Post: #1
Title: حـباب ود الجنــيد محمد الفاتح ..
Author: معتصم دفع الله
Date: 08-20-2007, 08:08 AM
سعدت جداً بانضام أخي الحبيب والشاعر محمد الفاتح الجنيد للمنبر ..
هذا الخبر أدخل السرور إلى قلبي لما لا وهو صاحب قلم جميل وفكر ثاقب ..
كما سعدنا بالتعرف عليه عن قرب ونتشوق الآن لقراءة أشعاره وكتاباته الرائعة ..
ألف أهلاً أخي محمد ..
يلا أدخل بي رجلك اليمين ..
|
Post: #2
Title: Re: حـباب ود الجنــيد محمد الفاتح ..
Author: إسماعيل وراق
Date: 08-20-2007, 08:22 AM
Parent: #1
مرحب بالأخ العزيز ود الجنيد
مرحبا بك إضافة حقيقية للمنبر
فأنت صاحب كلمة وحرف ندي.
.
.
|
Post: #3
Title: Re: حـباب ود الجنــيد محمد الفاتح ..
Author: اساسي
Date: 08-20-2007, 08:25 AM
Parent: #2
والله سوما دي صالحة عديل
بركاتها ظهرت في رابطة الجنيد بالرياض عيانا بيانا
مرحب بالاخ من الجنيد
|
Post: #4
Title: Re: حـباب ود الجنــيد محمد الفاتح ..
Author: إسماعيل وراق
Date: 08-20-2007, 08:26 AM
Parent: #3
Quote: والله سوما دي صالحة عديل
بركاتها ظهرت في رابطة الجنيد بالرياض عيانا بيانا
مرحب بالاخ من الجنيد |
يعرفوك مريخابي كيف يا أساسي..
ود الجنيد دا زوج سوما
|
Post: #5
Title: Re: حـباب ود الجنــيد محمد الفاتح ..
Author: ismeil abbas
Date: 08-20-2007, 12:40 PM
Parent: #1
مرحبآ بك ود الجنيد
أخونا
اساسى أسماء إمراءة صالحة دى ما فيها شك.نحسبها على خير..لكن معتصم دفع الله وجه خير دائما.
ما ملاحظ ما شاء الله دائما ما بجيب إلا كل جميل..
مرحبا بالناس الطيبة مرحبآ بأخونا ود الجنيد بالجد إضافة حقيقية وفاعلة بأذن الله..
مودتى.......إسماعيل محمد أحمد عباس..............
|
Post: #6
Title: Re: حـباب ود الجنــيد محمد الفاتح ..
Author: د.محمد حسن
Date: 08-20-2007, 12:51 PM
Parent: #1
الف مراحب
بالشاعر الاستاذ
محمد الفاتح
مكسب
|
Post: #8
Title: Re: حـباب ود الجنــيد محمد الفاتح ..
Author: ادم الهلباوى
Date: 08-20-2007, 01:08 PM
Parent: #6
بسم الله الرحمن الرحيم
يا مراحب حللت أهلا ونزلت سهلا
يا هلا جيدا جيتو .
|
Post: #7
Title: Re: حـباب ود الجنــيد محمد الفاتح ..
Author: مصدق مصطفى حسين
Date: 08-20-2007, 01:06 PM
Parent: #1
مرحب بالأخ الفاتح الجنيد
موفق بإذن الله.
|
Post: #9
Title: Re: حـباب ود الجنــيد محمد الفاتح ..
Author: عبدالله داش
Date: 08-20-2007, 01:43 PM
Parent: #1
مرحباً
محمد الفاتح العزيز
أهلاً حبابك آلاف
بالتوفيق
|
Post: #10
Title: Re: حـباب ود الجنــيد محمد الفاتح ..
Author: soma
Date: 08-20-2007, 02:11 PM
Parent: #9
حبابو السمح عقابو
شهادتى مشروخةطبعا مش ؟
لكن دى حقيقه ويلا تعال ياابو العيال شتت فرحك فى الساحه
شكرا بعمق النيل لبكرى النبيل
شكرا من القلب للقب لود امى الحنين معتصم دفع الله
شكرا لكل الاحبة المتداخلين ومرحبين وياها المحريه فيكم
يا بورداب الرياض بادرتو بالترحيب كالعاده شايلين الود فى الكفوف
والريد قطوف والمحنة مرويه بالحروف
اساسى حبابك
وضحكتنى بتعليقك.. الفاتح الجنيد الفى الرياض ده خالى يا العشا
اما محمد الفاتح الجنيد ده سيد بيتى وتاج راسى
وحبابكم من تانى
وعلى شرف الجمال نشر الجميل .. وصباحى الليله باااااهى وحنين
صباحك زين ود الجنيد
*****
يصابح وشك الدنيا..
