شئ طبيعي إنّو فريق بيلعب علي أرضو يفوز ...

لكن الما طبيعي إنّو الفوز يكون علي فريق بحجم الأهلي المصري و بتلاتة أهداف نظيفة ...

وبرضو ما طبيعي إنّو يكون زي فوز المريخ علي دولفين، بنصف دستة ...

يا جماعة سواء كان الهلال أو المريخ الإتنين بيلعبو باسم السودان

عشان كده لازم الناس تخلي النظرة الضيقة بتاعة إنّو لو في فريق سوداني حيفوز، لازم يكون فريقي وبس، والباقي إن شاء الله يتغلب. ولو في كاس إن شاء الله ما يجيبو إلا الفريق البشجعو، ولا عنّو ما جبنا كاس!

أستغرب لكتابات بعض الناس من مشجعي الهلال والمريخ وتبخيسهم إنتصارات الفريق التاني - رغم إنّها محسوبة للسودان. ويزيد إستغرابي لمّا يكون البيكتبو ديل عايشين برّه السودان ..

يعني المفروض الغربة تخليهم أقل حساسية في الموضوع ده ومواضيع تانية كتير ...

ولو من باب أنا وإبن عمّي علي الغريب!

مبروك للهلال إنتصاره المستحق وتأهله لنصف النهائي ..

وعقبال المريخ إن شاء الله ...

مريخابي