الصفيه الى ربوب حاجه تانيه خالص .... ومصرين بالحاح ان احضر اليهم ولو اسبوع قبل رمضان لو كنت متهورا لفعلتها .
فكانها حجة جمعة راحت على
ارجو ان تدخل فى البوست عشان اديك تفاصيل التفاصيل .
|
Post: #2
Title: Re: ودشيقوق عندى ليك اخبار .
Author: خالد المحرب
Date: 08-22-2007, 00:52 AM
Parent: #1
]دُبْ العرْكشَابْ وكتاً يَلوَكوا المُر
تَدبِت للكتال متل الكُباش الغُر
يدعكْوا على الصَّف الدّميهُ تَخُر
ويصْفَ لونم مِتل دَهَب الجْمار الحُر[/
اخى الطيب ديل اهل امى نتيلة بت امحمد ودبشير العركشابيه عقاب الكتله فى ابودليق .
بعد ما فتحت البوست قت اجيب لى مسادير من البطانه
فى نفس اللحظه اتصل بى واحد من اهل امى العركشاب وقال لى تعال يا ود نتيلة
انا كنت دايروا يقولى ود المحرب لكن الزول بعجبو الصارو اديتو العذر ترجم لى كلام امى.....
ولسه عندى ليك اخبار ...
|
Post: #3
Title: Re: ودشيقوق عندى ليك اخبار .
Author: خالد المحرب
Date: 08-22-2007, 01:51 AM
Parent: #2
يا خالق الأرض والصيدة في مرعاها
حلحل روحي من حبل المهانة كفاها
وكت اتذكر الديس المعلـّي قفاهــا
أتِب من نومي واتلافى الهبوب وأختاها
|
Post: #4
Title: Re: ودشيقوق عندى ليك اخبار .
Author: خالد المحرب
Date: 08-22-2007, 01:54 AM
Parent: #3
يا ياقوتة الحضري الحضارمي زبونا
عازه وغاليه طلعن في الثريا فنونا
عاليه اردافا, ضامر هافا, قارن نونا
انكال بالجمــال لامن دفق ماعونا
|
Post: #5
Title: Re: ودشيقوق عندى ليك اخبار .
Author: خالد المحرب
Date: 08-22-2007, 02:02 AM
Parent: #4
هجين حد الجُمال قبله وشمال وجنوب
شهر واسبوع ممقر فوق صعود وحبوب
ذورو صغير وكوعو مع اللباط مــقلوب
أحدب كلو من الفقره للعرقــــوب
قبَّاض قُصة الرِكُب الجنــينه بجرو
أسرع من عجل تكسي الزلط في ترو
هجَّام الغـــرامو بزهد الروح حرُّو
علَّق عارف الشـبَّاب بقوم بي شرو
سكران ليهو دور تمـانيه أيـامي
أخفف فيهو عامل للمسـافه نظامي
فارط القود علي دور المسـادره منامي
رايح أحاسبو بالعيش والصعوت ومقامي
|
Post: #6
Title: Re: ودشيقوق عندى ليك اخبار .
Author: علاء الدين حيموره
Date: 08-22-2007, 02:06 PM
Parent: #5
الطيب اخوي ده انا فاقدو بلحييييييييييييييل في المنبر ده ..
ياريت يعود وينور المنبر ..
مودي يا خالد ويا الطيب وياناس البطانة كلكم ..
|
Post: #7
Title: Re: ودشيقوق عندى ليك اخبار .
Author: عفاف أبو حريرة
Date: 08-23-2007, 07:25 PM
Parent: #6
|
|