وصباحى معاك نغم صوتك ..
يرتل زى وليد خلوه ..
محكر فيك فى جوفك..
بسيمتو تهش تفرحنا..
تمتع ديمه بى شوفك..
تقشقش دمعتى ا لحارة ..
شعر كلماتو بى حروفك..
قصص مرويه بى شوقنا..
خيوط الوانها من طيفك..
تقرب فى مسافا تنا ..
نهار قعداتو فى جروفك..
مياهو الجاريه من نيلنا..
حصن حارساهو بى سيوفك..
يصابح وشك الدنيا ...
وصباحى معاك نغم صوتك..
يداعب زى حجول طفلة ...
تبرعم ورده لى قطوفك ..
تهم فرحانه لى جيتك ..
تحن مشتاقه لى كفوفك ..
فروع متكيه خجلانه..
تقالد ديمه فى قيوفك ..
غيوم مطوية تتقدل ..
ترف نديانه لخريفك..
يصابح وشك الدنيا..
وصباحى معاك نغم صوتك..
سوما
اسماء الجنيد/ مسقط
|
Post: #11
Title: Re: حـباب ود الجنــيد محمد الفاتح ..
Author: إسحاق بله الأمين
Date: 08-20-2007, 02:55 PM
Parent: #10
يا هلا وألف مرحباً
بأهل السماحة والندى
طبتم وطاب المنبر بانضمامكم
وغدا روضا يانعا أخضرا
فالقلب لكم واحة
وحدقات العيون لكم مسكنا
|
Post: #12
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-21-2007, 05:34 PM
Parent: #11
لقد طوقنى الاخ الكريم بكرى ابو بكر بمعروفه الدفاق ،،،
فقد كانت استجابته السريعة كا نسايم طيبته التى ترش البورد طولا وعرضا ،،،
التحية ليك يابكرى واقبل منى دى :
بكرينا البِكِرْ بكَّر قدل ترحابو
الجود مُجَوِّدْ جيدو والباقى مالى جرابو
بيتك دار محنه اللى الشتات حطابو
لميت العجوز قبل الصغير فى رحابو
تايتك يالملزم منصوبة يوت عند بابو
تكرم للبعيد شايلو الطريق الجابو
النشمى الكلس فى الساحه غز حرابو
حرمان الهبوب تقدر تخم بوتابو
|
Post: #13
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-21-2007, 05:47 PM
Parent: #12
[Quote: B]سعدت جداً بانضام أخي الحبيب والشاعر محمد الفاتح الجنيد للمنبر ..
هذا الخبر أدخل السرور إلى قلبي لما لا وهو صاحب قلم جميل وفكر ثاقب ..
كما سعدنا بالتعرف عليه عن قرب ونتشوق الآن لقراءة أشعاره وكتاباته الرائعة ..
ألف أهلاً أخي محمد ..
يلا أدخل بي رجلك اليمين .. |
الاخ الحبيب معتصم :
كعادتك ابو مروه وسباق دائما ،،،
الله يديك قدر نيتك ، ويكرمك بى بت الحلال البتعلى قدرك ،،،
كان عرفتك عزوبى من زمان كان دعيت ليك فى الكعبة المشرفة ،،،
تسلم يا ملك ...
|
Post: #14
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-21-2007, 05:51 PM
Parent: #13
Quote: مرحب بالأخ العزيز ود الجنيد
مرحبا بك إضافة حقيقية للمنبر
فأنت صاحب كلمة وحرف ندي. |
وراق الرجل الرهيف :
ترحابك برد لى تعب السواقة ،،،
الندى يقطر من جبين بورداب الرياض الإنت واحد منهم ،،،
حياك الله وين ما كنت ...
|
Post: #15
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-21-2007, 05:56 PM
Parent: #14
Quote: والله سوما دي صالحة عديل
بركاتها ظهرت في رابطة الجنيد بالرياض عيانا بيانا
مرحب بالاخ من الجنيد |
الاخ أساسى
بركتك على بركة سوما ،،،
تخلى الحبايب فى السمح ملموما،،،
شكرا على الترحاب الندى ...
|
Post: #16
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-21-2007, 06:01 PM
Parent: #15
Quote: مرحبآ بك ود الجنيد
أخونا
اساسى أسماء إمراءة صالحة دى ما فيها شك.نحسبها على خير..لكن معتصم دفع الله وجه خير دائما.
ما ملاحظ ما شاء الله دائما ما بجيب إلا كل جميل..
مرحبا بالناس الطيبة مرحبآ بأخونا ود الجنيد بالجد إضافة حقيقية وفاعلة بأذن الله..
مودتى.......إسماعيل محمد أحمد عباس.............. |
أخوى اسماعيل :
أنا لى هسه شرقان من زيارتكم ،،،
تقوم تزيد الكوم !!!
