وييييييييييييييييين يا فرانكلي

Post: #1
Title: وييييييييييييييييين يا فرانكلي
Author: محمد البشرى الخضر
Date: 08-19-2007, 10:12 PM

قلت لي فاتح الفاير فوكس و مجهز بوستك

قوووووووووووووووول للأهلي
معليش
مشي يومك دا في ناس العراق و القوات الدولية لغاية كورة الترجي

Post: #2
Title: Re: وييييييييييييييييين يا فرانكلي
Author: خالد الطيب أحمد
Date: 08-19-2007, 10:22 PM
Parent: #1

Quote: وييييييييييييييييين يا فرانكلي

إنشاء الله في ستين داهية..

زول ما عندو وطنية بي جنيه ..وما حيظهر الليلة أبدا..

إنتصار الهلال إنتصار للسودان..وكذلك المريخ..

Post: #3
Title: Re: وييييييييييييييييين يا فرانكلي
Author: فيصل نوبي
Date: 08-19-2007, 10:33 PM
Parent: #2

Quote: قلت لي فاتح الفاير فوكس و مجهز بوستك

نحن نحترم الازرق لذا نقول لفرانكلي هاك الكوارا ده بس

مافي داعي لي ستين داهية دي

و هاك النكتة دي
مسطول في بيت البكاء بكا مع اجمل واحده قالوا ليهو دي ما من أهل الميت ... قال ليهم دي الماتو فيها شوية؟

Post: #4
Title: Re: وييييييييييييييييين يا فرانكلي
Author: محمد البشرى الخضر
Date: 08-19-2007, 10:42 PM
Parent: #2

وين يا خلدون شنو الغيبة دي
بركة الهلال الجابك لينا الليلة
قطعتوا راسنا إنت و الدكتور
و خربتوا لينا برنامجنا

ياخي السلام امانة لميري سميث
قليها اوعى تكوني زعلتي يا دكتورة

Post: #5
Title: Re: وييييييييييييييييين يا فرانكلي
Author: خالد الطيب أحمد
Date: 08-19-2007, 10:47 PM
Parent: #4

لاحظت زيك غيبة صاحبك دكتور مصطفي..

نتمني يكون بخير..

وما يكون مسحوب الباسوورد..

شكرا علي السؤال

وألف مبرووك للسودان..

Post: #6
Title: Re: وييييييييييييييييين يا فرانكلي
Author: tmbis
Date: 08-19-2007, 11:22 PM
Parent: #5

يا محمد البشرى ..
ياخي فرانكلي ده تبعي .. ما تلخبط علينا الاختصاصات ..

كدي خليني تاني اللاقيهو حايم في البورد .. دا

Post: #7
Title: Re: وييييييييييييييييين يا فرانكلي
Author: محمد البشرى الخضر
Date: 08-19-2007, 11:29 PM
Parent: #6

سمح
خلي لي راكوبة و الشفت و علي بشير
لكن أقسم لي معاك في أساسي و سامي عبد الوهاب

Post: #8
Title: Re: وييييييييييييييييين يا فرانكلي
Author: tmbis
Date: 08-19-2007, 11:41 PM
Parent: #7

طيب في إتنين كان هبشتهم بخسرك ..

صديق المووج ... وثابت محمد
والاتنين طبعا عاملين زغبير .. واحد قافل جوالو والتاني رسلت ليهو رسالة تهديد عمل نايم برضو

ناس ما عندها ذمة .. زيهم وزي اساسي واحد ..

Post: #9
Title: Re: وييييييييييييييييين يا فرانكلي
Author: محمد البشرى الخضر
Date: 08-20-2007, 00:14 AM
Parent: #8

مافي عوجة ياتمبس
لكن كمان داير منك خدمة
بعد نهاية كورة الترجي و دوري التمانية و إعلان الهلال متصدرا للمجموعة - بإذن الله -
عندي النية أعمل (مقاربة) نقدية لكتابات الوصيفاب أبان إعلان نتيجة القرعة على شاكلة البغل المزامل الخيل و الحديث عن ضمان ست نقاط الهلال للأتيام الأخرى و تقديم إسترحام و كدا
محتاج يدك معانا في اللنكات و التوثيق
عشان نجرد و نشوف البينا و العلينا
قلت شنو؟

Post: #10
Title: Re: وييييييييييييييييين يا فرانكلي
Author: tmbis
Date: 08-20-2007, 00:20 AM
Parent: #9

لالالالالالالالالالايا محمد
في الحتة دي .؟؟
بمتعك ... ياخي انا من زماااان .. بعاين ليهم .. من يوم القرعة ، وعارف بجيبهم ليك وين ..
كان بقيت مارق .. اديني خبــر ..
احسب معاي كدي بالنظرية ..

قالو الفريق النيجيري بتاع اموكاشي .. طقطقناهو ليهم
قالو الترجي .. جا اخد الفيها النصيب
قالو الأهلي .. ووهمة انو فريق القرن وشنوما عارف .. الليلة رقصناهو عشرة بلدي ..

غايتو بعد كدا ما فاضل إلا البرازيل ..
برضو كان جو استاد الهلال بنرشهم ..

Post: #11
Title: Re: وييييييييييييييييين يا فرانكلي
Author: محمد البشرى الخضر
Date: 08-20-2007, 09:09 AM
Parent: #10

يا خوانا فرانكلي ما صحا لسة
قولوا ليه فيه أمريكان ماتوا في العراق و لا أي حاجة

Post: #12
Title: Re: وييييييييييييييييين يا فرانكلي
Author: Haytham Abdulaziz
Date: 08-20-2007, 09:32 AM
Parent: #1

با عمك شوف الصحافة المصرية بعد المباراة كتبت شنو؟؟؟

جريدة الجمهورية

جريدة الأهرام

موقع معجبي الزمالك

و هاك اللقطـة دي يا عمك هدية:

Post: #13
Title: Re: وييييييييييييييييين يا فرانكلي
Author: محمد البشرى الخضر
Date: 08-20-2007, 10:55 AM
Parent: #12

مشكور يا هيثم
فوزي المرضي له يد كبيرة في شكل الفريق الحالي
بثه للحماس وحثه للاعبين للعب الرجولي القوي و الإنصراف للعب الكرة
مبروك لفوزي الأسد