العافية تبراك وين ما كنت ياطيب
وشكر موثق على على الترحاب ،،،
|
Post: #17
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-21-2007, 06:06 PM
Parent: #16
Quote: الف مراحب
بالشاعر الاستاذ
محمد الفاتح
مكسب |
دكتورنا الجليل :
آسف ولك العتبى لعدم تعليقى على بوستك الرائع بروعة حضورك ،،،
فحروفى باتت خجلى من سبر غور مفرداته ،،،
ولكن لنا لقاء أكيد ،،،
فأنت الروح والقلم ،،، وانت الجود والشمم ،،،
بوركت يا نعم النشامى ...
|
Post: #18
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-21-2007, 06:10 PM
Parent: #17
Quote: يا مراحب حللت أهلا ونزلت سهلا
يا هلا جيدا جيتو . |
ود البلد هلباوى :
أسعدنى ترحابك كتير ،،،
تسلم روحك الطيبة ...
|
Post: #19
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-21-2007, 06:13 PM
Parent: #18
Quote: مرحب بالأخ الفاتح الجنيد
موفق بإذن الله. |
العزيز مصدق :
والنعم بالله ،،،
وأنا ممنون ...
|
Post: #20
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-21-2007, 06:16 PM
Parent: #19
Quote: مرحباً
محمد الفاتح العزيز
أهلاً حبابك آلاف
بالتوفيق |
عبد الله داش ،، رجل الحرف الباسق :
ترحابك قدل ، ووصل ،،،
لك التحية والتقدير ...
|
Post: #21
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-21-2007, 06:27 PM
Parent: #20
أم العيال حرفك قدل زى نفرة الحـراس
عمـعم بالجميل جيدا كـساهو الـراس
ياكى الموكره فينا زى نخلا وقف متراس
دودرتى القلـوب وقفلـتيها بى ترباس
تسلمى يا أم رامى ...
|
Post: #22
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-21-2007, 06:32 PM
Parent: #21
Quote: يا هلا وألف مرحباً
بأهل السماحة والندى
طبتم وطاب المنبر بانضمامكم
وغدا روضا يانعا أخضرا
فالقلب لكم واحة
وحدقات العيون لكم مسكنا |
القلب الشفيف اسحاق بله :
سماحتك فى سماحة حروفك ،،،
طوقتنى بى جميلك الواحة ،،،
شكرك ما بكفى ،، لكن اليد قصيرة ،،،
لك الود يا طيب ...
|
Post: #23
Title: Re: حـباب ود الجنــيد محمد الفاتح ..
Author: فضيلي جماع
Date: 08-21-2007, 07:00 PM
Parent: #22
عرفت قبل لقائي بك أنك شاعر قوي مجيد. والتقيتك ، فكان الشعر بعضا من طباعك السمحة وأريحيتك التي أزاحت مئونة التكلف بيننا، فكأني أعرفك منذ زمان. لاغرابة أن تكون شاعرا قوي الديباجة أو رصين القول ، فالشعر نفث البيئة والشاعر الحق صدى البيئة ومزمارها. ولطالما شربنا من سلسبيل الشعر في قصيد شريكة حياتك وملهمتك ، الإنسانة الخلوق سوما. فزدنا أنت من ذات المزامير، فالذي تشرف بمعرفتكما مثلي يسعده كثيرا أن يراكما معا في هذا المنبر الذي جمع فأوعى من الأحرار والحرائر من أبناء وبنات بلادنا.
أخي الشاعر الفاتح الجنيد، مرحبا بك إضافة جادة لهذا الفضاء الإليكتروني الرحب!
|
Post: #24
Title: Re: حـباب ود الجنــيد محمد الفاتح ..
Author: فضيلي جماع
Date: 08-21-2007, 07:00 PM
Parent: #22
عرفت قبل لقائي بك أنك شاعر قوي مجيد. والتقيتك ، فكان الشعر بعضا من طباعك السمحة وأريحيتك التي أزاحت مئونة التكلف بيننا، فكأني أعرفك منذ زمان. لاغرابة أن تكون شاعرا قوي الديباجة أو رصين القول ، فالشعر نفث البيئة والشاعر الحق صدى البيئة ومزمارها. ولطالما شربنا من سلسبيل الشعر في قصيد شريكة حياتك وملهمتك ، الإنسانة الخلوق سوما. فزدنا أنت من ذات المزامير، فالذي تشرف بمعرفتكما مثلي يسعده كثيرا أن يراكما معا في هذا المنبر الذي جمع فأوعى من الأحرار والحرائر من أبناء وبنات بلادنا.
أخي الشاعر الفاتح الجنيد، مرحبا بك إضافة جادة لهذا الفضاء الإليكتروني الرحب!
|
Post: #25
Title: Re: حـباب ود الجنــيد محمد الفاتح ..
Author: soma
Date: 08-21-2007, 07:49 PM
Parent: #24
شاعرنا الفضيل فضيلى بى جلالة قدره معانا
شرقت شمسنا باكرية
ورشت مطيراتنابيوتنا ضحوية
كى النتبلم فى الاول من النضمى الشتتو فوق ده(هههههه)
بعدين اجى اطايبك بى احترام
عذرااا يا قامة بى حجم النخيل
حبابك يا جميل من نبع النيل
كل ما عليناهو ان نستظل فى وريف اوراقك يا ملك
ومعرفتنا بيك زادتنا فخر ومعزة يعلم الله
التحايا المكنونه لاسرتك الكريمه
تحية خاصة جدا لام العيال
اختك سوما
|
Post: #26
Title: Re: حـباب ود الجنــيد محمد الفاتح ..
Author: أبووجيدة
Date: 08-21-2007, 07:54 PM
Parent: #1
الغالي / ود الجنيد
نورتنا وألف مرحب بي قدومك ...
في إنتظار كل ماهو جميل وأنت تحمل الكثير الكثير .
... فيض مودتي ...
|
Post: #27
Title: Re: حـباب ود الجنــيد محمد الفاتح ..
Author: محمد المرتضى حامد
Date: 08-21-2007, 08:29 PM
Parent: #26
أولا مرحبا بالجنيد،
ثانيا الشكر ليك يا المعتصم.
ثالثا أنا محتار أقول يارب ده محمد الفاتح الجنيد بعل أختي سوما ولا خالها
لأني استبعدت صهري الفاتح الجنيد أو إبنه محمد الفاتح الجنيد.
على أية حال يا عزيزي الجاي من طرفك وطرف سوما زولنا وواحد وعشرين طلقة مدفعية
ترحيب بمقدمه.
لكم جميعا ود خالص.
|
Post: #28
Title: Re: حـباب ود الجنــيد محمد الفاتح ..
Author: soma
Date: 08-21-2007, 08:44 PM
Parent: #27
دحن يا محمد المرتضى ياخوى
انت قريت الكلام الفوق ده كلو؟
لو قريتو كان عرفت ده خالى ولا بعلى على قولك
انا شتت لى كلام فى لحظه هطول
قلت الشباب ديل ما مشكلة عادى
عارفين البير وغطاها ناس معتصم والشلة
وصاحبك ود الجنيد ما قصر طبق القول
خلانى اتدسدس منكم وفجأة
جانى ناطى اخونا فضيلى
خلانى اتبلم فى ضراى بى طرف توبى الحداى
حتى جيت طايبتو
اها بعد ده كلو ما عرفت ده منو ؟؟
دحين يا خوى امشى سوى ليك تلفون لى زولا بعيد وحنين
وتعال صادى لينا بى مهلة كان تجينا كلك ما ناقص شىء
لك المحنة اطنان ولى ست ريدى وهناى قدرها مرتين
|
Post: #29
Title: Re: حـباب ود الجنــيد محمد الفاتح ..
Author: محمد المرتضى حامد
Date: 08-21-2007, 09:15 PM
Parent: #28
Quote: الفاتح الجنيد الفى الرياض ده خالى يا العشا
اما محمد الفاتح الجنيد ده سيد بيتى وتاج راسى |
الكلام الفوق ده يا سوما عِدِل وواضح لكن فضيلي كلامو دودرني وخلآّني
أظن ، وليس كل الظن إثم ، لكن يا اسماء براك عارفه الحال وأهو قلتيهو تلميحا وتصريحا إضافه
لعاملي السن و ( الضرس) ، صدقيني عندي تلاته أسماء في الهاتف باسم الفاتح الجنيد مما يثبت أن الجنيد هذا مصنعا للسُكّر.
|
Post: #30
Title: Re: حـباب ود الجنــيد محمد الفاتح ..
Author: soma
Date: 08-21-2007, 09:52 PM
Parent: #29
محمد المرتضى وحات الله انت الليلة ما براك
اجيب ليك عاصم البنا فى عقاب الليل
ده يلحن منك دوابى وترنيمه
ما ظنيتو الضرس يابا البدودوى بيك كدى
كر على يا يابا وسلامتك من الكبر (بضم الكاف)
حالتى قلت كلام فضيلى هو البركز ليك الرايحه
وكمان وااااااااااااضح زى الشمس ..
هاك اقرأ ده
Quote: ولطالما شربنا من سلسبيل الشعر في قصيد شريكة حياتك وملهمتك ،
الإنسانة الخلوق سوما. فزدنا أنت من ذات المزامير،
فالذي تشرف بمعرفتكما مثلي يسعده كثيرا أن يراكما معا
في هذا المنبر الذي جمع فأوعى من الأحرار والحرائر من أبناء وبنات بلادنا.
أخي الشاعر الفاتح الجنيد،
مرحبا بك إضافة جادة لهذا الفضاء الإليكتروني الرحب! |
وكان عندو شريكه تانية قول لى عاد النجيك بالدرب يا الافكاتو
واعينك رسمى مدافع .. ولا حتقيف مع صاحبك
فتك بى عافية والف سلامه عليك
|
Post: #31
Title: Re: حـباب ود الجنــيد محمد الفاتح ..
Author: عفاف أبو حريرة
Date: 08-21-2007, 10:04 PM
Parent: #30
مرحب اخونا محمد الفاتح وحبابك الاف
معتصم دايما تجيب الاخبار الحلوه
ست البنات سوما سلامنا بلا حدود
|
Post: #32
Title: Re: حـباب ود الجنــيد محمد الفاتح ..
Author: الرشيد شلال
Date: 08-21-2007, 10:32 PM
Parent: #31
لك التحية الاخ / معتصم ، ومرحبا بالمرهف ودالجنيد مبدعاومضيفامزيدا من الابداع والفيض الشعرى
لكم التحية مجددا ايها الاحباب وعمتم ودا وتواصلا وحبا.
الرشيد شلال
|
Post: #35
Title: Re: حـباب ود الجنــيد محمد الفاتح ..
Author: فضيلي جماع
Date: 08-22-2007, 01:30 AM
Parent: #30
Quote: محمد المرتضى وحات الله انت الليلة ما براك .اجيب ليك عاصم البنا
فى عقاب الليل ده يلحن منك دوابى وترنيمه ما ظنيتو الضرس يابا البدودوى بيك كدى |
قول واحد!
Quote: حالتى قلت كلام فضيلى هو البركز ليك الرايحه
وكمن وااااااااااااضح زى الشمس .. |
إتنين...
ويا سومة إنت عارفة صديقنا المرتضى من فترة معاكم وما معاكم..يعني في مسقط وما فيها..يعني دخل القش وما قال كش! صديقى الأفوكاتو بعرفو صبور وكتوم.بشيشك عليه! وربنا يقرب البعيد !
|
Post: #33
Title: Re: حـباب ود الجنــيد محمد الفاتح ..
Author: مهدى الصادق السيد
Date: 08-21-2007, 10:39 PM
Parent: #1
مرحبتين حباب ابو رامى
ادخل باليمين ديما قدرك سامى
جرابك ملينا شعر ومعانى
زهرة منسية واسعفنى يا الهامى
.............................
اته لمن دواعى سرورنا ان تكون بيننا فانت صاحب باع طويل فى الادب والنثر والقصة
وحقنا ستثرى هذا المنتدى .ابتدى لينا بى زهرة منسية .
شكرا بكرى
|
Post: #34
Title: Re: حـباب ود الجنــيد محمد الفاتح ..
Author: Abd Alla Elhabib
Date: 08-22-2007, 00:31 AM
Parent: #33
Quote: ياكى الموكره فينا زى نخلا وقف متراس
دودرتى القلـوب وقفلـتيها بى ترباس
تسلمى يا أم رامى ... |
عليك أمان الله آسومة..الزول ده خلاص ضمناهو تب !!!
كلام واضح وحلو ومريح : قاليك قفلتيها بي ترباس .
يعنى تانى لو قال ماشى كندا..قولى ليهو عديلة عليك ياأبو رامى
بس للضمان كدا..أشترى ليك طبلة
العزيز الفاتح..مرحب بيك هنا ياصديقى ...والله مشتاقين يافاتح
أسمعنى..أنا خلاص قررت أقفل الدين ..ال50% دى ما بتدخلنى الجنة يازول..دعواتك.
ياخى والله مبسووط منكم..فرحتو الأخوة فى الرياض..الله يفرحكم دنيا وآخرة.
كمان شايفك حاتيهو صاح مع الشباب..
ده الكلام والله..
سلامى لي العفريت مؤيد..الشاب الطموح رامى..والجميلة آية.
يلا..في أمن الله وأمانو..أشوفكم قريب
|
Post: #36
Title: Re: حـباب ود الجنــيد محمد الفاتح ..
Author: waleed500
Date: 08-22-2007, 06:55 AM
Parent: #34
الاخ الاستاذ محمد الفاتح فعلا اضافة حقيقيه للبورد
ومفروض ده يحصل من ذمن بعيد طول ديل اهلنا الغبش
ابان حديثا لمس ولمس دى تب ما عارف معناها ما يجينى واحد
طاير مستفسرا الف مرحب اخى محمد الفاتح
|
Post: #37
Title: Re: حـباب ود الجنــيد محمد الفاتح ..
Author: حمزاوي
Date: 08-22-2007, 07:23 AM
Parent: #1
Quote: يرتل زى وليد خلوه ..
محكر فيك فى جوفك..
بسيمتو تهش تفرحنا..
تمتع ديمه بى شوفك.. |
يا ود الجنيد
تاني شن نقول بعد الكلام الحلو دا
|
Post: #38
Title: Re: حـباب ود الجنــيد محمد الفاتح ..
Author: soma
Date: 08-22-2007, 09:23 AM
Parent: #37
up
|
Post: #39
Title: Re: حـباب ود الجنــيد محمد الفاتح ..
Author: tmbis
Date: 08-22-2007, 09:27 AM
Parent: #38
العزيز ود الجنيد ..
حبابك مليون .. ومنور المكان، يا زين
شرفتونا ومعاك الحنينه .. ومشيتو وشقنا ما خلص ..
نتمو معاكم هنا بجمال حروفكم
مليون مرحب بيك
|
Post: #40
Title: Re: حـباب ود الجنــيد محمد الفاتح ..
Author: ابو جهينة
Date: 08-22-2007, 09:33 AM
Parent: #39
مرحبا بك محمد الفاتح الجنيد
|
Post: #42
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-22-2007, 10:06 AM
Parent: #40
Quote: عرفت قبل لقائي بك أنك شاعر قوي مجيد. والتقيتك ، فكان الشعر بعضا من طباعك السمحة وأريحيتك التي أزاحت مئونة التكلف بيننا، فكأني أعرفك منذ زمان. لاغرابة أن تكون شاعرا قوي الديباجة أو رصين القول ، فالشعر نفث البيئة والشاعر الحق صدى البيئة ومزمارها. ولطالما شربنا من سلسبيل الشعر في قصيد شريكة حياتك وملهمتك ، الإنسانة الخلوق سوما. فزدنا أنت من ذات المزامير، فالذي تشرف بمعرفتكما مثلي يسعده كثيرا أن يراكما معا في هذا المنبر الذي جمع فأوعى من الأحرار والحرائر من أبناء وبنات بلادنا.
أخي الشاعر الفاتح الجنيد، مرحبا بك إضافة جادة لهذا الفضاء الإليكتروني الرحب! |
أستاذى الكبير فضيلى :
لقد طوقتنى بما هو أكثر مما فىً ،،، فشيم العظام التواضع ،،،
لقد أسعدنى ترحابك كثيرا ، وسبق ان سعدت بلقائك فى مسقط ،،،
وكنت أمنى النفس بوجودك الدائم معنا لنجتر بعضا من ذكريات اللحظة الجميلة رغم قصرها ،، ونلحقها بأخريات أكثر أطول ،،،
وما زلت على هذه الامنية عسى أن تتحقق قريبا ،،،
كلماتك تاج أزين بها رأسى ،،،
|
Post: #41
Title: Re: حـباب ود الجنــيد محمد الفاتح ..
Author: zumrawi
Date: 08-22-2007, 09:58 AM
Parent: #1
مرحبا بالخ محمد الفاتح الجنيد
حبابك الف الف الف
تسلم وخش لى جوة
شكرا معتصم دفع الله غلى الترحيب
معى ابناء اختك محمد ومازن الزبير فى الجامعة
|
Post: #43
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-22-2007, 10:14 AM
Parent: #41
Quote: الغالي / ود الجنيد
نورتنا وألف مرحب بي قدومك ...
في إنتظار كل ماهو جميل وأنت تحمل الكثير الكثير .
... فيض مودتي ... |
الحبيب يوسف ابو و جيدة
والله الدار منورة بيكم ياضى القمر ،،،
ترحيبك نسمة ياجميل الروح ،،،
|
Post: #44
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-22-2007, 10:19 AM
Parent: #43
Quote: أولا مرحبا بالجنيد،
ثانيا الشكر ليك يا المعتصم.
ثالثا أنا محتار أقول يارب ده محمد الفاتح الجنيد بعل أختي سوما ولا خالها
لأني استبعدت صهري الفاتح الجنيد أو إبنه محمد الفاتح الجنيد.
على أية حال يا عزيزي الجاي من طرفك وطرف سوما زولنا وواحد وعشرين طلقة مدفعية
ترحيب بمقدمه.
لكم جميعا ود خالص. |
المرتضى الحبيب الماك غريب :
اول فى التبادى كيف حالك ، وكيف علومك ،،،
طولت ما لاقيتك قدام سوبرماركت رواسكو ، أصلوا عامل زى محطة ابوجنزير ،،،
الحاجة دى شايفها شايلاها تقيلة معاك ،،،
لكن معاك حق ، إنت بتعرفنى بى محمد الفاتح ،،،
أخوى معتصم دخلنى بى الفاتح ،،،
الحكاية كلها ديرين يصلوا لى الجنيد دى ، بأقصر الطرق ،،،
لكن ودروك !!!
حبابك وحباب ترحابك ،،،
والاكرمك ياهو البدق بابك ،،،
تعيش يا ملك ....
|
Post: #45
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-22-2007, 10:36 AM
Parent: #44
Quote: مرحب اخونا محمد الفاتح وحبابك الاف
معتصم دايما تجيب الاخبار الحلوه
ست البنات سوما سلامنا بلا حدود |
حباب العفاف ،،
وشكرا على الترحاب الجميل ،،،
دمتى أختى العزيزة ...
|
Post: #46
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-22-2007, 10:42 AM
Parent: #45
Quote: لك التحية الاخ / معتصم ، ومرحبا بالمرهف ودالجنيد مبدعاومضيفامزيدا من الابداع والفيض الشعرى
لكم التحية مجددا ايها الاحباب وعمتم ودا وتواصلا وحبا.
الرشيد شلال |
أخوى الرشيد ،، الرجل الصوفى ،،،
ترحيبك كما صفاء نفسك وسريرتك البيضاء ،،،
الرهافةعندك ،،أدينا منها حبة ،،،
شكرك مدد ...
|
Post: #47
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-22-2007, 11:07 AM
Parent: #46
Quote: مرحبتين حباب ابو رامى
ادخل باليمين ديما قدرك سامى
جرابك ملينا شعر ومعانى
زهرة منسية واسعفنى يا الهامى
.............................
اته لمن دواعى سرورنا ان تكون بيننا فانت صاحب باع طويل فى الادب والنثر والقصة
وحقنا ستثرى هذا المنتدى .ابتدى لينا بى زهرة منسية .
شكرا بكرى |
المهدى النشمى :
تسلم حروفك ،،،
أنا المليان سرور بدخولى بيتكم العامر بالرياض ،،،
ووجودى بينكم عبر الفضاء ،،،
طلبك على العين ،، بس فى ظرف ... خلى بينى وبينك ،،،
واوعدك قريب ،،،
تسلم وتدوم ياحبيب ،،،
تحية خاصة لحرمكم المصون التى أكرمت وفادتنا ،،،
وإيدك ما شاء الله طاعمة ،،،
|
Post: #48
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-22-2007, 11:18 AM
Parent: #47
Quote: Quote: ياكى الموكره فينا زى نخلا وقف متراس
دودرتى القلـوب وقفلـتيها بى ترباس
تسلمى يا أم رامى ...
عليك أمان الله آسومة..الزول ده خلاص ضمناهو تب !!!
كلام واضح وحلو ومريح : قاليك قفلتيها بي ترباس .
يعنى تانى لو قال ماشى كندا..قولى ليهو عديلة عليك ياأبو رامى
بس للضمان كدا..أشترى ليك طبلة
العزيز الفاتح..مرحب بيك هنا ياصديقى ...والله مشتاقين يافاتح
أسمعنى..أنا خلاص قررت أقفل الدين ..ال50% دى ما بتدخلنى الجنة يازول..دعواتك.
ياخى والله مبسووط منكم..فرحتو الأخوة فى الرياض..الله يفرحكم دنيا وآخرة.
كمان شايفك حاتيهو صاح مع الشباب..
ده الكلام والله..
سلامى لي العفريت مؤيد..الشاب الطموح رامى..والجميلة آية.
يلا..في أمن الله وأمانو..أشوفكم قريب |
عبد الله الحبيب ،،،
الأحلى من أكل الزبيب ،،،
ما ظن فى زول قال ليك كدى !!! لوووول
مشتاقيييين بجد والله ،،،
وزى ماقلت أخير ليك تتلم ،،،
خلى البنية المسكينة التلقى ليها حبة وصيفات سود كدى ،
تتباهى بيهم قبل ما تحت شيبك فيها ،،،
ترحيبك هطل ،، وسلامك وصل ،،،
ليك ألف أمنية حلوه ،،،
|
Post: #50
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-22-2007, 11:29 AM
Parent: #48
Quote: الاخ الاستاذ محمد الفاتح فعلا اضافة حقيقيه للبورد
ومفروض ده يحصل من ذمن بعيد طول ديل اهلنا الغبش
ابان حديثا لمس ولمس دى تب ما عارف معناها ما يجينى واحد
طاير مستفسرا الف مرحب اخى محمد الفاتح |
وليد الراقى :
بى قلدة محنة أطايبك ،،،
يالنديد الما بتشبه ترايبك ،،،
وما تسألنى ترايبك دى شنو !!!
أنتم الإضافة الحقيقية لدفاترى ...
لك الود بلا حدود ...
|
Post: #49
Title: Re: حـباب ود الجنــيد محمد الفاتح ..
Author: هند محمد
Date: 08-22-2007, 11:25 AM
Parent: #1
ألف مرحبا شاعرنا ود الجنيد .. نورت المنبر ..تحياتى ..
تسلم استاذ معتصم ..
|
Post: #51
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-22-2007, 11:34 AM
Parent: #49
Quote: يا ود الجنيد
تاني شن نقول بعد الكلام الحلو دا |
الرجل الدهشة ، حمزاوى
يا أحلى جمله زغردت فى أمسية الرياض ،،،
جزم تقول ، وسيبك من كل عزول ،،،
التحية ليك ياود البلد ،،،
|
Post: #52
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-22-2007, 11:43 AM
Parent: #51
العزيز ود الجنيد ..
حبابك مليون .. ومنور المكان، يا زين
شرفتونا ومعاك الحنينه .. ومشيتو وشقنا ما خلص ..
نتمو معاكم هنا بجمال حروفكم
مليون مرحب بيك
رجل المهام الصعبة تمبس :
تلقى الكاميرا هدت حيلك ،،،
حقيقى لمة تشرف ،،،
واخراج مبدع ،،،
ووالله شرقانين لمن سايل ومدفق ،،،
ترحيبك برد الروح ،،،
وتسلم وتسلم ، وتسلم ،،،
طمنا على أحوال الوالد الكريم ...
|
Post: #53
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-22-2007, 11:47 AM
Parent: #52
| Quote: مرحبا بك محمد الفاتح الجنيد |
إزددت شرفابمعرفتك أخى أبو جهينة ،،،
حسك سابق ،،،
الله يديك العافية وين ماكنت
|
Post: #54
Title: Re: حـباب ود الجنــيد محمد الفاتح ..
Author: DKEEN
Date: 08-22-2007, 12:29 PM
Parent: #1
الزول صاحب البشاشة..
وصاحب زوق .. وهاديُ ُكنسيم..
ود الجنيد الفاتح حبابك ..
وسعيد بي عرفتك ..
|
Post: #55
Title: Re: حـباب ود الجنــيد محمد الفاتح ..
Author: soma
Date: 08-23-2007, 09:04 AM
Parent: #54
up
|
Post: #56
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-23-2007, 09:11 AM
Parent: #55
Quote: ألف مرحبا شاعرنا ود الجنيد .. نورت المنبر ..تحياتى ..
تسلم استاذ معتصم .. |
حياكى الله أختى العزيزة هند
البورد منور بأهله،،،
تسلم روحك النقية ...
|
Post: #57
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-23-2007, 09:20 AM
Parent: #56
Quote: الزول صاحب البشاشة..
وصاحب زوق .. وهاديُ ُكنسيم..
ود الجنيد الفاتح حبابك ..
وسعيد بي عرفتك .. |
دكين: ياحزمة من احساس رصين
أنا الأسعد بالجد ،،،
لك الود بلا حدود ...
|
Post: #58
Title: Re: حـباب ود الجنــيد محمد الفاتح ..
Author: KOSTA
Date: 08-23-2007, 10:04 AM
Parent: #57
العزيز الفاتح الجنيد
ليك و لمسقط و السلطنة عمومآ وحشة كبيرة ... و شوق سنين.
سوما شاعرتنا المجيدة حفظها الله سبقتك لهذا المتكا فذكرتنى بالذى مضى من ايام السيب و معهد التدريب و العم الفاتح نورالدين
( انتقل للعمل بالرياض و احتمال كبير يكون وصل الرياض ).
مرحبآ بك عضوآ فاعلآ و انيقآ كما عهدناك
و مرحبآ بك شاعرآ .. يؤنس وحشة الروح فينا.
تحايا لبت الجنيد اسماء.
امتنانى
|
Post: #59
Title: Re: حـباب ود الجنــيد محمد الفاتح ..
Author: الفاتح الجنيد
Date: 08-27-2007, 10:49 AM
Parent: #58
Quote: العزيز الفاتح الجنيد
ليك و لمسقط و السلطنة عمومآ وحشة كبيرة ... و شوق سنين.
سوما شاعرتنا المجيدة حفظها الله سبقتك لهذا المتكا فذكرتنى بالذى مضى من ايام السيب و معهد التدريب و العم الفاتح نورالدين
( انتقل للعمل بالرياض و احتمال كبير يكون وصل الرياض ).
مرحبآ بك عضوآ فاعلآ و انيقآ كما عهدناك
و مرحبآ بك شاعرآ .. يؤنس وحشة الروح فينا.
تحايا لبت الجنيد اسماء. |
الحبيب كوستاوى
تلك ذكريات حفرت على صفحة ذاكرة لن تبلى أبدا ،،،
والحديث عنها مشوق ويطول ،،،
ما عاودك الحنين بالعودة للذى مضى ؟؟؟
شكرا على الترحاب الجذل ،،،
ولك الود دوما ،،،
|
|